Thai Mui Restaurant

朋友去完台灣公幹返香港,約我出來比手信!佢話佢屋企附近有間好好味的泰菜,約我放工係個邊食!!餐廳位於黃埔,離地鐵站只有5分鐘的路程,非常方便!這裡空間幾大,顏色配搭得好有朝氣,枱和枱之間,唔會好迫,光線充足!坐得十分舒適!!餐牌好大,前後都圖文並茂,有小食,沙律,燒烤,湯類,海鮮,飯麵,菜,肉等選擇!除左可以單叫,仲有二人或四人餐,食物款式都一樣豐富!我們最後決定單叫,因為餐牌美食實在太吸引啦!<原隻菠蘿海鮮炒飯>原隻菠蘿內放了蝦球,魷魚,提子乾和腰果等,十分足料!最吸精係放在菠蘿頂上的大大隻青口!食起來新鮮又爽口!!加上炒得粒粒分明的炒飯,好味到不得了!!<馬拉盞炒通菜> 通菜炒得火喉十足,夠哂鑊氣,口感爽脆,配上薑絲和辣椒,食起來辣辣地好開胃!<香葉肉碎生菜包>肉碎剁得粒粒大小適中,唔會剁到變成肉醬般,肉碎滲入了微微辛辣味,拿起生菜,放入肉碎,捲好放進口裡,真的食得好滋味!!<冬蔭海鮮湯>湯裡除左有菇,番茄,香茅和檸檬葉等,還藏了2件半隻大蝦!!肉質鮮嫩彈牙,好多肉好新鮮,雖然已經煲到出哂味,但仍然食到鮮甜的味道,湯頭集合了酸,辣,甜,鮮和香的味道,真的色香味俱全!<椰汁冰>聞到好香椰汁味,飲起來口感順滑,唔係好甜,好適合日夏日炎炎的時候飲!清涼又解渴,真的不錯!<龍鳳> 可以選擇可樂或7喜,杯裡放左鹹檸檬平衡汽水甜味,還以新鮮檸檬增添清新香味!帶給人多重味道的感覺!!整體來講,餐廳環境和食物都很不錯!!係一個可以一去再去的好地方!!…Read More

各位兄弟，唔好話我M佬唔益你，泰妹笑容甜美，親切待人，又煮得一手好泰菜，真係入得廚房出得廳堂！我係講緊紅磡黃埔泰妹泰國餐廳啲侍應同大廚咋！泰妹二人套餐，有頭盤、小食、湯、主菜、甜品同兩杯飲品，啱啱好！香葉肉碎生菜包肉碎炒得乾身，仲好香洋蔥同香草味，配上新鮮生菜，清新開胃！蝦餅拼香茅雞翼蝦餅新鮮炸起，外脆內軟，鮮甜彈牙，蝦味十足；不過香茅雞翼就無香茅味，有少少失望！冬蔭海鮮湯冬蔭海鮮湯原煲上，非常吸睛，好香香茅味，仲有開邊原隻大蝦，正！泰妹無骨海南雞半隻無骨海南雞分量比想像中大，肉質嫩滑，點埋秘製醬汁，吊到海南雞嘅鮮味。泰式芒果糯米飯套餐原本跟脆炸雲呢嗱雪糕多士，不過賣晒，轉左泰式芒果糯米飯！芒果砌到花形，好有心思，配上紫色同綠色嘅糯米飯，真係好滿足！By A姐M佬 玩樂日記 aandmdiary.com…Read More

近排在何文田工作，收工和男朋友近近地去黃埔逛街，主要都是連鎖食店，見這間泰國菜有二人套餐就進去。香葉肉碎生菜包夠香辣，味道送飯吃很好，有肉汁又有少少肥脂，香口之選。冬蔭海鮮湯的蕃茄味道很重，而且愈煲愈耐就很咸，其實應該少一點的火就不會過咸，而湯渣很豐富，蝦又大隻又有鮮味。魚餅和蝦餅都不算太油，味道亦幾濃，魚餅味道突出啲。泰妹無骨海南雞半隻夠三個人分享，雞肉鮮嫩，是值得一試，不過油飯要另外點的。脆炸雲呢拿雪糕多士外皮夠香脆，中間的雲呢拿雪糕又冰凍，外熱內凍，幾特別。二人餐份量是足夠，不過建議加白飯和蔬菜。…Read More