好朋友生日特登揀左Omakase慶祝生日，餐廳用上時令食材，主要食材來自北海道、九州和沖繩等等，仲可以自選壽司，一個人都可以好享受。💚先付💚甘筍蓮藕：蓮藕爽脆，甘筍甜味自然。明太子伴片：伴片口感好似魚蛋，入口煙韌，加上明太子鹹香味，味道獨特。日本鵝肝慕絲米子：鵝肝細膩滑順，米子脆口。💙刺身三種💙北海道九鰈魚：肉質柔軟，包住炙燒魚邊，加入蔥、辣椒和蘿蔔蓉調味。北海道真蠔：真蠔口感奶油般滑嫩，搭配沖繩水雲，加入了柚子酸汁和青檸汁，清爽而細膩。岩手縣石𢬎貝：脆口彈牙，帶鮮甜味，加上豉油青檸汁食。日本蠑螺切左一粒粒，肉質紮實，口感鮮爽，充滿鮮甜味。💜刺身二種💜北海道花咲蟹：蟹肉味道鮮甜，醬汁用左蟹膏整，為蟹肉增添多重口感。沙丁魚：切至細細粒，魚肉滑嫩細緻，用萬能葱、薑花、芝麻和八京蔥調味，香氣濃郁，提升鮮味。🩷燒物🩷鹿兒島A4和牛薄燒：和牛帶有微微焦香，保持油脂，入口即化，濃厚 XO醬跟和牛好夾。💛刺身二種💛北海道鹽水海膽配北海道牡丹蝦：海膽口感好似奶油咁香滑，牡丹蝦肉質鮮甜，蝦膏味道濃郁。拖羅手卷：集合大拖羅、中拖羅、赤身三個層次，赤身的鮮，拖羅的滑，油脂與魚肉細膩感，加左紫蘇葉、八京蔥，口感層次豐富。🩵燒物🩵北海道喜之次：日本深海魚，魚皮燒至焦香，魚身柔軟，魚脂四溢，加少少青檸汁食。🍚北海道產蝦夷鮑土鍋飯鮑魚鮮味濃郁，米飯吸收高湯的香氣。🍮抹茶奶凍抹茶香濃，配搭甜滑奶凍，口感輕柔又細膩。…Read More
OMAKASE 另一至愛, 間場先付; 酸子薑 ~ “賣飛佛”, 子薑非常嫩口, 酸酸甜甜, 吃上癮呢!芥未淮山 ~ 另一至愛, 淮山本身已經係健康食品， 口感爽脆， 帶少許芥末的微辣， 越食越想食。醬漬牛蒡 ~ 鹹鹹哋的醬油香， 質感偏硬偏鹹， 纖維及營養價值卻非常高。酸紫蕎頭 ~ 酸紫蕎頭酸酸甜甜又口感爽脆， 吃一棵什麼油膩感全清， 一切可重新嚟過。鮨燐的餐牌非常簡單， 只有三個廚師發板 (OMAKASE) 供選擇 ， 不時不食 ，今晚我同朋友都係選擇中位數 $1380 OMAKASE。$1380 OMAKASE 包以下食品; ~ 先付~ 刺身 x 7~ 和食~ 壽司X 6~ 湯~ 甜品白梅貝 ~ 以鰹魚、昆布、味醂及醬油汁浸熟，白梅貝爽滑彈牙，師父叫我試吓貝尾部分，尾部带甘不苦， 味道富味琳甜、醬油喊和魚堅昆布的香，很好吃。湯葉 ~ 馬糞海膽配松葉蟹肉， 底部放上充滿豆香的日本黃豆制的腐皮， 馬糞海膽甜美‚ 松葉蟹肉爽甜‚ 加上香滑的腐皮，配芥末醬汁提升味道， 非常美味的鮮腐皮。長崎小長井生蠔配酸醋汁 ~ 長崎小長井生蠔新鮮有光澤， 蠔肉飽滿， 脹卜卜，真係見到己想一口咬落去，小長井生蠔海水鹹味偏淡， 蠔肉卻鮮甜爽身， 微酸的酸醋汁讓蠔肉更清爽鮮甜。針魚配薑蔥鼓油 ~ 像一朵見到小花出場 ，喺香港好少食針魚， 因為總是覺得會偏腥‚針魚魚肉呈透明狀，晶瑩剔透， 入口微爽 ，咬落有點起膠狀，鲜美，再試試拈少許薑蔥鼓油， 薑蔥嘅香氣及豉香‚ 即起提鮮提香之效。左口魚配柚子青檸汁 ~ 廚師預先放了少許柚子青檸汁在鹽板上, 左口魚肉質結，含豐富油份卻不失魚味，放上鹽板增喊鮮及柚子青檸香。鮮貝肉配土佐醋啫喱 ~ 土佐醋是日本調味醋汁， 以味醂‚淡醬油、鰹魚、醋及糖等食材煮製的醬汁，鮨燐師傅將土佐醋泡製成啫喱狀混合背粒一齊吃，有特色, 貝肉爽甜富酸香
銀鱈魚 ~ 香煎銀鱈魚就成日都食， 刺身則較少吃 ，這個刺身用銀鱈魚bb的魚背位置，魚肉油份相當豐富，口感帶點嫩滑， 估唔到銀雪魚魚味都可以咁濃鮮。火炙銀鱈魚 ~ 師父再用火炙做法帶出魚油的香味， 好讓我哋跟銀雪魚刺身嘅味道作一個比較 ， 個人比較鍾意火炙後的銀鱈魚，輕輕燒過銀鱈魚除咗帶出魚油香味， 還讓魚肉有煙薰的香氣，食慾大增, 而銀鱈魚魚肉變得更軟滑
吞拿魚 ~ 用BB吞拿魚腩位之上位置， 魚肉色澤光亮嫩紅，火灸魚皮提香, 入口魚味濃郁，帶微彈‚ 很鮮美
佐口魚群邊壽司 ~ 用佐口魚群邊燒香，掃上自製醬汁, 蒜香濃烈，佐口魚群嫩口。梅酒啫喱 ~ 再來一杯梅酒啫喱清清味蕾及喉嚨， 準備飲湯。蝦頭麵鼓湯 ~ 廚師發板較常用魚湯結尾，鮨燐則用較濃味的蝦頭麵鼓湯，麵鼓湯以蝦頭蝦膏配昆布及少許瓜絲烠製， 再灑上蔥花及放上蝦頭， 味道夠晒鹹鮮。白桃雪葩 ~ 非常清香的白桃雪葩， 為今晚的廚師發板畫上完美句號。鮨燐係我喺香港及台灣食過最好食的廚師發板 SO FAR， 佢哋用料非常新鮮， 食材質素亦非常之高， 當然今晚嘅廚師靚仔手藝亦功不可沒， 令我和朋友都再三回味‚論質素呢個$1380 OMAKASE其實好抵食。
