The Alchemist Café (Hong Kong Velodrome)

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧1️⃣ 檸檬奶油燒嫩雞胸($68) 🍋🐔呢個係將軍澳單車館期間限定😝見到限定就即order😊雞胸肉煎得外皮金黃酥脆內裡卻保持鮮嫩多汁🤤 淋上特製檸檬奶油醬汁😇酸酸甜甜完美中和雞肉油膩感😝清新爽口！😋偷偷話比你哋知😉剩咗既檸檬奶油醬汁可以加落碟意粉😋好好食！2️⃣ 白酒香蒜大蜆意大利粉($118)🧄🍝 八隻飽滿鮮甜既蜆🐚🌊 一上枱已經聞到勁香蒜蓉香😝意大利麵條彈牙🤨微辣既調味更加係畫龍點睛🌶️刺激著味蕾🥹🤤 食完超級滿足！🥰3️⃣ 千島海鮮薄餅 ($148 )🍕🦐餅底厚度介於薄批同厚批之間😉口感外脆內軟🥳非常有嚼勁！🤤 滿滿芝士🧀拉絲效果一流😜😍 千島醬酸甜可口🤨同海鮮鮮味完美搭配！😋 每一塊pizza上都鋪滿新鮮蝦仁🍤Q彈章魚仔🐙同鮮美蟹柳🦀用料十足😇誠意滿滿！💯 4️⃣ 京都春日($128) 🧇🍓四塊外脆內軟窩夫🧇可以自行淋上香甜士多啤梨醬🍓口感豐富☺️層次分明！😋 兩球Häagen-Dazs雪糕係冧酒提子🍇和焦糖脆餅口味🥹兩種口味都非常好吃！🤤 仲有滿滿新鮮草莓🍓酸酸甜甜😆非常清爽！🍓 💖 食完幸福感爆棚！🥰⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🌟想知道更多美食🤪記得follow@mochicouple_hk啦😍🎉📸📍 將軍澳寶康路105-107號 香港單車館公園G53號舖🚇 港鐵坑口站B出口,步行約10分鐘🕒 Mon - Fri: 11:00-22:00 Sat - Sun: 08:30-22:00…Read More

每次去牧羊少年都唔會令🐧 失望🥴 今次來訪位於將軍澳單車館嘅分店，環境一流😍 餐廳樓底極高，空間感十足👍 窗外直面一片自然湖境，心曠神怡❤️ 內部貫徹一向文青風裝修，配搭柔和嘅燈光，感覺和諧又舒適🥰 主食㨂咗一客咖啡羊架同埋意大利風乾火腿蜜糖柚子薄餅✅ 羊架配搭特調嘅露絲瑪利燒汁，羊嘅羶香更出眾🤩 肉質柔嫩，啖啖肉汁好惹味😚 一旁伴以燒澳洲西蘭花、日本南瓜，整體感覺更完滿🤤 意大利風乾火腿蜜糖柚子薄餅即點即烤，入口外脆內軟，味道酸酸甜甜，清新又開胃，食多幾件都唔怕膩滯🤗 風乾火腿鹹香惹味☺️ 高質有誠意🌟 小食貪心地㨂咗大大盤小食拼盤🤤 內含雞翼、薯條、炸雞、肉腸等等😚 真係大滿足之選😋 🐧 最喜歡佢哋嘅炸雞，外層酥脆，內裡軟嫩，加上他他醬好邪惡😈 最後當然唔少得甜品❤️❤️❤️ 㨂咗朱古力蛋糕、法式蘋果撻、提拉米蘇，同埋必點大大份京都春日窩夫😚 全部都好高質，絕對要試喲😘 …Read More

無事不入將軍澳，之前都喺因為行山先入到嚟，今次就梗唔喺行山啦，大佬，成35°C喎，雖然小弟身體狀況都唔差，但都怕怕哋會中暑。今次就因事入到嚟坑口嘅香港單車公園，趁空就順道到訪「牧羊少年咖啡館」食番個下午茶。由坑口地鐵站過嚟頗為方便，行10分鐘左右就到。而餐廳環境非常之大，而且，樓底十分高，空間感十足。再者，枱椅排列唔擠迫，加上對出一列落地玻璃窗，好似今日晏晝咁，陽光普照，令人感覺更有活力、醒神。餐廳採半自助形式，自己搵位，晌櫃枱落咗單，再由店員將食物送上。而基本餐具早已放晒晌枱上，其他嘢如調味料、額外嘅餐具、牙簽……等等均晌出面自助區都會搵到。食物選擇方面，點餐櫃枱旁標示晒出嚟。唔想「戇居居」企晌度睇，拎本餐牌埋位慢慢研究都得。種類大致可以分為二人、四人套餐、午餐、下午茶餐、薄餅、單點小食、甜品、飲品。京都春日 $75紅紅綠綠，窩夫烘得靚仔，所以，賣相幾討人歡心。窩夫入口非常香脆，裡面好綿密，但蛋香味唔算濃，而士多啤梨有點酸，反而士多啤梨果醬則頗甜，夾埋啲忌廉食都好唔錯。而兩球綠茶雪糕好大個，算幾夠茶味，帶點點甘苦。焦糖朱古力芝士餅 $35件芝士餅嘅雲石紋做得幾靚，咪睇佢個樣好似好乾咁，查實就唔喺，晌儲存方面做得幾好，出面有啲餐廳會雪到件餅乾晒架。最上層嘅芝士打得幾柔軟，芝士味也不俗；中層嘅朱古力芝士就有啲顧此失彼，因為朱古力味唔夠突出；下層嘅消化餅底小弟就覺得厚咗啲啲。講咁耐，無提及焦糖，其實表面嘅雲石紋索性用焦糖漿去做，突出個主題就仲好，所以，整體件餅嘅質素喺唔失禮，但覺得可以做得更好。黑糖卡布奇諾 $32面層無一層厚厚奶泡，反而拉花拉咗隻天鵝，而且，入口似鮮奶咖啡多過似卡布奇諾，不過，杯「鮮奶咖啡」本身確喺幾好飲，醇香，撞奶泡均勻，口感順滑。之但喺，既然拉花隻天鵝咁靚，再灑啲黑糖粉就整花晒個拉花，感覺有啲可惜啫。荔枝蜜瓜鮮打綠茶 $42綠茶底打得夠清香喎，綠茶內有少少纖維，相信喺嚟自啲荔枝蜜瓜肉，不過，除茶味，荔枝嘅味道就突出啲，蜜瓜嘅味道就唔喺好覺。晌炎夏，呢杯綠茶就好透心涼，唔會太冰，飲落感覺好舒服。凡惠顧都會送返張午市（$5）及晚市（$10）現金券，不過，再睇睇後面嘅使用條款，限星期一至五使用都無乜問題，但只限將軍澳店就用唔着喇，小弟有幾何入嚟吖，都喺啱啲附近住嘅街坊客多。枱上仲放咗個儲印花換美食嘅推廣牌，消費$60就有一個印花，儲齊7個就免費換到一客指定小食或甜品，雖然無睇過啲條款，但相信間間「牧羊少年」都用得，對比起啲現金券，嚟得更有實用性。外面雖然好熱，熱到爆炸，但坐晌裡面，環境「涼枕枕」，不知幾爽。食啲甜點，飲杯熱啡，悠閒咁渡過一個懶洋洋嘅炎夏下午。…Read More