Shuran Japanese Restaurant

好耐冇食日式邊爐啦，今日約朋友去鰂魚涌小聚一番。餐廳內播放日文歌，木係元素的裝修舒適，牆身更以山作主題，影相一流。<U.S牛肉涮涮鍋(甜醬油)> (兩人份) $168天氣開始凍都要食shabu shabu材料有唔同蔬菜，包括大白菜，小棠菜等；仲有日本冬菇、草菇、金針菇，豆腐同粉絲等，而主角牛肉大約有8-10塊。揀咗甜醬油湯底，甜醬油嘅味道同牛肉好夾，唔會蓋過牛肉本身既鮮味。<藍鰭中吞拿魚腩(3件)> $218魚腩肉質鮮甜，點少少豉油同wasabi都好夠味，油脂重+入口即融，想無限encore。<免治雞肉軟骨棒> $48/2串雞肉軟骨棒喺免治雞肉溝埋雞軟骨，比例啱啱好。加埋伴上月見醬，成功位列最喜歡的串燒。<黑松露炒雜菌> $78因為牛肉涮涮鍋都好大份，就唔想食太多野。嗌咗炒野菇，菇菌類加上黑松露本身就喺一個唔會錯嘅配搭，菇類口感爽脆，加上黑松露香味，兩者相得益彰。…查看更多

最近熊熊姐妹生活出現大大小小既事真係好需要聚一聚🙏🏻餐廳位於鰂魚涌同太古之間 係商場既地庫入面 見到萬寧轉左一直行就搵到了～-🌟-▪️ 赤海老雜錦刺身御膳 $178呢排白熊真係超級crave刺身🥹呢個刺身拼盤有赤蝦加5款刺身 赤蝦超大隻 個頭超多膏然後個身超爽口彈牙🥰其他刺身比起丼飯都覺得係厚身同肥美D 果然一分錢 一分貨😗 但係大家記住上坐檯就快D食 如果唔係D冰融曬D魚就會回歸海洋了🙏🏻▪️極上北海道魚生丼御膳 $138 壽司飯上面鋪滿刺身 有四片厚厚嘅三文魚腩 帶子 赤蝦 玉子燒 三文魚籽 海膽 同埋比較少見嘅松葉蟹😗 啱曬咩都想食嘅朋友仔😂 刺身都算ok新鮮👌🏻飯就微暖微酸 不過不失啦 ▪️U.S牛肉涮涮鍋（甜醬油）$168一上嚟就俾個量嚇親😂 超多牛肉 而且品質都很ok🤤 仲有好多蔬菜同粉balance翻😆 啱曬大食朋友們嚟食 啡熊同白熊就食得有啲吃力given that仲有飯同小食🙈 至於湯底方面就比一般壽喜燒醬仲要再甜 如果唔好甜口嘅可以考慮其他湯了😛▪️免治雞肉軟骨棒 $48/2串自從之前有一排係甘食居酒屋白熊就愛上左雞肉棒 裡面有軟骨增加咬口 點蛋黃食一流😌-🌟-餐廳人流不算多所以都坐得幾舒服 如果大家係太古附近想搵價錢親民既日本菜可以考慮！建議指數：🐻🐻‍❄️🐻.5/5…查看更多