Spiced Hamlet

呢間嘢望落似cafe但個名又唔似，唔入去食下都唔知佢嘅葫蘆裏賣什麼藥。發現其實係食fusion川菜的，自家創作埋得意嘅新口味例如麻辣黑松露、日式壽喜燒味干鍋等，仲會喺每晚9點半調校燈光變身成一間酒吧～𖦹 估你唔到麻辣黑松露干鍋 $220 BB辣嘅干鍋以大量四川辣椒炒成，加上黑松露嘅香氣，惹味又有創意。豬頸肉爽口、魚皮餃有嚼勁、娃娃菜鮮甜、芋絲索汁，配上薯仔同蓮藕，大滿足。𖦹 川燒魷魚鬚串 $38香脆又新鮮，超惹味。𖦹 岩燒厚切牛舌心 $68呢個牛舌不得了！軟嫩多汁又富嚼勁，牛味濃郁。𖦹 日式燒鰻魚 $38魚皮燒至焦香，入口充滿魚油香氣，魚肉嫩滑。𖦹 磯燒菠蘿 $22菠蘿十分juicy，一咬已經滴曬啲汁出嚟，非常香甜。𖦹 辛燒花枝丸 $22𖦹 特調雞泡魚乾 $68薄身微脆，甜甜地帶鹹香，幾特別嘅小食。𖦹 荔枝烏龍冰茶 $34飲落好似荔枝玉露！清甜解膩，烏龍茶同荔枝味平衡得宜。𖦹 巨峰梳打 $38 清新解渴，食辣嘢飲啲冰涼嘅飲品係必須。𖦹 柚子冰粉 $28飲嘢都唔夠咁就要食埋凍冰冰嘅甜品！呢個冰粉好似我喺台灣食過嘅愛玉，滑溜得嚟有柚子嘅清香，即時降溫！…Read More

旺角黑布街一帶有好多餐廳，其中有一間叫「辛手村」，齋睇門口以為係打卡Cafe，但原來係一間川式串燒干鍋店，真係睇唔出呢😳！因為川菜店一向畀人嘅印象都係有少少土味，充滿中式風情嘅裝潢🙈。呢度完全相反，而且夜晚九點幾後更會較暗燈光，化身成為酒吧。餐廳主打串燒同干鍋，不過菜式設計上比較新派✨，而串燒亦有川式同日式揀。一般而言，會先食串燒🍢，之後再食干鍋。川燒厚切牛舌心($58)，👅牛舌心堅係厚切，肉質軟稔，好正。川燒調味得宜，同樣係用上辣粉同孜然粉，不過並非死鹹。川燒魷魚鬚串($38)，🦑串燒選用迷你版嘅魷魚，穿落竹籤啱啱好。魷魚肉質彈牙，而且仲散發住燒魷魚嘅香氣。炭燒帆立貝($47)，帆立貝一串有五粒，味道幾鮮，有啲似磯燒小食嗰種咁惹味🤤，而且質感一啲都唔韌。京蔥厚燒五花肉($42)，雖然我唔食京蔥🌱，但朋友就話呢個組合冇得輸。五花肉燒完之後變得冇咁膩，但又能保持油香，唔錯。川燒經典豬頸肉($38)，🐷豬頸肉配上超多濃烈嘅蜜糖燒烤醬，食落好似叉燒、質感爽口，但略嫌偏重口味。日式燒鰻魚($38)，🐟鰻魚皮燒至微脆，魚肉嫩兼且無骨，比起一般丼飯嘅鰻魚更香口。估你唔到麻辣黑松露干鍋🍲($78)，干鍋需選擇至少四款食材，每款價錢由$28至$58不等。我哋要咗豬頸肉($48)、鮮蝦($48)、芋絲($28)同埋土豆($28)，🥔薯仔絲好爽口，又索味。我哋另外加咗$12要白飯，齋食餸會有啲寡🍚。呢個干鍋超特別，因為係黑松露溝麻辣🍄🌶，估唔到看似九唔搭八嘅組合都幾夾。松露香氣突出，麻辣味顯著，佢保留咗傳統川菜風味嘅同時，又能帶嚟新鮮感。但辣度無得揀，亦稍為偏辣，所以完全唔食得辣嘅話，就要考慮清楚嗌唔嗌喇。店員亦解釋話因為廚師覺得咁樣先至係黃金比例！柚子冰粉($28)，食川菜當然唔少得解辣甜品。呢度嘅冰粉與別不同，用上柚子汁調味，份外清新🍊。我認為好過用紅糖，無咁溜。飲品方面🍵，我哋要咗芭樂烏龍冰茶($32)同辛手村茉莉椰奶綠($32)，兩杯都勁好飲。首先，佢哋唔太甜，而且飲料設計特別。烏龍茶遇上芭樂(即番石榴)，味道天然，兼且喺香港好少見。另一杯奶白色嘅以為係鮮奶，但其實係奶綠，口感絲滑，茉莉香四溢，並滲輕輕椰香。總括嚟講，辛手村能夠帶畀客人全新嘅川菜體驗😋，口味大眾化，慢慢導人愛上食辣。最後，店員們嘅服務態度優秀👍，主動問及客人意見，並好貼心幫我哋從吧枱轉到普通餐枱，以方便食嘢，抵讚！…Read More

平時川菜餐廳多數都以中國風裝修，必定有中國紅元素🏮喺旺角啱啱新開左間新派川菜「辛手村」，結合川菜及酒吧概念🤟🏻不論裝修、食物都大大顛覆你對川菜傳統印象，為味蕾帶來新衝擊☄️.全白色嘅門面唔講真係以為係Cafe🤣店內設計走簡約時尚風格，配以明亮嘅白燈，都俾人一種好舒適嘅感覺😌內裏更置有bar檯，夜晚搖身一變成為酒吧，可以同朋友暢飲一番🍻.🍴估你唔到麻辣黑松露干鍋🌶💰$78（另加配料費）餐廳必點招牌菜🌟鍋底已經包含娃娃菜、土豆絲，額外揀咗豬頸肉（$48）、椰菜花（$28）、蓮藕（$28）、青口（$48）過往食嘅干鍋主要都係只有麻香，但餐廳一反傳統加入西式黑松露🍄，中西合璧下黑松露與麻香亦非常夾，將整個干鍋味道層次昇華👍🏻干鍋份量亦好足料，配料入口首先係黑松露香，然後麻辣越食越出，好過癮🤪配料當中大愛豬頸肉，厚切下肉質爽口且帶油香😚.🍴岩燒厚切牛舌心💰$58牛舌心口感爽彈無比，岩燒過後油脂香更突出😍.🍴川燒經典豬頸肉💰$38豬頸肉外層焦脆內裡爽滑彈牙，少許調味已經令人食指大動👍🏻.🍴辛手雞棒肉串💰$32內裏充滿免治雞肉及雞軟骨碎，好有口感.🍴辛燒魚腐串💰$22.🍴日式燒鰻魚💰$38.🥤荔枝烏龍冰茶💰$32陣陣荔枝芳香配以烏龍茶底，清新解辣👍🏻甜度適中，唔會好甜☺️.🥤茉莉椰奶綠💰$32椰香x茉莉又幾夾，解辣一流.回頭率超高嘅新派川菜餐廳‼️鍾意食川菜嘅你絕對會有一番新體驗💖不過餐廳座位唔算多，閒日去都爆場，建議食之前訂位留座就唔使等😆…Read More

旺角區一向小店林立，經過見到一間門口以為係Cafe，原來係食川菜干鍋串燒嘅餐廳，幾有特色。老闆係外地回流返香港開店嘅年輕人，同幾位年輕店員共同打理。店裡環境唔錯，給人一種乾淨舒服嘅感覺。🔸估你唔到麻辣黑松露干鍋 $278麻辣同黑松露味道都幾夾，個鍋都幾大，幾個人食都絕對冇問題。鍋裡有五花肉、蝦、青口、椰菜花、萵筍，土豆，藕片等食材，非常惹味送飯一流。如果唔食得麻辣黑松露干鍋，可以試下日式壽喜燒味干鍋，兩個口味都係餐廳自創㗎。🔸辛燒魚腐串 $22魚腐有少少驚喜，外脆內軟，加咗少少砂糖甜甜地好似食緊沙翁咁，好食。🔸川燒厚切牛舌心 $58牛舌肉嫩多汁好有咬口，我個人都幾鍾意。🔸川燒翠玉瓜 $20翠肉瓜係我鍾意嘅蔬菜之一，咬落爽口仲好Juicy 多汁。🔸炭燒帆立貝 $47帆立貝彈牙鮮甜，經炭燒過好香口。🔸京蔥厚燒五花肉 $42只食五花肉會覺得太乾，夾埋爽口嘅京蔥一齊放入口就唔會乾，食落仲充滿層次感好惹味。🔸川燒魷魚鬚串 $38魷魚燒得啱啱好唔柴唔乾，咬落仲好Juicy惹味。🔸荔枝烏龍冰茶 34🔸柚子梳打 $38咁炎熱嘅天氣，一定要叫返杯凍飲先得。最後老闆仲送送咗個柚子冰粉，好似食緊啫喱，食完辣嘢食啲冰涼嘢啱晒。呢餐飯都幾滿意。…Read More