Arome Bakery Room (Maritime Square 1)

這個8月吃了不少頓生日飯，當然也吃了不少生日蛋糕，單是arome就直接／間接地幫襯了兩回。首先是8月18日與友人在Pizza Hut午餐中分享的沖繩香檸cake little，蛋糕採檸檬橫切面造型，別致非常，小朋友們都超級喜歡；不過口味於甜魔媽媽有點太酸，特別是中層的流心位更加超醒神！喜歡酸味的朋友可能會很欣賞，不過個人就遠喜歡後一款。這款Melon Shower 蜜瓜の甘熟並不是新出之物，但實在好吃，上週日食友的House-warming派對中，也帶了一個上去分享。蛋糕由蜜瓜白朱古力慕絲、蜜瓜果肉、蜜瓜啫喱、海綿蛋糕組成，除了果肉香甜、水盈豐厚的九州蜜瓜，那蜜瓜白朱古力慕絲也很輕柔清新好吃；最後鬆軟海綿蛋糕中，還有脆脆夾層，令味道更豐富，仍是穩定的高水準，完勝青檸蛋糕！至於今年力推的香印青提，很快又到妹妹、嫲嫲、婆婆、爸爸、囝囝生日，總會有機會品嚐然後再分享！…Read More

我想試呢個系列嘅蛋糕好耐架喇，尋日唔覺意有機會試咗，真係超開心！多謝家姐嘅朋友！呢個蛋糕細細個，賣相又特別，連個名都得意過人，叫「cake little」！而呢個就係檸檬味。宣傳相「沖繩香檸cake little」係咁樣嘅，參考圖片同實物都脗合嘅，幾好。整個蛋糕，最吸引我嘅就係最上面黃色部分。等我切開佢睇下裡面有咩先！蛋糕以白色及黃色相間設計，上２層嘅黃色是檸檬啫喱，根據介紹所高，係用咗由日本直送嘅沖繩香檸製作而成，入口滑而帶微酸，又充滿果香；而中間嘅白色夾層呢，一層係忌廉，一層係香檸慕絲，酸酸的；還有一層則是加入咗細膩幼滑嘅乳酪整成嘅乳酪軟心；最下面嘅２層就係海綿蛋糕，成個蛋糕食起嚟，味道夾之餘，口感亦鬆軟；檸檬嘅酸與忌廉嘅甜交錯著，為味蕾帶來清新又刺激的感覺。在場有份食嘅每一個人對呢個蛋糕都有好高評價，真係值得買嚟食下！而呢個cake little系列蛋糕，除咗有檸檬味，仲有菠蘿、紅石榴同埋白桃呢幾種味，真係好夏天 feel，我對其他幾款都有興趣～～今個夏天生日嘅朋友不妨買嚟試下啦！…Read More