Tealosophy Tea Bar (Wyndham Street)

其實如果唔講你會以為呢間餐廳係日本開過嚟 (其實係澳門) 因為無論喺裝修, 食物同埋服務方面都係日本水準基本上佢哋係售賣茶飲服務 尤其係日本抹茶 例如有徑山/瑞雲/勝雪 (點解全部嘅名都咁好聽) 但係今次去嘅目的主要係為咗佢哋嘅期間限定套餐 - 冰磚蕎麥麵🧊套餐包括明太子抹茶蕎麥麵(配梅酒汁), 厚燒玉子, 靜岡濃厚抹茶&焙茶生朱古力, 以及手打冰點靜岡抹茶(徑山)本人大愛蕎麥麵 特別係喺夏天可以食到一碗冷蕎麥麵 可以消暑 感覺一流 然後再配上梅酒汁和明太子 層次更為豐富綿密 麵質彈牙 帶以微微抹茶味 再加上用一大舊冰磚作為盛器 視覺衝擊更為爽快 頓時消暑不少而另外厚燒玉子和兩款朱古力都喜出望外 玉子帶甜而結實 兩款朱古力都有濃厚嘅抹茶同焙茶味道 亦唔會死甜 甚為驚喜唯一要留意嘅係佢哋杯抹茶係用碗嚟盛裝 然後加上冰塊 所以每次飲之前最好先輕輕搖勻 以免上層飲冰水 下層就太濃…Read More

今次介紹嘅係一間澳門過江龍既日式茶館🍵，主打糕點、手沖茶、日本菜同佢地既打卡招牌冰磚麵。店鋪表示不使用化學材料，用傳統茶道即沖即製，從而做出原始茶味。師傳有係日本考獲茶道證書，係江戶千家派。-排隊🧍🧍‍♂️🧍每日11點半開始營業，五六會比平日收夜啲，無落場時間，但如果係為左招牌冰磚麵而黎就要早啲黎，因為係限量供應，當日大概12點3到，唔駛等位，1點2到食完，出去個時已經見到人龍，有4-5人等緊，店有提供大約4張櫈比客人邊坐邊等，建議假日唔想等要1點前到。-付款💳餐廳係先付款後取餐，會先比現成既特濃冷茶或者即沖茶，後上套餐。-環境🪑以日式風格為主🇯🇵，店內大概有12個2-3人位，張枱偏細，好勉強擺到兩個人既餐，最入有一個類似榻榻米又可以坐係側邊既區，可以容納大約6人到，有3個bar枱位面向出面街，落地玻璃望住雲咸街既街景。😍-🍜 冰磚冷麵套餐 💰228（👅: 7/10）等左15分鐘終於上菜，每日限量既招牌套餐，而且係夏日期間限定，平日14:30後先供應，星期六日全日供應，包括明太子抹茶蕎麥麵，白胡麻豆腐，茶凍同特濃水月冷煎茶。先講賣相，打卡值滿分既冰磚麵😍😍，最重要係個冰磚夠哂晶凝通透，可以望到擺落去既蕎麥麵，其實要做到咁通透既冰工序好繁複，要用熟水先可以做到，而呢間鋪係將水煲滾左之後放涼後再煲滾多次再做冰，先做到可以比大家打卡既冰磚🧊。至於味道，佢係溫度保持冰冷既蕎麥麵，上面配上明太子、紫菜碎同自行加落去既梅酒豉油，蕎麥麵麵質正常，唔會太腍算有咬口，會食到抹茶味但食唔到其他味，加左梅酒豉油唔會話有驚人既味道，但梅酒豉油會聞到梅酒香味，份量有D少，個人覺得係gimmick，味道就正常唔算特別突出，另外麵會好容易痴實係冰磚內，食既時間要小心。白胡麻豆腐質感會似布甸，唔係香港平時食開既質感，但係日本菜黎講係幾常見，未食過會覺得幾新奇，凍豆腐上面有白胡麻醬，因為有食過更好食，個人覺得係比較普通既前菜，豆腐唔太食到豆香味。至於茶凍係玫瑰花桂花茶凍🌹，質感係煙韌，聞到小小玫瑰花香味，食落桂花味重，帶清甜既味道，係唔錯既桂花糕。😛特濃水月冷煎茶，故名思義就係雪凍左既煎茶，用一個好靚既水月玻璃樽盛載，唔係即時沖製，但採用日本當地農夫既新鮮茶葉，味道確實係特濃，茶味好濃，會有小小澀味，未必個個人都鍾意。-🍚 茶漬飯套餐💰138（👅: 7.5/10）茶漬飯套餐（SET B），包括一個茶漬飯，是日配菜一款，手工茶凍同是日手沖茶。湯底會期期唔同，有時會係白飯魚加醃芥菜，當日係高菜櫻花蝦。茶底同佢既沖茶完全唔同，較淡但食到茶味，唔會太濃搶哂D味，櫻花蝦食到蝦味鮮味🦐，香脆既口感加落茶漬飯係唔錯既配搭，加上鹹鹹既高菜🥬，味道係清淡得黎又唔會單調。小食因為叫左冰磚麵一樣既，所以唔再重覆介紹。是日手沖茶，當日飲既係白牡丹，茶味會比特濃水月冷煎茶淡，如果鍾意味道淡D會鍾意，偏大眾既口味，另外可以無限添水，慢慢嘆茶，飲完仲可以羅走個杯留念。-🌟總括黎講茶漬飯味道唔錯可以一試，至於冰磚蕎麥麵味道唔算特別，但打卡一流因為係香港唯一一間有得叫，但價錢要228一個餐實在唔平，環境行日本風，如果鍾意飲茶都值得一試，而且仲有好多賣相一流既和菓子🇯🇵。-👅味道: 7.5/10🍴環境: 7/10💰消費: $228/138-158 (冰磚冷麵套餐/茶漬飯套餐) (服務費: NA)…Read More

❀ 汴京茶寮 #中環 ❀❗️放慢腳步嘆一口茶 中環一係恬靜茶屋❗️——————————————————休閒嘅下午嚟到呢間澳門過江龍嘅茶屋，茶屋環境寬敞，佈置日系，仲有個超大嘅榻榻米，而且仲係working friendly✨依家香港越來越多Cafe，傳統嘅茶道開始慢慢被遺忘，但呢一間依然堅持為顧客帶來傳統手沖茶🍵另外亦有一啲日式茶漬飯、飯團、蕎麥面、和果子等等。.午市時間有幾款唔同嘅套餐選擇，包括茶漬飯、定食、飯團、冷麵套餐($98-108)🍙。另外三點後亦有下午茶優惠，除咗和果子以外嘅甜品包括銅鑼燒、茶凍、麻薯、芝士蛋糕，購買手沖茶可以優惠價加配🍡。而且大部份食物都拎走，你可以喺網上外賣平台嗌外賣。.✷𝑀𝑒𝓃𝓊✷☞ 冰磚冷麵套餐$228最出名莫過於呢個冰磚冷麵，多次繁複嘅工序先可以整到咁晶凝通透嘅冰磚🧊。大大嚿冰磚浸住爽口嘅蕎麥麵，整咗蕎麥麵保持清涼，配上明太子、自家製嘅梅酒豉油，簡單美味💕。另外套餐仲配有一舊小紅豆糕、桂花茶凍、同特濃水月冰煎茶。推薦一嘗佢哋嘅茶凍，同一般一咬就散嘅果凍非常唔同，反而係有少少煙韌，口感好有趣🌸咀嚼之下桂花味會更加出，非常清甜。至於特濃水月冰煎茶雖然唔係即時沖製，但都係佢哋每日新鮮預備嘅冷泡茶，不過味道對我來講就有少少澀。留意佢哋平日係2:30後先供應，星期六日就全日供應。味道: 3.8/5 性價比: 3.5/5.☞ 茶漬飯Set A套餐 $98挑選左最平嘅茶漬飯套餐，包一碗飯同手沖茶🍵。湯底會間中有所轉換，當日係高菜白魚，清清鹹鹹咁，再帶有少少薰香嘅味道，未算非常驚艷，但有種日式溫暖清淡嘅感覺☺️。套餐跟一杯是日手沖茶，當日係白牡丹，可以無限添水，喺呢個環境嘆一杯清幽嘅茶都幾唔錯。味道: 3.5/5 性價比: 3.5/5.☞ 迷你和果子-柿子🍊$38/2佢哋亦有少少甜品，最吸引我絕對係呢啲迷你得意可愛嘅和果子。唔同款式係唔同嘅味道，今次呢個柿子係紅豆蓉。外皮比我想像中黏口，內裏嘅紅豆蓉正正常常，味道算不上最出色，但絕對係一種值得一試嘅特色精緻日式甜點😆。味道: 3.5/5 性價比: 3.5/5.整體來講呢間茶館嘅食物就唔算非常驚艷，但我覺得係成個環境感覺吸引，有一種遠離繁囂重拾恬靜嘅感覺🥰適合chur完之後放下心情休息一番，當然亦都啱晒打卡啦。…Read More

胃弟趁大胃好攤條咁品緊茶嘅時候打嚟，我妖咗一聲回應：「飲緊茶呀！」就收咗線，冇錯，3點3仲飲緊茶，不過係日式嗰種煎茶個樽好靚，而且飲落好香茶味。隔離嗰碟大胃以為係椰汁糕，原來係豆腐，有韌性又香芝麻味和菓子通常俾人感覺死甜，但呢碟係幽幽的甜，驚喜之作一咬開茶凍，花香四溢，唔捨得食晒佢朱古力蛋糕質感似拖肥，嗰種甜用嚟配茶啱晒原味則有些少椰香，另一番風味茶漬飯配上三文魚碎，可以中和其油膩，仲有淡淡茶澀，好出色仲有啲菇可以增加其口感𠻹用冰嚟當碗用真係第一次，溫度令味道昇華可以試點汁或唔點汁，係兩種世界嚟，但醬汁好特別，差啲忍唔住飲咗佢八女冠茶味道清甜啲，凍飲都適合而宇治冠茶則較濃澀，茶控必選呀疫情期間如果怕中式飲茶高風險，不妨試一試日式啦…Read More