Dim Sum Here Mix Seafood

好耐冇食中菜了，今日好有興致想食，搜尋一下，見到碟「冰鎮咕嚕肉」吸引咗我🤩所以就嚟咗「點心到 Mix.大排檔」，餐廳午市主打點心，而晚市以小菜為主。餐廳環境寬敞，有原枱及卡座，仲設有魚缸，提供新鮮海鮮。🥢紅燒乳鴿 $55 見到好多人都叫紅燒乳鴿，望到幾靚，都好想試吓。乳鴿外皮燒到色澤均勻，有光澤。外皮入口脆卜卜，入邊肉質鮮嫩香滑，保留到肉汁。配上淮鹽同醋調味，但隻乳鴿本身已經好鮮味，原汁原味更好，都唔需要用調味料😋🥢冰鎮咕嚕肉 $88賣相顏色色彩鮮艷，炸到香脆熱辣辣咕嚕肉，即以冰鎮降溫，令外皮香脆可口。咕嚕肉肉質半肥瘦，醬汁酸甜度適中，用上菠蘿，紅椒及青椒作配料，健康又好食😋🥢花膠海鮮小米粥（細鍋） $99呢窩小米粥，以南瓜蓉融入小米粥，所以粥底呈橙黃色。材料非常豐富，有大大粒鮮甜帶子，好爽嘅大蝦，仲有花膠，同埋魷魚。粥底濃稠度剛好，啖啖都有南瓜同海鮮味。雖然係細鍋，但絕對唔少，有3至4人份量，非常大滿足！🥢榴槤雪媚娘 $16名稱有趣，引起我留意，原來係榴槤糯米糍💚糯米皮好薄同煙靭，入邊包裹住新鮮榴槤肉同埋忌廉，啖啖肉，陣陣榴槤香滲出嚟，大顛🤩🤩🤩🥢茶芥每位$10…Read More

呢間餐廳早午市就主打點心，晚市就主打小炒小菜，好有特色。💪🏻 冰鎮咕嚕肉($88)咕嚕肉放咗係冰粒上邊，冰嘅冷氣令到啲熱辣辣咕嚕肉食落更加香脆😋 而咕嚕肉醬汁酸甜適中，好開胃，好適合送飯！而且啲冰都唔會溶得好快，所以唔會整濕嘅咕嚕肉😂💪🏻 白飯魚煎蛋 ($72)本人好鐘意食白飯魚煎蛋😋 但唔係成日見到呢款家常小菜。呢間嘅白飯魚煎蛋煎得好厚身，而且煎得金黃，食落好香口🤤 白飯魚都好大條，食落唔會有腥味！💪🏻 椒絲腐乳炒通菜 ($72)用炒通菜係一流嘅食法🤤 腐乳好香濃，勁多醬汁，完全掛滿晒係通菜上，而且亦有薑絲，令通菜食落更香口😋味道：7.5/10性價比：8/10 食住瘦指數：💪🏻💪🏻/5 …Read More

Book mark左呢間餐廳好耐，因為見到唔少食評話好味，加上價錢唔算貴，食物選擇多，當中更有Fusion野，啱哂中意試新野嘅我。老實講，平時GOOGLE評分無4，我係唔會食，但今次見呢間小店Openrice一面倒讚好，就比個機會佢，原來係個錯誤嘅決定😭。食左減肥餐3個星期，終於可以放縱一日，食番正常野，點知中哂伏!!! 😤嘥左我個咁難得嘅放縱機會😞一行四人，點左五樣野，本身仲諗住叫多個炒飯，好彩當時打算食到一半睇有幾飽再決定，如果唔係，又要夾硬食多一碟難食嘅野落肚😖。第一碟上枱----椒鹽鮮魷 $86呢個價錢嚟講，份量幾多😃，本身仲諗住好抵食，點知原來份量多先難頂…😅首先呢碟野溫度只係暖，唔係即炸出嚟；第二根本就唔係鮮魷，口感同味道都似水魷，得個爽字，完全無魷魚味!!!😢 第三好厚粉；第四炸蒜係淋喺面，無一齊炒過，所以無椒鹽、無蒜香、一定要點個淮鹽，因為成舊野都無味!!😤 呢個係我食過最難食嘅椒鹽鮮魷!!第二碟------黃金桂花蝦球 $108呢碟係人氣推介，在場有唔少人食緊，所以溫度係辣口嘅程度!!份量好多，有十幾粒大大嘅蝦球，而且賣相幾靚，又有少少桂花瓣，感覺有番D希望。😏食完之後，真係要讚下呢度嘅廚師😲點解十幾粒咁大嘅蝦仁，可以拿到得個爽字，完全無蝦味?? 就連鹽嘅調味都無，果下先犀利😒 完完全全係食緊一舊鹹蛋黃味嘅爽口炸物，油膩感極高，油到反胃。🤢第三碟-----英式芥末牛柳粒 $118呢個又係人氣推介，經歷左前兩度菜，已經無任何期望😓牛柳當然已經拿到完全無牛味，同埋好淋嘅口感啦，細嘗之下仲會食到少少鬆肉粉嘅味道添，建議大家點多D芥末醬嚟食，咁就可以蓋過怪味，同時亦要飲番多D水，因為真係好多味精😩。第四碟------深海墨汁海鮮麵 $98又係一度賣相吸引嘅食物，配料有海鮮味嘅帶子3粒、好難食嘅爽大蝦仁4隻、得個爽字嘅無味魷魚；麵係偏硬嘅扁意粉；墨汁唔腥，有落鹽調味，所以個麵食落比蝦同魷魚好。 冰鎮咕嚕肉 $88又又又係人氣推介，呢個餸係全晚最正常，份量亦係最少，肉得十幾粒，唔明點解巴西豬肉可以賣咁貴🤔。當晚全場爆滿，更有外藉人士進膳，門外不時有客人等位；食物賣相吸引、選擇多；上菜快，職員又勤力；餐廳環境光猛、企理；一切硬件都唔差，可惜，食物真係強差人意，真係好難食😫😫，我地幾個番到屋企都不停飲水、話口渴。六個字評價呢間小店，「不可一，不可再」。晚市收茶$5/位，無加一，接受電子付款。…Read More

將街頭風味、地道與創新菜式，以及富有人性化的港式情懷。 (1) 川芎白芷燉魚頭湯材料十足，藥材味濃。但是燉製的火侯過猛，略顯油膩而混濁。 (2) 冰鎮咕嚕肉 擺盤略顯心思，用間隔盛載著溶化的冰粒。冰鎮的巧妙，令配料更上高樓，菠蘿及彩椒爽脆又清甜。不過，咕嚕肉反而因失去溫度而令醬汁凝固，影響口感。 (3) 秋葵野菌扒豆腐特地為此而來，更是每個食評都有它的蹤跡。玉子豆腐黃綠相間，光滑順溜、外觀精美。顏色的連接，引申到頂層的蔬菜，減輕炎炎夏日的沉重。 (🤢)鑊氣豉椒炒蜆 晚市便是為餐廳店名的「大排檔」而來。意想不到，豉椒炒蜆無緣相見，但「鑊氣」是接踵而來。 在沒有加單的情況下，留侯良久。在下單半小時後，詢問小菜的進度。首先，在售罄當刻沒有知會及取消。其次，揚手呼叫店員而故意不作理睬。最後，親自走到店員面前詢問，被當成空氣揚長而去。 「你真係唔話得。」 「一句都唔話得。」 …Read More

食小菜及點心的話 呢度一定會係不俗既選擇坐得舒服之餘 小菜相當唔錯 重有生啤飲一定要的 冰鎭咕嚕肉 可以稱外脆內嫩入口好脆身👍🏼酸酸甜甜 加上鮮菠蘿 又用冰鎮方式令到口感更加豐富英式芥末牛柳粒 另一要推介🤣單看賣相相當一流 啖啖芥末醬味 少少攻鼻亦唔辣搭上牛肉絕配 牛肉亦好淋身 整體好惹味紅燒乳鴿 價錢相當抵食炸得剛剛好 朱古力色相當吸引 𥚃面保留肉汁之餘 肉質鮮嫩加上少許椒鹽點晴 相當有質素除咗小菜 見到點心香港制造 下次會有黎食點心…Read More

都好耐冇去旺角行街，疫情過後真係多咗好多遊客觀光購物，我都幫手促進經濟，買咗啲生活用品。唔知係咪太耐冇去旺角，才發現竟然開左間「點心到Mix•大排檔」係金雞廣場，好多人排隊，唔執輸嘅我要排埋一份，試試看，有幾好食🤤鑊氣小炒王 $98材料有蝦乾、韮菜花、魷魚、腰果、炸芋絲，非常豐富，上枱時仲食到鑊氣味，非常香口，味道好好食😋推介👍🏻冰鎮咕嚕肉 $88啖啖肉無得輸，食時冷暖混雜，刺激到感覺，酸甜度適中，非常開胃😋大肚婆炒飯 $82材料有薑、蝦、叉燒、青瓜粒、蛋，薑唔係放左好多，各種食物的味道好平均，沒有誰搶去對方的風頭，飯炒得好乾爽，幾好食😋…Read More

👧🏻😋👅🍽✨鑊氣小菜冇得輸🥰-點心到 MIX·大排檔🇭🇰 旺角洗衣街39-55號金雞廣場地下1A,1B,1C號舖 🇭🇰-🧑🏻‍🍳晚市做小菜冇做點心, 都夠鑊氣質素勁驚喜🧑🏻‍🍳廚房同樓面都好夠人手! 雖然6點開始都好多客入, 但點菜加水都好周到; 叫左三樣鑊氣小菜5-10分鐘仲要一齊到🧑🏻‍🍳裝修好靚燈光夠猛, 位置都好闊落, 梳化卡位勁舒服😄-🧊🐽冰鎮咕嚕肉 $88✨貌似係招牌菜, 幾枱都有叫, 真係好好味✨大塊冰墊底, 三色椒切長條形, 菠蘿係新鮮唔係罐頭!!!✨肥肥的咕嚕肉勁鬆化, 仲要冰鎮啲汁凝固更加外脆內軟-🧄🐽蒜香骨 $82💯蒜香骨偏粗大所以好好肉, 骨粗但肉都好多😍 仲有幾舊有軟骨勁正💯蒜粒重手好香, 入面既肉都好入味-🌶🥮 XO醬炒蘿蔔糕 $68✨一上碟見佢好似腍腍地都諗住要失望, 點知…✨點知食落個皮都係脆😆 但入面個糕口感係軟糯幾得意, 唔似普通蘿蔔糕咁削✨XO醬同蘿蔔糕真係好夾, 但重點都係小兜配上既辣醬, 超好味唔會死鹹死辣-…Read More

有日晏就☀️☀️係旺角見到金雞樓下有好多人排隊食點心😱😱見咁多人我就冇食到啦🤭有一晚喺旺角行街就發現無咁多人排隊🤗🤗於是今次就嚟食呢間點心到 MIX·大排檔😳等咗一陣就有位啦‼️‼️行街都行到好肚餓🥺於是我哋叫咗一個龍門鴛鴦炒米$77💚同一個金沙海鮮🍤蛋白炒飯$86🐣另外再叫多份冰鎮咕嚕肉$88🐖🧊🌟🌟金沙海鮮蛋白炒飯炒飯炒得粒粒分明😍再配合埋蛋黃碎同蛋白🐣食落去超香口😋😋入邊仲有炒咗好多蝦🦐🦐🦐再配埋翠玉瓜💚💚加埋蔥香，口感超豐富😍😍龍門鴛鴦炒米💫💫炒米非常之乾身，除咗蝦肉，蛋同蔥之外亦都有啲辣椒🌶️微微帶出個辣味🥰跟咗個醬😍撈埋一齊食超惹味🤤🤤❄️❄️冰鎮咕嚕肉見到差唔多枱枱都叫咗碟😂😂我哋都唔執輸叫返份咕嚕肉😋一上碟色彩繽紛🎊🎊加埋冰鎮嘅效果🧊🧊🧊咕嚕肉外脆內軟🤤🤤再加埋青紅黃椒嘅配搭🥰同埋酸酸甜甜嘅菠蘿🍍凍咗嘅菠蘿更加鮮甜💕成個味道都好夾🈴…Read More

🧒🏻👧🏻好鐘意食小菜同點心，嚟到旺角見到有間坐滿人既中菜餐廳，晚餐時段除咗小菜，仲有點心可以嗌。餐廳環境光猛，座位寬敞舒適，岩晒鐘意食小菜但又怕去比較污糟嘅大排檔。冰鎮咕嚕肉 $88咕嚕肉炸到外層脆皮，內層鎖住肉汁。醬汁甜酸到適中，用上切粒新鮮菠蘿🍍同青椒紅椒，好好食。建議等5分鐘後先食，俾啲時間冰鎮，令咕嚕肉外層冰凍，咕嚕肉表面甜酸汁冰鎮後變成拉絲嘅質感，更好食！🧊黃金桂花蝦球 $108好抵食嘅一道餸菜！足足有10隻大蝦🍤，炸到外殼香脆，肉質爽口彈牙，鹹蛋黃醬超濃郁惹味！送飯一流！推介同朋友share一齊食😋黑金流沙包 $10/1個食嗰時要小心，即叫即蒸真係熱辣辣到燙口！😆 咬開入面超級流心，奶黃味同鹹蛋黃味好香濃！楊枝甘露 $25飯後梗係要叫埋甜品啦😝！楊枝甘露好足料，細粒size既西米煙靭，芒果粒夠甜，西柚都係甜，成個甜度啱啱好🥭📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖…Read More

好鍾意食小炒，但好多時啲大排檔都坐得好迫同唔太舒服，衛生又一般般，琴日經過旺角呢間日頭做點心，夜晚做小炒嘅餐廳，入面環境唔錯，望落幾企理，又有人排隊，於是就去試下兩個人叫兩個小菜兩碗白飯，小菜份量唔細，食完都飽飽地，不過仲想試多少少野，所以最後試咗碗糖水同流沙包🌟冰鎮咕嚕肉平時啲咕嚕肉就食得多，冰鎮嘅就比較少見，雖然係冰鎮但啲咕嚕肉都非常之熱，外面炸得好脆，入面啲肉醃得好淋而且冇骨，果然係餐廳推薦菜式而菠蘿就冰鎮到涼涼地，連埋咕嚕肉一齊食幾有層次🌟魚香茄子煲叫完啲平時比較少食嘅菜式，梗係要試返啲傳統嘢同其他餐廳比較下呢個魚香茄子煲食到咸魚香味，但唔會話好濃，我諗唔太鍾意食咸魚嘅人都唔會抗拒，而茄子同豬肉碎嘅比例幾啱，茄子亦都夠淋同入味，仲唔係好油，所以用黎送飯啱哂🌟黑金流沙包新鮮蒸起，入面真係爆哂汁，好流沙，好香奶黃同鹹蛋黃味，呢個必食🌟楊枝甘露好足料，啖啖都有西柚、芒果同西米，味道唔輸蝕俾其他糖水鋪呢間下次可以約埋一大班朋友黎食過！…Read More

之前在早上和晚上都曾經經過此店，基本上都是座無虛席的，更見過晚市需要等位，問過原來餐廳日間吃點心，晚上食小菜；今晚就預先訂檯準時到達來試個究竟吧！餐廳環境明亮乾淨，由於冷氣較大同行亦有老人家，其中一位女店員對老人家十分細心照顧，例如會盡量安排非出風位的位置、提供熱水，值得嘉許。看看餐牌都有不同的鑊氣小炒、大排檔風味海鮮，還添加了一些新穎的元素在菜式裏面，讓我們需要商量一段時間才決定好落單。最先吸引我們的是黃金桂花蝦球($108)，也就是鹹蛋炸蝦球。剛炸好的蝦球沾上了鹹蛋，吃上去會有明顯的咸香味但如若份量多一點更佳，炸皮香脆但也頗厚，蝦的肉質亦爽脆，而桂花只是用來裝飾並沒有實質作用；其實整道菜地味道是很下飯的，又有老人家喜歡的鹹蛋，可以一試:)沙拉骨($88)的份量幾多，有大大件骨又沾上慷概的醬汁，肉的味道醃得足夠，加上沙律醬就變得更邪惡，如你是一個食肉獸可以點這個。很多人都説冰鎮咕嚕肉($88)是必點的菜式，但我們卻覺得麻麻。菜式比起一般食到的少了醬汁，做法就是把做到的肉鋪在一些冰粒上，而融了的冰就會流到下面的一個底座膠兜内。最初吃上去咕嚕肉向上的那面是熱的，向下的那面是凍的，感覺有點奇怪，味道亦因隨著融掉的冰粒味道而沖淡；如不立刻全部吃掉咕嚕肉很容易會變冷，就如在雪櫃拿出來的似，肉質變硬味道更淡。雖然味道不算是差，但我認爲這不是一道適宜凍食的菜式。另外如前面提到，菜式的底座是一個膠兜，上菜後不久我覺得幾得意就想研究一下究竟是甚麽原理，卻發現膠兜内已積存了很多水，絕對不會是一個剛剛上菜後正常的融化情況；對於這個情況，大概有幾種原因：1. 上手客人用完，沒有倒掉和清洗就直接放上下一位客人的咕嚕肉 2. 廚房做好後還未來得切上菜，隨著等待上菜的時間冰就融掉了 3.  廚房溫度太高融掉了冰塊。在這一刻已經無從考證，但我希望不會是第一個原因吧。看到這個乾蔥豆豉雞煲($88)的蒸氣就仿如聽到當時那種啫啫聲。雞件爆炒過後鑊氣十足，有明顯的乾蔥、洋葱、豆豉味，特別是乾蔥和洋葱的香甜為菜式增添了少許層次。不過，這道菜的味道很直接等於名稱，雞的件數也不多，普普通通，即使以後再來也大概不會再點這款。飛天通菜煲($82)也是以啫啫煲的方式上菜，同樣是鑊氣十足的。可是，此菜式的味道太濃，感覺像在食啫啫調味料，又鹹又辣，即使我們各人在吃之前先用水冲冲，味道分別仍不大；大概要點一些清炒的蔬菜才吃得下去。A黑金流沙包($10/件)的好處就是可以因應自己想要的數量逐件點。流沙包比想像中要細件，而蒸籠也是特製的比一般的點心蒸籠細，所以大家可以想像一下放得進三個包的細籠大小。流沙包的餡料有鹹香，質地偏流心，包的質地也是熱辣辣鬆軟的，想必小朋友和老人家都會喜歡。雖然是次用餐所點的食物不是每一款都合我們心意，但是部份菜式的味道都是不錯的，選擇衆多，難怪開張以來都很受歡迎。有機會的話都想試試午餐點心，還有晚上其他小菜；如你想在乾淨舒適的環境下食到大排檔風味，也可來一試:)…Read More

天氣涼涼地就心郁郁想食大排檔熱辣辣嘅小炒或者煲仔菜🥘 位於旺角嘅點心到 唔單止有我哋想食嘅大排檔食物 又近地鐵站 環境仲坐得舒服 於是專程黎試下😚我地星期四晚食 餐廳門口都有幾枱排隊 可見質素吾錯👍🏻 好彩都係等左5-10分鐘就入到🐾🐷冰鎮咕嚕肉 $88第一次食冰鎮咕嚕肉😂賣相相當打卡 色彩繽紛外皮炸醬非常薄 一啲都吾厚粉 食落脆口 配埋甜酸醬 好開胃👍🏻外表微凍入面熱焫焫 冰火交融 好特別🐥麻辣雞煲 $88 一埋枱已經聞到個陣雞煲麻香味 雞件嫩滑 入味 辣度小辣🌶 配埋洋蔥 三色椒 秀珍菇好惹味份量吾錯 夠2個人食👯‍♂️🥬飛天通菜煲 $82 店員埋枱先打開蓋 熱焫焫 出曬煙 好有鍋氣😋醬汁喊喊香香 最岩送飯🍚💭餐廳食物水準高 價錢合理 食到大排檔風味 又嘆到冷氣 店內環境好坐得舒服 CP值相當高 難怪平日都咁多人排隊🥇…Read More

小子今日又出動去食嘢😂今次嚟到呢一間小菜店我抱住試吓嘅心情估唔到有意外驚喜我哋叫咗5樣野+ 1甜品 豐富的一餐小子下次黎再試其他菜同埋去性價比都幾高紅燒乳鴿 $55味道正常，冇乜特別，因為小子鍾意食乳鴿，所以想試下秋葵野菌扒豆腐 $82見佢餐牌寫住「自家製」，咁要試一試有幾特別，豆腐分開兩層，下邊係白豆腐上邊係秋葵豆腐，外層有啲脆口 唔會太淋 黃金桂花蝦球 $108冇諗過，一碟有咁多粒有10隻，仲要係每一隻都沾滿鹹蛋黃，而且唔油，隻隻都夠乾身 冰鎮咕嚕肉 $88呢個都有小驚喜，咕嚕肉上枱唔可以即時食，要放一陣等啲冰可以冰住啲咕嚕肉，外層脆口聞落果汁有啲酸，但食落又正常啖啖肉小子最欣賞咕嚕肉中的菠蘿，係新鮮菠蘿深海墨汁海鮮麵 $98上菜時外觀都幾靚，見到都好想食裏面有帶子、蝦、魷魚各三粒 係偏麵、正常都幾好、份量都夠多 鹹檸七 $18正正常常冇乜特別 除咗有鹹檸檬仲有鮮檸檬🍋榴槤雪媚娘 $16榴槤蓉係幾香 ，但裏面啲忌廉有啲甜…Read More

自家製嘅 秋葵野菌扒豆腐 ($78)，外層微微焦脆，一咬開超級滑溜，係玉子豆腐嘅質感！兩層顏色分明，卻又黏在一起，豆腐本身味道淡，同濃稠嘅醬汁都幾夾，係頗為特別嘅一道自家小菜。餐牌上有唔少大排檔菜式，例如 椒鹽九肚魚 ($75)，即叫即製，脆漿唔厚好鬆脆，炸到連骨都可以食埋，咬開見到冒煙嘅白色魚肉，確係有大排檔風味👍🏻冰鎮咕嚕肉 ($88) 用左半肥瘦排骨，份量唔多，不過質量取勝，幾開胃，難怪每檯都有叫一碟🤭除左小菜都有幾款燉湯，試左呢個比較花工夫嘅 杏汁燉白肺湯 ($42/盅) ，足料又滋潤…Read More

晚市主要做小炒，適合多啲人嚟開心share。佢價格吾貴，味道都不錯，但我覺得有d餸都偏細碟，例如豉椒炒蜆同埋冰鎮咕嚕肉。大肚婆炒飯- 佢嘅招牌炒飯黎，都炒得好香，同埋好多料，有蝦，蛋，肉等等。豉椒炒蜆- 好多洋蔥但係蜆嘅份量未算好多，而且蜆肉都唔係好夠熱同入味。清官茄子-好似切粒版嘅魚香茄子，惹味，撈飯一流。冰鎮咕嚕肉- 原本以為係凍食嘅，原來只係將熱炒完嘅咕嚕肉放喺冰上面，所以一開始食都係熱嘅，除非擺到最後先食，但係都好好食，佢份量吾多但咕嚕肉好大粒，酸甜味剛好。黃金九肚魚- 鹹蛋黃好香但好濟，炸到又熱又脆好正，魚肉好滑，下面啲炸粉絲都好食😋…Read More