呢間板神鉄板燒bookmark咗好耐，今次因為best friend生日終於有機會去試下；銅鑼灣嘅旗艦店舖係全港最大型嘅鐵板燒店，呢排仲推出咗個體驗活動，响廚師嘅指導下可以烹調一個菜式😄。鐵板金選 • 極品海鮮盛宴二人餐👯♂️🥢刺身五點 五點刺身包括有赤蝦、扇貝、間八、真鯛及吞拿魚，款款都好新鮮。🥢火焰蟹肉魚子醬好有儀式感，記得攞定手機在火光熊熊嘅一刻打卡；盒子內藏魚子醬、蟹肉、拖羅蓉及三文魚籽，鹹香鮮甜共冶一爐。3選2嘅海鮮我哋揀咗👇：🥢象拔蚌：食法可以鐵板燒又或者刺身都得，我哋揀咗刺身，超新鮮，入口爽脆鮮甜。🥢龍蝦拌天使麵龍蝦好大隻好有睇頭，而且仲好多肉添，與龍蝦頭膏一起炒，鮮度與濃度超爆分，肉質爽彈，配合即炸脆卜卜嘅天使麵，吸收哂啲龍蝦汁，好味又創新😋。雖然無揀澳洲鮑魚，但見到隔離枱嘅食客個隻鮑魚有手掌咁大，巨誇張，下次一定要試下。🥢季節魚白鱈魚好厚肉，表面煎得夠香脆，內裡肉嫩多汁又爽彈，以香草牛油烹調，帶香濃嘅牛油味並滲出淡淡嘅香草味。🥢季節煮物蔬菜煮，包括有西蘭花、甜豆、蘿蔔及鮮菇， 雖然話係清一清味蕾迎接下一道菜，但係一啲都唔揸流灘，鮮菇與蘿蔔都煮得好入味又多汁。🥢美國牛肉薄燒及厚燒• 牛肉薄燒：包住脆蒜片及蔥花，惹味香口，另一件我蘸咗啲芝麻味噌醬，有味噌香之餘亦帶生薑嘅香味，使得薄燒牛肉味道層次更加豐富。• 牛肉厚燒：質地軟嫩亦不失口感，牛味濃郁又juicy。套餐並包咗:🥗沙律： 用咗甘筍蓉醬汁，酸酸地好清新。🍚炒飯：師傅炒到飯粒粒粒分明，爽口唔油膩，好有蛋香。🥣味噌湯：味道清香，內有蟹件、昆布及卷麩。漬物： 日本醃蘿蔔🍰甜品：焦糖多士煎到金黃香脆又唔會好甜，牛油味香濃。食下食下都好飽，不過見到板神與Ganto Gelato首次聯成，忍唔住又想試下😝。🍨開心果口味：開心果味濃郁，口感幼滑。🍨芒果雪葩：芒果味夠甜香，質地滑溜溜，食完熱辣辣又好味嘅鐵板燒後，食番杯冰凍透心嘅雪糕，超爽。邊同朋友傾計邊望住師傅好有心機咁烹調，感覺好 治癒，師傅功力好好，所有食材煎得啱啱好，上菜時間亦恰到好處，服務人員都好nice好有禮貌。…Read More
為咗慰勞偉大嘅母親大人🥰，早少少同佢慶祝🍾🍾🍾我哋order咗母親節2人前套餐，另外再加$88生蠔 $88鵝肝1）前菜拼盤-日本水雲-小蕃茄醃漬物-蜆肉酸甜清新，開啟味雷👍🏻相對下蜆肉味道一般，較為遜色2）蟹肉沙律 足料啖啖蟹肉3）刺身五點 中吞拿魚刺身有驚喜，估唔到主打鐵板燒嘅餐廳，刺身都非常新鮮肥美，生蠔🦪更加係肥嘟嘟嘅🥳媽媽食到舔舔脷重頭戲4）澳洲龍蝦及澳洲鮑魚-龍蝦啖啖肉配上脆卜卜嘅天使麵又一驚喜原來佢哋係咁夾嘅嘅🥇-鮑魚嘅鮮，味蕾充斥着海水味😂正5）美國牛肉厚燒-有肉味，夠Juice6）仲額外加咗件鵝肝，-充滿油香7）龍蝦頭味噌湯8）特色甜品一次過滿足晒媽媽嘅所有嘅願望，母親節大快樂😁0-10分食物味道：8服務 ：8環境：9以上為個人意見 只供大家參考之用，謝謝😊
