Antoshimo (Plaza Hollywood)

進入餐廳隨即有筷子和匙浸在杯上和QR Code手機落單。點了一個定食：蜜糖芥末雞明太子櫻花蝦蒸飯+無糖熱烏龍茶追加 沖繩海鹽焦糖雪糕冬甩(+20)首先來了一杯飲品，温度足夠，但略嫌太濃。等了一段時間食物終於來了，賣相不錯！先吃蒸飯，太失望了，飯太淋可能焗了一段時間，但味道尚可；不過最驚喜的是炸雞，醬汁調得很好，味道適中，炸得剛剛好不會太乾，而且還有肉汁，吃到最後一舊還是外脆內軟的。最期待的甜品(後上)也來了，雪糕正常，冬甩比以前差了少許；焦糖醬和兩者都很配合。記得第一次在荃灣吃的時候是很好味很有驚喜，但現在沒有了*堂食加一服務費，外賣減💰10*付款方法：八達通、現金、信用卡…Read More

甜品非常有驚喜四五年前喺朗豪坊見過呢個分店之後，一直念念不忘，原來佢喺荷里活廣場都有分店$103蚊，可以有二款炊食+甜品+飲品，價錢都ok今次同老公一個叫左牛油蜜糖芥末黑椒炸雞，另一個叫蜜糖芥末豚肉，大家都叫蕃茄芝士炊飯牛油蜜糖芥末黑椒炸雞非常好食，脆口再加牛油蜜糖芥末醬，送飯一流，惟一要留意係一上菜要盡快食，因為凍左啲醬汁會凝固咗芥末蜜糖豚肉就一般，不過不失，但啲椰菜煮得好淋，好入味，有驚喜最重要係甜品，一定要留肚食，個冬甩係新鮮整好，上枱時仲係熱，加上海鹽雪糕，再配上焦糖醬，非常非常好味，就算下次黎單點食都要再encore…Read More

今日同朋友行完山 超肚餓但見鶴咀附近冇野好食 就返番鑽石山揾食碌碌下就見到呢間Antoshimo瀏覽下d食評 見到好多人推介二段鍋而且個價錢好親民 就同朋友決定try try去到門口 見到大大個沖繩二段鍋燒定食招牌就即刻排隊 雖然係下午茶時段 但都要等5分鐘先入座呢度採用QR code落單我同月友都揀食二段鍋定食首先揀第一個鍋朋友揀左A2 黑椒牛油蜜糖芥末鍋燒炸雞我就揀 A5 壽喜燒鍋煮美國肥牛第二個鍋就揀B1 蕃茄鍋燒山芝士炊飯跟餐飲品有8樣選擇朋友揀黑糖檸檬茶 我揀可口可樂最後附送一個預設甜品今日就係沖繩海鹽焦糖冬甩雪糕點完餐 等左大約10分鐘終於上齊菜 影張大合照先不過老實講 預覽圖同成品有段距離A2 黑椒牛油蜜糖芥末鍋燒炸雞睇落覺得好乾 食落冇乜芥末味 D炸雞都好柴除咗個鍋夠熱都冇乜出色嘅地方A5 壽喜燒鍋煮美國肥牛呢個鍋比較好 壽喜燒同肥牛好夾仲有粉絲同生菜做配菜 內容好豐富！B1 蕃茄鍋燒山芝士炊飯蕃茄味夠濃 炊飯粒粒分明好多芝士 可以拉到長長嘅芝士絲3個鍋入面最滿意呢一個沖繩海鹽焦糖冬甩雪糕最後嘅跟餐甜品 涼浸浸嘅雪糕加上温温熱熱嘅冬甩口感好正 甜度適中作為一餐嘅埋尾十分滿意食左咁多野 埋單都係每人79蚊抵食得黎 味道又唔錯 非常推介！…Read More

今日再來到鑽石山入面的一間食日式烏冬😋呢次係第二次來食，之前食覺得呢間餐廳好抵食，又幾好味😋👍🏻所以今日再過來食，咁佢呢列係一個套餐咁叫，有飯有烏冬，而我叫左烏冬食，咁我叫左個櫻花蝦濃蝦湯鍋燒烏冬+小食叫左大阪燒吉列豬扒，會跟一杯熱/凍菊花茶，另外都會送一個甜品（沖繩海鹽焦糖冬甩雪糕），我咁食都係$98炸，$100蚊有找👍🏻好抵食，如果係大食的朋友仔來食都會覺得好飽嫁，有主食、小食、甜品、野飲，非常好👍🏻值得來食😉…Read More

去戲院睇9:30pm戲之前仲有約50mins諗住食個快飯，但星期五周圍都多人，突然諗起沖繩冬甩味道，好彩今晚唔多人排，等左一陣就有位！而家轉左scan QR code 用app 點餐，所以都冇餐牌，而且好似加左價，之前疫情時試過$50-60都有個餐，而家要$90-100先有一個餐！ 見多左個新餐就試下。主菜係黑椒雞肉卷配椰菜，味道唔錯，再配蕃茄芝士飯，有拉絲效果！😋再叫左個咕嚕雞配蕃茄湯鳥冬，辣辣地幾惹味！雞就炸得不太脆，外皮有d 硬...最期待都係沖繩焦糖冬甩及雪糕～雲尼拿雪糕唔會太硬，冬甩質地煙韌，食完會想下次再食！…Read More

每次經過Antoshimo Cafe & Bakery門口都排長龍， 今次一去到我首先攞飛🎫然後行街🛒， 半個鐘就有得食了😁✌🏻。 店內採用開放式設計，所以環境都幾開揚。點兩個套餐🍽️～牛油鍋燒三色椰菜雞卷$106＋ 野菜黑糖咖哩撈烏冬＋ 沖繩海鹽焦糖冬甩雪糕＋ 凍檸檬配罐裝可樂$5、 壽喜燒鍋煮美國牛肉$106、 櫻花蝦濃蝦湯烏冬＋ 沖繩海鹽焦糖冬甩雪糕＋熱黑糖檸檬水$3。 🔸牛油鍋燒三色椰菜雞卷🌯 ～ 嫩滑的雞肉包入紅蘿蔔、 豆角和芋頭， 口感不錯。 🔸壽喜燒鍋煮美國牛肉🥘 ～ 牛肉軟滑，有大量椰菜吸入壽喜燒湯底的味道， 味道ok。 🔸野菜黑糖咖哩撈烏冬🍝 ～ 咖哩味香濃，烏冬煙韌。🔸櫻花蝦濃蝦湯烏冬🍝 ～ 湯底濃郁帶點微辣幾惹味， 熱辣辣的湯，感覺不錯。 🔸沖繩海鹽焦糖冬甩雪糕🍩🍦 ～ 冬甩煙煙靭靭， 甜美的焦糖味，配雲呢拿雪糕非常好食。 🔸熱黑糖檸檬水☕ ～ 餐廳會提供黑糖， 自行調教黑糖檸檬水的甜味。 🔸凍檸檬配罐裝可樂🥤 ～ 凍檸樂味道正常。 整體價錢親民， 套餐份量多夠飽肚， 最喜歡 冬甩雪糕😋， 真是幾好味。 …Read More

黎到鑽石山廣場，附近冇咩野好食，經過見到有一間好日本feel嘅餐廳就去試一試。呢間原來係各地都有分店，包括荃灣同油塘。93蚊一個套餐，包野食同甜品，算係性價比高嘅餐廳。入座冇耐就見到餐廳開始多人同要排幾耐隊。定食由A+B＋C＋D各選一而組成，款式都算多，主要以一份鍋燒肉類，一份炒飯／鍋燒烏冬，一份甜品同一杯飲品組成。今次就叫咗兩個lunch set，包括牛油蜜糖芥末鍋燒炸雞＋壽喜燒湯鍋烏冬同蜜糖芥末鍋煮豚肉＋櫻花蝦濃蝦湯烏冬。份量非常之充足，個人大推櫻花蝦濃湯烏冬同蜜糖芥末鍋煮豚肉，濃濃嘅櫻花蝦湯底滲透入烏冬入面，每條烏冬都掛有濃濃嘅蝦味。而蜜糖芥末鍋煮豚肉調味調得幾好，甜甜的，幾特別。最後仲有個壓軸出場的甜品，係咁多樣野食中最好味的，甜甜煙韌的donnut，配著慢慢溶化的海鹽雪糕，一甜一鹹，一冷一熱，配合得恰到好處。…Read More