Be with Years (Wonderful Worlds of Whampoa Pebbles World)

「原來素食可以咁精彩！」一直聽聞素年各分店質素穩定又有心思，今次終於來到黃埔分店朝聖～由環境到裝修，服務到餐點都充滿驚喜，更難得既係店家在規矩中保留人情味，令到成餐飯留低最美好既慢食回憶。裝修走日系文青風，空間寬敞唔擁擠，枱與枱之間距離舒適，能夠自在傾計而唔怕打擾別人。雖然餐廳用餐有限時，但店員非常貼心，見我和朋友聊得開心，也沒有要求我們要趕著離開，這種不機械化的服務，真係好WARM！👫 二人滿足分享：1️⃣ 京都宇治玄米茶茶香清新，玄米風味醇和，喝起來十分舒緩，搭配濃味素食啱啱好平衡。2️⃣ 素年經典不可能芝士漢堡配薯條漢堡扒口感極似真肉，搭配融化般的素食芝士和爽脆蔬菜，滿足感爆棚！蕃薯條香甜脆身，讓人一條接一條，食到停唔到～3️⃣ 菠菜味噌豆乳手工貝殼粉💚 真心大推！濃郁豆乳醬中帶住味噌鹹香與菠菜清甜，貝殼粉完美吸附醬汁，每一啖都令人驚艷～絕對係回頭率100%的菜式！4️⃣ 純素伯爵茶芝士蛋糕配糖漬蘋果這個甜品我都係超級中意，蛋糕唔單止質地細膩綿密，伯爵茶香優雅芬芳，配上糖漬蘋果的微酸果香，為呢餐飯畫下完美句點。✅ 總結：素年黃埔分店無論環境、服務定係食物都保持高水準，特別係細節中流露既用心同彈性，讓我覺得唔止係食一餐飯，而係一種生活態度。已經約定朋友下次再來試其他菜式！^V^PS: 我同朋友坐到店鋪閂門，店員真係好好，仲好有禮貌咁同我地講BYEBYE~…查看更多

記得第一次食素年係喺深水埗店開左無一年既時候，一來因為素食可以做到咁精緻，二來味道唔錯，當時已經好多人講，所以好快就成為排隊熱店。嗰日咁啱同屋企人行過黃埔店唔使排隊，就帶佢地試下新派素食，改變一下兩老對素食既印象。.香茅白咖喱吉列豬扒定食 $128一講到白咖喱豬扒飯大家一定會聯想到沙嗲x，所以都好期待係咪可以做到同嗰個一樣嘅白咖喱汁咁無敵。試過醬汁之後發現真係好唔同，會比較似黃咖喱汁嘅唔辣版本，味道唔錯不過多一啲香料味應該層次會更好。齋吉列豬扒方面都做到幾脆口但味道唔算太有驚喜，而三碟醃菜都好食，整體配搭都唔差。印尼巴東味黃金豆腐拼盤配白飯 $118成個餐有好多種蔬菜做伴碟幾靚，但全部都好似無調味咁😅巴東醬汁同豆腐方面，豆腐有炸過口感唔錯，但巴東醬汁香料味道不足同平時食印尼菜個種有差異，味道較淡。聽屋企人講無論蔬菜木薯片同白飯都係比較無味道，要依靠醬汁去點綴，而相片中睇到嘅醬汁份量確實太少，所以成個餐食到唔夠一半無汁就會變得冇咩味道。黑松露蛋黃醬薯條 $68 因為嗰日無平時食開既番薯條所以試一試呢個。薯條方面口感好粉質，黑松露蛋黃醬味道好淡，食唔出黑松露味，唔推介。京都宇治玄米茶(熱) / 斯里蘭卡伯爵茶（凍）每份主食都會附送其中一款茶飲，而我哋當日兩款都有飲到，茶味足幾香。💬：環境方面都好乾淨，侍應有禮貌，但對食物整體味道方面確實有啲失望。另一方面薯條好遲出，同其他食物同一時間落單但直至我哋各人都食完自己嗰套餐都未出，我諗最少都有半個鐘，大家都已經飽左大半，而最後味道口感都不似預期，所以失望咗。.📍 紅磡黃埔天地百寶坊(第3期)地下G27號舖…查看更多

偶然星期六到poly聽講座後會到紅磡附近食午餐，今次見到這間新式素食店餐單幾有新鮮感，裝修又幾新淨，就試一試。【日式精選料理】雖然要等上20分鐘，但見到端出來的九宮格好精緻，而店員亦遞上膠片詳細列明每道菜式的材料。由左下口味較淡開始吃到右上角，有飯又有涼麵，都幾多澱粉。而最出色的是南蠻炸猴頭菇，菇汁香濃，又夠香口有咬口。野菜高湯寒天就很特別，有點像分子料理，入口即化，但滲出來的是清甜高湯風味。甜品亦有兩款，桂花洛神花煮梨清甜得來又有花香。【印尼巴東風味黃金豆腐】是香港人口味的印尼菜式，少咸少油較健康，沙嗲醬好香花生味道，配上大量的脆蝦片，好夾，豆腐就有點乾身，未能完全索滿醬汁。【炸香芋蕃薯波波】台灣的起道小吃。【斯里蘭卡伯爵茶】好香濃伯爵茶味道，令人上癮喝不停。【京都宇治玄米茶】很多玄米脆粒，解膩消滯。…查看更多