Keung Kee

以前返學嗰時間中都會經過見到呢間小店，都會見到店舖嗰個充滿蒸氣嘅爐，印象中只食過一次燒賣，覺得燒賣普通所以無特登行去呢度再食，因為佢個位置非常唔起眼，喺灣仔銅鑼灣中間嘅馬師道，但如果係住灣仔銅鑼灣、或者喺附近返工嘅人，應該會知道依間小食店。呢間強記美食係一間歷史悠久嘅小食店，由1950年開業至今，以前係鵝頸橋做車仔檔賣牛雜牛雜粥做到呢家呢個鋪位，到呢家已經有71年歴史，再加上佢係2016至2019年米芝蓮推介嘅小食，所以係一間人氣嘅港式小食店。小店主打糯米飯，而且一年四季都有，以前車仔檔係未有糯米飯，直至1970年益新飯店既大廚教店主既老豆煮糯米飯，除咗糯米飯仲有其他小食同甜品，甜品都係1970年先開始有，因為店主爸爸識左澳門過黎既女士，女士教佢爸爸賣喳咋。之後店鋪就淨係專心整呢幾樣野食，貴精不貴多，店主每日六點起身，用三個鐘煲糖水同糯米飯，只賣幾樣野食已經深得街坊歡心，即使每日收鋪已經12點，每日只係訓3-4個鐘，店主都係覺得值得，因為食客係有要求而黎，個個係為食有水準既野食而慕名而黎，遠至元朗流浮山、澳門、甚至新加坡、印尼、馬來西亞都有，為既係保持水準，見到食客食到個碗乾乾淨淨。從外表上睇依間小食店只做外賣，因為經過只會見到車仔係個鋪前，會特登保留車仔係因為佢地係車仔出身，但見到側邊嘅入口就可以睇到入邊有四至五張圓枱，可以比食客堂食。-1️⃣ 什錦臘味糯米飯💰39（👅: 9/10）加臘腸💰10糯米飯係店舖其中一個招牌，老細整糯米飯既方法都係深得爸爸真傳，但自己係浸米、選米方面有自己方法，新米同舊米會有唔同浸法，熱天浸既水暖D，浸出黎既米會腍D，反而冬天用凍水，浸出黎既米會硬D。選米方面糯米飯都係用泰國米，一年四季都賣糯米飯，但冬天會比夏天賣多D。上枱發覺只係一個碗仔大細既糯米飯，但食落唔係大食既人其實都會飽飽地，因為糯米飯比起一般飯更易飽腹。糯米飯入邊嘅臘味份量算多，有蝦米、臘腸、臘肉、潤腸、冬菇。上枱已經見到出晒煙，因為佢係充滿蒸氣嘅爐入面出來，街頭小食最緊要熱辣辣，糯米飯聞落好香，食落每粒飯都係粒粒分明，飯唔會話太油膩，亦都唔會太腍，佢依種糯米飯嘅口感係我食過覺得最好食，軟韌程度適中。至於佢嘅豉油都唔會太咸，又唔會太甜，調味係平衡得非常之好，臘味臘肉本身嘅油已經滲到去糯米飯入邊，所以食落特別入味特別好食。除咗飯係用泰國米之外，其他用料好講究，臘味都係用本港既臘腸，無論臘腸、蝦米、冬菇都係要用一級，店主強調無好既材料煮唔到靚既野食，臘味同冬菇都係非常入味，臘腸香氣夠口感Q彈，而潤腸有小小酒味，每食一啖都係滿足感，尤其係凍冰冰嘅冬天嚟食更加之滿足。話佢係香港最好食既糯米飯都唔誇張，因為實在諗唔到第二間可以令我印象深刻，想食嗰時就即刻諗起嘅糯米飯。-2️⃣ 香煎蝦米腸粉💰22（👅: 8.5/10）煎腸粉雖然唔係推介，因為無叫豬骨粥所以就叫左個鍾意食既小食。腸粉食落外脆內軟，外表煎到好有油香，有小小焦，食落非常之香口但唔會過於油膩，鑊氣十足，腸粉入面有葱同蝦米，軟綿脆口，再加上甜醬、辣醬、芝麻，已經係發揮得好好既混醬煎腸粉。-3️⃣ 馬來甜品喳咋💰28（👅: 8.5/10）喳咋都係店鋪既招牌，傳統既喳咋已經賣小見小，呢度幾十年都係用同一個方法去煲，每次煲個幾鐘，食一羹就知道係撚手小菜。喳咋煲到起沙，呢樣好多鋪頭都做唔到，入面有芋頭，食落係超級腍超級粉，入口即融，好似食緊雪糕咁。糖水飲落香甜，啖啖都係豆味，因為紅豆已煮到熟爛，而且加左椰絲，味道爽口且多層次，但唔會覺得過甜。質地係濃稠，啖啖都係豐富既材料，唔係交功課淨係得水。-4️⃣ 魚蛋豬皮蘿蔔燒賣💰40（👅: 7/10）因為叫三樣野兩個人食怕唔夠飽，所以叫左呢個小食，本身唔係呢度招牌。全部其實係可以分開叫，魚蛋、豬皮、蘿蔔、燒賣每樣十蚊。呢4款小食都係用咖哩汁，有小小南乳香，食落係入味，特別係蘿蔔同豬皮，魚蛋燒賣就相對無咁入味，豬皮夠軟身，蘿蔔清甜食落無根，但本身味道同口感都係相對其他小食係比較遜色。-🌟招牌仲有花生旺菜豬骨粥，但我同朋友都冇特別鍾意食豬骨粥所以無叫到。食物黎講係水準之上，因為我住港島，所以應該係附近都會間中黎食下，尤其係冬天，因為佢店內算係半室外，所以夏天食會唔會好熱就未知。至於份量方面，如果係小食既人，其實一碗糯米飯應該都夠飽，大食既人可能要糯米飯加腸粉或者喳咋，食完覺得糯米飯、腸粉、喳咋都係比較推介。但腸粉好多地方都出色，所以如果唔係住附近既人，如果你好鍾意食糯米飯或者喳咋，可以黎試一下呢間71年既味道，等呢個香港歷史味道可以留落黎。-👅味道: 9/10🍴環境: 6/10💰消費: 139/2人 (服務費: NA)…Read More

是日天氣漸冷踏出入冬天吧！J先生話帶我去吃好東西 - 強記簡單的餐單堂食的座位一般般；有些座位好狹窄，另外有些位置於後巷！粥底煲得好綿滑丶豬骨肉腍丶蠔豉丶花生J先生話：不錯的粥！頗嫌粥底太濃身，加少許稀才似粥糯米飯粒粒分明而乾身；加上冬菇丶蝦米，再配上臘腸及潤腸咸香，令這碗飯味道層次感再提升份量偏少！腸粉滑溜；麻醬不夠均勻，芝麻不夠甜醬丶辣醬放在枱上；自己調配！這碗湯汁，只有微微的辣；豬皮軟身，蘿蔔沒味道而有些硬J先生話：再來一碗！因他很愛吃；而且覺得這碗是他吃過之中最好味的糯米飯！但如果有花生就更加好味！注意：所以食物到齊；要即時付款的！強記 總結：還可一試！…Read More

又到lunch時段，今日得一個人食，搵下有咩想食先，天氣涼返少許，不如去食個糯米飯，據聞強記美食的臘味糯米飯不俗(呢個真係據聞左好耐)﹐超過60多年的老店，歷史悠久，由街邊車仔檔做起再到入舖﹐深受歡迎，米芝蓮推介唔在講，仲要係良心小店，身處灣仔，冇理由唔幫襯呀。 小小的店子，主力做外賣但亦有堂食，不過位子不多，既然都來到就堂食了。 餐牌。 什錦臘味糯米飯，$39。 熱騰騰臘味糯米飯，看似細碗，實際都幾飽肚，有臘腸、膶腸、臘肉、蝦米、冬菇及蔥花等，好足料，糯米飯粒粒爽身，唔會黏埋一舊，感覺冇咁油膩，味道鹹鹹甜甜又甘香，配合埋臘腸及膶腸的油潤，味道更豐富，果然幾好味。想食糖水，但實在太飽，只好下次了。良心老店，值得支持。…Read More

由於轉換了工作崗位，上班的日子的確較前忙碌，連放假的次數都比以前減少了，唉，真可憐，已有個多月沒來灣仔覓食了。記得以前還在灣仔居住時，和老公兩口子總愛定時定候去駱克道的「強記美食」吃番碗糯米飯、蝦米腸、喳咋等，想起都已令人垂涎，好，就趁這天來灣仔上課，一於放學後來重温這些街坊美食。黃昏時份的「強記」，門外人頭湧湧，真是一位難求，幸虧剛巧有食客結賑，那就坐下來吃吧。筆者向來食力不足，肚子放了糯米飯，還那來空間撐下那香滑的蝦米腸和甜美的喳咋呢？ 先點了香煎蝦米腸粉 ($14) 及喳咋，腸粉拿上來時已撒上了芝麻、豉油和麻醬，至於甜醬、辣椒醬，則交由貴客自理。煎過的腸粉入口帶點脆底，蔥香味十足，而且灑上白芝麻後，增添了不少香氣，配合淋上的醬料，白滑的外貌及酥脆微焦的口感，味道真的恰到好處，連平日食量不高的我，也決定 encore 再來多一碟。甜品方面，選了小碗的喳咋 ($9)，據說喳咋是葡萄牙語的音譯，代表雜糧的意思。喳咋是馬來西亞的一種特色甜品，材料非常豐富，而「強記」的出品，用料也放得慷慨，紅豆、綠豆、雞心豆、眉豆、紅腰豆、芋頭、西米、木薯等，應有盡有。吃了一口，甜度適中，而且由於食材衆多，形成多重口感，加上稀稠度控制得宜，本來食味不俗，只是稍嫌椰香味不太足。至於此行的目標物，什錦臘味糯米飯 ($25)，當然是外帶回家與老公分甘同味喇。這裡的糯米飯，其實餸料也不算少，臘腸、潤腸、蔥花、蝦米、冬菇等，絕不欺場，貨真價實。糯米飯入口毫不油膩，香而不黏口，而且臘味比例適中，口感既煙韌又柔軟，加上飯炒得粒粒分明，雖然外賣回家導致食味稍遜，但吃來仍有股暖在心頭的感覺，著實叫人回味。由於店子會不定時休息，所以來這裡吃這些街坊美食，有時倒要碰點運氣，但漫長的冬天，相信總會讓你遇上的。…Read More

灣仔有二強，強記飯店和強記美食，兩間都是我喜歡的店。還記得初來灣仔，跟同事一星期差不多五天都去強記飯店吃燒味，如果那時已經出了近日「港人吃燒味」的報導，我想我們不會如此瘋狂。我是早吃飯一族，上一次來強記美食，大約12時左右，什錦臘味糯米飯還未有，有點失望，只吃了個腸粉就走。其實因為股票市場的改動，現在多了辦公室12時吃中午飯，如果強記可以早一點準備應會更多生意。這一天路過這裡，看到什錦臘味糯米飯已準備好，決定坐下還一個心願。強記的餐牌很簡單，可用四個字形容 - 一目了然。今天來到點了什錦臘味糯米飯，和香煎蝦米腸粉，來了後馬上付款。可能我太久沒吃，已經忘了以前是否這樣，還是因為最近「走數」問題嚴重所致？這裡的腸粉是煎香過的，賣貴一點自必有因；但名字叫香煎蝦米腸粉，未知是不是來貨的問題，現在好像都沒蝦米了。吃腸粉，最喜歡混醬，芝麻、麻醬、甜醬，再配煎香了的腸粉，很難會不好吃。這裡的什錦臘味糯米飯是不是生炒不重要，因為我沒即場看到在炒，重點是要好吃。糯米飯上了點色，香口又煙韌；臘味份量很多，臘腸、臘肉、潤腸、蝦米、冬菇，臘味富油份，也不會硬得牙軟，非常惹味，喜歡臘味糯米飯的朋友必定要試。不過臘味飯難消化，我就曾經試過吃過後下午都在胃痛。所以這間強記，我是不可能當作燒味一樣成為飯堂了。後記：可能強記的東西好吃，也可能和近後巷有關，強記真的有小強。向這裡的小二報告，小二以熟練的、迅雷不及掩耳的動作馬上幹掉小強，肝腦塗地，實在厲害，果然強中自有強中手。…Read More