Tea Pot

住在將軍澳的朋友極力推薦寶林「茶煲」點心店，說在星期六日飲茶仍然享有超抵的價錢，不用捱正價點心價格。一睇點心紙，「孖寶」組合價低至$15-$20一籠，堪稱區內親民之選。茶煲難怪成為不少將軍澳、寶琳居民的飲茶據點。1. 京式小籠包一上桌夠晒熱辣辣，湯汁爆滿。2. 煎釀茄子外層煎至金黃酥脆，內裡茄子軟滑滋味。3. 脆麻花蛋散入口即崩，非常鬆脆，亦不會太甜。4. 腐乳通菜腐乳醬超濃郁，自己倒落去可以控制口味。5. 煎椰香年糕年糕外層微焦，內裏Q彈，微甜而不膩口。6. 高湯灌湯餃餃子餡料彈牙，又夠足料，就算叫一路灌湯餃亦可以兩人分享。7. 水晶蝦餃蝦餃晶瑩剔透，內餡彈牙爽甜。8. 大良脆奶卷一口咬下外脆內嫩，奶香四溢，必點之選。9. 黑椒蒸牛肚牛肚入口爽滑軟腍，咬勁十足不會過硬。10. 鵪鶉蛋燒賣鵪鶉蛋燒賣買少見少，比常見蝦燒賣多一番風味，同樣是必點之選。11. 原隻鮮蝦腸鮮蝦大大顆，一定要襯熱時食，才能嚐到最好食的階段。茶煲這個實惠定價，就算專程過來亦都划算。…Read More

今日約了住將軍澳的親戚飲茶，選了寶琳商場的「茶煲」。茶樓裝修雅緻，新派懷舊風格，我最喜歡的是花磚地板。座位也算闊落舒適，有圓枱，有卡位，照顧不同顧客。點心紙上有多款傳統點心，其中不乏我的至愛：如鹹水角、蝦餃、燒賣、腸粉、煎釀青椒.....等經典點心，又有實惠的“特選孖寶”。“蟹籽燒賣”外面有蟹籽，餡料有鮮蝦，卜卜脆又彈牙。“水晶蝦餃”爽滑外皮包住滿滿蝦仁，口感不錯。“安蝦鹹水角”新鮮即炸，特別香口。“煎釀虎皮椒”香煎魚肉配爽口虎皮椒，辣辣口感，十分醒胃。“粟米煎魚餅”即叫即煎，香噴噴，魚肉新鮮，真材實料。“南乳豬手”炆得入味，腍軟中帶爽滑，非常惹味。“鳳爪排骨飯”我最印賞個飯底，選用油粘米，表面光亮晶瑩，有飯香，富口感。“五喜點心拼盤”有燒賣、蝦餃、潮州粉果、雞包仔、粗糧糕各一件，有齊多款受歡迎點心。這裏的環境不錯，點心選擇多，大大件，新鮮即製，而且經濟實惠，是嘆一盅兩件的好地方。…Read More

星期日，當然要跟家人去飲茶，之前聽媽媽說附近有間親民茶樓，所以今日就來飲茶啦。見到門口裝潢，有傳統茶樓感覺，座位又寬敞。我們坐下立刻看看點心紙，發現原來有很多選擇喔！帶位姐姐還跟我們說點心是現場師傅親手造，即叫即蒸！既然很肚餓，就點多一點點試試 😂 🕊️ 大良脆奶卷 香脆可口，餡很滑，最重要是不太甜，亦不覺膩 😋 🕊️ 高湯灌湯餃 見到灌湯餃一定要點，因為現在真的沒有幾間茶樓有灌湯餃了 湯底很鮮甜，而且好足料 👍🏻 🕊️ 水晶鮮蝦餃 名副其實，蝦餃皮薄，晶瑩剔透，包住大蝦 🍤🕊️ 鮮蟹籽燒賣另一飲茶必點，肉質鮮嫩 🕊️ 四寶滑雞扎腐竹包住雞柳、蟹柳火腿和魚肚，口感豐富 🕊️ 煎釀茄子 這個真的不錯，香口之餘亦不油膩 🕊️ 鮮蝦腸粉 一共有三條，而且每條裏頭都有新鮮的大蝦，腸粉亦好滑，好味 🤤 🕊️ 京式小籠包小籠包應該不會是家家茶樓都有。小籠包爆汁，而且皮薄，值得一試 👍🏻 我一向是眼闊肚窄，但今日竟然全部吃完，非常滿足亦非常飽，想不到寶琳都有親民又好吃的點心，下次一定要再光臨。…Read More

之前有親戚嚟過飲下午茶覺得抵食所以今日夾完公仔就同朋友過嚟呢度試吓～我哋大約12點入座餐廳寬敞又多位～已經有好多茶客嘆緊茶裝修新潮，用色好繽紛！重點 坐得舒服姐姐介紹點心係佢哋師傅即場親手包嘅‼️所以我哋就冇叫飯啦，主打都係叫點心同埋好多主餐牌嘅點心喺彩色點心紙上面都有!經濟實惠🥰 👯任搭孖寶A👯‍♀️👑京式小籠包➕煎釀茄子  💎京式小籠包🍞小籠包皮薄~包住啖啖肉餡仲鎖住湯汁~一啲都唔油膩💎煎釀茄子🍆外層煎到香口茄子軟淋~中間夠晒肉味~有層次感💎煎粟米魚餅🐟煎到脆卜卜~魚肉滑~粟米粒粒有咬口~夠晒清新💎高湯灌湯餃🥟💯一人一粒先夠喉!湯底好鮮甜~飲得出有金華火腿嘅味道餃子大大粒好足餡~咬落去湯汁即刻爆出嚟~大大大滿足💎黑椒牛肚🐄牛肚煮到爽口彈牙~黑椒味恰到好處~唔會太搶~開胃~💎叉燒腸🐖腸粉滑溜溜~包住咸甜度適中嘅叉燒~包得靚靚～餡又正💎四寶滑雞扎🐔雞扎非常滑~餡料雖然多~但唔會包到好實~口感豐富💎蟹籽燒賣🦀表面有啲蟹籽加分🥰肉質夠彈性~唔會鬆散~足料!💎水晶蝦餃🦐蝦餃皮薄餡靚!蝦肉爽口新鮮~ 咬落去爽口彈牙有蝦味!好食~ ❤️燒賣蝦餃，可以有兩粒一籠嘅選擇啱晒想試多啲點心嘅我哋👍🫰💎腐乳通菜賣晒🤣轉左菜心~🍀啱晒同點心一齊食 總結嚟講~每款點心都有水準當中最喜歡小籠包、灌湯餃同埋蝦餃價錢相宜~坐得舒服~下次都會再嚟P.S. 屋邨小店特別有人情味~啲姐姐個個都好友善同埋充滿笑容☺️難怪有咁多街坊捧場💃🏻我哋坐到下午茶時段，仲多茶客啊！…Read More