小城大廚

Open Now

Now Closed

呢間位於觀塘既小城大廚，我已經食過幾次，食物質素真係靠得！今日決定同大家推薦一下，介紹下佢幾個菜式！❄️🐷冰鎮脆皮咕嚕肉精美擺盤加上乾冰霧氣，十分Fancy咕嚕肉冰鎮過後變得皮脆肉嫩，肉質本身非常爽口，肥瘦適中冇骨，醬汁味道調得幾好，酸酸甜甜開胃好食，仲有啲新鮮藍莓伴碟解油膩，擺盤既珠珠都食左幾粒，咬開有啲桃味果汁爆漿而出，當飯後甜品都得🐮蜜椒薯仔安格斯牛本身我就好中意食薯仔牛柳粒呢個送, 但係呢度我係第一次食到將表面炸脆左既薯仔粒，可以話超越左我對薯仔牛柳粒呢道菜既認知！將呢道菜昇華上另一個層次！推薦大家一定要試試！🐔一星期每日都有唔同既特價雞, 我試過客家蔥油雞同湛江雞, 都咁好食!蔥油雞充滿蔥香, 仲有沙薑味，好惹味; 湛江雞好多蔥蒜, 一樣係非常香口嫩滑!🍲小炒王有韭菜花，大蝦乾，腰果，辣菜脯，魷魚鬚，蝦仁，惹味又足料！🥘啫啫時蔬煲熱辣辣上, 鑊氣十足配料有蝦乾，冬菇，好多肉碎, 整體好惹味, 而且分量都好多🍝豉油王龍鬚炒麵好多魷魚鬚，炒得夠乾身又唔油膩, 都幾好食整體黎講, 我食左好幾次, 唔同菜式個味道都令人滿意甚至有驚喜, 而且表現穩定, 樓面亦都好好服務, 誠意推薦大家

觀塘出名比較多工廈美食，今日我哋都嚟到觀塘行街，順便去附近睇吓有咩特色嘅餐廳，行到去成業街，見到人哋推介呢間喺工廈入邊嘅港式小菜，位置好隱蔽，但係啲菜式睇落好精緻，於是我哋就入去試一試冰鎮脆皮咕嚕肉咕嚕肉外皮粉漿薄，冰鎮既做法令到口感更加酥脆，肉質鮮嫩，擺盤同埋做法都好有特色，鍾意食咕嚕肉既人必叫呀！金湯酸菜魚片呢度既酸菜魚比起其他酸菜魚專門店都毫不遜色，魚片嫩滑，湯底酸得黎帶有少少麻，唔會太辣，配料有蓮藕、萵荀、薯粉等，份量唔吝嗇川式蝦仁麻婆豆腐豆腐嫩滑，醬汁濃稠度啱啱好，味道唔辣比較家常，送飯一流；份量亦都好夠四個人分享。蟹粉抓時蔬 · 芥蘭 可以揀唔同蔬菜呢個絕對係我地食過最有蟹味既蟹粉芥蘭口感啱啱好，呢個推薦～

晚上在觀塘工廠大廈工作完，一於在附近和家人找間餐廳食個晚飯。知道在成業工業大廈有一間「小城大廚」，是一間以大排檔私房菜風格為主的中式餐館。餐廳的格局簡單而舒適，營造出一種親切的用餐氛圍，可以邊食飯邊看睇電視。小地大廚提供道地的香港私房菜美食，讓客人能夠品味到一些平時很難煮到的菜式，正正就是私房菜的精緻之處。⟳ 1. 冰鎮脆皮咕嚕肉脆皮咕嚕肉肉質鮮嫩多汁，外層首先弄得香脆，而內部的肉質卻又能保持了豐富的肉汁和嫩度。重點在於廚師將烤好的咕嚕肉用大量冰塊冰鎮着，使得脆皮和肉質更加爽口，帶來一份份外清新口感。⟳ 2. 椒鹽海蝦鮮嫩的海蝦搭配香氣四溢的椒鹽調味，海蝦炸得外酥內嫩，口感爽脆，脆得連蝦殼都可以食下。而椒鹽的香氣和微辣的味道為海蝦帶來更香口，非常過癮。⟳ 3. 客家蔥油雞廚房將蔥油雞煮得鮮嫩多汁，配以特製的蔥油醬料，蔥的香氣和雞肉的鮮美相互融合，配飯一流。⟳ 4. 綠豆沙最後店員還為我們贈送一人一碗的綠豆沙。綠豆沙非常足料，每一口都能感受到綠豆的綿密。小城大廚果然夠晒大方。⟳ 5. 前菜（話梅苦瓜、涼拌黑木耳和醃青瓜）話梅苦瓜的組合非常獨特，苦瓜的清爽和話梅的酸甜相互融合。涼拌黑木耳則

身為觀塘上班一族，觀塘食店林立都未聽過呢間中餐館，今次係舊同事大力推介，聚餐一流，份份都大碟又好食，好有大排檔風味，店員員服務一流，唯一要彈既就係好隱世，有啲難搵😂😂😂冰鎮脆皮咕嚕肉一上枱就好壯觀，冰鎮脆皮咕嚕肉做到個皮真係好脆，有啲糖漿痴住個口，連埋啲爆珠一齊食，恰道好處👍👍👍孜然京蔥爆牛肉份量好夠，爆多京蔥😆好有咬口但牛肉唔多足夠，未必會再點了梅菜扣肉極邪惡既傳統客家菜，好正好再鑊氣，咬落啖啖肉，真係好好味☺️真心抵，又夠鑊氣，下次一定會帶屋企再食❤