Kenting Tea House

到九龍灣區工作，貪mega box這裡選擇多，上黎兜下有咩食，黎左呢到，見有牛肉麵，就食呢到，一點半都仲要等一陣先有位，好生意。落單先知沒有牛肉麵，轉左要三拼飯，即係雞翼、豬頸肉同肉碎，加杯凍柑桔檸檬果茶。等左十幾分鐘先有得食，一小時午飯，等位等食等等等，真係羨慕可以悠閒吃午飯既朋友。講返食物，三拼飯，雞翼，水準就一般，無咩味既雞翼，豬頸肉，有點韌，真係韌到食唔到，肉碎，係芡汁定係肉碎，我真係攪唔清楚，同埋真係好咸，撈左飯都好咸，唔太滿意。凍柑桔檸檬果茶，柑桔味無乜，檸檬既酸味亦飲唔出，整杯野幾甜下，我仲以為我飲緊既係凍糖水。埋單收我$50蚊，飯同餐飲都係唔滿意。:(…Read More

12月15日, 是夜又同呀比去到Megabox睇戲~ 之前已經對裝修緊嘅墾丁茶房好有興趣! 今次嚟到見到佢開咗, 即刻入咗去試~::: 台灣排長龍火鍋 (肥牛) ::: $78天寒地凍, 放棄晒d台式地道d嘅肉燥飯呀嗰d野… 反而叫咗個期間限定嘅台灣排長龍火鍋! 呢個火鍋細細個賣相同各大連鎖快餐店嘅一人火鍋相類似… 配菜係一早塞晒入個鍋度, 要連埋個湯底一齊滾起先有得食! 唔知係d 啫哩蠟燭個火唔夠猛, 定係d料太多太滿, 個鍋好似滾極都唔起咁… 等咗好耐先有得食…配菜種類都幾豐富! 有大白菜、娃娃菜、金菇、冬菇、紅蘿蔔、魚腐、貢丸、腐皮、雲吞等… 本來仲有粟米, 但因為佢無晒貨所以話比多d其他料我地wor~ 全部蔬菜都幾新鮮~ 不過個湯底比較淡, 開頭淨係得菜味道真係好清, 要靠埋d牛肉味先可以濃郁d… d配料因為要等湯滾起先熟, 所以浸湯時間太長喇… 尤其魚腐雲吞呢d太淋就唔好食… 肥牛份量都夠一人食嘅, 帶有少少雪藏味, 牛味都比較少, 不過都可以接受嘅…火鍋仲附送一大杯凍柑桔檸檬果茶, 夠晒大杯夠晒凍! 酸味比較重而柑桔味冇乜~::: 蜂蜜花生醬厚吐司 ::: $15一場嚟到呢間主打台式食物嘅餐廳, 淨係打個邊爐又點得呢? 所以我地都叫番樣好台式嘅厚吐司試下! 呢個吐司賣相十分精美~ 成吋厚嘅吐司烘得頗鬆脆~ 我最欣賞嘅係佢d花生醬搽得十分均勻!! 連d蜜糖都分佈得好好! 而且兩種醬份量得宜, 花生醬嘅鹹香唔會蓋咗蜜糖嘅清甜味~ 兩種醬混埋一齊又唔會過鹹過甜, 連埋吐司食啱啱好! 如果d花生醬可以再加d花生粒就更好啦~~~裝修有格調, 坐位夠闊落, 環境嚟講真係幾舒服! 不過店面太大, 人手不足, 今晚仲要冇乜人, 好多時都叫唔到人理我地… 同埋d staff可能未train得好, 態度呆呆滯滯咁, 好似啞咗… 如果連呢樣都可以改善到就更好喇!…Read More

想起墾丁，便想起那次不愉快的旅行。因為台灣大水災而把到墾丁的行程拖延一日最後還要取消。不過不快樂的事情還是把它盡快忘記，還是先把注意力放到墾丁茶房上。茶房採取開房式的設計，那食客便可以享用食物的同時，又可以看到溜冰場。店內陳列著一架電單車，佈置則用了藍白色作主色，給人一種強烈的海洋氣息，又能想起墾丁陽光與海灘美麗的風景。精選套餐由$42-$55不等，套餐包括一杯飲品，可以配熱原味珍珠奶茶丶熱柑桔檸檬果茶或熱水蜜桃果茶，或可以加$3轉配凍飲。如不喜歡套餐內的食物，也可以選擇單叫食品。湯麵丶便當丶焗飯和沙拉分別由$35-$42丶$44-$48丶$40-45丶$36-$40不等，絕對不難找到合自己心水的食物。先來兩款小吃，第一款是七味洋蔥花($18)。以份量和價錢來說，這兒的洋蔥花一定比Outback Steakhouse的遜色，不過這兒的還是有自己的特色。洋蔥花的表面灑上大量的七味粉，令到整個小吃都帶點辣味。雖然不太吃辣，不過大部份友人對洋蔥也不太大興趣，所以最後還只有我和另一友人作戰。洋蔥炸得剛剛好，沒有太乾或有焦，不過說起來這道菜真的很「熱氣」。第二款是香酥豬小排($20)，上菜時心裡已覺得不妙。豬扒炸至乾肉，吃起來一點味道也沒有，而且還因為炸得過火令到肉變得很韌。精選套餐我們選了其中兩款，第一款是紅燒牛肉拼高雄魚板湯麵($49)。紅燒牛肉看來很入味，可是放湯之後味道似乎被沖淡，而且肉質有點韌。幸好放的湯也帶有微微的牛肉汁，才不至於令牛肉變得淡而無味。魚板的質感有點像魚蛋，這兒也做得帶彈性且魚味突出。湯麵沒有煮得過腍，吃起來有咬口而已浸透著牛肉汁的味道。第二款是甘梅蝦球拼汁燒鴨肉飯便當($55)，當中的甘梅蝦球只是很普通的蝦仁外面鋪上一層薄薄的炸粉，無味且沒有特色，不吃也罷。鴨肉則是相當肥美的鴨胸肉，不過這些嚴重對皮膚又對體重相當不利的食物還是少吃為妙。便當內還有蛋和少許肉燥，用來伴飯就最好不過了。最後再來一客蜜汁芥末豬頸肉焗飯($42)，由於整作需時，所以焗飯差不多在我們吃完以上提及的所有食物之前才送上。焗飯送上時表面的芝士還是熱騰騰的發出「支支」聲，所以焗飯送到之後一會兒才能開始享用。豬頸肉的表面放著一片蘋果，表面淋上蜜汁芥末，吃起來帶點甜味，不錯。至於豬頸肉，邊位的部份帶點脆口，而且蜜汁芥末的味道浸至肉的裡面，更加惹味。焗飯由頭至尾也相當熱，所以最後也有一些飯焦作結尾。至於飲品，凍原味珍珠奶茶的味道偏甜，而且茶香很薄弱。凍柑桔檸檬果茶的甜度則較為適中，而且柑桔的味道相當突出，沒有飲喝水般感覺。…Read More

妹妹開學日!!!佢放左學之後就同佢黎行下街，食lunch睇到雜誌介紹e間餐廳就心思思想試下佢係大快活集團副線的。 主打台式休閒風情cafe店內的擺設大多係以藍白色為主店中間有半圓的藍色梳化 ， 2旁設有大量的卡位下層是溜冰場令本來清靜的店變得好像街市般被門口的 " 自選半價小食茶餐 " 的 牌吸引入黎雖說是半價 ， 但要叫 正價的飲品等 ，才可以享用優惠但 可以叫 2款的 小食 / 吐司 / 甜品妹妹叫了 :熱青蘋果果茶 (凍的要加$3) $ 17 : 有總開胃的感覺，入口甜但之後會轉甘麻香手撕雞 : 凍食的手撕雞配上青瓜，口感清新，香而不辣。缺點是份量少，不消幾秒就食完，很不夠喉。七味洋蔥花 : 炸漿做得乾身，但洋蔥沒有被炸乾。炸美國洋蔥入口甜甜的，有少少像薯仔般!但面層的七味粉太厚，令洋蔥變辣。我就叫了 : 照燒汁牛排焗飯餐 $ 49 : 焗飯上放了一片焗蘋果，入口清甜!! 飯的份量剛好夠2人食用!!牛排大約有6片，偏薄。飯的面層有大量的芝士，再配上照燒汁甜甜地好開胃。店採用的是 珍珠米 ，粒粒飽滿。入口香軟配 凍柑桔檸檬果茶 : 柑桔檸檬味不重，但果茶好香。感覺就係九份飲到的水果茶般整體黎講， " 自選半價小食茶餐 " 真係抵食!!!只需要俾一個正價就可以換到2個半價的小食今餐只係用了 $93.5 就可以享受到舒服的cafe 而又滿足的一餐…Read More