Jiu Fen Full (Trend Plaza South Wing)

好抵食既台式料理，懷舊滷肉飯$44滿滿嘅滷肉醬汁，好有台味，味道非常豐富。肥瘦比例適中，醬汁同肉嘅比例好平均。好好餸飯☺️ 名正言順既白飯小偷😂😂成碗清光光。 香酥雞扒滷肉飯$53雞扒偏簿，但係粉同肉既比例合理好香好脆，好滿足😌雞肉同滷肉既份量好足料❤️海苔肉鬆起司蛋餅$38睇到都知比既料一啲都唔孤寒😊每一啖都食到材料 蛋皮好有口感 唔會太硬但蛋皮唔太有味 要靠點醬料先至有味。😗九份芋圓$40仙草豆花芋圓❤️😍 芋圓超級煙靭 煮芋圓既時間應該控制得啱啱好粒粒都好平均 無硬左一粒粒粉仙草豆花都好有味 唔死甜…Read More

《九份飽》屯隆街2號屯門時代廣場南翼地下22號舖今晚又食外賣，食得太多米線想食下飯，就叫左呢間九份飽台式餐廳，之前食過淘大個間分店都唔錯。開餐～香酥雞扒滷肉飯，好味😋滷青菜，個汁甜甜地幾好味，同好大份：大腸包小腸，味道雖好，但只有糯米包着小腸，但沒有用豬大腸包著糯米，唔太正宗：九份芋圓，芋圓煮得有點林身，同有點甜；不過其中一隻芋圓內有真芋頭粒，幾好味：黑糖花生麻糬，煙煙韌韌，配上花生黑糖，正！抵食又不錯的台式晚餐～…Read More

新店開將舖仔細細門口張期排人龍，位好迫行人路可以講無，好彩食物上菜速度都快，選擇由幾種食物變化出來茉莉珍珠奶茶-有淡淡花香味奶味重小甜都可以珍珠都彈懷舊魯肉飯-（細）汁味濃帶甜，豬肉粒唔油膩好入味正，細細碗岩岩好紅燒牛腩米粉-新竹米粉滑滑地索味，湯底好香牛肉夠林但又唔會爛晒用牛肋條肉味香玉米起司蛋餅-係最麻麻餅唔夠酥硬左啲，芝士唔香栗米都太小，個餅淡味醬油膏太小九份芋圓豆腐花好正好滑紅豆林甜珍珠一樣彈牙，芋圓新鮮全部真材實料食到一粒粒原材料，蕃薯味有蕃薯芋頭有芋頭有野𡁻吓好有口感總結：食物整體滿意可惜熱氣唔敢食炸野下次一定要試試，服務就因為地方細店員比較急要交枱所以粗魯左小小，但明白門口有長長人龍佢地有壓力，唔想食得急可以外賣佢仲有折扣，順帶一提現在只收現金…Read More

最近看到之前吃過的一間台式餐廳在屯門新開張，而且又有新張優惠，更是我喜歡的芋圓，那就馬上找媽媽一起去吃個晚飯！香酥雞扒魯肉飯（４８元）這個雞扒挺大的一塊，炸得非常酥脆，內裡還保留了不少的肉汁，雞肉嫩滑，而且也撤上了椒鹽粉，吃起來特別惹味！而魯肉飯也是另一主角，魯肉半肥瘦，吃起來入口即化，滿口都是油香，魯味十足，非常下飯！香酥排骨刀削麵（５５元）這個排骨也炸得挺好，肉質較嫩，外面非常酥，但我個人喜歡雞扒多點！而刀削麵也是挺特別的，麵質滑嫩帶點嚼勁，湯底有點像豬骨湯，是比較清淡的那一種。海苔培根蛋餅（３２元）蛋餅煎得外面焦香，吃起來又有點煙韌，中間加了很多海苔和雞蛋，吃起來既又蛋香又有海苔的香味！滷味拼盤（３５元）這個拼盤價錢還可以，有挺多款不同的滷味，而且都滷得入味，但吃起來又不會覺得很鹹，味道剛好！ＱＱ地瓜球（３５元）這個我非常喜歡，外面被炸得香脆，內裡Ｑ彈軟糯，而且中間還加了地瓜蓉進去，吃起來每口都滿滿地瓜的香味，一口咬下去更會爆醬的感覺，非常驚喜！九份芋圓（３５元，新張優惠１０元）這個新張優惠真的是超值！這個內裡有紅豆，珍珠，芋圓，仙草和豆腐花，吃起來滿滿的料，特別是芋圓很香而且非常軟糯！整體感覺不會太甜！百香果紅茶（１０元）這個喝起來帶有淡淡的百香果果香，酸酸甜甜的，然後是紅茶的清香！荔枝鳳梨（１０元）這個荔枝味較種，喝起來挺甜的，然後酸是鳳梨的酸！…Read More

屯市又有新餐廳，開咗一間好有風味嘅台灣餐廳。裝修以老台灣為主題有，好多海報，仲有天燈。紅燒牛腩刀削麵湯底好認真，有好多蔬菜，例如芽菜、紅蘿蔔、蘿蔔，飲落好清甜。連平時唔飲湯底嘅我，都飲咗好多啖。飲完唔會口渴，唔係味精湯。牛腩有三大件，件件都好厚身。肉同跟腱不專業比例為2:1，好tender。刀削麵切得厚，有爽口彈牙，驚喜係估唔到都好吸味同掛湯。朋友嘅香酥雞扒魯肉飯好大碗，大大塊嘅雞扒。老友肥瘦適中，亦都夠汁撈成碗飯。小食叫咗蛋餅同酥炸魷魚。台灣美食一定要食蛋餅！肉鬆起司蛋餅，一份四件，share食啱啱好。肉鬆同芝士好夾，個蛋餅有煙靭口感。酥炸魷魚，粉漿夠薄，只係輕輕包住魷魚。識落脆口，唔油膩。面頭仲有幾篇炸過嘅九層塔，夾埋一齊食更加有風味同香味。如果有多啲九層塔就好。加$10就有飲品，分別點左百香果紅茶同荔枝鳳梨。小意見：5分甜已經夠，飲到荔枝同鳳梨味，幾清新。新開張仲有試業優惠$10就有一份芋圓！芋圓控當然要食。除咗芋圓，仲有豆花、紅豆、仙草，唔會將貨就價。芋頭芋圓最好味，因為真係有粒粒芋頭喺入面好濃味，同埋口感讚。…Read More

🇭🇰 九份飽 𝕁𝕚𝕦 𝔽𝕖𝕟 𝔽𝕦𝕝𝕝 @ 𝕋𝕦𝕖𝕟 𝕄𝕦𝕟番工碌IG見到佢嘅介紹，有地瓜球又有蛋餅🤤即刻Bookmark 收工去試試！去到先知佢新開，門口排隊等食嘅人龍都愈嚟愈長❗️原本想走但又好想食地瓜球，都係去返排隊😂🔸懷舊魯肉飯 （小）$𝟑𝟐細size嘅魯肉飯係一個飯碗嘅大小🍚雖然細細碗但好足料，面頭魯肉好足料！食到落底都仲有魯肉汁，唔會乾爭爭😋好正🔸肉鬆起司蛋餅 $𝟑𝟓呢個蛋餅仲飽過碗飯🤤好足料好厚又大份❗️入面塞滿肉鬆，一咬已經食到哂配料。最緊要係個蛋餅皮唔油膩🏆碟邊落咗少少辣醬比客人沾，加咗辣醬仲惹味！必點❗️🔸QQ地瓜球 $𝟑𝟓身為蕃薯控🍠嘅我，每次見到蕃薯條、地瓜球都一定會點，即使得自己一個食都係🤣呢個地瓜球真係好Q，黃色紫色地瓜球上菜好搶眼👀每粒中間亦都有包餡，外面就沾滿梅粉，酸酸地又煙韌，完全係我favourite 🤎🤎🔸鹽酥雞 $𝟑𝟖望見酥脆嘅鹽酥雞，完全唔油膩！咬落又冇炸到硬掘掘，好滿足☺️🔸九份芋圓（試業期間+$𝟏𝟎）九份飽試業期間消費滿$30 ，就可以用$10點一份九份芋圓😋芋圓控唔可以錯過！都好足料，仙草、珍珠、豆腐花，三色芋圓、紅豆齊哂。芋圓好似食極都有，好飽😙———📍 屯門時代廣場南翼地下22號鋪 ｜ Shop 22, L1 South Wing, Trend Plaza, Tuen Mun🄾🅅🄴🅁🄰🄻🄻：意想不到高質嘅台灣菜👍🏻試業期間門口已經排長龍，每樣食物都好好味！最鍾意係地瓜球，雖然自己一個食晒好飽，但加入梅粉真係贏哂😋💰 ᴘʀɪᴄᴇ ᴘᴇʀ ᴘᴇʀsᴏɴ - $80up…Read More

朋友之前推介過「九份飽」給筆者，當她得知餐廳在屯門開分店時，更是第一時間告之筆者。既然如此，週日便過來一試:)。新餐廳總是特別受歡迎，尤其是商場內本身缺少台灣菜的餐廳。所以在1點多的午巿時段，餐廳門外大排長龍。擔仔麵是當地南部名物，粗麵有煙韌口感。拌上肉燥和醃菜末後，整碗味道變得更香。湯底味濃不膩，帶魚香。碗內還有蝦仁、肉丸和滷水蛋作配餸。蛋餅餡量頗多，裡邊都塞滿海苔肉鬆。煎至香口的蛋餅皮做得薄身，除了滿滿的海苔肉鬆，咬開還會感受到起司的味道。蘸上台式醬油膏和辣醬，更加滋味。炸到非常脆口的鹽酥雞，如其名一樣，入口充滿濃濃鹽香鹹味。同時也有微微的九層塔香，當下覺得好地道，好有親在夜巿的感覺。湯內有百頁豆腐、貢丸和爆漿魚丸，其中百頁豆腐口感特別，帶點煙韌感。湯頭鹹香，亦加入了青菜一起熬煮。但稍嫌份量有點少。一碗有芋圓、珍珠、紅豆、豆腐花和仙草，甚為豐富。芋圓有很多，分別有芋頭和紫薯2個口味，口感Q彈煙韌。豆腐花夠滑溜。新張期間用$10就可以食到，非常抵。飲品可以由0至10分去選擇甜度，對習慣走甜的筆者來說，無疑是值得加分的一環。奶茶較重奶香味，拌勻oreo餅碎後，就會多一份曲奇甜香。由於點了0分甜度，整體沒有出現到死甜的情況。…Read More