千房 (Closed)

上次黎旺角T.O.P商場係岩岩開幕嘅時候，好多鋪都仲未開。今次黎到發現依度多左好多野食，喺咁多間餐廳裡面揀左千房。禮拜六12點幾黎到，間鋪出乎我意料竟然好少人，唔洗等位就有得入，入到去都淨係得4檯客左右。依間鋪係主攻大阪燒，咁一場黎到緊係要試下。menu裡面都有唔少選擇，不過如果想自己DIY整嘅話就淨係得兩款可以揀，menu上都有特別標註，其他嗰啲就係由廚師整好送上。豚平燒: 黎到嘅時候已經分左4件， 啲蛋好滑，裡面包住一片片豚肉，調味正常，不過不失。什錦廣島燒: 送上嘅時候已經淋好醬汁，不過檯面都有木魚碎、紫菜碎、沙律醬可以自己再加料。裡面加左豚肉、魷魚、蝦、炒麵，而且佢啲炒麵比起平時食開嗰啲粗身少少，全部夾埋嘅口感都幾豐富。不過可能因為中間包左炒麵，食嘅時候有啲難度，啲餡料好容易就分散哂。關西風香蔥雞蛋大阪燒: 同樣依個大阪燒岩岩黎嘅時候都係得醬汁，其他係自己再加工。睇menu嘅時候都知會有蔥，不過估唔到竟然有咁多。中間仲有啲豚肉同魷魚，不過都係蔥最多。覺得都幾似韓式嗰種海鮮蔥餅，幾好食。不過對於唔太中意食蔥嘅人黎講，應該會覺得多得滯。整體黎講覺得間餐廳幾好，可以比客人揀diy或者

算新開商場,  同朋友行行下見到, 見到都幾多人, 就入去試試, 我地唔係太肚餓就叫左2樣野<什錦廣島燒>包含豚肉, 魷魚, 蝦同炒麵, 中昌間仲夾有椰菜, 味道濃厚, 份量足夠2個人食, 個人覺得加D七味粉就仲好食, 好飽肚<豚平燒>用滑蛋包住豬肉再加上大板醬汁一齊燒, 口感軟滑, 冇得彈整體來講好好, 味道有質素, 而且仲可以玩下鐵板燒, 價錢亦都合理, 不過通風耍改善下, 食完都幾大陣油煙味....

聽聞大阪道頓堀必食嘅大阪燒，最近嚟到旺角開香港首間分店,之前在日本試過,覺得味道非常不錯,所以和太太專誠試下.因為一早知道會很多人,所以未夠六點就到了,很幸運竟然不用等位(走的時候已經人山人海) ,門面不錯 , 檯之間亦寬闊.服務員亦十分有禮,詳細為我們解釋.我和太太先叫了一個海鮮拚盤,味道還可以,最可惜是隻蝦唔新鮮.跟著叫了一碟厚切牛舌,我祗可以說和日本差很遠,味道和咬口完全兩回事,我太太吃了一口便放棄了.最後叫了什錦廣島燒, 是晚個人認為最好食最似日本原裝的了.本來還想試多一兩樣東西,可惜太太已經沒胃口了,總結來說,如果你未去日本食過或者在香港未食過同樣的,可以一試,因為沒有比較,所以你可能會覺得不錯的.