Jubilee

今日去左北角上堂，上完堂當然要約friend食飯啦！係Hyatt Centric斜對面有一間多國菜餐廳、酒吧叫歡喜，有個大大霓虹燈牌係門口，睇個menu同環境都覺得幾好就入左去。我哋叫咗二人餐$328，包一個主菜、一個意粉、二人份量沙律、餐湯、甜品同飲品。周打蜆湯（跟餐）夠熱但味道比較清淡，除咗蜆肉仲有洋蔥同薯仔。澳洲牛肉眼扒(10oz) （跟餐），牛扒好厚肉，我哋叫左medium rare，絕對無overcooked，煎得外面呈焦香，入面好嫩，配菜仲有烤大蒜、蕃茄同薯仔，好豐富！鹹蛋黃卡邦尼煙肉意大利粉（跟餐）呢個邪惡pasta真係不得了！第一個不得了係個份量，兩個女人食晒真係有難度！第二個不得了係足料程度，鹹蛋黃同卡邦尼嘅芝士同蛋香完美融合，用左起碼兩款煙肉，口感更有層次，超濃郁超creamy！凱撒雞肉沙律（跟餐）用咗好幾款沙律菜同雞柳用凱撒沙律汁拌成加埋芝士粉嘅鹹香，幾惹味。橙香蟹肉沙律（$79）清新沙律之選，滿滿蟹肉加上橙肉舖係沙律菜上面，啖啖都食到柑橘嘅香甜！墨西哥脆片配牛油果醬（$36）見到隔離枱有nichos送啤酒，搞到我哋都跟風叫左一盤，幾香脆，送酒一流！飲品就叫咗兩杯特飲，熱情果白茶益力多、士多啤梨益力多奶昔，個人推薦熱情果白茶，飲落唔會太甜又有熱情果同白茶嘅香味！呢餐飯真係好有驚喜，環境舒服、服務優良、食物性價比高，下次一完要帶多啲朋友去！…Read More

今日約咗兩個閨蜜聚一聚，原本打算去銅鑼灣，但其中一個閨蜜龜速咁出嚟，結果我哋就去佢公司樓下搵佢，佢就叫我哋去呢間歡喜集合。好彩入到嚟仲抓得住Happy Hours嘅尾巴，Suntory生啤只係$38，仲可以優惠價配小食，我哋當然唔會錯過。粗薯條配黑松露醬估唔到份量勁多，黑松露醬都大大兜，勁香勁好味。蜜瓜風乾火腿串係其中一樣我認為性價比極高嘅小食，一碟總共有四串，每串都有兩片parma ham同兩粒蜜瓜，食起上嚟夠晒方便，而且份量極多，真係勁勁勁抵食。然後我哋就叫咗個二人套餐，餐湯係麵豉湯。除咗湯仲有沙律，冇諗過跟餐嘅沙律係大大碟嘅凱撒雞肉沙律，份量簡直係主菜嘅size，而且仲有超多雞肉，好彩我哋係三個人分，先勉強食得晒。主菜我哋揀咗澳洲牛肉眼扒，伴菜仲有蕃茄、黃瓜、薯蓉同原個焗蒜頭，牛扒又係大大塊。牛扒入面嘅肉仍然保持粉嫩。另一值得推介嘅係鹹蛋黃卡邦尼煙肉意粉，卡邦尼意粉加入鹹蛋黃之後就更加香同色澤更加金黃，煙肉經過微微煎香之後就更有鹹香，整體嚟講係食唔停口。跟餐可以半價轉特飲，我哋當然唔會錯過，呢個士多啤梨益力多奶昔充滿士多啤梨香，而且打得夠香滑，大人小朋友都咁啱飲。青瓜青檸梳打就非常Fresh，飲完成個醒晒！最後食埋個甜品，楓糖蛋糕軟綿綿都幾好味。呢間歡喜真係充滿驚喜，我哋三個不約而同話一定會再嚟！…Read More

二人分享 ($328)*openrice 訂座$263二人餐前菜包咗餐湯同凱撒雞肉沙律🥗餐湯係牛肉蕃茄雜菜湯🥫，非常之真材實料，飲到好多雜菜粒外，亦都有牛肉粒，酸酸甜甜非常開胃🤰🏻而凱撒雞肉沙律更加係臥虎藏龍🐉，就咁睇就feel到佢好大盤，但原來底下面全部都係雞肉，而且煮得好滑嫩，配埋小蕃茄、沙律菜同芝士🧀真係100分💯主食方面就係三選一，有澳洲牛肉眼扒、蘋果醬厚豬扒🍎同香煎𩶘魚柳🐟我哋就揀咗肉眼扒加5成熟🥩，不得了肉眼油脂感好重，juicy得黎夠軟腍，而且好重牛味，真係會食唔停口，完全唔覺得heavy🤤💕 另外仲有三選一嘅意大利粉/飯🍝，包括辣雞意大利粉、鹹蛋黃卡邦尼煙肉意大利粉、同埋肉丸闊麵，我哋就揀咗鹹蛋煙肉意大利粉，煙肉份量幾多🥓，而意大利份同鹹蛋醬出奇地夾，整體幾特別亦都易入口✅而是日甜品就係芝士蛋糕同咖啡蛋糕☕️，芝士蛋糕偏實身，都好重芝士同忌廉味🍰而咖啡蛋糕本身唔算好濕潤，配埋cream同朱古力醬食，味道就更加豐富🍫飲品本身包茶/咖啡，而叫無酒精飲品有半價，所以我哋叫咗朱古力Oreo沙冰同雜莓乳酪沙冰 (各+$17) 🍧兩杯都份量好足，Oreo沙冰真係冇得輸，仲有兩枝朱古力捲同Oreo餅，味道幾濃又唔會太甜✨雜莓酸酸甜甜，配埋乳酪香甜得黎又好易入口😋Extra comment🖍•除咗二人套餐，亦都有一人套餐可以叫，價格都係120左右，好抵食🤤🤤另外仲有happy hour時段 ，可以叫酒加小食🍷…Read More