Attap

今日趕時間，簡單去左中環街市食個下午茶。同事叫左亞答慢煮豬手飯配蘇東魚丸雞湯，價錢$68。亞答慢煮豬手茶餐份量都好多肉食，已經切到細細件好易食。豬手塊皮超彈牙，脂肪唔算多，肉質算嫩，而且味道入味，好正！配有一細兜酸辣汁，點黎食更惹味！豬手伴有糖心蛋半隻同鹹菜。飯係雞油飯，偏乾身，又香又好食。蘇東魚丸雞湯有兩粒魚蛋，仲有脆口八爪魚粒，撒上葱花，個湯都好清。我就叫左我最鍾意既海南雞飯配蘇東魚丸雞湯，價錢係$72。海南雞有雞脾有雞胸肉有雞翼，雞皮唔會太厚，肉質都唔錯，好嫩，連雞胸肉都唔差。跟有三色醬汁，包括甜豉油，辣醬同姜蓉。伴有幾片青瓜解膩。一樣配有雞油飯同蘇東魚丸雞湯。簡簡單單又一餐，然後繼續返工。…Read More

餐廳：Attap地點：中環街市菜式：新加坡菜餐牌：平日下午茶餐牌有9款選擇，有飯有沙律有肉有小食亞答慢煮豬手飯配蘇東魚丸雞湯 $68亞答慢煮豬手茶餐份量都好多肉食，已經切到細細件好易食。豬手塊皮超彈牙，脂肪唔算多，肉質我都覺得好嫩，而且味道入味，好正！配有一細兜酸辣汁，點黎食更惹味！豬手伴有糖心蛋半隻同鹹菜。飯係雞油飯，偏乾身，又香又好食。蘇東魚丸雞湯有兩粒魚蛋，仲有脆口八爪魚粒，撒上葱花，個湯都好清。海南雞飯配蘇東魚丸雞湯 $72海南雞有雞脾有雞胸肉有雞翼，雞皮好薄，都好多肉食，質感唔錯，都好嫩口。跟有三色醬汁，包括甜豉油，辣醬同姜蓉，令雞肉更好味道！伴有幾片青瓜。配有同亞答慢煮豬手飯一樣既雞油飯同蘇東魚丸雞湯。酸辣鳳爪 $62酸辣鳳爪 用紙兜上，下底墊底有好多去骨鳳爪，好爽脆，味道多酸少辣。面頭加上紅蘿蔔絲，生菜絲，西芹絲，洋蔥絲，伴有兩粒車厘茄切半，味道清爽唔太重口味，唔算太辣。滷肉A菜 $38另外去隔離久久加個滷肉A菜。滷肉A菜係油墨菜上面加好多滷肉。油墨菜份量足，滷肉份星多，又嫩又夠味！上菜好快，中環食lunch人士可以考慮試試。下午茶特別抵食。…Read More

今日過咗嚟中環，朋友喺萬邦行返工，陪我食咗個快lunch💨揀咗喺中環街市呢間新加坡菜，呢度係自助形式嘅，自己先俾錢order ，然後自己拎，我哋揀咗坐outdoor 位置，幾舒服，可以對住好多植物食嘢😆兩個人揀咗👇🏻亞答慢煮豬手飯配蘇東魚丸雞湯$68亞答冰鎮鮑魚（4pcs)$128酸辣鳳爪$62豬手非常軟腍而且又入味👍🏻雞油飯粒粒分明好香，魚丸湯好鮮甜，好飲😋如果可以多幾粒魚丸就更加好啦😁呢個性價比高，好味得黎價錢又抵👍🏻冰鎮鮑魚非常爽口彈牙👍🏻朋友讚不絕口，酒香味唔算太重，唔鍾意酒味嘅朋友都食唔到酸辣鳳爪呢個又幾好食，酸同辣個比例啱啱好，而且個份量都唔少😋食咁多間酸辣鳳爪，呢間一定係三甲之內呢間啲嘢食真係唔差🤤但係就冇提供飲品，如果要飲嘢嘅朋友可能要喺附近買，或者喺cashier 前面可以拎水🙌🏻…Read More