Lei Bistro

今日試吓呢，睇吓點先🤔。入到去環境都唔錯，又唔太嘈吵👌。坐底服務員就比咗張微信嘅 QR Code，用嚟點菜，有 95折👍。點完菜，都未有杯茶或者水喎🤦‍♂️。先嚟淮杞燉螺肉，湯好清，有雞腳、豬肉、螺肉，個湯入口清甜唔濃，而且都好大碗👍。然後到冰燒三層肉，皮脆肉嫩👍。四川擔擔麵，真係得個酸辣，冇花生醬味👎。醬燒銀鱈魚，就得燒過嘅有味，而且都帶鹹，中間肉冇味👎。溏心溫泉蛋，冇咩特別，而且好冰冷😥。法式焗珍寶蠔，個芝士醬芝士唔夠濃，蠔就帶點韌添，蠔下底仲有條火腿，都帶鹹😥。南翔小籠包，不過不失😊。到埋單時，服務員問點解食唔晒❓唔好味❓我話唔好味，所以唔食😊。佢跟住話，早啲開聲，換過丫嘛😀。換過都食唔晒啦🤦‍♂️。…Read More

如何令一餐飯感到滿足，需要很多因素。但最基本是食物質素和價錢令您覺得合理。「利小館」正是令人覺得很合理，很滿意。環境一般，但很乾淨。即使不是新店，碗碟仍未折舊。不過感覺有點迫，尤其是在門口放置的幾張枱面對着商場，食客會很不自在。菜式種類繁多，隨您配搭。有不同燉湯，點心，小菜，不用去酒樓也能夠品嚐鑊氣小炒。小提示：一般侍應只給客人落單紙，建議要求看餐牌，圖文並茂。杏汁燉白肺杏汁味道適中，不會過份濃，足料入味。雖然不是十分驚喜，但總算是不過不失。以這個價錢喝燉湯還不錯啊！冰燒三層肉算是這店的招牌菜，每一件四四方方的再砌成tic tac toe的樣子，的確不錯。可惜欠缺少許脂肪，沒有很juicy。建議試試，反正各人口味不同，與我同行的便大讚好。蜂巢芋盒跟一般飲茶的蛋形芋角有別，它的底部是特別煮理，才令原本應該單調的造型也有這賣相，所以稱之為芋盒。可見菜式也略花心思，味道也很可靠。香檳汁焗海鮮飯我除了是愛湯之人，焗物也是我的心頭好，因為通常焗過的飯或意粉必先夠熱，而且就像這碟海鮮飯一樣，汁能滲透整個飯之餘，那層芝士分佈均勻而且不會過燶。配料有小元貝，菇類，紅椒等，不說也吃不出是香檳汁，總之好味便好。溫度也一直保持着，吃到尾還是熱的。下次可以試試其他焗飯，似乎也有保證。二人吃得飽飽的才不需Hkd300，感覺很抵食。我是早了吃晚飯，約六時，所以才不用等位，而且上菜速度正常。但平日到了七點左右還是很多人等候的。來Times Square附近shopping，不妨考慮試試吧。For sharing: "If you want something different, you must do something different."…Read More

閒日的兩口子小晚飯，就來到平價版的利苑－利小館，多點幾道小菜，價錢都相對便宜。蜂巢芋盒 ($33)第一次嘗試，意外的好吃！薄薄的外皮十分酥脆，而不覺油肥膩。內餡是芋頭和一些似糯米雞內的肉碎，雖然不知是什麼的醬料，就是很搭配！愛吃煎炸食物的朋友可以叫。冰燒三層肉 ($78)略嫌肉少脂肪多，咬下，油脂即時四溢，可惜肉薄缺失了豬肉香，幸好香脆的表面補救了不少分數。湖北黃金蝦 ($72)相對比較失色的小菜，咸旦黃糊糊的，也沒有咸香，幸好有凌落的蔥粒搭救，增加了清新感，蝦偏「梅」身，蝦味不濃，唯一是進食方便，蝦已去頭及觸鬚，而且是軟殼，無需去殼，可以原隻入口。籠仔荷葉飯 ($52)這個荷葉飯好似挺有名氣的，放在迷你蒸籠以荷葉包裹，飯的份量不算多，大約一般飯碗的1.5碗，米飯吸收了荷葉的香味，每啖都帶輕弱而柔和的清香。肉料不多，好像是「有色飯」為主，荷葉飯整體口味清淡，無什油膩，頗為健康飽肚之選。宮庭醬烤肉(配饅頭) ($62)端來時是整整一大件連皮帶肉的厚件豬肉，店員即時在我們面前剪開，我倆望看一眼，咀角微微上揚，沒料到平民版利苑都有如此周到的服務。宮庭醬烤肉原來是五花腩伴上咕嚕肉般的甜酸汁，稍有差異是這醬汁偏甜，手拿溫熱的饅頭沾上醬汁，外脆內鬆的口感配上甜酸汁，更是回味無窮。另外叫了白飯一碗，埋單只是 $350，周日用AE優惠於美心旗下的酒樓吃一個2人晚飯都不止這個價錢，而且這晚是大家都吃飽，還有剩打包，價錢和食物質素絕對值回票價。我們是即日訂座，獲安排近門口舒適安靜的位置，環境也不錯，知客店員和其他服務店員都很有禮貌，親切可嘉，倒是挺意外！下次再到時代廣場吃中菜，已決定會重來利小館。…Read More

比食評中既「冰燒三層肉」所吸引, 就同男友黎左呢度食 可能係閒日, 拎左飛之後無幾耐, 企門口果位侍應小姐就叫我地入去...點知...一入到門口係無人帶我地去個位度囉  由門口去到我地個張檯, 其實只係行廿幾三十步就到....但係我都要分別問2次唔同既人..我個張檯係邊...仲要我問佢地個陣都無意慾帶我去..基本既服務都無..  咁講下我地叫左咩先, 分別有「冰燒三層肉」, 「蠔油北菇扒津白」同埋「荷香污糟雞」.冰燒三層肉好好食, 皮脆肉嫩唔死咸, 無令我失望   不過78蚊得9塊有D貴...蠔油北菇扒津白係最失望既一碟..D汁好稀好似水咁, 津白掛唔到D汁所以好淡...好似分別食緊蠔油北菇同烚津白 荷香污糟雞一般, 雞好滑, 但只係得少少荷葉味.食飯期間, 侍應都2次主動加茶, 服務方面算係加返少少分.但係好難接受到無帶位咁基本既服務 野食方面, 可能我地叫錯野食..? 得冰燒三層肉係值得推介.同埋真係唔太抵食, 份量偏少, 係銅鑼灣區搵差唔多價錢既上海菜...仲有其他選擇 …Read More

記得利小館剛榮獲米芝蓮一星推介不久，我也曾慕名光顧。那次或許因為不懂點菜的緣故，沒有吃到其招牌點心，反而點了雞絲粉皮、小籠包及擔擔麵等滬菜館常見的菜式，卻又不見得比王家沙及翡翠拉麵小籠包等店子出色，所以當利小館從2012年米芝蓮推介名單中消失，並未感到奇怪。直至近日經過利小館門口，看見接待櫃檯上放了一張下午茶套餐的餐牌，每位$78就可以一次過品嘗合共九款鹹點及甜品，價錢挺划算，便再來一次。先來的是點心拼盤，包括蝦餃、野菌餃及叉燒包。蝦餃皮厚薄適中，隱隱透現出蝦仁內餡，夾起時更沒有黏住蒸籠紙或筷子弄得皮餡分離，入口餃皮柔韌而蝦肉爽口鮮美，是高水準的表現。野菌餃賣相晶瑩剔透，薄薄的水晶皮能夠清楚透現塞得滿滿的餡料，外皮同樣柔韌而野菌內餡味道香濃，女友一試便大讚好吃。叉燒包沒有「倒汗水」弄濕包身變糊的問題，包身鬆軟可口，加上包內濃惹的叉燒醬，亦合格有餘。再來是數款鹹點，當中最喜歡是切成小方塊的冰燒三層肉，頂層金黃色的芝麻皮、中層薄薄的肥脂與底層的嫰肉，賣相精緻的骰。芝麻皮鬆脆、嫰肉軟熟、再加上咀嚼時滲出的肉香，絕對是不可不吃的名物，唯一挑剔的是每人兩小塊實在太少。春卷賣相平平無奇，不過內裡卻暗藏玄機，在春卷皮與雜菌餡料之間，夾有一層越式春卷常見的炸粉絲皮，吃起來香脆與鬆脆兼備，為平凡的春卷增添一點新意。蘿蔔絲酥餅外層酥脆，內餡的蘿蔔絲濕潤軟熟又清甜，是另一款令人非常滿意的點心。甜品拼盤包括鬆脆麻花、楊枝金露及椰汁紅豆糕。脆麻花可謂最不花巧的甜品，吃起來鬆脆香甜，簡單而美味。據說楊枝金露由一位利苑駐新加玻的大廚所創，故餐牌上加上「始創」二字，入口滑溜香甜，每一口也吃得到芒果肉、柚子肉及西米。椰汁紅豆糕內裡的紅豆夠粉軟，吃起來有椰香而不死甜，味道同樣不俗。套餐每位還附有一杯飲品，天氣漸漸變得乾燥，來杯竹蔗茅根清潤一下也不錯。套餐內每款點心與甜品也精緻好吃，加上下午茶時段人流不多，來利小館吃個中式High Tea原來都可以幾嘆！…Read More

三月三十一日 (星期四)雖然米芝蓮香港與澳門指南的評分在香港似乎未得到廣泛的應同但是好吃之人都會盡力跟去試一直都想做完GYM過來試試今晚又適逢時間許可,而且肚子又餓遠遠見到有人等位,都擔心過要等太耐可是原來只須要等五張檯,而且turnover很快幸好有留意,原來店員不小心地叫漏了我們的號碼呢在店外已經想好了幾道菜紅燒獅子頭這個是MENU上推介的,似乎不得不試我們很少吃獅子頭的,因為怕豬肉打得太實這個倒有水準,效果做得恰到好處加上有咸蛋黃和馬蹄在肉內而且汁香味濃,完全地帶起了豬肉的鱗香味油鹽海中蝦煎麵怎樣都要叫個飯或麵,老公仔才夠飽呢蝦有四個,而且每個都是中SIZE煎過的蝦,外殼很脆,老公仔連殼也吃下經炸過的幼麵,很香脆冰燒三層肉是MENU中必吃的,而且見到附近差不多每檯都叫賣相的式,我不好燒肉的,但是這個卻改變了我對燒肉的印象不太硬,咸度剛好而且香脆的外皮夾雜著中間的一層肥肉,令人一試難忘這頓晚餐不但令我對燒肉改觀!也令我對利苑集團留下一個好印象! …Read More

見到openrice介紹，所以諗住帶屋企人黎試下，點知係冇得訂位。　因為老人家排隊比較辛苦，所以我地就擇日早少少黎過。當晚我地19:25到，人齊先比位，20:45交枱，不過當我地20:30還枱時門口係冇人等位既...環境：裝修簡潔光猛。走廊同坐位就好狹窄，枱櫈好細張，我地身材有返咁上下既人真係坐得唔係好舒服。媽媽連手袋都冇位擠。其實張枱連我地叫既食物都唔夠位放。服務：1)　人手不足，我地等左成十分鐘，訓完舉手先有人幫我地落單，重要一個推一個好似唔想做咁。2)　笑容欠奉，態度非常麻麻，同母餐廳＂利苑酒家＂真係差天共地。衛生：1)　食得出好多食物係預先做好，上枱前叮返熱比客人食。雖然唔知預製既食物係點放置，不過心理上已經覺得唔衛生。如果黎餐廳都要食返叮過既食物，我不如買返屋企食算數啦。2)　執枱時會喺客人面前張食物倒黎倒去... 唔知重以為自己去左茶餐廳添 3)　好奇怪：有濕巾冇乾巾。味道：冇錯，上食物既速度好快，不過唔夠新鮮熱辣　豆漿：$12；夠涷夠甜，爸爸話正。　清心圓肉雪梨茶：$14；好多料，食哂會好飽；味道唔夠甜而且帶苦，唔啱我。　雞絲粉皮：$42；雖然食評們都話唔係咁得，不過個人本身好鍾意依味餸，所以好想自己親自試下。　希望唔係好大，失望係預左既：雞絲同粉皮都好乾，所以連醬入口時覺得特別黐口。粉皮口感較靱，雞絲就好嚡。唔點。　香芧烤豬仔腿骨：$98；一款openrice同食評們推介既食物，19:30落單居然已經賣哂，重要冇得預訂，真係好唔開心。　梨山醬汁骨煲：$68；失敗之作！用煲上原意就係想保存煲煮既熱度，不過連個煲都唔辣手，咁你話個煲入面既食物溫度點呢?!　唔夠熱之餘個骨重有陣雪味，同行既人都覺得煲骨係一早整好，客人叫左先整返熱既，非常之唔專業。講真食落d骨好似係喺個鑊到煮完先放喺個煲到咁，而唔係一個煲煮既餸，又冇鑊氣又冇煲氣。個汁太甜同太杰，最唔好就係食倒漿粉粒。　冰燒三層肉：$68；細細粒，易入口，皮脆肉嫩好對板。如果可以再熱少少就perfect 啦。雖然有層肥膏，但係食落完全唔油膩，好精彩。必吃推介一！　小籠包：$26；新鮮熱辣，皮薄餡靚，肉既份量適中又夠湯，味道又好，完全唔肥膩，冇得彈！必吃推介二！　嫩雞煨麵：$42；賣相唔得；湯雖然多，但太稀，不過個味道好正，冇味精味之餘重好有雞味，非常意外。雞肉好碎，食唔出嫩唔嫩，選用既麵係米線，做得唔夠啉，感覺似係一碗雞肉碎米線多過係一碗嫩雞煨麵。　菜肉雲吞湯：個湯底應該同嫩雞煨麵一樣，真材實料。菜肉雲吞個餡好似有菇（唔敢肯定），口感同平時食開既菜肉雲吞唔同，好爽口好鮮甜，讚。推介三。　蘿蔔糕：$18；爸爸好滿意，煎得夠熱，皮夠脆，料既份量啱啱好唔會太多或太少，味道都唔錯。　紅燒獅子頭：$58；有陣強烈既咸魚味，又夠熱，老人家好啱。本身好鬆，肉質嫩，加左馬蹄所以好爽口。推介四。　正宗海南雞飯：$58；一d 都唔正宗，超唔點；賣相唔得，雞肉ok啦，不過d汁出哂事：薑蓉好乾，唔夠味；辣醬變左做甜酸醬；甜豉油變左做生抽。建議餐牌上取消依道餸。　楊枝甘露：$12；用料新鮮份量十足，甜而唔酸，正！價錢合理，必吃推介五。　招牌棗皇糕：$24；熱熱地，不過有少少硬，煙煙靱靱，同行既人話ok啦。…Read More

眼見幾本雜誌不約而同介紹這間新開的餐廳，襯放工時間尚早，不用等位，叫了幾款小菜同點心，話就話走平民化路線，價錢看落是較利苑平，但份量之少，其實你叫多幾個餸，都已經等同利苑價錢，這看來有點兒取巧，又一間謀人寺！荷香污糟雞 - $68不是貴，但若果食一般酒樓、茶記出品嘅滑雞盎飯的雞，就真是有點兒過份吧！肉質滑只是靠鬆肉粉造成,而唔係出自雞本身的嫩滑,雞味當然亦是欠奉!!冰燒三層肉- 招牌菜之一,皮燒得頗脆,份量較為袖珍...但也值得一試蘿蔔絲酥餅 - 蘿蔔絲很入味,外皮酥脆亦炸得鬆脆,一貫水準惹味回鍋肉(跟蝴蝶包) - 一般京香餃 - 個汁幾好味上海小籠包 - 一般白飯一個 …Read More

話說是先看到 OR 這裡的鱔稿才知道開了這麼一家利苑的副線店的。曾幾何時, 我家是極近利苑酒家的某分店的 (幾乎就在家樓下!), 但吃過的次數, 唔, 記憶中只有一次咁大把, 就是住在新界的祖父難得過來探我們, 一家人齊齊去飲茶, 此後就再沒有踏足過利苑半步矣 (其實沒什麼特別原因, 但偶然想去的時候總是緣份未到, 奈何; 而祖父也已過世十多年了)。說多了。所以我就帶著對利苑這個品牌的這份難以解釋的迷思, 跟家人來利小館吃了一頓。沒有正牌利苑的門高狗大 (沒有貶意的, 我倒真是這樣的覺得), 利小館的門面可說相當低調。來的時候是新張個來星期左右, 就是怕新 XX 人太多, 我七時未夠已到店霸定四人枱一張。店內裝修由名都未識讀的外籍名師設計, 簡潔是幾簡潔了, 但其實枱與枱之間的空間甚狹窄, 僅容一名侍應走過。一邊等家人來一邊翻著精美的餐牌, 發現這裡比利苑其他店鋪多了些上海菜的選擇, 如小籠包等等 (但明明利苑是賣粵菜的嘛)。要吃上海菜的話大把其他選擇, 所以就揀了無論如何都要吃的利苑名物冰燒三層肉, 再加點別的東西。點菜後, 三數分鐘後已開始上菜, 很快呢。陳醋詹耳 ($38) 是一味清鮮爽口的涼菜, 即是用黑陳醋來拌黑木耳, 加點洋蔥絲之類, 酸咪咪的在盛夏很能引人食欲。冰燒三層肉 ($68) 果然沒令我失望! 其實就是精裝版的燒腩仔, 雖然賣很貴, 一碟只有 9 小件, 但每件都切成工整方形的一口大小, 看起來, 皮脂肉三層分明, 未吃已忍不住盡情給它留下倩影了! 咬下去才不得了, 表皮雖略為厚身卻極之香脆, 有少許五香粉的香味, 乃是精華所在。下面是厚薄適中的脂肪層, 墊在皮下有如咕, 甘腴得來爽而不膩。底層便是軟嫩的豬肉, 旁邊的芥醬也用不著了。一口肉有三重口感, 真是貴些也值得, 不愧是名物。椰皇燉鷓鴣 ($58) 是素聞利苑的燉湯出名而點的, 而這味據說是新作。原個椰皇切開加入滋補的鷓鴣、蟲草花 (又名蛹蟲草)、雞、豬肉等, 燉六小時 [這個是抄報紙的] 而成。我媽一見湯內只有那麼三幾條蟲草花便開始嘮叨起來, 說幹嗎這麼少料...(嗯出街食係咁口架啦, 邊似得阿媽您煲湯下一大把下去呢 ), 不過這個組合又真是幾好味, 湯水難得的不油, 清清的充滿椰子的甜香, 肉類也燉的酥軟, 椰皇內薄薄的一層椰肉也可以吃。而且鷓鴣如今都比較難找, 要在這裡喝湯的話我會推薦這一款啦。蠔油扒北菰津白 ($48) 沒什麼特別, 是為了有點蔬菜而點的, 要求了蠔油分開上, 竟給了大大的一碗來, 可想而知如果整碗倒下去的話會有多鹹。價錢沒辦法也是偏貴。清炖雞湯拉麵 ($46) 該是上海式的東西吧 (又說不點上海菜的?), 不過飯麵類沒什麼合兩老吃的才選了它。湯和麵是分開上的, 吃的時候自行加到麵裡便成。雞湯油了一點 (有雞腳在的話在所難免), 肉有點韌而麵就有點腍, 一般。其實這一餐的重點, 不是其他, 而是楊枝金露。店家為慶祝新張, 顧客於2010年7月31日前, 可以半價 $12 品嚐集團始創楊枝金露 (原價 $24)。每人可點一客, 我們就點了兩客。楊枝金露如今通街都有得賣, 我也沒多考究其起源了。不過這裡的是無話可說的好吃, 見其色澤金黃就知落足料, 除了香香的芒果之外, 也有 creamy 的椰汁和忌廉, 再加絲絲金柚子和紅肉西柚, 是很不錯的。我覺得單是吃這個已值回票價了。食物來說還是挺好的, 可是地方就真的太逼, 菜又很快已到齊, 上多兩碟菜已放滿了一桌, 差點不夠位吃。而且吃得都相當之趕, 我們就坐了一小時左右, 看著旁邊的二人枱已翻了三次! 可能很多人都趕著去血拼或者看戲吧。離開時已見大堆人在等位, 真誇張!埋單 $320, 都算貴, 不過還有其他東西想吃, 有機會會再來的。至於正牌利苑嘛, 也是那句, 看緣份吧。…Read More