Reiwa Izakaya

令和魚生丼($188)，超級足料既魚生飯目測有8款，性價比絕對超值，最重要係有我最愛既刺身蝦，黏黏地痴住d牙既口感係最正，其他魚生都係用魚腩部位，口腔充滿魚既油脂香味，帶點蟹籽一齊食增加口感。香辣吞拿魚丼($118)，鋪滿粒粒角切吞拿魚粒，醬汁係帶甜甜辣辣，用左千島汁混合店家自家秘制辣汁而成，味道好夾。什錦天婦羅($68)，有5款炸物，分別係蝦、粟米仔、蕃薯、茄子、南瓜，油紙上油份不多，證明就算炸物仍然不油膩，每件炸得好脆而且熱辣辣，炸蝦夠彈牙好新鮮。燒和牛舌($38)，牛舌既牛味好濃而且有油脂甘香，曬上黑胡椒和七味粉，所以食落會帶點微辣，豐富味蕾，而且係厚切有咬口。燒廣島生蠔($48)，共2隻，醬汁同樣加左千島汁再去燒，生蠔圓潤飽滿，燒熟左仍然好大隻，唔會縮得好細，咬開後，肉裏面好多汁，唔會燒得乾身。燒雞棒($22)，雞肉串內食到有粒粒雞肉，口感層次豐富，面層有甜甜地，應該係塗上左蜜糖。蜜桃薄荷梳打($48)，層次唔錯，因為最初係飲到蜜桃味，跟住薄荷味慢慢從口腔滲出，而且越黎越濃郁。…Read More

 週末就想去日式居酒屋放鬆一下，今次就來到位於旺角的令和居酒屋。店內面積雖不大，但裝潢走居酒屋格局，帶點日式復古懷舊的氛圍。餐牌選擇極多，看得人眼花撩亂。點菜後就有意外驚喜，侍應突然送上一小碟費用全免的日本椰菜。令和玉子燒 $38玉子燒將蛋漿層層捲起，每一口裹滿濃郁蛋香，厚切堆疊的蛋皮帶來綿密彈性。玉子燒吃下有厚實的質感，享受香甜蛋香的滋味。燒鮮鰻魚串 $48鰻魚淋上鹹香帶甜的醬汁，被炙烤得油香四溢。味醂日本雞泡魚乾 $88雞泡魚乾燒得微焦，鮮甜可口，一點也不腥。質地煙煙韌韌甚具咬口，吃時蘸些蛋黃醬，風味十足。什錦天婦羅 $68什錦天婦羅一次過嚐盡多個款式：蝦、秋葵、BB粟米、茄子及南瓜。外層麵衣酥酥脆脆，內裡包裹著新鮮爽彈的蝦肉。石板燒澳洲M6和牛 $108有100g、150g及200g份量可選，因為已經吃了這麼多小食，所以就點了最小份量一人前的100g 淺嚐。澳洲M6和牛色澤嫩紅，兼具了紅肉鮮味和柔軟度，脂肪不多，所以入口不會太肥膩。燒肉時有侍應代勞，服務夠貼心，當牛肉接觸到灼熱石板的一剎那，滋滋咋咋，煙霧瀰漫，熱氣逼人，燒得香氣撲鼻。M6和牛牛肉油花分佈平均，肉質夠腍沒渣，肉與油香相互平衡，牛味香濃。加 $25就可追加蟹膏飯、野菜沙律及味噌湯一份，份量很足。石板燒和牛火候控制得宜，中心仍保持微紅色，不會過韌，肉汁豐腴，用來拌飯吃極之開胃。鍋燒烏冬 $68湯頭清澈鮮甜，配料豐富，包括半熟蛋、蝦天婦羅、豚肉叉燒、蟹柳及海苔等。烏冬口感順滑，輕輕一吸就從舌尖滑到喉嚨裡。飲品則點了蜜桃乳酸梳打 $28及巨峰提子乳酸梳打 $28，酸酸甜甜，冰爽透心涼。…Read More

一睇個名就知係今年新開的居酒屋，地理位置未算旺區，竟然都人頭湧湧。店內熱鬧得很，墻上貼滿左清酒嘅標籤，好有日本的感覺◆Summary◇餐牌選擇好多，食物質素也頗高，和牛尤其抵食！超推介🥢石燒和牛 🥢蒲燒鰻魚 🥢黑毛和牛串燒夜晚9點之後仲有清酒梅酒任飲🍶性價比真係幾高————————————————————◆石燒日本A5黑毛和牛 150g◇HKD188二百蚊都唔駛就可以食到A5和牛，自己中意燒到幾成熟都得，和牛雪花紋理好靚，柔軟之間油脂香氣突出，肥美又滿足。CP值超高！◆燒黑毛和牛串◇ HKD48燒得外脆內嫩，仲好Juicy添◆燒和牛舌◇ HKD48厚身又爽口，唔會太乾◆燒鮮鰻魚◇HKD48表皮燒得好脆，滿滿的醬汁非常入味，鰻魚質地彈牙，很是爽脆，有海鰻的口感◆燒廣島生蠔 兩隻◇HKD48幾抵食，生蠔經過茄汁調味，酸酸甜甜幾開胃◆什錦天婦羅◇HKD68天婦羅衣唔會太厚，最抵讚係擺左一陣先食都完全冇泛油 ◆蟹膏飯◇ 石燒和牛+HKD20食和牛點可以少左一碗飯，加一羹蟹膏，將肥美進一步提升，好邪惡啊😈…Read More

對於日本，轉年號係一件好隆重嘅事；對於我地，係又出發日本搵美食嘅時間，哈哈。因為劃咗去返個短TRIP，所以相約出黎下行程，順便食晚飯。餐牌有幾款套餐選擇，為咗旅行可以食豪啲所以揀咗－松SET。但食物同樣豐富唔係講笑。先黎有個沙律係車厘茄芝麻豆腐，酸酸甜甜咁幾開胃。椰菜片配酸汁味道都同樣開胃。前菜揀咗和牛他他及日式炸雞。和牛他他有別見開用牛肉打碎而成嘅，反而係一片牛肉鋪係蘿蔔沙律之上，所以食起上黎有牛肉漑香同咬口質感。日式炸雞就比較乾身，但熱辣辣夠脆口，點少少沙律醬就足以除去多餘油膩感。什錦天婦羅。有少少可惜係面衣油咗啲，令到食落鬆化但無咁脆口，不過份量足夠蝦／南瓜／茄／子／秋葵都有。白蔥燒豚肉／燒雞翼。兩款燒物都夠入味，雞翼夠乾身，味道有啲似世界之山嘅感覺。石燒美國安格斯肉眼扒。因為係美國牛關係油花唔會太多，主要係食肉香同大大件嘅質感。伙記好貼心咁幫我地煎香再剪開，牛肉食落啖啖肉，好滿足。安格斯肉眼片火鍋。揀咗壽喜燒湯底，因為甜甜咸咸嘅味道最有日本FEEL。入面材料同樣豐富有娃娃菜／洋蔥／金菇／滑豆腐／芋絲。各種蔬菜再配肥牛真係令人飲飽食醉。燒飯團茶漬飯。最後嘅茶漬飯為成餐帶來額外底氣，飽餐一頓後以熱茶湯掃除油膩感，減輕負擔。幻彩藍蝶花檸檬梳打／鮮檸檬燒酎梳打。兩杯味道都好酸甜開胃，檸檬可按自己喜好添加。好奇之下柯打咗加$10嘅幻彩版，上枱發現係底墊轉咗有LED燈發光，見到全場嘅目光都吸引咗過黎，呢$10虛榮心絕對值得。哈哈。日本新嘅年號代表住一個新嘅開始，希望近期嘅社會事件得到完滿解決，等我呢啲小市民出街食飯唔使怕被警察打。…Read More

之前朋友介紹過好食，今晚專登黎試下佢個二人前石燒火鍋套餐，入到黎已經聞到陣香噴噴嘅肉味😍。 $488 有沙律，前菜x2, 串燒x2, 什錦天婦羅，石燒+鍋物安格斯肉眼片，燒飯團茶漬飯，真係幾豐富。✨先黎個日本椰菜拌醋汁，開胃又爽口。✨沙律胡麻醬夠晒多好好味，滑滑豆腐加上三文魚籽點綴，多左份咸鮮味， 車厘茄大粒得黎又夠晒甜，如果個豆腐可以冰凍d 就更加正。Ps.個碗真係好靚❤️✨叫左兩款唔同味既乳酸梳打，最鍾意熱情果味，清新得黎唔會太甜，淡淡既乳酸味又唔會搶左陣熱情果味。另外巨峰提子都唔錯，提子味幾突出。✨和牛他他： 牛肉軟腍，加埋底既酸洋蔥同黑松露真係好開胃既前菜。✨炸雞估唔到幾好味，炸到外皮微微脆，雞肉嫩滑內裏juicy, 點埋沙律醬～正👍🏻✨金菇豚肉串好好味，豚肉燒得香口又唔會乾爭爭，金菇夠爽口多汁又唔韌👍🏻多春魚味道正常，一份有四條幾抵食。✨石燒安格斯肉眼片250g: 呢塊牛都幾厚幾靚，牛味好濃ar,仲有滿滿既肉汁～加埋甜甜既燒汁更加正。😍不過塊石真係超級熱，燒到炸炸聲～塊牛最好燒到咁上下夾起先，唔夠熟先再放落去燒，如果唔係唔小心燒過龍就會韌左。✨什錦天婦羅：有蝦，南瓜，茄子，菇，同埋秋葵。炸粉好薄又鬆脆，唔錯ar✨火鍋安格斯肉眼片150g: 好靚既牛😍雪花分佈好平均，我覺得乜醬都唔點係最好味，食落唔嚡口牛味又夠濃。✨湯底揀咗壽喜燒，味道唔會太甜我幾鍾意。入面有娃娃菜，洋蔥，金菇，豆腐同埋好Q彈 既葛條。其實食完已經係超飽，點知原來仲有個飯。✨燒飯團茶漬飯：好清甜既鰹魚湯，d 飯食落煙煙韌韌又帶少少脆，食落都幾特別。今餐真係好飽好滿足，我覺得佢啲牛真係幾好食，鍾意食牛嘅朋友一定要黎試吓。…Read More

我同A先生都鍾意食日本嘢, 早前友人介紹係旺角有一間叫令和居酒屋不錯, 我地就決定去試下.一入店內, 怖置充滿好日式, 感覺置身於日本.我地點了一個二人前石燒火鍋套餐.沙律係海葡萄豆腐沙律.麻醬與豆腐係最佳拍檔, 豆腐夠滑身. 自選飲品兩杯.我點了幻彩藍蝶花檸檬梳打. 用來影相啱晒, 檸檬汁混入藍蝶花, 幾好味.A先生蘋果汁前菜自選兩款, 我地選了炸雞和燒和牛他他.炸雞. 外脆內嫩, 唔會覺得乾身和硬.燒和牛他他.A先生話燒過的和牛味道不錯.串燒自選兩款, 我地選了燒多春魚和大蔥豚肉. 燒多春魚.幾香脆, 作為小食不錯.大蔥豚肉.大蔥夠甜美, 食日本嘢, 通常會選這款串燒. 什錦天婦羅. 賣相精緻.炸粉唔會過厚, 唔會感覺好油膩.我特別鍾意食炸蝦, 蝦肉幾彈牙. 石燒美國安格斯肉眼扒.店員同我地燒. 我要食全熟, 而A先生鍾意食三四成熟.這樣大家可以因應自己鍾意熟度而食, 最好不過.肉眼扒即使全熟, 我也唔覺得好硬. 鍋物美國安格斯肉眼片. 這是另一個食法.同石燒感覺完全不同, 無咁熱氣. 燒飯糰茶漬飯. 最後食番個茶漬飯.這個二人套餐相當豐富.…Read More

看到這店的名字，就知道它是近期才開的日式餐廳。適逢新張有折，門口設計也有老日本風格，就和男友進去一試！燈光、氣氛、坐的木桌椅全都有居酒屋的感覺。我比較在意那兩排達摩紙燈籠，好可愛呢！兩人來的話，有三款二人前石燒火鍋套餐可選，分別為松竹梅，以牛肉和海鮮分別了不同價錢。跟店員談起來，才知道套餐有參考懷石料理，從中挑了幾款出來而成，讓我們以平民價感受精簡版本的懷石料理！是日沙律為爽脆的椰菜，點酸的醬汁來開胃一下。前菜有幾款可選兩款，先是和牛他他，入口即溶的香軟和牛加上蘿蔔蓉和黑松露，絕對是味覺的享受。另一款也選了肉類，日式炸雞即叫即炸，外脆內嫩，非常香口，配蛋黃醬更惹味更邪惡。另外點了兩杯梳打，熱情果乳酸的味道酸甜適中，熱情果味夠濃夠香。藍蝶花檸檬更特別，用發光的杯墊已很吸晴。檸檬汁是另上要自己倒的，酸度改變，藍蝶花的顏色也跟著轉！又能玩又能喝呢~串燒可從指定款式中選兩款。燒多春魚烤得很乾爽，不會太焦，皮薄又脆，中心魚春爆滿，口感十足。芝士豚肉串更是有半溶奶滑的芝士，加上鹹香的豚肉，也是十分高質素。什錦天婦羅有彈牙的蝦、多汁的冬菇和秋葵等，脆漿薄薄，咬下去不會整口油或粉，加上帶酸的醬汁吃更惹味。重點就是美國安格斯肉眼兩食，先是石燒的版本。店家燒紅了石架再搬出來，我們就可直接把厚切的牛扒放上去，滋滋作響。很快把兩邊燒好，再燒邊緣位置封鎖肉汁。肉眼帶一點點脂肪，更香軟易咬，牛味濃郁然後就到鍋物配壽喜燒湯底，一大盤蔬菜煲出來當然是清甜的湯呢！這也跟牛肉比較夾~美國安格斯肉眼之二，火鍋版本。脂肪分佈平均的牛切得薄薄一大片，煮十秒左右就能吃了。肉質更軟身，也同樣香口，加上清甜的湯更突出牛味！吃了那麼多還未完，還有燒飯團茶漬飯作結，飯團有燒過，飯粒都變脆了。混合湯吃有鍋巴的感覺，清清的味道，為我倆的豐富晚餐畫上句點。488元的松套餐，絕對物超所值！…Read More

這間位於旺角洗衣街的「令和居酒屋」，地方闊落全日式裝潢，入來進餐令人有放鬆的感覺，而且又多款套餐選擇，不喜歡套餐的也可以根據餐牌，選擇自己喜歡的食物，放鬆下來慢慢欣賞。精選四人前石燒，火鍋套餐 ＄988是日沙律酸酸甜甜的番茄仔非常開胃，加上麻醬豆腐香滑得來充滿麻香味，在豆腐上加上幾粒顏色鮮艷的三文魚子，配合得非常好。日式炸雞日式炸雞大細適中外皮炸得非常酥脆，內裏嫩滑多汁，點小小沙律醬一同進食，十分滋味。和牛他他和牛他他，自家調製的醬汁放在和牛面，和牛入口溶化牛味香濃，再加上酸酸地的大根，餐前來說絕對開胃。大阪好味燒大阪好未燒，味道剛剛好外脆內軟，加上大量的木魚沙律醬和燒汁，實在美味。燒廣島蠔燒廣島蠔，蠔味出眾大小適中一口一隻，味道在口中爆發感覺非常幸福。什錦天婦羅什錦天婦羅，材料新鮮即叫即炸粉漿外皮非常薄，入口感覺絕不油膩。石燒美國安格斯肉眼片 400g石燒美國安格斯肉眼片，放上燒紅了的石板上，立時湧出濃烈的牛脂香味，每邊燒25至30秒左右，便可以根據個人生熟要求，選擇進食。鍋物美國安格斯肉眼片 400g (豬骨湯)鍋物美國安格斯肉眼片，剛剛試完石燒現在來過鍋物，形成強烈對比剛才的油脂甘香，現在卻香軟幼滑，加上大量的蔬菜配料，感覺非常舒服。燒飯糰茶漬飯燒飯糰茶漬飯，店員為我們一一送上，在我面前把茶湯沖上，還對我們說大約泡浸，兩三分鐘待飯糰把茶味吸收，才開始進食。…Read More