Provence (Closed)

一星期前預先同朋友約定喺勸塘食法國菜🇫🇷，佢揀咗餐廳仲訂埋枱，勁有效率，不過真係唔知原來觀塘都有法國菜食👀。「普羅旺斯餐廳」位於觀塘亞太中心三樓，坐扶手電梯就能到達😉。餐牌列出多款前菜、沙律同主食，女店員隨即詳細介紹☺️。其實餐牌上嘅菜式我全部都想食，無乜特別偏好，所以就揀咗佢嘅特別推介⭐️。主菜升級套餐要加$208，有沙律、湯、蕃茄仔小食同飲品。沙律🥗係可以喺餐牌入面自選，我要咗法式凱撒沙律伴巴馬火腿🥓，Dressing唔會落得太重手，恰到好處。羅馬生菜配以麵包脆粒，好開胃。朋友就要咗意式雜菜沙律配煙三文魚，佢話沙律菜好新鮮，而且醋汁唔會太酸，上面仲落咗爆珠作點綴💕。是日餐湯係椰菜忌廉湯，實在太好了，係我鍾意嘅白湯。忌廉湯有別於坊間嘅白湯，味道濃郁，絕對唔係用粉開出嚟，而且仲加咗北海道帶子仔同唔少蔬菜粒，正。跟湯仲附上一片法式蒜蓉包，🥖法包皮脆內軟，仲好香蒜蓉味。冰鎮荔枝番茄，店員話如果嚟依間餐廳無食過番茄仔🍅，唔好同人講嚟過，因為番茄仔係呢度嘅名物。店員會企喺度指引住我哋食哂粒番茄，因為佢話溫度都好重要，驚客人影好耐相同傾偈放耐咗，會影響味道。番茄仔無平日嘅酸腥味，因為有荔枝嘅甜味中和咗。一啖食哂(連薄荷葉)再飲埋汁會感受到番茄味道層次嘅變化，同冰凍嘅口感。西班牙紅蝦配自家製蝦油天使麵($468)，呢道菜嘅賣相好吸引，而且份量亦都多。店員教路先食一啖原味，其後撈匀再食就好明顯食得出蝦油嘅香，超級惹味🤤，而且天使麵質感亦夠彈牙。主角西班牙紅蝦係好矜貴嘅食材，有兩隻，我哋可以一人一隻。🦐紅蝦肉質的確偏淋，唔似海蝦咁爽，就如店員預先所述，唔好以為蝦肉霉咗，哈哈。我之前食過所以知，店員仲提醒我哋記得要啜埋蝦頭。西班牙香燒黑毛豬鞍配香蒜蜜糖汁($468)，豬鞍好大件、好厚身🐷，黑毛豬生熟度啱啱好，肉嫩多汁，下低仲有唔少燒蔬菜🥦。香蒜蜜糖汁比想像中無咁甜，反而係偏鹹。其實食完天使麵已經好飽，不過豬鞍好食😋所以都食得哂。餐廳好細心，會等我哋食完上一道菜，先上下一道，咁就可以喺食物最佳狀態時食用。最後係餐飲，我哋都要咗凍檸茶🍋，估唔到餐廳製作檸茶都咁講究，杯邊嘅檸檬只係裝飾，呢杯檸茶係唔駛篤檸檬的，因為茶底已加入足夠份量嘅黃檸汁同青檸汁，甜度唔需要少甜先能達到黃金比例。店員仲會喺我哋面前落檸油，好特別，真係好好飲。總括嚟講，依餐晚餐係一個全新嘅體驗，菜式未必係好罕見，但佢總係有啲獨特嘅風采🍽。價錢係幾貴，不過係有佢嘅賣點，過時過節想食餐好啲不妨試吓吧！店員最後仲送咗優惠卷比我哋下次用😌。留意番，餐廳唔係日日開㗎，所以記得打去訂位。…Read More

最近一套外國劇集十分火熱🔥，相信女孩子都會知道，叫「Emily in Paris」🇫🇷看完後的我對於法國的氛圍十分仰慕，尢其想食法國餐。🤪⭐於是，我就襯著10月31日Halloween的晚上與男朋友找間法國餐廳一圓我的心頭之好。要找一間法國餐廳，其實不難，但要找一間廚師、店員都是用心去做的法國餐廳就真的要下點功夫，所以我主要都是以素人自家開業的小店餐廳。查探之下，知道觀塘的亞太中心內有一間叫「普羅旺斯餐廳」，主打法國餐，亦是自家經營，不是傳統集團經營那種風格。去到餐廳門口，發現「普羅旺斯」的兩位大廚並不是等閒之輩。看完這個簡介之後，令我和男朋友對於普羅旺斯的法國菜更加期待，希望可以一嚐傳統法式的風蘊及味道。餐廳的Food Menu 有兩頁，包括頭盤、湯、主菜及甜品。我們當然要全點與法式有關的食物。ღ 1.法式凱撒沙律伴巴瑪火腿先點一道最基本的法式Caesar Salad🥗。店長放低這碟法式凱撒沙律伴巴瑪火腿後，為心我們簡單講解了這份Caesar Salad與其他餐廳食到的不同之處，分別就是沙律所選用的蔬菜以及其醬汁。我們吃後亦發現，其蔬菜食落相對有味，而且食得出爽脆感，加上沙律並無過多酸味，就是很Fresh 的感覺。ღ 2.🍅普羅旺斯餐湯配法式蒜蓉包🧄 一個完整的法國餐怎可以少了餐湯和法式蒜蓉包呢。問過店員後，我們得知普羅旺斯湯的煮法是將三種新鮮蕃茄不斷打磨，以成香濃的蕃茄湯。之後再加入刺身帶子，店長補充說，他們的做法是先把帶子燒一燒，以免影響蕃茄湯的溫度及味道。飲落口確實是零舍不同，蕃茄湯十分濃郁但帶綿密，喝下去時絕對嘗到蕃茄蓉的鮮甜，層次感非常，刺身帶子的鮮味依然保存，一碗餐湯足見廚師的功夫。另外，由於蒜蓉包都是即叫即焗的，所以店長都提醒我們要襯熱食。蒜蓉包十分鬆脆，上脆下軟，喝一口濃濃番茄湯再咬一口蒜蓉包，真是好好享受。👍ღ 3. 🧊冰鎮荔枝番茄🍅這可作一頭盤，但店員更推薦我們來當作間菜。正宗的法國菜中間都以冰凍的果品清新一下🧊，為下一道主菜好好迎接。一個有深度法國菜就是這樣，🤩向來法國菜注重服務都著重儀式🍽，店長細心地跟我們講解食法，右手拿匙左手拿碗，從底部把整個荔枝蕃茄用匙撈起，一大口放入口中，先飲了清鮮的荔枝汁再將整個番茄大口咬，一下子就能深深感受到荔枝的香汁，繼而是番茄的酸甜味，最後更帶薄荷的淡香味🌱，整個味道層次分明，而且新穎清新，為味蕾再次Refresh。ღ 4. 法式香煎刁魚柳配鮮檸檬白酒汁黎到主菜，我們首先點了一份香煎刁魚柳。先要講一下刁魚柳的Sauce，普羅旺斯將其醬汁調教得十分匹配，檸檬白酒汁的味道不過甜亦不過酸，不會帶走刁魚柳的魚肉鮮味。同時，店長亦說到這個Sauce不具高油份，平時街外食到的醬汁都是十分肥膩，但這裡的完全做得很清新有味，值得一讚。配菜則有薯仔🥔及雜菜，亦是事先經過調味醃製，相當惹味。ღ 5. 法式燒豬柳炒意大利扁麵🍝Provence 煎香了了上級的黑毛豬，用其豬柳再炒意大利扁麵。豬柳肉質鬆軟，再配上特製的醬料，醬汁是用了黑醋和水果調製而成的，帶有水果香氣的醬汁跟扁麵配搭得很好，酸酸甜甜的，並充份突出豬柳的肉香味，加上口感絕佳的扁麵條，超美味！🤤ღ 6. 青桔梳打🍸店長跟我們特意推介這杯青桔梳打，餐廳是選用了新鮮青桔，相比青檸/檸檬更為優勝，其酸味也更清新開胃。酸酸的青桔，揉入甜甜的蘇打水，碰撞出絕美的火花，真的透心涼！ღ 7. 蜜月同樣一杯是酸酸甜甜的飲品，同樣是用了青桔再加上蜜糖和檸檬🍋油而製，不過這杯就是熱飲。店員一邊分享青桔的取勝之處，一邊即場幫我們加上檸檬油。聽他說，檸檬會先會盪過檸檬皮，以去除檸檬的苦澀味，就可令飲品更清香。總括來說，高質素的法國菜除了菜色的水準外，更非常注重店員的服務，而Provence絕對做到。每一道菜都充分考慮到次序和儀式，店員會待我們品嘗一味後才上下一道菜，上菜時更詳細講解菜色的特別之處。這裡的熱情和細心服務，都令我們增長了對法國菜🇫🇷的認識🌟🤙…Read More