URBAN Café Commune (形點 I)

本來打算飲個早茶，但等位的人太多，於是決定到Urban吃個午餐。想一提的是，這裡餐具的茶水漬很多，如果大家來的話記得先浸抹一下餐具才用。是日餐湯為龍蝦湯，湯有海鮮的鮮味，每碗湯都有兩舊小龍蝦肉，雖然龍蝦肉無味道，但看到有龍蝦肉都是賞心悅目。法國鵝肝牛肉漢堡味道大好。軟嫩的鵝肝置於漢堡扒之上，漢堡扒熱力將鵝肝稍稍融化，鵝肝油脂香與多汁味美的牛肉十分合拍。漢堡的麵包烘得脆，加上甜甜的醬汁為整個漢堡更添風味。清而不淡的凍桃茶，很適合配上漢堡，充分沖去油膩感。至於晨光第一炮，個人就認為這個價錢不值得。整個餐最好食的就是炒雜菇，菇味濃郁，調味恰到好處。牛角包也不錯，皮脆，牛油味也香，但整個吃下起來就真的太乾了。…查看更多

同好友去YOHO MALL搵食，見到好多餐廳都要排隊，最後都係決定去尼間唔需要排隊既URBAN Cafe Commune。是日餐湯: 龍蝦湯份量有半碗，餐湯口感濃郁，充滿龍蝦味，配上數粒龍蝦肉增添口感，好味，我喜歡。(個人口味: 4/5)紅菜頭帶子意大利燉飯($158)上菜既時候，我係有d驚嚇，驚訝係鮮粉紅色既意大利飯，睇落令我聯想到韓國既生牛肉同免治牛肉(講完即刻令人食慾大減)。然後我就抱住戰戰兢兢既心態去試。雖然心裡明白尼個飯並唔係生既，但視覺上既衝擊真係好勁，可能我見識少啦，但真係第一次食鮮粉紅色既意大利飯。睇個菜名以為紅菜頭係作為意大利飯既配料，切粒混入飯中，點知原來係將紅菜頭整為紅菜頭汁再用來煮燉飯。沙律菜下有2粒大帶子，都整得唔錯。意大利飯偏硬，但唔係未熟，如果再腍多返少少我會更喜歡。對於比較重口味既我而言，味道就比較清淡，但都係幾好味既。如果唔係配紅菜頭而係配黑松靈，我應該會超鐘意。份量足夠，可能飲左餐湯加上意大利飯容易膩既關係，食左一半已經覺得好飽。(個人口味: 3.2/5)URBAN 3小時慢烤法國肥雞半隻($168)烤雞用香草烤，雞皮烤到好脆，雞脾肉固然嫩滑，但雞胸都唔會好柴，都ok。相信用其他更惹味既香料去烤會加分好多。建議可叫一個意粉或飯再同朋友share咁大隻烤雞。(個人口味: 3/5)紅絲絨蛋糕($18(套餐價))第一次食紅絲絨蛋糕。後來上網search，原來所謂紅絲絨蛋糕即係將天然可可粉加入蛋糕，所以食落就好似食緊朱古力蛋糕咁，的確係幾好味。加$18有咁大件蛋糕性價比都幾高，不過我地2個人share都食唔哂。(個人口味: 3.5/5)餐茶要左凍桃茶(可加$15轉咖啡或茶)，橙黃色，幾靚。味道似芒果汁，甜度適中，連唔好果汁茶既我都覺得幾好飲。整體而言，食物有一定質素，環境幾好，坐得都幾舒服，適合朋友聚會聊天，唯價錢稍貴。…查看更多

有人生日，話事要去食下午茶，去咗元朗比較大嘅新商場YOHO MALL搵嘢食。生日要去食蛋糕，人哋話要食呢度嘅蛋糕，因為個樣好似好吸引咁。星期日嘅TEA，三個人唔洗點等，即時可以入座。望下餐牌，原來餐牌係ALL DAY嘅，咁嘅價錢下午茶時段唔怪得無唔洗等位。三個人咗左個海鮮意大利燉飯、法國鵝肝牛肉漢堡配薯條、芒果蛋糕、熱朱古力、雜莓乳酪特飲。本人最中意係個蛋糕，實在好濃香芒果味、好甜。意大利飯原本係好好食嘅，但都係因為我自己本身唔太中意偏硬身的口感，所以我覺得撇除咗味道之外，口感唔係我中意的。鵝肝牛肉漢堡好驚喜，無諗過所有嘢夾埋一齊個味係咁match，不過我好少在街食漢堡的，因為好厚好大舊，好難夾晒所有配料去咬，比較麻煩，如果本身化晒妝去食就更加唔方便，所以無咩必要都係唔會叫漢堡，但呢個鵝肝牛肉漢堡係的確令人非常回味。朱古力完全無甜味咁，我自己落咗好多好多糖先覺得有返d甜味…(但本人飲嘢係偏甜的)。總括嚟講，我只會因為個蛋糕而返嚟。而餐牌係一個晚餐的價錢，做ALL DAY我又覺得好似唔係咁適合......哪有人會下午茶食呢d?(不過可能預咗人哋下午茶只係食蛋糕......掛?!)…查看更多

自從形點一期開幕後，來這裏找吃的機會更多，很多美食店舖都可在這裏找到，也可省回出市區的時間及車費…一向知道這家餐廳主店在旺角東MOKO，雖然經過多次，但從未幫襯過…現在新店進駐元朗Yoho，就不如一試吧怎料兩星期內已再度幫襯… 那就合併兩次堂吃經驗及選擇不同的主菜跟大家分享…晚市套餐由$108至$218，包了餐湯，主菜及飲品，晚餐以這價錢來說也算合理，最重要是好吃與否？第一次用餐的經驗，這家餐廳食物款式選擇與味道也不錯，可以再encore點菜後很快送上餐湯忌廉龍蝦湯，淡淡的龍蝦湯味，沒有一般的龍蝦湯那麼鹹也有一兩小件蝦肉，溫度夠熱如果能配上一小片麵包或多士會更加perfect先送來的是牛仔扒餐本想是鋸扒點菜的時候沒有相片，所以不知道是這樣的賣相，可惜這裏是沒有整件牛扒的套餐既然已替你切開也好，即管試試…七成熟肉質仍有些紅，但吃著的時候有些靭…咬不開，沒多牛肉味…這個主菜有些小失望…之後也等了好耐…差不多相隔15分鐘才送上第二個主菜，可能慢煮烤雞需時服務員送上烤雞的時候…傳來好香的烤雞味😲👏二話不說，另一半已急不及待的動刀切開…看到內裏的雞肉仍然好juicy這個招牌菜果然做得不錯肉質也很淋鬆軟，雞肉有著很重的香草味…吃罷兩款主菜都是肉類，所以感覺已很飽…套餐加$15可選擇咖啡類飲品…另一半都係忠於Latte，這家的咖啡是適合淡咖啡口味人士另一杯就選擇套餐基本飲品…凍桃茶，味道一般，沒想像中那麼甜可接受！第二次用餐經驗再試新口味…當然選擇未吃過的主菜這次就選擇了雞肉沙律和燒芝士牛堡😯雞肉感覺像是從慢煮烤雞拆下來的碎雞肉，但賣相不太討好沙律菜算是新鮮，中間放了溫泉蛋及面層鋪滿了芝士碎片… 沙律中也有些大大粒的麵包碎，老實說…麵包粒已不是脆口，感覺不太新鮮，似乎放了很久…變得硬口，又大粒有些難咬😖😥反而…燒芝士牛堡賣相不錯，溶化中的芝士滲透入厚厚的牛肉漢堡…兩片漢堡麵包超軟熟😲 不是一般漢堡包的質感，感覺是排包那種軟熟，牛肉漢堡足足半寸厚切開肉質仍見血紅色，牛肉下面是一件厚番茄，底層有菜加芝士…可能太過Juicy，番茄也有汁… 加上個麵包是超軟熟，所以整個包底也濕透成件事變得不完美…雖然有些美中不足但整體來說…牛肉漢堡仍然是好味的巧合兩次用餐經驗都是驚喜與失望參半結論都是平手…有機會下次再來試試其他菜式…查看更多