Lo Chen Bakery

係元朗食完沙嗲牛之後周圍行下搵食，據聞有間戚風蛋糕出名即去一轉，「老陳」個稱呼感覺上有少少懷舊又親切嘅FEEL。小小的店子，文青的風格，木架上擺放了少許食玩作佈置，有張吧枱，方便即場食用。主打多款口味的戚風蛋糕，除了蛋糕，亦有售曲奇、爆谷、咖啡及飲品等。店子外牆有幅壁畫，好靚呀~打卡位來。要了伯爵茶、咖啡及柚子戚風蛋糕，每件$16，室溫擺放保存2日，擺雪櫃可保存一星期。因為唔係即場食，路途遙遠驚帶返家時已壓扁，趁仲完整即影相先。返到家(好彩唔算好扁)即試下伯爵茶戚風蛋糕，蛋糕口感軟綿濕潤，有淡淡的伯爵茶味，唔算好濃郁，清香之感，幾好味呢。柚子戚風蛋糕，淡淡柚子香，唔太甜，不俗。咖啡戚風蛋糕，有咖啡味，唔算好強烈，做早餐一流。幾好味的戚風蛋糕。…查看更多

好味指數😋😋😋😋回頭指數⭐️⭐️⭐️開心指數🤗🤗🤗🤗呢間係我wish list 咗一陣子嘅餅店，佢哋嘅戚風蛋糕係好簡單冇裝飾冇華麗打卡外表，好實在地用日本麵粉、澳洲鮮奶、無添加、無色素、無防腐劑、無鹽、無牛油同低卡路里！作為fans of 伯爵茶，一定要試下佢個伯爵茶戚風蛋糕！因為知道會去元朗，特地預早2日訂咗一個！免得去到只買到件裝～店嘅裝飾都幾有心思，播放住音樂，一路聽歌一路工作，感覺都幾chill😎🍴伯爵茶戚風蛋糕（$70）佢選用英國川寧茶，雖然我個人其實唔太好呢個品牌嘅伯爵茶包，但我相信店主係用茶葉嘅～～～一攞返屋企，即刻切件食下先！個蛋糕勁勁勁鬆軟，仲好有彈性，由於太鬆軟嘅關係，係比較難切得好完整！蛋糕口感好fluffy，好綿滑，鬆軟程度係用支叉壓落去係會回彈㗎🤩 不過我自己覺得伯爵茶味唔夠出！有點太清淡！不過放響室溫一日後，發現茶味係會出多少少，而口感同鬆軟程度不變，所以我自己覺得... 第二日係好食過第一日嘅～😂…查看更多

入到元朗國，點可以唔試吓呢間極具人氣嘅戚風蛋糕專賣店🤪。店家每日新鮮製造，🙅🏻‍♀️蛋糕無色素、低糖、無牛油🧈，低卡路里🌟。蛋糕體輕盈濕潤有彈性，禁落去個吓好療癒☺️，內層氣孔綿密而鬆軟，食完個口唔會好乾👅。·伯爵茶戚風蛋糕推薦指數：★ ★ ★ ★ ☆採用英國Twinings伯爵茶，茶味本質比紅茶香醇，味道清新，伯爵香幽香撲鼻，最為驚喜嘅一款😛。·抹茶戚風蛋糕推薦指數：★ ★ ★ ☆ ☆採用日本龍膽抹茶，茶味比伯爵茶味濃，但就未帶回甘。·咖啡戚風蛋糕推薦指數：★ ★ ☆ ☆ ☆選用意大利咖啡☕️，聞落幾香，可惜食落陣咖啡味唔算好出，未能帶出精粹，鍾情於咖啡嘅人可能會失望🙍🏻‍♀️。·朱古力戚風蛋糕推薦指數：★ ★ ★ ☆ ☆用咗日本嘅可可🇯🇵，朱古力味香濃，略帶甜味唔會苦澀。怕太甜嘅人都會喜歡💕。·另外仲有芝麻&香蕉🍌口味；店家有售原個蛋糕，聽聞通常一早就會賣晒💥，可先whatsapp預訂。.📍 老陳餅店 (元朗)元朗西菁街2號興旺樓地下1D號舖…查看更多

今日去元朗覓食竟然有意外收穫，沿着條元朗大馬路都見到唔少人拎住個綠色盒子，裏面疑似是蛋糕的形狀，眼利的我望到盒上寫住「老陳餅店」，本身已經諗住搭車出市區回家，竟被呢個盒嘅設計吸引住，不到黃河心不死，經過九曲十三彎之後終於見到間鋪頭嘅真身！店舖裝修以綠色為藍本，設計清新，簡約風👍🏻👍🏻👍🏻講返主角戚風蛋糕先，黑板上寫着有不少味道，有伯爵茶，抹茶，香蕉，芝麻，咖啡味，我本身好鍾意伯爵茶的味道，於是就揀咗伯爵茶黎試試！返到屋企第一件事即刻開嚟試食，食落口感輕身，淡淡的伯爵茶香味，一啲都唔油膩感，食完一件又再想食多件，$70大大個真係好抵食！溫馨提示：買原個蛋糕抵過單買一件，食唔哂可留多一兩日的，我第二日食番味道還是一樣啊！以後入元朗唔係淨係買老婆餅喇，仲有戚風蛋糕可以做手信👍🏻👍🏻👍🏻…查看更多

元朗是台灣古早味蛋糕的天下， 數數已有四家蛋糕店進駐了，近日卻來了家戚風蛋糕店，在每天限量的情況下，蛋糕仍是早早賣光的，好不厲害。老陳餅店是家戚風蛋糕專門店， 店內獨沽一味只賣戚風蛋糕。主打是茶味蛋糕， 分別是店方名物伯爵茶蛋糕、 大眾口味的抹茶蛋糕、 芝麻蛋糕、 巧克力蛋糕和香蕉蛋糕，一共五款口味， 絕對是貴精不貴多。除了口味專一之外，餅店的店風也是別樹一格， 無論是外觀裝潢或色調，都貫徹懷舊的文青風格， 雖然小店在橫街窄巷之內，仍然十分吸睛。 既走邊鋒路線，便要以品質取勝。 老陳餅店標榜每天新鮮製造，而且用料高質， 重點是無添加。首訪到老陳餅店是傍晚時分， 伯爵茶戚風蛋糕早已賣光光了， 便改嚐抹茶戚風($14/件)和香蕉戚風($14/件)。蛋糕帶點濕潤不會乾身，口感輕軟如綿， 如風的食感令人愈食愈愛上，低糖輕盈感覺健康。 當中以抹茶味蛋糕最驚喜， 味道甘濃茶香自然，得知以日本宇治丸久小山園5級抹茶粉製作，也難怪了。至於香蕉蛋糕味道清新自然，果真是用上香蕉製作，非人工香精可以比擬。二訪也是在傍晚時份，知道老陳餅店的戚風蛋糕可以原個購買， 但由於是每天限量供應的關係，想吃最受歡迎的伯爵茶蛋糕便最好預訂，於是早上便以Whatsapp預訂了！過程相當順利也不用下訂，只需關店前取餅便可。伯爵茶戚風蛋糕($70/個)，這價錢能買到整個蛋糕是很實惠的，而且在包裝上十分認真，漂亮嚴實的盒子也確保蛋糕不會走型。個人最愛的茶品便是伯爵茶，對此茶也有一定的了解。老陳餅店用上TWG伯爵茶葉，能成為名物是因為用的是川寧TWG茶葉，食材選用方面也有夠認真的。茶味本質就比紅茶香醇，加上佛手柑幽幽的果香，這層次多變的茶味很適合作蛋糕。而老陳的伯爵茶蛋糕，食感同樣是輕軟如綿，茶香清幽，相比之下抹茶茶香更甘濃一些，但仍是在水準之上。戚風蛋糕食用期在三天之內，但無論是即日享用，或是待到第二天才用，蛋糕仍然鬆軟美味，配一杯伯爵茶就可以在家吃下午茶了。雖說伯爵茶戚風是店方名物，但平心而言抹茶茶香更見出色。說到愛好口味從來是因人而異，但無論如何在食材的選取上，看見的不只是選材的眼光，更可貴的是店家的那份誠意。…查看更多