The One Korean B.B.Q. Restaurant

星期五放工後，我同爸爸喺旺角創興廣場1樓的牛一哥韓式燒烤放題，一齊品嚐正宗韓式烤肉。據聞這家烤肉店裝修闊落，是由正宗的韓國廚師主理，保證能品嚐到最道地的韓國風味。踏入牛一哥韓式燒烤放題的店內，店員向我們介紹了放題的選項。我哋揀咗連加一服務費$280嘅兩小時放題。我哋先獲九宮格盤，包括牛肉、豬肉和雞肉。聽講呢啲肉類都係經過嚴格挑選，質量上乘嘅。店家提供咗各種韓國風味嘅蔬菜和配料，等我哋可以喺烤肉嘅同時，都可以享受到豐富的口味。我哋先品嚐傳統的韓國烤肉。爸爸將薄切的牛肉放喺燒烤盤上，然後只需簡單翻烤片刻，肉香四溢。我哋用生菜包起佢，再加上蒜片、洋蔥同面鼓醬，一口咬落去，肉汁同各種調味料嘅結合瞬間爆發，讓人回味無窮。除咗放題之外，牛一哥韓式燒烤放題仲提供散叫菜品，包括：蝦丶扇貝丶韓式炸雞等等。最後甜品方面，有成個雪櫃嘅雪糕可以任選，我地每人都食咗好幾杯雪糕甜品後，滿足地離開。…Read More

牛一哥韓式燒烤放題係開業冇耐既韓式燒烤放題餐廳 真。韓國人主理😊最正嘅係有多達十幾款自家醃製泡菜無限量供應 啱晒泡菜控既我地❤🔸️韓式小食＆前菜幾多款式 好似海鮮煎餅 炸雞 年糕個煎餅仲好好味👏🏼🔸️韓式燒烤數到主角就梗係自助燒烤放題啦 多款肉類🥩海鮮🌊蔬菜🥬任君選擇 🐷🐮🐏🐣🦐🐟樣樣都有 咁多野食都只係承惠$248一位乍🤑 仲可以食足120分鐘 CP值超高丫 比較驚喜既係竟然有羊肉 因為放題真係唔多地方有得食另外佢個魷魚 青口 蝦都夠新鮮爽口 調味又惹味🔸️九宮格牛盛盒有原粒頂級肉眼 安格斯肥牛 厚切牛舌腩 五花腩等肉類質素唔錯 上菜速度都快 燒完一round店員會主動幫我哋換埋爐🔸️飲品除左大量飲品可以自取 更加估唔到係連酒精飲品都可以任攞😍 而且有好多款 想養生啲 有自家製紅棗茶同埋大麥茶🔸️甜品有成個雪糕櫃任攞 係一隻香港製造但比較少見既雪糕品牌 有好多特別口味 例如益力多味 富貴黃金果味 生果味既好似蜜瓜 菠蘿椰子 食落啖啖果肉味 真係食唔停🤪🔸️精選韓式料理 (追加項目)例如醬油蟹 韓式鰻魚 韓式生牛肉等可以付費追加 所以基本上咩韓國菜都可以食到💭餐廳環境以橙色為主調 韓式風格 卡位座位寬落 通風又做得幾好 唔會有油煙 真系要再約埋朋友黎encore👯‍♀️…Read More

朋友食過話呢間LUNCH TIME嘅韓燒放題都唔錯，於是今次約埋一齊開餐😃呢到午市燒肉放題($168/成人)，任飲任食120分鐘店鋪空間感都幾大，座位夠闊落，唔會同其他枱太逼👍🏻手機QR CODE落單任食類別嘅牛、豬、雞、海鮮之外，仲有Ｄ收費食物例如醬油蟹、韓式生牛肉等等可以嗌，豐儉由人😃另外出面仲有自助區可以拎野食飲品😉前菜配料熟食區罐裝紙包飲品都有好多款式雪糕等食物送黎之前，先出去夾D前菜熟食黎食住等，醃蘿蔔、泡菜、芽菜呢D前菜幾開胃，韓式煎餅比想像中好味，炸雞翼幾香脆😋九宮格牛盛盒：一開始會先送上呢盤食物，夠晒吸引😍一盒入面有九款唔同嘅肉類可以品嚐，包括肉眼粒、安格斯肥牛、五花豬腩肉、青衣柳、豬頸肉、牛仔骨、豬梅肉、蒜香雞翼、牛舌腩，食完覺得好味嘅話，全部都可以再次任嗌，我自己就ENCORE左好幾次蒜香雞翼、牛舌腩、牛仔骨同五花豬腩肉，正😋燒嘅時候簡單灑D鹽調味一下就最食到本身肉類嘅香味，燒完就咁食已經好惹味🤤辣魷魚鬚：呢個係我最鍾意嘅一款，魷魚鬚醃好左佢自家製嘅辣醬，燒完之後好彈牙又辣辣地，好刺激😋辣醬豬腩片：豬腩片夠肥美，經辣醬醃過後，燒完之後好香口，辣度適中😄用生菜夾住黎食中和油膩感，更加好食🤤金針菇卷：先將佢分返開燒熟再捲返一齊食，金針同肥牛呢個組合真係非常之夾，唔錯😉香菇、粟米：燒得多肉類，要食返D蔬菜食物解一解膩，香菇同粟米都好鮮甜😃最後當然食返D火龍果同雪糕，見呢到有花生醬味雪糕，夠特別，食落味道都唔錯😍兩小時放題食到飽一飽勁滿足🥰任食黎講食物質素都幾高，而且種類都幾多😉加上職員都幾用心，會教導一下點樣燒同埋調味醬配法，服務態度都幾好，上菜速度都快，唔會等得太耐👍🏻補MENU…Read More

❤️🧡🩷燒肉肉有誰不愛🥩超鍾意食肉肉，韓式燒肉都好鍾意！最近旺角新開咗間韓式燒烤放題，雖然係新店😆但入面啲嘢都好齊全！難怪座無虛席啦！🔥❣️晚市燒烤放題❣️ $238/1位依個價錢可以話係性價比極高！肉肉選擇多，質素都好好！🥩岀餐快，除咗放題之外都可以散叫菜品，例如：醬油蟹、韓式生牛肉、韓國鰻魚等🤭按個人喜好啦！💕❤️九宮格牛盛盒❤️ 入座後，每枱都會安排返個九宮格😚打完卡就緊係燒肉肉啦！九宮格好豐富，有肉眼粒肥牛、五花腩、青衣柳、豬頸肉、牛仔骨、豬梅肉、雞翼、牛舌腩🥩五花腩同埋牛仔骨都係我嘅最愛！🧡肉類🧡九宮格入邊嘅肉類都可以喺手機落單，食完再嗌都得！薄切嘅牛舌都encore咗好多次，爽脆嫩滑 肉味香濃👅💚蔬菜💚自助區有生菜俾大家夾肉肉食，用生菜包住肉肉，咁樣就更加清新解膩啦！🩷小菜🩷小菜嘅選擇都好多，好欣賞餐廳會提供自家製嘅醃泡菜，依度兩款嘅泡菜其實有唔同㗎！🥬一款係即日醃嘅，口感就爽脆啲😆另一款就係醃過夜嘅，味道就入味啲🌶️個人就鍾意即日醃嘅爽口泡菜啦話！🤎醬料🤎食燒肉嘅最佳拍檔一定係燒肉醬汁，特別係食肉類真係要點下佢哋嘅醬汁啊！🥩💜飲品💜除咗有平時常見嘅韓式罐裝飲品、包裝飲品之外，熱飲方面仲有餐廳自家製嘅紅棗茶！☕️呢個天氣飲番杯暖笠笠嘅紅棗茶真係好暖胃，佢嘅味道唔會太甜，飲落口都好舒服！🥰💛雪糕💛食完燒肉，緊係要食埋幾杯雪糕先走啦！依間放題有新口味呀！😳富貴黃金果味嘅雪糕真係第一次食，佢嘅味道清新，偏柑橘類嘅酸甜，食完燒肉食返一杯呢個口味嘅雪糕都幾解膩！🍨餐廳嘅裝修好闊落，自助區嘅食品同埋單點嘅菜品都係有正宗韓國廚師主理，所以佢嘅品質有一定嘅保證😌依度嘅店員服務態度好好，出餐效率好高又唔會有漏單嘅情況出現，仲好客氣添！BTW記得save post，方便向店員查詢有關放題套餐啦❣📍牛一哥韓式燒烤放題📍旺角彌敦道601號創興廣場1樓101-116號舖…Read More