Tokuya Yakiniku

#德家日式燒肉店 $258 任食首先要讚下呢間餐廳其實好多位都好貼心。餐廳有個露天空間如果食煙嘅朋友可以去嗰度呼吸。亦準備咗室溫嘢飲比唔飲凍野嘅人。仲有好少有嘅咖啡機俾人沖咖啡。餐廳大部份嘅座位都係卡位，仲要係三面都係圍板，極有私人空間感。但有得必有失，因為呢個設計侍應會好難睇到你，落單就會有啲麻煩。大堂位有唔少即食食品，都係大路既來貨。但千其唔好夾泡菜，鹹到可以賣腎！當然肉類係主打，特別係牛肉。一開始會送5款特選牛肉同每人一隻蠔。呢五款肉係比任食既靚少少但都只係處於中下水平，而任食果啲就係中下下水平😂肉味唔重但有既，大部份既肉肉都咬到。呢個價錢我覺得啲肉嘅質素可以靚啲囉😂再者一般女仔都真係食唔到咁多肉。呢度好合適一班對食無咩要求既男士一齊黎飲啤酒🍻(有大罐裝啤酒hoegaarden stella)同瘋狂食肉。所以當晚食客男女比例都係8:2咁上下但當燒到豬腩肉既時候，我有少少嚇親😰注脂肉(人工方法將脂肪注入肉)？？？啲脂肪一遇熱就溶哂🤦🏻‍♀️唔敢食！唔建議叫。其實牛肉都有少少呢個情況但係可以接受。五花肉實在太誇張！可食：牛舌、骨付牛肋肉、羊扒、黑椒香腸、一口甜蛋、金菠蘿、多春魚不要食：泡菜、五花腩、帶子(無味兼有沙)牛油紙燒一段時間會變黑其實好影響食慾，所以都會有職員定時換新嘅牛油紙，以個人來講我偏好日式網燒。最後埋單嘅時候會有送哈根大師或者movenpick雪糕總結全晚最好食嘅食物係雪糕…Read More

燒肉這回事，縱然每天都過得精彩吃得豐富，可我的心卻一直都惦記著吃燒肉時的快樂跟隨性。喜歡吃燒肉的朋友會知道，燒肉總是有一種吸引力。就是這種吸引力，讓我曾經試過一個月內吃四次燒肉，飽得捧著肚子回家去。前一陣子，去旺角探班的時候，經過創興，想也不想便走入去了。.旺角創興岀晒名係放題既天堂，唔同既放題應有盡有，當中包括火鍋、日式燒肉、韓式燒肉、壽司等等，今日就同男朋友黎食呢間【德家日式燒肉店】。係我記憶入面德家都係以火鍋為主，倒不知道原來都開設了燒肉既一環，【德家日式燒肉店】位處創興廣場既四樓，貼心一提，四樓開始都要乘坐升降機喔。四樓整層只有德家，reception 後面分左右兩邊邊，左邊係供燒肉，而右邊則是供火鍋用饍，場內空間倒是挺寬廣，單單是燒肉一邊已能夠容納120人有多，每張枱都設有獨立既抽煙系統，盡量避免油煙過多既情況。燒肉放題共分兩個套餐選擇，同樣係任食2小時，分別有牛肉盛燒肉半放題同海鮮刺身盛燒肉半放題，主要既分別係多左海鮮加刺身拼盤，個人就不太好海鮮，所以就選個牛肉盛燒肉半放題好了。牛肉盛燒肉半放題 258/1位牛肉盛燒肉半放題包括有一份五款特選牛肉，除此之外仍有48款任點既食材，當中亦包括牛肉、豬肉、雞肉、海鮮、野菜及一係列既主食。五款特選牛肉每位附送既五款特選牛肉都唔能夠係任選單入面再選，選用更高貴既牛肉部位組合，入面有牛肋肉、厚切牛舌、牛胸腹、牛頸脊及一口牛。當中特別喜歡牛胸腹同埋牛頸脊，紅潤既顏色加上細緻既肉脂分佈，燒起後份外有牛肉味道，咬起黎柔軟多汁，分泌岀既油脂亦非常醉人。一口甜薯係咁多既任點食材入面，我確是超推介呢款一口甜薯，迷你甜薯浸係牛油入面，待燒熱後可以即食，甜薯粒粒軟綿綿，一咬充滿牛油香，雖然邪惡，但叫人無法抗拒，實不相瞞，我都點了兩次。車海老另外一款必食既食材絕對是車海老，本來我是不太好海鮮的，但誰不知海老燒過後，外殼透岀特別香既味道，蝦肉爽口彈牙，正。手羽先手羽先即是雞翼咁解，羽先經過調味，不加太多醬油都已經好香口，越是簡單既食材有時越係令人有驚喜。除左以上幾款，主食既燒肉當然小不了，9款既任選牛肉，有幾款都好值得一試喔。**叫得極上牛肋肉，就緊係非一般吧，牛肋肉咬起黎口感十足，而且快燒快熟，十分好食。**牛胸腹壺漬，另一款特式燒肉，浸係醬汁入面書既牛胸腹肉，味道與眾不同，味道帶一點韓式醬油味。**黑蒜油薄牛舌爽口彈牙，微甜既蒜油味幾過引，都不仿一試。另外仲有7款野菜，包括粟米、虎皮椒、秋葵、翠玉瓜等等，食小小清清膩味。仲有海鮮喔！款款都好新鮮，燒完出黎仲好多汁，堅正呀！多提一下，大堂中心位置仲設有自助吧，擺放左多種已熟小食，等緊燒野食既同時可以食住小小醫醫肚架！仲有飲品櫃同埋甜品架，啤酒汽水，精美糕點，選擇往往不怕多。臨走前不要忘記揀埋雪糕先走哦。食到飽飽當然食甜品啦！…Read More

朋友新年假期會同家人去旅行，想買番個新喼，於是今日就陪佢去咗旺角一間樓上舖度睇，睇完都唔太啱心水，無收穫，既然滿足唔到購物慾，我地就索性搵好西滿足吓食慾。在朋友帶路之下，去咗創興廣場四樓嘅『德家日式燒肉店』，呢度有火鍋放題和燒肉放題，因為上星期剛吃完火鍋，今日就揀燒肉放題來試試。因為時候尚早，被安排坐到卡位，環境寬敞舒適，而且發覺枱面和座椅都好乾淨，無乜油漬，最怕平日一些燒肉店嘅座椅黐𥹉𥹉，坐得唔自在。店內有兩款半放題選擇，朋友係食肉獸，海鮮就麻麻地，所以就揀咗＄238一位嘅『牛肉盛燒肉半放題』，送五款特選牛肉及燒蠔盛盒，還有數十款肉類蔬菜等，有兩小時任飲任食，一定吃得滿足。一大排飲品櫃，各式汽水飲品應有盡有，還有啤酒、咖啡、熱飲或室溫飲品都一應俱全，非常貼心，搵到我至愛的綠茶，清涼解熱，最啱配燒物。取飲品時，還發現店內供應多款冷盤、漬物、溫泉蛋、沙律、水果、雪糕、甜品⋯⋯等，要一一嚐遍，可能要多來幾次了。『五款特選牛肉』有牛舌、牛胸腹、一口牛、牛肋肉及牛脊肉。牛肉新鮮，色澤紅潤，肉質肥美，油花分佈平均。牛味濃郁，無雪味，肉質軟腍唔韌，有肉汁；牛舌有嚼勁，彈牙爽口，加點黑胡椒或沾點味道帶甜嘅醬汁都好惹味。至於五花肉、雞翼和羊扒都不錯，朋友話尤其是羊扒，因為事先用黑椒調好味，所以烤熟後羊肉變得更加香口。燒蠔盛盒每人一隻，蠔肉肥美鮮味，如果可以多一隻就更好了。另外我地仲點咗帆立貝和多春魚，兩者都有水準，新鮮味美，無腥味。蔬菜都有好多選擇，個人認為比較出色的首推『迷你甜薯』和『金菠蘿』。小紫薯用一個細細嘅錫紙盒盛載，裏面放上牛油，烤起來牛油香氣四溢，小紫薯熟後香甜軟糯，又帶少許牛油嘅鹹味，口感好有層次。新鮮菠蘿營養豐富，又可幫助消化，經過微烤後，更香更甜更易入口，真係不妨食多幾片。Mövenpick和Häagen-Dazs各有三款口味可供選擇，埋單時侍應會畀客人剔選，有我至愛嘅士多啤梨味，正！吃飽飽，又有美味嘅雪糕做甜品，今餐真係perfect！…Read More

📍旺角📍最平$238💰牛肉盛燒肉半放題🐮任食任飲2小時‼️自助沙律Bar🥗之前係網上已經見過有介紹🤔見佢最平$238就有得食，就想嚟試下伏唔伏🤣一上到去就覺得間舖好大😍每枱客都有卡位坐，私隱度幾好👌🏻而且每枱都有個抽油煙機，唔會燒到煙霧瀰漫🌫服務質素都好好，每個姨姨都好熱心幫您換個隔油紙😹------------------------------我想講出面仲有個自助沙律Bar，有曬沙律、冷盤😍勁多選擇🤪估唔到仲有凍蝦同青口❤️淨係飲品櫃都有四大個，除咗韓國果汁，仲有生啤任飲🙈啱曬一大班fd嚟😆------------------------------$238半放題就會送一客五款特選牛肉🐮有牛肋肉、牛胸腹、厚切牛舌、牛頸脊、一口牛🤤仲有9款任食嘅高質牛肉👏🏻極上牛脊肉、一口牛、牛肋肉🐂黑蒜油薄牛舌、牛脊肉、香草牛肋條☘️牛舌薄切同骨付牛肋肉💕最鐘意就係牛胸腹壺漬🤤牛味好濃🐮‼️每枱仲會送一客牛油生蠔😝------------------------------仲有放題比較少有嘅羊扒都好推薦❤️如果想惹味啲，可以叫辛辣五花肉同雞腿肉🤓調味都幾好😉海鮮方面，我不斷encore嘅帆立貝同青口都好正😝反而墨魚仔調味不足🙈蝦就略嫌唔夠新鮮😫------------------------------主食就叫咗個豬軟骨湯烏冬出奇哋好食，仲以為會好hea🤪仲有稻庭牛肉烏冬同海鮮粥，不過我怕太飽就無叫了🙈一定要叫埋個牛油鮮菌🤤好鐘意食呢啲菇菇，配埋牛油去燒，香到暈🤣🤣------------------------------最後每人仲會送一個movenpick/Häagen-Dazs，所以真係會飽死😹超抵食💰…Read More