Mixian Site (Closed)

成日都想發掘新既食lunch地方，今次俾我地搵到呢間米線營，有窩心小菜二人餐食，價錢又唔太貴，正我地叫既窩心小菜二人餐有一煲「砂窩雲吞雞」，一碟「蒜泥白肉」，仲有一人一碗米線(可以自選湯底，不過清湯以外既選擇就要+$1)同埋2杯野飲，我要咗個番茄湯底，同事就要左個麻辣湯底~番茄湯底幾清甜，唔似用粉開出黎，似真係熬出黎既同事話麻辣湯底都夠麻夠辣，唔錯砂窩雲吞雞都幾大鍋下，有半隻雞，都足料架！雲吞就少左d得3粒，唔可以平均分配所以本人獨食左2粒，雲吞做到皮薄餡靚，我鍾意呀至於雞就不過不失啦，個人認為雞肉未算非常之嫩滑，不過同事話接受到~而菜佢都有2種，分別係小棠菜同娃娃菜，特別係娃娃菜夠入味，正！蒜泥白肉既蒜泥好重手，所以蒜味香濃，白肉唔會太肥，仲有花生粒鋪底，個人幾鍾意呢道小食我地加左幾蚊雞轉特飲，我叫左杯芒果鐵觀音，聽個名好得意，茶同水果點樣mix埋一齊？原來真係mix得埋架喎，仲出其地夾添！茶既甘味中和左芒果既甜味，出到黎好好飲，其實野食未上齊之前我都差唔多飲哂至於同事叫既洛神花茶佢話好好味喎~我幾欣賞佢既特飲，選擇唔少，而且都係啲坊間少見既特色飲品我同同事都覺得幾抵食，夾夾埋埋平均每人都係食左七十蚊~I will be back…Read More

佛誕去咗米線營，點咗個自併素食米線。加埋杯凍芒果鐵觀音，都係$41。其實只要點哂D配菜為素食，咁就可以食一碗素食米線。米線     $25田園蕃茄湯  $0金菇     $0唐生菜  $5凍芒果鐵觀音 $11個米線賣相好得。加上個湯底好甜。金菇同唐生菜好爽口。米線好彈牙。凍芒果鐵觀音都唔錯。但係冰塊好似多咗D。值得推介。…Read More