天龍燒鵝 (新禧大樓)

Open Now

Now Closed

最近好想食返一啲港式美食，醒起之前睇米紙推介嘅呢間由米芝蓮2星中餐廳燒味部主廚創業嘅天龍燒鵝，一於就來呢到食燒味飯做晚餐！聽講餐廳每一日都風雨不改咁樣全日keep住不停咁燒製乳豬同埋燒鵝，真係誠意十足啊～✨一人套餐叫咗招牌嘅乳豬拼肥燶腩叉！乳豬外皮入口酥脆，乳豬肉嫩滑多汁，仲帶有煙燻香味，成舊放入口感覺都唔會油膩！肥燶腩叉肥瘦均勻，除咗蜜香味之外，燶邊仲為叉燒增添咗一種焦香，令到味道嘅層次更加豐富！套餐仲有埋蠔油菜心、涼拌木耳、白飯同埋老火湯，非常豐富～✨ 叉燒油雞米粉朋友想食得健康啲，叫咗瘦叉同埋雞胸！雞胸肉質嫩滑唔會柴！雖然叫咗瘦叉，但係肉質依然保持到柔軟多汁！燒味配搭米粉又係另一番風味～✨凍奶茶

聽及朋友的推介，今次加餸的燒味選擇了天龍。燒鵝下庄份量十足，相當大盒！件件皮薄肉厚，鵝肉的肉地豐盈，每咬一口都有鵝汁在嘴裡流蘯，而脂位更做到超級甘香的境界！淋上燒鵝汁，令到燒鵝本身無需蘸點酸梅醬已極之美味！光是燒鵝已能佐飯兩大碗！四份一隻乳豬同樣很多，當見到排成三行的乳豬件，已令人不禁口水狂流！乳豬皮十分香脆，連同爽口的肥脂一起吃，滋味無窮！豬肉的調味亦不錯，鹹度恰到好處，配合甜甜的乳豬醬，相得益彰。煮碟菜，又完成了豐盛的一餐。