上次係朋友介紹我第一次嚟食，呢間餐廳主打供應飛機直送之時令海鮮、海膽及生蠔。上次食完印象深刻，一直念念不忘要再嚟。今次係轉登番嚟encore 嘅，仲要推薦比另一位超鍾意食魚生嘅朋友嚟試。《海膽丼》（$168）嚟到「海膽仔」，當然必食海膽啦。店員講解每日會因應供貨情況，而有可能選用不同之海膽，而今晚係選用來自兩個不同產地之海膽，包括有加拿大和韓國。海膽入口甘香鮮甜，完全沒有苦澀味，加上紫菜和飯，啖啖都咁滋味。據了解有些餐廳為了令海膽可以保存得更長久，會加入明礬的防腐劑，所以味道才有苦澀味。除了海膽必食，本人另一至愛，必選生蠔。由日本直送《令和の怪物》（$68/隻），絕對係一試難忘，肉質爽口，海水味豐富。今次試多款新野《獨眼龍》（$68/隻），肉質微爽之餘相對較creamy，海水味較淡而蠔味更濃郁甘香。日本蠔更有買五送一優惠，咁就更加抵食。《活赤貝》（$45），朋友同我一樣至愛，每次必食，原隻活赤貝，赤貝肉厚切，肉爽鮮甜。而赤貝群邊側加入青瓜絲，用紫菜卷住，兩種食法各有特色。《火炙左口魚裙邊壽司》（$32/2件）左右魚邊特別魚油豐富，經火炙燒表面，釋放更多魚油脂香味。一口將整件壽司放入口中，滿口充滿左口魚獨特魚香，超級滿足。《刺身定食》（$128）有七款刺身 ：三文魚、吞拿魚、金目鯛、希靈魚、帶子、北寄貝和海蝦。一個定食可以食齊多款時令刺生，配有沙律、湯及飯，抵食之選。《生芥辣八瓜魚》（$58）餐前小食，朋友特別鍾愛，每次食日本野都要叫上。《金紋世界鷹純米吟釀》（$128/300ml)呢款清酒入口甘甜，中段微微辛口感，整體尚算柔和易入喉。正所謂佳餚配美酒，有咁優質嘅食材，必要配上美酒，才更能提升食物味道。不過朋友吾飲酒，所以選了細支裝，份量啱啱好夠我一人份。…Read More
海膽三色丼1 既然叫得做海膽仔，真心想試。雖然係一版海膽，但係真心夠食和夠新鮮，唔會腥。2 醃黃蘿蔔 好食左於唔太硬，夠霖，口感幾好。配菜都做得好3 三文魚腩蓉係好食，不過想香蒽多啲就更好。4 紫菜有四塊，可以自製小壽司🍣包住嚟食添。5 白飯係食夠飽，我5:00食做dinner 都夠知大
