KYO Watami (Man Yee Building)

臨近聖誕，同同事去公司附近食日本菜慶祝，第一個就諗起饗和民。我們2個人眼闊肚窄，咩都想食，見到2個人menu,就立即叫左來食。最後就揀左個豪華2人套餐$498，由前菜到甜品都齊哂，真係唔洗煩。✔️凱撒沙律首先係前菜-凱撒沙律，沙律菜好新鮮，加埋芝士粉同千島醬，十分開胃!我最中意個千島醬另上，岩我位減肥同事。✔️刺身有5款有三文魚, 甜蝦, 帶子, 立魚同三文魚籽。切身好厚切，鮮甜美味，肥瘦適中，用冰鎮上就夠哂凍。我最愛帶子，超大粒。✔️大蝦天婦羅用原隻鮮蝦，每隻長過我手指，最重要天婦羅漿好薄，食落好鬆脆，又唔油，好好味！加上每隻蝦好新鮮，食落好彈牙！✔️炸雞軟骨$48食完個炸蝦天婦羅，我就決定叫炸雞軟骨！果然無令我失望，食落好香脆同咬口，而且好夠味，加少少檸檬汁就剛剛好！✔️日本產縞花魚燒縞花魚燒得油脂豐富，而魚肉鮮嫩多汁，食落唔會腥，魚香四溢，好香口，仲好少骨！不過溫馨提示，一定覅熱辣辣食，我們食左一半擺耐左，就有少少腥，所以一上就食曬佢先品嚐到魚的鮮味！✔️鮭魚溶岩壽司卷分量好大，有6大件。入面係熟既三文魚，配左啲沙律醬同半溶芝士。真係好正，仲好飽肚。✔️和牛壽喜燒🍲和牛牛肉味濃郁，配料--豆腐, 雜菇, 京蔥同紹菜，吸哂湯既精華，令每一啖都有少少甜甜地既壽喜燒湯底味，真係好惹味，我們原本打算加個烏冬，但唸起仲有甜品，就放棄左！甜品🍮雨滴餅，係日本傳統甜品，食落好似果凍，配埋黑糖同黃豆粉，幾特別！好岩食完飯，清清喉嚨。仲包埋飲品，真係好抵食！下次決定同同事再戰，好岩收工後飲下酒，好多款SAKE，好似好正！最重要係裝修好舒服，完全令你覺得去咗日本嘅居酒屋🏮！…Read More

中環番工既應該都知萬宜有間lunch又抵又好食既和民。今晚OT耐左我地決定黎食晚餐，呢度有四款二人餐，由三百幾到九百幾都有，適合唔同budget既大家。我地見$498呢個有天婦羅又有刺身，就揀左呢款豪華二人餐。呢度上菜超快，10分鐘內已經上曬。我地隔離枱仲係日本人添，真係幾正宗。<凱撒沙律>係好經典既羅馬菜、番茄仔、麵包脆脆、煙肉加芝士碎呢個配搭。配上凱撒沙律醬，夠曬開胃。<五點刺身盛合> 有厚切油甘魚、薄切三文魚、帶子、甜蝦、三文魚籽。擺得好靚，食落都夠鮮。<鮭魚溶岩壽司卷>呢個真係賣相幾靚，係熱食黎既，入面係熟既三文魚，配左啲沙律醬同半溶芝士。真係好正，係飽肚既主食。<大海老天婦羅盛合>真係超大碟，有五條天婦羅蝦。每條都超巨型，個炸皮唔算話好薄，但係入面啲蝦都幾鮮嫩。<炙燒珍寶雞腿>真係幾珍寶，好大份，而且個汁甜甜地，本身雞腿肉就係嫩滑多汁，配啲沙律醬真係超美味。<九州和牛壽喜燒鍋>和牛份量唔算多，有四塊左右，都幾嫩幾有牛味。下面有啲菜有啲菇，個壽喜燒湯甜甜地好正，真係想追加個烏冬飲埋啲湯但係真係太飽喇。<飲品>本身跟餐有飲品，我地揀左熱檸茶同熱蜂蜜生薑茶。好欣賞呢度就算熱飲都係透明杯，影相都係咁靚哈。<雨滴餅>最後甜品都好正，係呢個透明蒟蒻配黃豆粉仲有蜜糖，係個冰涼爽口既美味甜品，味道唔會好甜。今晚晚餐食得超飽超滿足，和民原來晚餐都咁抵食，第日真係黎多啲喇！…Read More

先不說食物，這裡的服務是意想不到的好！.入座的時候，店員會用日語熱情地說歡迎，然後一呼百應，其他店員也在四面八方說歡迎，嘩我的確有一絲絲感動！然後一直他們的服務都超超超好，很有禮貌而且很重視我的每一個需求。超贊！.好吧，來到食物，我們點了個「豪華二人餐」，份量很多基本上可以3-4個人食，而且質素很高，價錢又不貴（$498有10樣東西），性價比超高的。.飲品：加$19可upgrade 特飲。（左）韓國紅石榴醋伴鮮果&（右）韓國藍莓醋伴鮮果）賣相超OK，而且很fruity，滿滿鮮果味，清新爽利。我還見到有sake menu，價錢也很合理，到這happy hour 也是個好地方。.凱撒沙拉（半份）確定是半份嗎？這可以是我的一個午餐呀。.刺身（5品）5種刺身用木盆放著，包括：油甘魚、三文魚、帶子、蟹籽、甜蝦。全部都很新鮮，油甘魚及三文魚更是厚切的！.主食我們選了⭐️蒲燒鰻魚壽司卷（8件）鰻魚肥美，燒得入味。中間卷著玉子及青瓜，飯沾上芝麻，味道很有層次。.⭐️日本產縞花魚燒好奇check 了一下主菜單，這條魚原價是$168！豐滿魚的油脂香，燒得剛剛好，外面少少脆，魚汁充分地保留了。完全沒有魚腥味，魚骨不多，很方便食。超好食的！.⭐️九州和牛壽喜燒鍋（小）看看牛肉是油脂分布均勻，有雪花紋，就知道是好東西！鍋中很有很多蔬菜，包括豆腐、金菇等，還有一隻日本雞蛋。很豐富的鍋，確定是「小」鍋嗎？.⭐️大海老天婦羅盛合超大條！共有4條天婦羅蝦，擺設美美的。每一個蝦非常的大隻，蝦肉爽口，食得出很新鮮，而且又做隔油的功夫所以不會油膩。.⭐️雨滴餅甜品也是充滿驚喜，擺設得將兩艘船，中間的雨滴餅像是水。黃豆粉有烘焙過的煎香味，伴上黑糖食味道是Perfect match。.結賬的時候，店員還會來個90度鞠躬，我是到了日本嗎？非常值得來感受一下他們的熱性。…Read More

經過左三日連續放假，個人仲係放假mode🤣收工就一於同朋友去食返餐好朋友提議去公司附近食，天氣咁熱想食日本菜，就立即諗起饗和民，一去到見到裝修唔同左，燈光光猛左同裝修得更日本feel，就係好岩收工輕鬆下而家仲好抵食，有好幾款套餐可以揀最後就揀左個豪華2人套餐$498，由前菜到甜品都齊哂前菜係凱撒沙律，沙律菜好新鮮，加埋芝士粉同千島醬，十分開胃刺身有5款--三文魚, 甜蝦, 帶子, 立魚同三文魚子，用冰鎮上就夠哂凍，而且食落都好新鮮同肥美呢個天婦羅都好推介天婦羅漿好薄，食落好鬆脆而且D蝦好新鮮，食落好彈牙友人覺得佢既炸物好正，決定叫多款--炸雞軟骨，賣相好似麻麻😂但食落好香脆同咬口，而且好夠味縞花魚燒得油脂豐富，而魚肉鮮嫩多汁，食落唔會腥，魚香四溢鰻魚控見到呢個當然叫鰻魚食落肥美甘香 ，配埋蒲燒汁十分惹味，加埋青瓜玉子，食落更爽口冇咁膩鍋物揀左個和牛壽喜燒🍲和牛牛肉味濃郁，配埋甜甜地既壽喜燒湯底更惹味而且配料都好豐富--豆腐, 雜菇, 京蔥同紹菜，吸哂湯既精華，唔洗配其他醬汁已經好夠味甜品係雨滴餅，係日本傳統甜品，食落好似果凍，配埋黑糖同黃豆粉，幾特別仲包埋飲品--叫左巨峰提子梳打同凍檸檬茶下次選假日前黎食就可以試下呢到清酒，餐牌會寫埋清酒資料同口感，好方便選到自己喜歡的🍶總括黎講：食物質素高，價錢相宜抵食，環境又坐得舒服，CP值高🍳🍴味道: 9/10👩👨服務: 9/10🏠💺環境: 9/10💰💸抵食: 9/10總消費: $600 (2人)…Read More