Bistro Lane

作為太古居民，我平日都常常來鰂魚涌的海光街吃飯但切忌在lunch hour來這邊吃飯因為附近寫字樓林立，要找個位靜靜吃飯就基本上沒可能的了這家台灣餐廳位於海光街附近的一條巷子裡比起大店，它小小的，別有一番風味-首先我們點了個「阿婆蔥油雞絲撈蕎麥麵」我覺得個味道有點太濃和太鹹縱然它用了蕎麥麵，但配上它的醬油還是太濃郁但要讚的是它加了粟米、大量蔥粒、炸蒜粒和白芝麻所以口感不錯，非常有層次-等餐時畫的畫.....-其實我們還點了個滷肉飯，但可惜忘了拍照📷滷肉飯味道一般般吧我覺得滷肉太瘦也有點太乾如果選取的滷肉肥一點，滲出來的油脂會讓整個飯更加香-最後我們買了杯伯爵珍珠奶茶但味道也是普普通通但另一次來吃時我是點了羅漢果茶，反而覺得味道更好-最後有一點想讚讚這家小店的就是店員會播許多台灣流行曲例如周杰倫、五月天、林俊傑的歌都聽得到啊！…Read More

呢次lunch朋友帶我由大街走入小巷，去食呢間隱世台式小店😝！雖然小店位置比較隱蔽，但裝潢並唔馬虎，仲幾有小清新感覺添☺️～而且墊枱紙都寫咗小店營運嘅意義同特色，睇得出係用心經營嘅小店❤️。·🔸[藥膳雞配湯米線+椒鹽台腸片] (HK$68)湯底方面，好重藥膳味👍🏻，而且十分足料，有紅棗、杞子、桂花等等，味道濃郁得嚟帶點甘甘甜甜🤤。雞肉就烹調得入味，吸收晒啲藥材味。台腸片味道甜甜地，係台灣嘅風味😆！·🔸[肉燥咸香雞脾噹+炸腐皮魚角] (HK$68)咸香雞脾入味🍗，用咗自家蒸煮方法去烹調，所以肉質軟腍。而對比食過嘅肉燥，呢度嘅肉燥幾特別😉，比較乾身、冇咁油膩，味道就咸咸甜甜，送飯一流！至於魚角，味道正常、彈牙。·🔸 [伯爵珍珠奶茶🥤] (跟餐優惠價HK$16)好香伯爵茶味，甜度適中，唔會太甜。至於珍珠，夠晒煙韌彈牙，正😍！整體嚟講，成杯嘢飲都好飲～如果唔點餐單點嘅話，原價係HK$22～· ✨妹豬仔👧🏻💬: 食物整體份量算大，價錢合理👍🏻。而且食物係即點即整，夠晒熱辣辣，值得加分😉！小店除咗可以堂食之外，仲可以外賣自取咖，而我覺得有趣而貼心嘅地方係，小店特登喺門面位置加咗一個「外賣自取銷量排行榜」，等客人了解到top 3係邊啲餐，而再決定買咩嘢餐😁。…Read More

又一條友去揾野食，得閒得濟又打下食評。今日去左鰂魚涌條巷仔揾野食，上次經過呢間門口都想試下，今日就去左食。～～～一條友等位等左幾分鐘就有位。叫左午餐》肉燥蛋飯配台灣腸$66。其實佢話午餐都昆昆地人，佢個餐其實都係單點，加配野飲平得幾蚊，最平都要加$16先有珍珠奶茶。但係我都加左...叫左個伯爵珍珠奶茶試下啦...～～～其實佢每樣野都幾好食，個蛋仲係糖心蛋，不過係貴左啲😂成個餐夾埋要$82，性價比唔太高。同埋如果唔加野飲淨係得個飯個份量都比較細... 個台灣腸如果比多幾件會好啲...～～～總結嚟講，間唔中都可以再嚟食多次嘅，唔錯。…Read More

「點.子.巷」位於鰂魚涌的一條小巷內，店面不大所以座位的數量有限！店舖的風格偏向文青，感覺乾淨舒服👍🏽套餐加$16可以有「伯爵珍珠奶茶」，由於佢係一早沖定左放入雪櫃凍，所以你唔可以按照個人喜好（少凍少甜）！茶味香濃，珍珠都幾有咬口，不過甜味偏淡！「溏心蛋肉燥噹+台灣腸」=$64，份量相當多，而且肉燥內加入左唔知咩😂令口味份外爽脆，相當得意，好味👍🏽溏心蛋有流心效果，值得一試！「肉燥鹼香雞脾噹+熱羅漢果茶」=$66，肉燥飯同之前的飯都一樣，咬口爽脆，非常特別亦好食！雞比肉質乾，口味偏淡，建議可以幾雞比整得更入味！…Read More

同同事行去食Lunch嘅時候經過呢間台式餐廳,佢話平時行過都勁多人排隊, 我見未人龍出現,我就即刻提議試新嘢轉軚食呢間! 阿婆蔥油雞絲撈蕎麥麪配炸腐皮魚角 $62蕎麥麪嘅份量都幾多 , 幾香蔥油味, 覺得有少少花生醬嘅味道, 雞絲肉幾滑同入味, 蕎麥麪夠彈牙!炸腐皮魚角就冇乜特別!肉燥咸香雞髀噹 + 羅漢果茶 $66雞髀Size都算大隻, 肉質幾嫩滑, 而肉燥帶點微辣, 淨食肉燥我略咸了一點, 但撈埋個飯食就啱啱好! 羅漢果因為冇嚟過所以唔知咩味道！飲品方面午市套餐可半價加飲品, 咁我哋兩個都每人加$16飲我哋想飲的!伯爵珍珠奶茶 ~ 幾香伯爵茶咪, 珍珠亦夠煙靭！冰花洛神青檸梳打 ~ 甜甜酸酸的…Read More

太古城大廈林立，只知道食肆已橫行無道，卻不知家中附近有一小巷隱藏着一些小店。今天與家人閑着，想在家附近發掘美食，經過此處，探身轉入小巷，看到這特色的台灣小店，感覺也像不錯，便隨意走入去試試。店舖地方較細，能容納的人數不多；幸而今天是假日，於下午時間來到的人客不多，故坐得也尚算舒適。兩時開始便有下午茶供應，有數款飯、麵供選擇，如不夠吃，亦可加錢要小食。最後我們三人要了兩個套餐，再加四五款小食。首先來到的是台式配方豬扒噹($44)，雖說是下午茶餐，但份量亦比想像中大。豬扒輕微炸過，不是走酥脆路線，然而豬扒醃製得入味，淋上醬汁亦頗惹味，但不知其配方是有何特別之處，非專業食家，又只能吃一口的我便吃不出。點子蝦醬腩肉配船家湯粉($48)份量同樣不欺場。恕我孤陋寡聞，船家湯粉真的是第一次吃。麵屬於幼扁身，質感滑溜，並不是追求澱粉的煙韌口感；原以為腩肉是一片片，原來是炸的。原來腩肉已是肥膩之物，加上油炸，更顯油膩，幸而清湯算是一解膩滯。小吃有糖心蛋 ($10)，蛋黃依然呈流蛋狀態，煮的時間掌握得不錯! 蛋味香濃，加入蔥更為香口，不錯。椒鹽花枝丸($26)也是炸的，外皮炸得尚算脆，丸亦夠彈牙，但就是偏油了，而椒鹽味不夠突出。椒鹽台腸片($22)於台式小店應屬保險菜式，甜甜的味道，頗有咬口，不錯，但同樣是油了一點。點子炸雞 ($38)算是反倒不會過於油膩，炸得頗為香脆鬆化，仍保留一點肉汁。每個下午茶餐都跟上一杯羅漢果茶，欣賞其不會過甜，反顯得羅漢果的滋潤。另外散叫了一杯伯爵珍珠奶茶($16)，有奶香，質感幼滑，珍珠亦夠煙韌，飲品沒有加入冰塊，只是雪凍，不會因冰塊溶化而令味道被沖淡，值得一讚。食物味道是不錯，唯油膩程度感覺有待改善，而笑臉是給小店的人情味和殷切的服務，令我們有愉快的用餐經驗。…Read More

鰂魚涌自從大型商業大廈進駐之後, 愈來愈多食店係呢度開業, 我地Lunch都經常過黎開餐, 其中有好多小店由於地方唔大, 座位唔多, 基本上我地呢d遲放Lunch嘅上班族要搵位真係好難。點·子·巷係鰂魚涌海堤街龍景大廈地下, 雖然係小巷入面位置好隱蔽, 但Lunch一樣係排滿人, 今晚趁老婆放早, 我地決定收工約係鰂魚涌去食晚餐。我地6點半已經到餐廳, 果然客人仲未係好多, 餐廳好細間, 不過座位都比較闊落, 以四人座位為主。點·子·巷裝修設計幾有格調, 雲石枱, 玫瑰金色嘅餐具, 配上粉紅色牆身, 感覺幾華麗。😍晚餐選擇都唔少, 我地揀左銷量排行榜TOP 3嘅呀婆蔥油雞絲撈蕎麥麵($52)同店員推介嘅新品桂花醉香藥膳雞鍋($128), 另外晚市惠顧$40以上食物可半價配飲品, 我叫左伯爵珍珠奶茶($16), 老婆就叫左杯熱飲, 桂圓杞子紅棗茶($14)。呀婆蔥油雞絲撈蕎麥麵嘅雞肉份量都幾多, 沙薑味濃, 配以芝麻, 香蔥, 粟米, 再撈上甜醬油, 味道層次豐富, 蕎麥麵彈牙, 另外仲可加上微微辣嘅熱湯撈麵食, 好惹味, $52呢個撈麵相當超值。👍桂花醉香藥膳雞鍋除左個雞鍋之外, 仲包括其他火鍋配料, 我地先食預先已烹調好, 用爐加熱後我地先食雞肉, 雞肉肉質嫩滑, 吸了藥膳湯汁, 藥材味都幾重, 好啱老婆口味。之後店員幫我地加湯之後就開始打爐爐, 火鍋配料原本係有肥牛, 不過因為老婆唔食牛, 餐廳幫我地轉左做豚肉, 豚肉份量都好多, 而且脂肪分佈均勻, 肉味好濃, 老婆好鍾意。其他火鍋配料味道都唔錯, 最特別係台灣香腸片, 我地都係第一次打邊爐食, 比烤嘅更軟腍多汁。😋打邊爐配珍珠奶茶冇得頂, 呢個伯爵珍珠奶茶唔會太甜, 伯爵茶味比其他茶香, 晚市半價非常抵飲, 老婆杯桂圓杞子紅棗茶材料豐富, 味道清甜, 佢話感覺都幾潤。😚呢餐咁豐富埋單都係每位$115, 性價比好高👍…Read More