Juji - Cotton Candy Kagoshima Kuroge A5 Wagyu Sukiyaki

旺角樓上高質壽喜燒！A5和牛＋流心蛋漿 + 棉花糖完美組合🔥今日同老公撐枱腳，去咗旺角豉油街一間樓上壽喜燒店，一入去就覺得環境好舒服，裝修走高端路線，枱與枱之間有空位，坐得唔逼~店員服務態度十分好，由帶位到介紹菜式都好細心，抵讚！我哋叫咗個二人餐，再加幾串串燒試吓。個餐主打特選鹿兒島黑毛和牛A5級，一上枱就見到啲雪花分布好靚，好似藝術品咁！店員會幫手燒，問清楚你鍾意幾成熟，確保每塊肉都保持最嫩滑嘅狀態。牛肉一入口，油脂香即刻爆發，點埋日本蘭王蛋漿，又滑又濃郁，真係「冇得頂」！套餐嘅蔬菜籃都好新鮮，吸收晒壽喜燒汁嘅甜味，煮耐啲都唔會爛。澱粉有真打稻庭烏冬同日本米飯，烏冬滑溜，米飯香糯，撈汁食真係飽到上心口！串燒方面叫咗四款：紫蘇雞肉、雞腎、牛舌心同五花腩。用炭燒爐仔上枱，保溫得好好，尤其係牛舌心，爽口得嚟又唔韌，燒得啱啱好！至於飲品，我哋試咗青之海同熱情林檎，兩杯都偏向清新，層次分明，解膩一流。成餐飯食落好滿足，如果係生日或者慶祝紀念日，呢度絕對係不錯嘅選擇。店員服務貼心，由頭幫你燒到尾，可以專心同身邊人傾偈，享受美食。下次再嚟旺角，一定會再食～…Read More

🌕Hello我係Moon🌕壽喜燒食過啦！咁棉花糖壽喜燒食過未？🤔朋友話旺角依度有一間壽喜燒專門店係用棉花糖做鍋底！😂淨係聽個名都覺得好特別，初頭以為棉花糖係一粒一粒嘅棉花糖好似棉花糖朱古力咁樣溶喺個鍋底入邊，😆點知朋友話係好大好似一嚿雲嘅棉花糖！😎佢講完呢一句，我就更加想去食啦！😏睇吓佢係咩來頭都好！😳上到去餐廳已經比餐廳嘅氣派吸引住，有一種好似去咗日本嘅感覺！😗我哋嗌咗個A5鹿兒島黑毛和牛配棉花糖壽喜燒，😙等咗一陣就已經上菜！😍棉花糖就已經係個鍋入邊準備就緒，店員會淋上壽喜燒汁，令棉花糖完美融合湯鍋！😏本身仲喺度諗仲和牛要淥幾多秒先會有最佳嘅口感，🥹正當我喺度諗嘅同時已經有店員為我哋準備！😜原來店員會幫客人淥和牛同菜鍋，成餐飯有人serve，食得好舒服！😋A5鹿兒島黑毛和牛大大片，😍油花靚到不得了！😤口感肉味濃又有油香，沾上蘭王蛋食！真係風味加倍！😗季節野菜盛合真有各式各樣嘅蔬菜，有腐皮有豆腐仲有蟹柳添！😳將讚岐烏冬放入去，湯底嘅精華都吸收晒！🤭又滑又好味！🤫我最推薦佢哋嘅串燒就係珠蔥豚肉串，豚肉味香仲有蔥解膩呀！😏🌕最後MoonMoon好滿意呢間餐廳，除咗食物質素都真係唔錯嘅！最另外有驚喜就係佢哋嘅湯底啦！🌕十侍 - 棉花糖A5和牛壽喜燒專門店 (旺角)旺角豉油街21C號Station 21 1樓…Read More

💬特點 : 棉花糖壽喜燒，自家威士忌提供，日式裝修，座位舒適，日本味道重💬🔶交通，環境🔶在西洋菜街，荷李活商業中心向上走，女人街前的黃店水門雞飯，稍一留意，暗巷有一個表參駅商業大廈，有點像歌舞伎町的街道感覺，不過，這裡沒有藝妓，也沒有居酒屋，有的是像一間隱世厨師坐鎮的十侍棉花糖壽喜燒。環境上，個人頗欣賞每個座位都有特色，有高身枱，也有向吧枱的座位，梳化位置的防疫膠板為一把日式扇的圖案，再加上那和式VIP房，望著那旺角街道景，仿佛有點新宿的感覺。評分 : 🌕🌕🌕🌕🌑🔸食物🔸當日食的是二人前套餐包括六大片鹿兒島黑毛A5和牛，季節野菜盛盒，串燒有雞腎，牛脷，大蔥雞，芝士蕃薯，飲品為巨峰提子和乳酸梳打。🔹棉花糖壽喜燒配鹿兒島🔹這裏的特色是用像雲一樣嘅棉花糖，取代傳統壽喜燒用的糖，令味道更濃更香更甜，過程上，職員深諳打卡之道，會把整套按你心水擺放，讓客人準備好才開始把自家製的壽喜燒醬汁倒在棉花糖中 ，然後看著那A5和牛，由放大蒜的一刻，直到燒好 過程非常治癒。稍後會出Reel 觀看過程。A5和牛個人上非常滿意，霜降平均，油花豐滿，加上壽喜燒的醬汁完全沾滿了牛肉中，非常入味，配上日本蘭王卵的雞蛋汁，令牛肉口感更順滑🤤🤤🤤。全程職員都會幫你處理，客人亦可以把喜歡的和牛生熟度告之便可以。評分 : 🌕🌕🌕🌕🌗🔹 季節野菜盛盒🔹又是一個治癒感十足的菜式，有蟹柳，竹輪卷，豆腐，金菇，冬菇，大蔥，蔬菜🥬。職員會把煮過的壽喜燒汁再加進去野菜盒煮，令整個野菜盒都帶有陣陣和牛香味，也有細心地告知記得冬菇要煮耐點先吃，或許微不足道，但反映店員的服務質素。整體評分 : 🌕🌕🌕🌕🌑🔹串燒🔹當日點了雞腎，牛脷，大蔥雞，芝士蕃薯，會連一個小炭爐一起上，保溫之餘也得igable 。當中最愛牛舌，厚切，多汁，牛味濃烈。整體評分 : 🌕🌕🌕🌕🌑🔸食後感🔸整體上，用了棉花糖的壽喜燒，甜度更突出，同時牛味也能鎖定。驚喜的每一道菜都有特色，飲品上，酒精才是重點，有機會會嚐嚐那自家威士忌和賣相度💯的cocktail。意想不到旺角都有高質日式食店，會是近期推介。…Read More

出左bonus,想去日本， 想食好野，又唔想太貴，咁你就要去依間。十待 棉花糖A5 和牛壽喜燒個名好長。不過係推介嘅。環境好高級酒店水準唔講以為係日本廢話小講，直接post 食物相semi $137推介嘅cocktail 之一餐廳自家制甘甘地，都算易入口。有小小薑味neri - $138餐廳嘅signature 打卡一流，甜甜地，好易入口廣島蠔好食，粉唔厚，蠔味好出炸流心蛋口感幾得意串燒有雞牛豬細心位有個爐幫你保溫烏冬個湯好飲，烏冬唔係cheap 野主菜 - 2人餐個set 就係跟依d 野。有個野菜盤，飯/烏冬，日本蘭王蛋鹿兒島A5黑和牛用棉花糖去煮個汁，幾得意打卡位staff 會再幫你煮d 牛靚到呢。。。香港食過最好食嘅和牛太多相post 唔哂。兩個人一千多d,就食到日本嘅風味…Read More

因為疫情好耐冇出去食嘢啦！今次嚟到旺角嘅呢間棉花糖A5和牛壽喜燒專門店—十侍。簡單點評一下小店，好有日本格調，餐具亦好有設計感，店員很親切～首先講下前菜同飲品，前菜方面有蕃茄仔，飲品方面叫咗一杯cocktail同一杯梳打(菠蘿+檸檬+熱情果）。我哋都覺得好好飲🫶🏻之後係串燒🍢有雞肉串、牛舌、冬菇、蓮藕、秋葵等。另外最深刻嘅係燒秋葵！本身自己唔係特別鍾意，但呢度嘅秋葵燒得好好食😋雞肉亦都好多汁，整體嚟講好滿意👍之後就到重頭戲啦🌟就係壽喜燒！店員先俾我哋打卡，之後將棉花糖同壽喜燒醬融合。一定唔可以唔講嘅係鹿兒島A5和牛，唔單止係由店員親自烹調，A5和牛配上生蛋汁味道同口感都一流！肉質嫩滑，入口即溶，大家真係值得一試！之後我哋就慢慢食壽喜燒，裏面有獅子狗、蟹柳、豆卜同雜菜等等。壽喜燒醬同棉花糖嘅味道完全滲透食物，因此好入味。總括嚟講都係好滿意，完全冇令我失望😍唔單止可以打卡，食物嘅賣相同埋味道都係一流，店員亦都好有禮貌。…Read More