蘭芳園 (Closed)

早上因要去珠海，早到信德。上午7:30去到蘭芳園。班船8:40，入咗去茶記食早餐。間茶記好似六十年代街頭食肆。個橫裝好古色古香。個牆貼滿阿倫唱片封面。心想個老細一定係阿倫迷。點咗個火腿通粉跟香腸煎雙蛋。加杯凍奶茶。埋單要$33。個火腿通粉好爽口。個通粉好彈牙。但係個香腸好難食。因為好似毫無水份。個煎蛋好老。好似煎好咗好耐。D服務員對我同其他客人都好無禮貌。對答好唔專業。好影響食慾。

路經信德中心，知道有間蘭芳園，因為老店通常較人多，可能未到正式午飯時間，見有位，便決定試試。當日點了豬扒通粉配喇沙湯底，奶油豬仔包及凍奶茶。喇沙湯底強差人意，味淡，後悔無撰鮮茄湯底，通粉太淋，豬扒好一般。奶油豬仔包還可以，但其實現在很多地方也做到這個水準。 凍奶茶也只是一般，水準以下。過去通常幫襯老店，雖然質數下滑中，但覺得還可以，希望分店可以多加努力，將大牌檔風味延續下去。