伍仔記

有時都想普通食呀叫餸食飯 大埔墟新街市係個唔錯既選擇呢度有好多間 粵菜泰菜東南亞都有 而且平日晚上通常都唔需要點等位朋友情有獨鍾呢味伍仔記冷盤有生腸、涼瓜、鮑片同鱔球生腸爽口 涼瓜甘甜唔苦 鮑片鮮甜 鱔球都已經起哂骨配埋WASABI 個感覺好清新章魚蓮藕煎肉餅呢個配搭食落有啲濃味 但送飯唔錯又唔會太香口魚香茄子煲略嫌唔夠魚香 不過感覺唔係好多油所以都滿意既另外，仲有個蠔仔腐皮卷都好正不過今晚唔記得左叫，唯有下次啦~…Read More

巧手招牌菜之一: 伍仔記冷盤 $98 材料:鱔球/涼瓜/飽片/生腸果然係招牌菜每樣食材都搜羅得幾好而且配合凍食, 爽口彈牙,呢個冷盤係有兩度, 唔怪得之佢排位第一之外, 喺呢頁餐牌內佢都算第二囉, 除咗旦家雞之外,蠔仔腐皮卷呢個麻麻地因為炸得好乾身連內餡都乾埋, 蠔仔係有但已經係無任何蠔仔的氣味, 椒鹽沙稚 $65 新鮮一攞埋嚟即食係感覺到鑊氣, 但如果溫度一下降味道可以差幾遠, 都係唔覺有油咁, 小炒皇 $65 不過不失, 平穩之作菠蘿生炒骨$55 呢個價位的確比外面平易十幾二十蚊但都唔使舊舊都係大大粒骨頭, 只係食層炸衣同蔬果架嘛, 咁又似乎過份咗d整體係ok嘅, 只係某些小菜將貨就價效果未如理想啫…Read More

轉眼幾年，時光飛逝，光陰似箭，日月如梭，有緣再臨伍仔記。因為甚少係大埔墟活動，所以今次全家總動員專程走到新街市係非常罕見及難得，預祝母親節晚飯。早前嘗試打電話訂枱，但接電話位男仕稱四位七點咁早唔洗留檯架，上黎即有。真的嗎？果然黎到即有位，本來興致勃勃想食海鮮，但只有大路普通花蛤、蟶子、東風螺、海蝦、海魚，無蟹無帶子。伍仔記冷盤，保持高質，𣎴過阿媽細妹始終完全食唔到苦瓜呢！我以前都一樣，但幾年前試過伍仔記冰涼甘甜爽脆多汁冰鎮苦瓜後，開始食苦瓜了，還漸漸愛上。生腸頭脆卜卜、鱔片彈牙結實、齋鮑片腍而嚥韌，三者配上青芥辣豉油都非常合襯，清涼清香清爽。蠔仔腐皮卷，有創意及其他食肆都未見過，梗係要試試。賣相排得整齊有序，四四方方，顏色陰沉無什麼配菜作點聚，平實單調乏味，都幾悶下。簡單地伴碟加點青瓜片或蕃茄片，顏色奪目而且味道清爽多汁可去油膩感。斜切腐皮卷企起身放，視覺上已吸引好多啦。炸得乾爽鬆脆，聽得到索一聲咬開，非常動聽悅耳！餡料塞得滿滿唔手軟，但肉多蠔少使到蠔味不太突出。蠔仔太瘦，肥美不足所以蠔汁欠棒，味道十分微弱。肉味及腐皮味成功地喧賓奪主，將鮮蠔味蓋得厚厚。要浸上喼汁提提味，酸酸甜甜香口腐皮卷好食，但唔講唔知有蠔囉。豉椒炒花蛤，完全無鑊氣既？靜蠅蠅送到，微暖半點煙也沒有！花蛤發育不良不飽滿，外形瘦猛猛。灼熟之後兜個豉椒汁就出貨，水份及蛋白質均已流失亦無海水咸香。蛤肉淡茂茂，豉椒汁偏甜而豆豉味濃厚而濁。恰巧附近幾檯都係叫花蛤，一齊炒的嗎？花蛤肉甩掉會分贓唔勻喎。清蒸多寶魚，我印象中以為係成千蚊條既貴價魚，原來只不過一百蚊有找啫。想要涼瓜炆，夠香啦麻，但阿媽同細妹食唔到，轉清蒸囉，無所謂。好大條喎，成斤重都有呢，一斤左右大細既魚好嫩滑好味。其實我對比目魚類不太喜歡，即鰨沙魚類，但又唔抗拒既。因為佢地雖然啖啖肉無細骨，嫩滑幼細肥美，但魚味偏淡，鮮味微弱呢，依條都不例外，不過爸媽妹都很愛。沾上蒸魚豉油，我都覺滿意好味的。啫啫雞煲，見到 menu 推介，即時燃起我既食慾，我要食佢呀！上檯喇，份量咁少既？迷你煲黎喎，而且有股𤓓味湧出，啫啫燶了！師傅太唔小心喇，我都知好忙。雞肉過熟以至乾鞋，欠嫩滑欠肥美，醃味濃而重，味道其實不過不失，但添加左燶味呢。豬潤乾硬鞋烚烚，冬菇滑彈清香最好味。金銀蛋莧菜，平時我係唔會 order，但細妹想食。基本咸蛋雞湯味道，莧菜烚得軟腍，平平無奇無感覺，正常質數。豉油皇吊桶，好采點中味超好食啫！新鮮度無與倫比，肉質滑彈帶爽，純天然海產鮮魷味道濃厚，美味可口！lucky 吊桶中還藏著大量魷魚春添，脹卜卜肥嘟嘟！要整隻啪先能滿足我既獸性，蛋味甘香加上鮮嫩吊桶肉，而且散發著豉油香，震撼味蕾！失望地豉油少許偏甜，欠缺惹味，加點薑蔥爆爆去，添點清香及鑊氣就更正！炸 BB 鴿，整個晚餐似乎無咩肉落肚呢，叫隻乳鴿同細妹 share，爸媽話已食飽了。賣相都滿意，骨頭還未 BB 到可以食落肚。剛炸起熱騰騰香噴噴，雖然好咸，不過皮脆肉嫩。依餐真係勁抵食，好耐未試過同全家人食晚飯 $600 蚊有找呢。…Read More

第一次幫襯係 2010 年，朋友大力推介，又見食評唔錯，讚多過彈。但試完後，發現呼聲高、雷聲大雨點小，非常失望。又可能因為叫唔啱招牌菜啦，可以比多次機會，遲啲試多一次啦 ~ 後來發現原來老闆係中學同學石同學喎 ﹗估唔到 ﹗咁當然要再去試真啲啦 ﹗實話實說，第二次都算滿意既 ~今晚相約幾位舊同學一齊黎踩場，順道跟多年無見既石同學問好 ﹗伍仔記冷盤，有齋鮑魚、鱔片、生腸同苦瓜，冷盤夠凍，GOOD ﹗起初見到青色一片片唔知咩黎，咁就試試啦，食落都一樣唔知黎架，味道甘甜，爽口鮮味，朋友仔請係苦瓜黎架 ﹗完全無苦味，其實我係由細到大都唔食苦瓜架 ﹗但依度真係處理得好好食喎。生腸好爽口又嫩渦，齌鮑配豉油青芥辣，辣中帶甜又帶咸，好醒胃。唯一比較差既係白鱔片，味淡而且太腍喇。日本芥辣炸墨魚丸配蛋黃沙律醬，見到墨魚丸顏色好似青青地，但我完全食唔到 washibi 味啊，失望呢。外層夠香脆，墨魚丸不彈牙，鮮味亦不足，普通唔難食，但無吸引之處，sorry。口水雞，我最鐘意就係食雞架喇 ﹗我上 openrice 睇過伍仔記口水雞個汁同雞係分開架喎，而且無炸蒜蓉鋪面添，係咪改左烹調方法呢？一黎大啖咬落隻髀度先，有麻辣味道，花椒味幾濃，唔係傳統多油多辣椒既紅色，好乾身。肉質還可以啦，味道不太出眾，一般啦。砂鍋枝竹火腩炆油鎚，因為見依味送係 openrice 好評如潮，所以専登叫黎試試，平想我係唔識亦唔會叫油鎚食囉 ﹗香氣撲鼻，但唔夠熱喎，無煙既？炸過既油鎚加埋燒肉好香，皮香肉嫩又啖啖肉 ﹗樣樣都好，如果溫度再熱啲又少啲油就更好 ﹗…Read More