Lung Wah Hotel (Ha Wo Che)

前兩年公司 搞春茗 嚟過一次 印象好深刻 當時啲嘢係好食吧 乳鴿一咬落去漏汁又滑 皮又脆又香 一人一隻 小菜都唔失禮 絕對比大牌檔有鑊氣 事過境遷 今日再去 沙田乳鴿呢個發源地 因為前幾日有朋友生日 大家都係沙田友 又諗唔到食咩 就提議去咗呢度食 位置有啲遠 市中心過去要行15分鐘 去到 唔多人 得4枱客 可能我地遲啦 8:30先食 叫咗 乳鴿 小炒王 雞粥 炒蜆 好似芋頭魚嘅鴨 （唔記得咗叫咩名）仲有個咕嚕肉 乳鴿都仲可以 不過明顯冇之前咁好 小炒皇都可以 好難會出事雞粥反而唔錯 幾棉雞都滑 又唔係重骨嗰隻啖啖肉嘅個芋頭魚嘅鴨 我覺得當芋頭魚吃ok ge 不過朋友話食唔到鴨味 所以一般啦 咭嚕肉就好細舊 完全係炸過龍定還是發育不良 我就唔想考究啦 炒蜆 味道冇問題 不過有沙 致命傷主要 我覺得一般是 上菜唔夠熱 🤔好似攤凍左咁 可能人太少啦 水準有落差 不過值得一讚係 好好服務 帶咗個蛋糕 🎂 冇額外收費 又吹你走 因為我哋遲完完全全冇感覺趕客情況希望疫情過後 經濟好番啲 期待佢仲撐得住啦沙田特色係要保留嘅 另外裝修都好懷舊 不過唔係污糟係乾淨嘅 打咭ok ge 有機會都會再去…Read More

星期日午飯時間，落到屋企樓下唔知食咩～咁岩有架280X 停低，咁就即刻上車去沙田食乳鴿。 龍華乳鴿是我的童年回憶，像是什麼特別日子才會去哪裡食飯慶祝，所以特別難忘。其實疫情前，一年總會有2，3次到來吃午餐，每次都是叫兩隻乳鴿，一碟乾炒牛河和細雞粥。當時真的擔心它捱不住，因每次去都只有幾枱，但卻又很享受那種寧靜的感覺。今次再次黎到龍華，簡直係人山人海，原來佢哋而家做團餐，當然也有做散客。坐低後，雖然人多，但也很就快有人開茶和落單，可惜已經唔係以前穿白恤衫加西褲的叔叔呀姨了，相信可能因為公司已經轉手。今次依然叫了兩隻乳鴿，一碟乾炒牛河和細雞粥。乳鴿有點油，沒有以前的鴿香， 牛河炒得很碎，雞粥就依然好味。希望大家唔好介意d食物成日食食下先影，我唔係專業打手，純粹想把好或不好的食店和大家分享，所以次次首要任務都掛住食。…Read More

————————————————————————龍華酒店 （下禾輋村） Lung Wah Hotel （Ha Wo Che Chuen）地址：沙田下禾輋村22號22 Ha Wo Che Chuen， Sha Tin（另外銅鑼灣也有分店~）香港僅有的園林酒店之一，以前很多電影🎬🎥🎞️都會前來取景，中式庭院風格別具一格，每一道中菜更是非常驚喜👍🏻🟠 推薦食物🔹 乳鴿🐦（$98）：油香味十足，上菜時就已經聞到香味👃🏻，令人食指大動，皮脆肉嫩，吃完更是唇齒留香，另外多叫了一支期間限定的玫瑰乳鴿，比普通版多增了一絲玫瑰花香味🌹🔸 鳳梨咕嚕肉🍍（$148）：鳳梨非常新鮮，鮮甜清香加上熱辣辣剛炸好的咕嚕肉，其他的咕嚕肉瞬間被比下去！ 難怪李小龍太太也喜歡😻🔹️沙田風味豉椒炒蜆（$128）：十分新鮮，每顆蜆也十分飽滿，豉椒味十足， 十分滿足😋🎞️茶芥🍵每位$10~🟡 不推薦食物🔹 無🟠 員工姐姐非常nice🟡 環境位於沙田下禾輋村的館舍，為香港僅有的園林酒店之一，中式庭院風格，進店前一排紅色燈籠🏮非常喜慶，適合打卡，店內牆壁上貼滿充滿年代感的照片，徒增不少風味🟠 總評分（9.5/10）💰 $250/人#ezukokofood #ezukokoshatin #ezukoko沙田 #ezukokotinhau #ezukoko天后#ezukokochinese #ezukoko中菜#foodiehk #foodie #hkfood #美食 #食好西 #隱世美食 #沙田餐廳 #天后餐廳 #推薦…Read More

前排同屋企人一齊去龍華食飯，話說原來龍華上世紀都幾出名，作為好多電影既取景地點同眾多明星、大人物拜訪，諗住應該都幾好食，結果就不及預期......可值得稱讚係環境的確幾靚，好有中式庭園風格，睇落幾舒服。我地當然叫左招牌菜乳鴿，仲有一些海鮮同炒麵等。招牌乳鴿都算不過不失普普通通，但就絕對冇預期咁好。皮脆而內不嫩，而且好油膩，瘦肉亦都好少，味道還算OK。鮑魚同炒蝦都係中規中矩，但鮑魚唔係好夠入味，蝦味道都OK，但係要剝殼唔係好鍾意。炒麵同青菜都一般般，炒麵太油完全唔想食第二啖，青菜還算好。價錢都幾貴，唔係好抵。…Read More

其實所謂嘅沙田三寶係香港嚟講都只係平凡的食物。通街都可以買到和食到。唔會好似我上次食懷舊菜式金錢雞一樣要去某些舊酒樓才有的。但因為朋友想去特色地方，所以就帶佢去呢間要「特登」去的地方。因為這裡沒有巴士線直接到達目的地。坐火車都要行一段路。這裡有幾個門面的。由天光搵到天黑😝開始進入一個復古的時光隧道這裡的餐牌都會介紹食物緣故。那些名人曾經讚過都會寫在餐牌上。第一寶-豆腐 其實都係普通炸豆腐。和深水涉那些排檔無咩分別。唔點都唔覺可惜這個所謂的素菜。賣相唔吸引。菜式普通都根本一般素菜店都可以做到。還說名星之愛。超失望⋯這個就真係值得讚一讚。菠蘿新鮮、咕嚕肉剛炸好。熱辣辣又唔入口。菠蘿真係一個奇妙嘅生果。沙田二寶-沙田乳鴿這裡有三種煮法。我地只點了兩款。每款兩隻。因為人數唔多。其實都剛好夠吃。兩款都值得一試。不過價錢又真係幾進取。試一次應該就真係夠😅乾炒牛河唔推介。因為真係同普通茶餐廳質素一樣。但價錢就比較進取⋯炸大腸朋友稱很好吃。因為以前的師傅做法都是這樣。沙田三寶最後一寶-沙田雞粥。大大煲很抵食。細煲都夠四至五人食。煲粥很有雞味和落足料，值得一試。今次的經歷都幾有趣。因為原來酒家里有鸚鵡、孔雀🦚這些動物。還有一些打咭位。店內都放了很多報到和名星相。雖然現在已經唔再風光。但都算係一個很「活」的時代見證。…Read More

嚟到沙田食乳鴿， 又點可以唔來龍華酒店。相傳金庸同 黃霑 先生， 當年作曲作 金庸著作， 都係呢度上 的常客， 山外青山樓外樓 如此江山美色先可以拎到如此 靈感。龍華酒店 沿著山路梯級上， 沿途有大紅燈籠高高掛。好鬼古色古香， 有一種世外桃源的感覺。我哋先嚟隻乳鴿， 乳鴿原隻上 夠曬原汁原味。店員會提供膠手套， 好似食家鄉雞咁原隻食先做 豐味。乳鴿皮脆 肉質嫩滑， 咬落肉汁仲好juicy即叫即整。其次要 讚就係菠蘿咕嚕肉， 和個菠蘿切片， 新鮮菠蘿好好味。 咕嚕肉爽脆炸得好鬆化。鄉郊景色心曠神怡 叫多幾味餸 享受完美的一晚。…Read More

嚟到龍華唔使多講啦, 最出名係咩, 就一定要食乳鴿!! 其實對佢啲小菜無咩興趣, 又聽人講好似唔係好好食, 所以都無叫到小菜. 唔知係咪肺炎嘅關係無咩人堂食隻乳鴿嚟得好快.兩條友真係淨係叫咗個乳鴿其他餸都冇叫. 個乳鴿因為實在太好食好多汁好惹味, 個皮仲好脆熱辣辣, 超級香口, 忍唔住連手指都食埋, 啲汁同油太正! 好掛住呢個兒時嘅味道, 就算香港其他地方有乳鴿都食唔返呢個味, 懷舊之夜~登登登登! 鴿中之王就係佢~…Read More

從新城廣場　行到龍華店夢與真之間　要行半小時要是搭的士　一定被糾纏怕沒權利　可以落車正圍村盆菜    真係好足料有蝦有元貝　沒翻開的勇氣還有炆鴨掌　髮菜和蠔豉鮮竹豬手　蘿蔔結尾食完　盆菜好飽乳鴿    係招牌菜色佛跳牆湯    還有枝竹羊腩大煲歡樂今宵    來糯米飯再沒餘地　繼續纏繞食多一點　發現胃部極渺小留下一點　再來甜品豆腐花呀歡樂今宵　紅酒一支啤酒汽水    飲飽食醉…Read More

為乳鴿風味，由沙田站走過一段小路，有懷舊燈籠丶古色古香戶外環境丶令人期待的乳鴿。我們一行12人到龍華酒店，長者前輩們説著往事，一點一滴的細說沙田歷史丶建築丶保育等等。乳鴿一上枱，各人的筷子🥢已馬上行動。小朋友說有手套呢、本人應為用手比較自在些。雖然不是有很大驚喜，但環境已搭夠。我相信每一位到龍華酒店的人也有自己背後的故事，我們今次就是拜托長者前輩的福，在此不是只為食而來，而是為記憶及製造記憶而來❤️最後甜品的山水豆花也是吸引不少粉絲呢…Read More

是日母親節， 和母親大人來慶祝 ， 看到食劣評多過正評真的有點擔心， 但估不到喜出望外， 可能因為未來過， 不和以前作比較， 食物味道其實不差， 乳鴿上菜時還熱騰騰的，母親大人是乳鴿控， 我們試過各大小酒家的乳鴿， 這裡的乳鴿味道算是中上， 雖然$108/隻有點小貴。 菜胆雞比坊間的夠味， 裝修後環境整潔， 有懷舊風味， 待應都是年輕人， 服務尚算不錯， 只是不能有車直達門口， 要行天橋過來對老人家來說有點不便， 但估計還是會再來的。 紅燒乳鴿…Read More

第一次去龍華食飯， 今次係因為有沙田友請食飯， 一入到大廳印象好差，因為有一檔有機嘅食品銷售在介紹產品玩遊戲， 亦可能酒樓音響唔係咁好，個舞台對落嘅幾張大枱都喺度飲酒，飲酒自然說話大聲，好似全場人喺度鬥大聲講嘢，嘈到死，展銷完結就正常了，本著既來之則安之，六個人點了一個六人餐。 6人餐牌碧綠北菇鮑螺片松露炒蝦仁 菠蘿咕嚕肉 ，汁醬剛剛好不會太酸蟲草花燉土雞，非常好味嘅湯落完單先記起其實可以多選幾種做法五穀豐收西施炒飯 ，呢個飯炒得一粒粒非常香全晚最好食嘅應該算係個炒飯同埋玉環瑤柱脯。…Read More

為奶奶慶祝生日，老公說想帶奶奶重遊舊地，一直揭著揭著Open rice的食評，這個失望，那個服務差，那個食物沒質素。搞得我對今間飯局沒什麼期望。訂了位，點了必點的乳鴿、稍有好評的粟米班塊、雞粥、朋友天吃的粟米羹、醬燒骨、茄汁蝦，再炒個芥蘭，最後加了個豆腐花。乳鴿當然好吃，名物嘛、雞粥也不差，粥底綿滑、要讚的是那個班塊，汁與斑塊分開，炸皮很薄，不是脆身那種，是鬆化那種，伴吃的粟米汁很夠味，而且魚肉是用石班魚，現在外面很多店鋪也用平魚代替。所以這個真是值得推介。另外茄汁蝦也不錯，蝦肉很爽，茄汁不會太多蓋過蝦肉，但很夠味。還有那個炒芥蘭，本身我不喜歡芥蘭，怕它硬又老，怎料這個很爽口又夠味。豆腐花很滑，唯一缺點是凍的，若熱著吃就更好味了。今次飯局比我半年前來時有進步，食物質素有進步，餐廳也好像裝修過，企理整潔，而且短髮女侍應態度很好，主動幫忙，值得一讚。…Read More

係沙田第一次去龍華食野, 是日黃色暴雨, 係禾輋行過去都幾狼狽。環境其實唔錯, 有D古色古香。不過衛生一般，周圍都有蚊蟲滋生。由於係weekday午飯時間，所以人數唔多，只有4-5台人客。我同fd兩人叫左鹵水乳鴿，椒鹽水晶鴿蛋，一鍋雞粥，一蝶油菜。乳鴿 $98，椒鹽水晶鴿蛋(6隻) $98，雞粥同油菜 夾埋$98。質素一般，唔係特別好食，但偏貴。坐低唔洗3分鐘乳鴿己經拎嚟，9成一早整定。lol乳鴿少少鞋口，總算熱辣辣。椒鹽水晶鴿蛋都幾惹味，每隻有乒乓波左右大小。但$98食6隻蛋真係貴左少少。雞粥幾錦，唔會杰達達，但係太咸，仲有浸雞粉味。。服務方面，果幾個老侍應成日係度睇電視，仲大大聲講粗口評論時事。呀大佬，你係waiter定時事評論員?! 返緊工專心D做野總結: 如果唔怕行，唔介意無乜服務既話，乳鴿可以一試。…Read More

豆腐花既口感好順滑,五會比人好膏狀或者用粉沖既感覺,而特別又有心思既系,呢間店既豆花五會提供黃糖,用左桂花汁,好清香,五會溜,男女老少都適合食另外,隻乳鴿皮五會好厚,D肉又滑,有少少鼓油味,五會好濃,好好味,一人一隻食五停~…Read More

難得平日放假兼落雨,就二人行黎左龍華~7點入到去~哇 得幾枱人...唔使等位~就拿拿聲坐低叫野食~紅燒乳鴿 : 今次比較多油~不過都好脆皮~唔使點調味都夠咸，但係小弟比較熱氣，所以一件起兩件止。豉油皇乳鴿+瑞士芝士海鮮焗麵 豉油皇乳鴿 : 黎到唔食呢個唔算黎過呢度! 夠入味，最重要係唔熱氣，可以放心喪食。瑞士芝士海鮮焗麵 : 佢既芝士比較偏向甜既奶香味，配伊麵底，不過比較"傑"身，夾得吃力D，海鮮有蝦，帶子，魚柳，魷魚。份量適中，兩個人都食得哂 …Read More