季季紅風味酒家

今晚到屯鬥出席長輩的壽宴，其實日前已訂了位，但由於人太多所以都要等，我們等了大概十五分鐘終可以往樓上入座，我們共有23人要分開兩枱坐。先來全隻蝦禾米乳香豬上枱，感覺有點奇怪，因為全隻豬都是"光身皮"，而且四隻腳伸了出來，又未斬件，原來是讓客人欣賞他們的招牌主打，更讓食客們影相留念，我一定不會放過如此好機會啦 ! 蝦禾米乳香豬 ~ 分件後把隻豬分開每枱半隻上，雖然係招牌菜，但我個人較喜歡吃芝麻皮那種脆皮的口感，唯一不同是多了些炒飯分散了注 意，幸好炒飯夠乾身，其實尚算不錯，但呢隻豬的價錢要620元真係幾貴。大勝雞、香煎蓮藕餅、 炒菜心、 茄子煲 ~ 都係普通。 豬肺湯 ~ 好清，比較淡味。冰淋醬烤骨 ~ 酸甜適中，開胃惹味。芝士琵琶豆腐 ~ 比較普通，我本人並不喜歡太多汁。豉汁蒸黃立倉 ~ 沒有泥味都算不錯。壽包 ~ 大大個，最欣賞裏面有少許鹹蛋黃特別好味，但完來有部份是沒有鹹蛋黃的。已忘了這餐飯結賬是多少費用，由於今次是以家庭形式計算，所以共除開八份請長輩吃飯，所以我和另一半是其中一份共付了300元，全晚除了隻豬整體而言都算便宜。…Read More

因為生日果位朋友仔佢只係鍾意食中菜，又少入新界，我同Cobi爸就提議不如入屯門食炭燒乳豬啦~咁就一行8人，浩浩蕩蕩入屯門!已經係第3次到訪，每次都會叫嘅一定係炭燒乳豬、其次係大勝雞、冰淋醬烤骨、豬肺湯，呢4樣已經響之前嘅食評comment過，今次水準依然，所以唔長氣啦~日式介未牛柳粒我同Cobi爸食牛肉都係好咀刁，真係好少對街外整嘅牛肉太讚，呢到都唔例外，牛柳啲質素只是一般貨色，食唔到有鬆肉粉，但係同時亦唔見有牛肉味，入口只係知道自己食緊一粒有wasabi味嘅肉粒，冇咩驚喜可言。豉椒味菜炒鵝腸依家好多菜館都好少供應鵝腸菜式，處理工序又繁複，又要洗得乾淨，我地D客人先食得放心。呢碟鵝腸炒得非常爽脆，裡面的肥羔唔算好多，不過入口就非常惹味，攣攣曲曲嘅鵝腸掛滿醬汁，食到個個「索索聲」，好得！膽固醇?咩黎架?!檸檬沙律醬蒸烏頭呢排同烏頭結下不少「仇怨」，鹽焗烏頭、鹽燒烏頭、泰式明爐烏頭、咸檸檬蒸烏頭!檸檬沙律醬蒸烏頭?未試過，當然要叫黎試下，以醬汁黎講幾得意，酸酸甜甜頗開胃，不過食唔到有沙律醬味，反而多左D好似紅莓響上面，但論魚嘅質素就麻麻地(咁近元郎都唔入D好野)，雖然冇泥味，不過就唔夠大條，欠缺左肥美嘅黃油，絕對稱不上係一條靚烏頭，不過肉質尚可接受，蒸嘅時間都準確，呢味只係緊緊合格。黃金蝦炸得夠乾身，蝦背有界刂左1刀，較易熟同時，亦可以令鹹蛋黃味道更容易滲入蝦肉中，色澤亦夠金黃，鹹蛋黃推得夠開，每隻蝦都薄薄地黏上幼滑嘅鹹旦黃，香口惹味，蝦殼又炸得香脆，好味到叫人忘記咩叫膽固醇呀!記憶中，第1次食黃金蝦，都有成over 10年前啦，地點仲記得響北角嘅東竇，一食就驚為天人，不過開始年紀黎，食野方面都要節制下囉~~~炒唐生菜菜好嫩，唔太鹹，又大碟，又夠鑊氣，不過油就多左少少啦…記憶中，上次嘅服務麻麻地，今次亦唔見有咩大躍進，待應仲好老實同我地講，D碗筷一定要搵熱水沖沖佢呀…咁即係點呀? 叫D客自己帶私家碗筷呀? 咁都有嘅? @@…Read More

雖然家住附近但都未一試其米豬蓮風采今回決定一闖!!~餐牌有好多孖寶套餐侍應呀姐都話兩送配搭抵食先唔談論究竟係咪堅抵食但發現set menu 既人心水清, 無論點配都係等價組合, 就已經知道唔少野初次黎到通常都係聽呢d 呀姐講Anyways 叫左兩個孖寶套餐再加送上菜速度驚人, 一黎就上左大勝雞... 雞味大出, 一食就覺得應該係好新鮮既走地雞, 而且不油不膩; 好快就黎埋富貴黃金蝦, 蛋黃香融入蝦中, 蛋黃油下渗晒落底層炒過既米粉, 好惹味。緊接住有豉汁蒸黃立倉, 反觀這一道就平平無奇, 豉汁太多搶過魚味。終於等到有名既乳香豬。雖然因為人少叫唔到攞獎既蝦禾米乳香豬, 但少portion 既乳香豬都應該大同少異。唔知係咪期望太高定點, 並不是如此令人嘩然。少少油膩而且無咩肉食, 只係好似食豬皮咁… 但又唔係話好脆…@.@另外要左季季紅小炒皇, 以為係炒菜, 點知係腰果蝦醬炒西芹.. 油膩程度有十粒星.. 而且仲要辣口唔惹味....同埋好咸再上場的有好多食評都有讚既冰淋醬烤骨同埋蝴蝶腩豬肺頂菜膽湯。前者熱辣辣~ 有好香既話梅醬包封住啖啖肉既骨排, 挺惹味, 不過客觀認為, 呢味送如果唔鍾意話梅既朋友應該唔會喜愛; 後者既湯好清同淡口, 無咩「火喉味」, 食唔出有咩咁值得大推薦喔最後甜品有桂花糕, 竟然成為全個晚飯既敗筆!! 超濃有渣既糕點完全唔係我杯茶........米豬蓮風采.. 應該只局限於某一兩度食物而已只能說可惜跟它無緣吧 :(…Read More

今日和家人到季季紅食晚飯，由於即興所以我沒有預先訂座，便要早點來到才有位！雖然提早在七時來到但店內下層已經滿座，上層也有大半客人，人氣米芝蓮力量果然厲害，記得曾幾何時來季季紅食晚飯是輕輕鬆鬆現在卻是擔心沒位要提早訂座免得呆等，現今車軚風雲！踏入上層開始聞到有一股像是街市裡的家禽氣味實在很不自然，我們準備落單時又出現人手不足 每枱客人都必點季季紅靚湯，家人對此湯讚不絕口其賣相湯清而且味甜，持續保持水準值得一讚！黃金蝦味淡估計咸蛋份量不足，色澤方面又炸得不夠金黃但勝在已除蝦殼，大家吃上啖啖蝦肉＋分方便！父親對於此道炭燒肉的評語是“皮硬肉唔香”，其實我也認同！燒肉皮完全沒有脆卜卜那種感覺，給予咬不下去口感！ 忌廉味稀身奶白色汁找不到芝士味道，我吃過別家的有很濃郁芝士味可說是兩回事，琵琶豆腐的味道反而不錯，若沒有加入“白汁”應是脆口惹味琵琶豆腐！不被欣賞的結果出現剩下大半碟景象！佐酒一流～熱乎乎香脆十足椒鹽軟殼蟹是救星，伴飯一流～冰淋醬烤骨，我很喜歡這類甜甜的肉，肉質軟腍滲出醬汁香味令我胃口大開，吃下數件伴飯很滿足！ 侍應奉上胡椒薑蔥爆雞煲時對它很有信心，當家人包括我吃上只有薑蔥味道的雞後，心情直插谷底說著‘無味’！ 事實上今餐價錢很經濟，對於食物質索和環境相對而言是要提升，畢竟始終是米芝蓮推介嘛！…Read More

冰淋醬烤骨- 醬汁好惹味, 酸中帶甜,好驚喜啲菜式,必食:)乳香豬(1/4隻) - 乳豬皮甘香鬆脆,肉質好嫩,名不虛傳,讚不絕口,必食奇妙醬蒸烏頭 - 開邊蒸烏頭, 醬汁酸酸，好味:):):):)…Read More

上個星期六約了一班朋友去季季紅食晚飯，好彩早一個星期已經訂了位，因為6:15去到門口已經有人等位啦 9個人叫了8餸1湯又飯又可樂，埋單只係$1,060好低食ar，再問先知原來這店是沒有加一服務收費ga，唔怪之得咁平啦 豬肺頂蝴蝶腩燉菜膽 - 無味精燉湯清甜好味足料，全場叫好 炭燒乳香豬全體 - 皮脆肉嫩肉汁豐腴，全場叫好 走地大勝雞 - 雞肉味道濃郁而且嫩滑，全場叫好 金銀蛋莧菜 - 莧菜嫩滑無渣味道適中,最正係炸蒜子勁香ar 瑤柱勝瓜炆魚鰾 - 清清哋魚鰾厚身兼入味 :)香煎蓮藕餅 - 口感爽脆味道濃郁 :)冰淋醬烤骨 - 酸酸甜甜好惹味，肉質鮮嫩幼滑 椒鹽鮮魷 - 除咗椒鹽鮮魷好味之外,最正係個底有勁多炸腰果，好味到唔停得口至尊燒鵝皇 - 係全晚最失色ga餸，雖然有鵝味但肉質實在太un喇 :(…Read More

友儕飯局，當中有人提議到屯門藍地大街的「季季紅」試吃這裏"會飛、會走"的招牌菜大勝雞及乳香豬。其實對這酒樓響噹噹的名字早有所聞，但要我這四肢不勤的懶精由港島區搭車老遠跑到屯門來，實在有點為難，幸好友人自願充當柴可夫，那就卻之不恭了。藍地村距離屯門市中心約 5至10 分鐘車程，地方頗隔涉，雖然不算難找，但由於市區無直接車可到，只可轉乘輕鐵於藍地站下車。「季季紅」這間經典的乳豬酒樓向來都是藍地的飲食地標，再加上有電視台拍的飲食特輯推波助瀾，導致這裏經常滿座，幸而店子並無坐地起價，堅持不收加一，擺明酬謝一眾山長水遠到藍地揾食的食客。酒家對出有免費停車位，泊好車後，一行七人沿著藍地大街步行，細意感受街道旁邊帶著元朗流浮山小鎮風情的色彩，看來大家不一定要去台灣海角七號才可體會到這種平靜的自然生活。至於點菜的重任，就交由食友全權負責，不過其實到這等出名小店都不外乎吃那幾樣招牌菜，所以只要把那獨門燒乳豬、會飛會走大勝雞、甚麼冰梅骨等通通點上就一定錯不到那裏去了。豬肺頂蝴蝶腩燉菜膽 -- 朋友是出名的"湯痴"，每逢外出用膳，無論甚麼粟米紅蘿蔔湯、西洋菜陳腎湯、螺頭蜜瓜煲雞湯、白菜菜乾湯都要喝它三數碗才擺休，更何況是這裏出名的豬肺湯，我這視湯如命的友人便一口氣點上三大煲，其吸湯能力，不可謂不驚人。其實豬肺湯是一種頗受歡迎的湯水，不過處理就比較麻煩。豬肺是便宜的食品，煲上三小時已非常腍口，而且潤肺止咳，對肺弱易咳的人及煙多而茶水少的人都有很大益處，特別在天氣乾燥的季節就更加有療效。這裹的豬肺湯份外香濃，因大廚用上豬肺頂、蝴蝶腩來熬湯，且每天由早上 10am 熬到下午 3pm，足足 5 個小時，故此火候十足，不寒不燥，難怪友人話「飯可以不吃，湯卻不可不喝」了。炭燒乳豬 -- 這味農場炭燒豬，據聞廚子會挑選自家內地工場供應約3斤半至4斤重又不太肥的新鮮豬隻，先醃味、風乾及烤至7成熟，接柯打才燒至金黃全熟。師傅會以全炭火燒烹調方法，令乳豬的皮更香脆，肉汁更豐腴。這隻乳豬送上飯桌時，溫度仍算溫熱，而且由於這些豬比一般乳豬多養兩星期，所以除香脆外還多了一層薄肉，難怪吃起來皮薄香脆，肉質亦夠嫩滑，口感十分豐富，再加上酒樓所配的一隻帶有酒香的海鮮醬，令人感覺到酒家一份有心思的配搭。服務員更稱如果沒有預訂的話，每天未到 9pm 大多已售罄。會飛會走大勝雞 -- 另一招牌大勝雞，據聞這走地雞養足150日，師傅更以原味白切炮製以突顯雞的鮮味，所以吃起來雞肉味道濃郁但不覺肥膩，雞咬下還是很嫩口，果然如麗梅姐講「雞有雞味」，是一個不會在一般食肆找到的新鮮感。冰淋醬烤骨 -- 其中一食友是美式食物焚化爐，所以對這充滿美式 ribs 影子的醬烤骨讚口不絕，當然這醬烤骨沒有美式豬肋骨般入口即溶，一咬便骨肉分離，但總算肉質滑，口感酥香，而且每啖均滲透醒胃的酸甜味道，當中濃濃的話梅味，惹味非常，令人食慾大增，絕對是一眾食肉獸的不二之選。豉汁蒸大鱔 -- “鱔” 是香港人對鰻魚的俗稱，此品狀若蟠龍，將其切後蟠放在圓盤中，加豉汁蒸熟稱為豉汁蟠龍鱔，是粵廚傳統名菜。這裏的蒸大鱔肉質鮮甜嫩滑，味道香濃，鮮美而有豉汁之芳香，煞是滋味，席上各人品嘗過後，都讚賞不已。蓮藕餅 -- 出街食飯間中都會叫番碟家鄉蓮藕餅，不過一般食肆為求方便，大多只是將蓮藕刨絲再混上其他材料搓成圓形，有的甚至把蓮藕切片，再於兩片蓮藕中間夾上肉碎，這樣做出來的藕餅不但不正宗，更不會好吃。其實蓮藕餅正確做法應是將蓮藕鋤碎，再混入攪爛豬肉、葱粒、芫茜等材料搓成圓扁狀，再將兩面煎成金黃色，這樣做出來才有咬口。這裏的蓮藕餅雖然豬肉多蓮藕少，但豬肉夠鬆化，蓮藕爽口，況且煎得異常香口，加上外型超級豐滿，食一件已等同吃了半碗飯啊。椒鹽鮮魷 -- 其實椒鹽鮮魷要做得香脆，秘訣在於麵粉放多一點，油猛一些，炸魷魚時炸耐點，魷魚愈細隻愈薄肉，容易炸得香脆。這裏的椒鹽鮮魷做得夠乾身，上碟時熱辣辣，外脆內軟，漿粉夠薄，鮮魷新鮮彈牙，入口溫熱，不過椒鹽味不重，可能廚師想保留魷魚鮮味。這頓充滿圍村風味的晚飯，吃得各人都肚滿腸肥，價錢絕對超值，只是 $968, 更由好客的友人搶著結賬，謹在此謝過友人的盛情美意。其實季季紅在屯門市中心及沙田也有分店，可惜各食客的評語大多較負面，看來還是回到藍地去吃會比較安心。…Read More

第1次到季季紅，係今年年頭啲事，印象中隻炭燒乳豬好食，其他菜式都係大碟又抵食啲，返到屋企同我個皇太后同家姐提及，佢地都好想試下，就襯母親節啦，可以滿足兩位母親嘛~1行6人，條長路遠黎到屯門藍地，目的只有一個，大家都係為左味炭燒乳豬，是夜精選有：豬肺菜膽湯，上枱果陣聞到好香啲菜乾湯，應該好足火喉，入口夠味，而且唔覺有味精，D菜膽係後加入個湯裡面啲，所以唔爛，仲好甜，連皇太后都話得呀~大勝雞，第1次去季季紅食飯已經有叫呢味，入口果陣個腦已經立即諗緊，點解響香港食雞……竟然有雞味啲? 二話不說再夾多件，再同Cobi爸講，佢都話隻雞好好味，一定係新鮮雞，夠香又夠滑，D雞皮仲好脆口…救命呀~個腦鬥爭左幾耐至可以唔食件雞皮呀，試問咁好啲質素，今次我地點會唔encore呀~乳豬燒鵝雙拼，本來叫左半隻燒乳豬，Cobi爸特然想食燒鵝，所以轉左做雙拼，上枱後大家都急不及待品嚐個乳豬，嘩!乳豬皮好薄，燒到又甘香鬆脆，脆皮下有層肥膏，不過唔多，肉質好嫩，果然名不虛傳。可惜今次得6個人，叫唔到個「蝦禾米釀乳豬」添；燒鵝個look得，入口就唔掂，肉韌!難聽D講句要用手扯先扯得開，好唔掂。冰淋醬烤骨，雖然已經叫左好多肉，不過呢個菜式響網上啲評價好好，所以今晚全家人都變左食肉家族添；外貌似金沙骨不過用左京都骨啲醬汁，入口好惹味，酸中帶甜；因為炸過，所以有層薄薄地啲粉漿響嚿排骨上面，層粉醬又扣住左D醬汁，個口感好酥，好脆，係一道有驚喜啲菜式。聽個待應介紹，個醬汁係用白鑊炒香啲糖，再加上醋而成啲，一唔留神，個醬汁就會好易燶，炒工唔錯。:)蓮藕餅係呢度推介之一，一個好家常啲小菜，其實好容易做，只要你肯花時間將所有啲材料切切剁剁；我食過兩個唔同啲做法，一個係將啲蓮藕刨成蓉，一個係切成粒，個人喜愛後者，有口感嘛，季季紅啲做法正合我意；講番味餸，蓮藕同豬肉啲比例唔係好平均，豬肉多蓮藕少，不過都食到蓮藕啲爽甜，好彩啲豬肉搞得夠鬆化，如果唔係就會好實，個餅亦煎到好香口，餅邊仲有少少燶燶地，又唔油，點埋個喼汁仲可以令到個餅冇咁肥膩添! 一碟有成8大件，真係明正言順啲「抵食夾大件」呀~金銀蛋莧菜，終於可以有味清清地啦~ 菜好嫩，而且冇唸過係咁大碟架，抵食!蝦醬炒通菜，蝦醬啲比例剛好，唔太咸，又夠鑊氣，不過油就多左少少啦~講完菜式啲質素就到講下個環境同服務，安排坐位非常差，明知果間房啲冷氣有問題仲安排入坐，D待應仲”昆”我地話部冷氣啱啱開，所以未涼啫~不過就越食越熱，Cobi爸就一路出汗一路食，我地追問下至話部冷氣壞左，真係火都黎呀! D待應見我地開始發脾氣就嗱嗱淋攞部風扇入黎，我地至舒服D咋…離哂譜!老實講，服務就麻麻地啦，但呢個價錢，算唔錯啦，好食得黎又要平又要正，想點啵!係坐位安排得好差啫。至於未食過炭燒乳豬啲，真係值得一試!太子永合隆啲炭燒豬，1條骨已經收你$70，咁你地話呢到係咪抵食好多呢~…Read More

第二次到季季紅，今次係食晚餐。富貴黃金蝦 - 好! 蝦炸得香口，咸蛋份量剛好，唔會太多!乳香豬(1/4隻) - 乳豬皮幾脆，d肉係好香口，不過皮同肉中間實在太肥喇! 有些失望! :(海皇什菜煲 - 賣相幾好，有蝦、帶子、魷魚、珊瑚蚌。不過味道一般。有d菜苦苦地...同埋唔應該用蟹柳lor......:(冰淋醬烤骨 - 雖然食唔出係咩酸味，但係真係好好味!! 我一個人都食咗5大舊。 豬肺頂蝴蝶腩燉菜膽 - 湯好飲，菜膽好好食! (呢個湯係13今餐最滿意的!)今餐整體都OK啦!見到隔離枱食"香煎蓮藕餅"同埋"蒸烏頭"，望見好似好得，下次有機會一定要試下。…Read More

大年初一去完拜神和拜年後就來了這兒吃晚飯了聽說大家都是為了他們的燒乳豬慕名而來的,不訂的話就吃不到一整隻的呢!可能是新年的關係,食物選擇款式不多,大都是些不太考功夫的小菜蝦禾米釀乳豬我們一行十多個人,當然要一整隻才夠吃乳豬一燒好先來給我們拍個「全相」,拍好後師父才拿入去切上桌後大家都急不及待品嚐!乳豬仔皮脆肉嫩,難怪人人都對它讚不絕口不過覺得有點過肥,咬下去好像啖啖都是脂肪似的除了乳豬外,我們還加了飯飯是墊在乳豬下的,在切乳豬的時候帶著肉香的豬油就會流到飯中兩者混合後就成了最香口美味的飯了,不過可能就是過油的關係,平時吃得清淡的妹妹吃完肚痛了香煎蓮藕餅入口的時候完全想不到這是蓮藕餅,因為豬肉與蓮藕的份量簡直是不成正比肉多到根本感覺不到蓮藕的存在,不過豬肉勝在夠鬆化才不至於給喊冰淋醬烤骨名字很新奇的一道菜,排骨醬汁的味道有點像酸梅醬雖然是說有汁的,但他們做得夠乾身,而且酸中又帶點甜所以很成功的成為了一道受人喜愛的開胃菜!咕嚕雞球醬汁的顏色非常鮮艷,一看就知道是用色素做的入口酸酸甜甜,正常味道,不作多說椒鹽九肚魚這兒的九肚魚是雪白的,炸得不像一般的帶點金黃雖然不金黃但入口也是香脆鬆化的,不過切得細塊了一點,吃得不夠滿足黃金蝦蛋黃上得算均勻,不過蝦是梅的,大扣印象分!!咸魚炒生菜不是很重的咸魚味,但非常的咸雜錦鍋自己沒有吃,所以不知味道結束這頓晚飯後就回家放肆了但在途中大家都覺得十分口渴,不知是下了味精還是太咸所致總括來說這兒算不上是好吃,可能是因為新年假期人流太多的關係吧,完全不能發揮水準希望下次有機會再來的時候會試到他們的「真味」…Read More

千九篇食評了，就寫最近一頓很滿意的晚餐，那就是季季紅的乳豬宴。 話說小妹曾於藍地讀過兩年，從來都未發現有間如此高質酒樓，揀這裡開飯只因近親家。店如其名，季季紅人氣火紅，幸而龍一早訂好位；兩層的用餐環境及菜單頗有大陸風味，連價位也份外相宜。與鳳城相似，季季紅亦有多款全包套餐，不過為了一睹乳豬風采，是晚選擇散叫：　豉椒味菜鵝腸($48)-以自帶香檳開胃後(開瓶費只$20)，首先上場是香濃入味、質感爽脆的鵝腸，加上同樣滋味的味菜，撈飯實在一流!金銀蛋莧菜($42)-鮮嫩清怡的莧菜份量甚多，配料也十分充足，是近年吃到最滿意的一個配菜。至尊燒鵝皇($70例)-季季紅三大必食推介，除了乳豬，還有大勝雞及燒鵝皇；吃膩了雞，大家決定改要燒鵝，確是皮香肉嫩還帶甜，不過肥得要緊的鵝隻有寸厚脂肪，而且熱度不夠也影響了風味。豉汁蒸大鱔($58)-想吃的九肚魚沽清，經阿姐推介改要了這味，大鱔是意想不到的肥美鮮滑，除惹味鼓汁還滲出淡淡果香蔥香，真是非常美味，我忍不住吞下3數件!脆皮乳香豬($190)-吞不下整隻豬，原來點半隻也有連豬頭上，很窩心。乳豬皮實在是脆得要緊，肉質也香馥嫩滑甚有水準，絕對比新斗記更有吃頭。面對這人間美味，大家只恨牠來得太遲，令人愛得太遲，結果要打包一半收場!香煎蓮藕餅($48)-本已再無胃納接收更多煎炸食品，但藕餅鬆化味帶清爽，點上o急汁又挺美味，不禁吃下半件；未來弟媳更獨個鯨吞5件，可見其魅力!冰淋醬烤骨($58)-冰淋醬那既酸又甜的滋味，配以香噴噴的近骨助條實在吸引，明明很飽又忍不住吃多兩件，又是高度推介的菜式!蟠桃大壽包($30)-飽得不成樣子，仍不禁點了最愛的壽包；鬆軟的包身下，香甜醇正的蓮蓉餡芯十分吸引，可少了蛋黃總是若有所缺。　　是晚除了盡情品嚐美食，又與親家落實更多婚事細節，實在是非常滿足；也想推介給各有興趣的食友，雖然個人未能抽空參與，可6/22的大局真是不應錯過!…Read More