串Grill 自助燒烤專門店 (廣華街)

今日朋友帶咗我去佐敦道一間串燒餐廳，聽落都冇咩特別感覺，去到之後見到門面都幾吸引，入到去又見到座位唔係太多，細細嘅一間餐廳；坐落之後服務員好細心咁講解一吓餐廳嘅串燒食法；重即刻拎咗個串燒頭盤嚟，我哋試下將呢啲串燒擺落個爐嗰度，嘩全部都會自己轉㗎，真係可以不經人燒嘅串燒呀！我哋只係需要睇下啲肉燒好未，塗上唔同嘅醬料，完全唔需要點樣理佢；咁多時間就當然要睇下有咩飲呀，我發覺飲嘅種類都好多吓，有有氣嘅有冇氣嘅有兩個雪櫃咁多，攞完想要嘅飲品，就不停咁樣試食唔同嘅串燒，足足食咗個半鐘頭有多，試咗超過50串不同嘅串燒，覺得最好食嘅就係M6和牛，五花腩，雞蛋仔，棉花糖，雞腎，雞卷，燒菠蘿，燒甜薯，燒豆卜同埋台灣腸等等。飲嘢方面最吸引嘅就係OOHA，和燕麥豆漿，OOHA有4款，真係好好飲；食到飽飽諗住埋單走人喇，嘩原來仲有驚喜嘅Häagen-Dazs雪糕食，重有四款味道任揀，真係大滿足呀。仲要一題就係嗰個濕紙巾呀，真係用得好有feel！…查看更多

朋友介紹呢間自助燒烤店俾我，因為佢知道我唔鍾意落手燒嘢食，成日掛住傾計燒到燶晒，令啲嘢食唔好味，一係就笑得唔熟。所以，我哋今日嚟到串grill，試吓用機器燒既串燒。另外佢係一間串燒放題，二百幾蚊任食兩個鐘，非常抵食。Happy Hour果場會平D，為左慳錢，所以就早D吃啦。依間餐廳鋪仔細細，放嘅餐枱唔算好多，而且依間餐廳好popular，一定要卜位食，例如我哋今次book咗5:30 ，其他人想wall in，都要去到10:00先有得食。幾誇張！我抱住一個期待嘅心情去食，真係冇令我失望，又食材去到燒烤機去到服務都令人賓至如歸。一入到去，就有店員安排位置，亦立即介紹機器用法，同埋叫嘢食嘅方法，以及燒嘢食嘅時間。店員都安排左一set串燒，比我地每樣試啲。機器用法：用家只需要將串燒嘅齒輪擺喺機器上面， 佢就會自動轉，燒晒底面。不過，用嘅時候要留意食物同食物之間會唔會係轉嘅時候撞埋一齊，如果唔係就會傳唔到。嘢食方面係可以寫紙叫既，係張紙到寫返串燒數目，比張紙店員就OK啦。食食下，店員仲送左個沙律黎，可以食下肉又refresh下。佢嘅上菜速度都好快，可能兩三分鐘之前寫完，冇耐就上菜，都算好快，而且執枱速度都好快，店員都好快手。另外，店員都好好，提議我哋兩個女仔着返圍裙食嘢，費事整污糟衫褲。好細心。醬料方面，佢有燒烤汁、沙嗲醬、辣醬，調味粉方面佢有胡椒粉、七味粉等等。另外，店員都提議我哋喺食物差唔多熟嘅時間落蜜糖，佢見到我哋唔係好識用蜜糖嗰樽，佢都好細心咁教返我地，呢點好值得讚賞。我同朋友都試咗好多唔同款式嘅嘢食，用機器燒好方便，而且好快就熟，同朋友傾一陣計，目測下啲串燒熟唔熟，好快就食得。我哋認為大多數嘢食嘅質素都係中上，其中我哋認為M6牛柳、蝦卷、墨魚丸、雞蛋仔係最好食！佢嘅牛柳建議燒七成熟，佢嘅肉質鮮嫩，好有牛味之餘，唔會咬極都咬唔開，反而係好鬆軟，食多幾串更加番尋味。另外佢嘅蝦卷燒完之後個皮脆卜卜，咬入去既蝦肉軟綿綿，好好食。佢墨魚系列，例如墨魚丸同墨魚腸，都充滿墨汁，入面有啲墨魚碎，好重墨魚味，而且幾有嚼勁，值得一試。最後，我覺得最特別係佢有雞蛋仔可以燒。佢雞蛋仔嘅外皮燒完好脆，但佢入面口棉好鬆軟，而且好棉密，好好食！而且又夠大粒，所以都encore左幾次！另外佢既魚片頭同棉花糖都好好味!嘢飲方面，佢有兩個凍櫃可以比客人攞飲品。入面有罐裝飲品，例如CPlus、白桃烏龍茶、提子玉露等等。另外都有支裝飲品，例如檸檬茶，種類廣泛。總結，呢間鋪頭真係價廉物美，服務態度好好。如果大家鍾意食串燒，大家都唔好錯過啦！尤其係懶得燒烤，又鍾意食燒烤嘅人～一定會再encore食依間～…查看更多

想食到BBQ又唔想自己燒？平時自己一次最多2串🙈但呢度可以15串自轉串燒爐加上有40多款肉類和蔬菜可選，如有M5和牛、黑毛豬、雞翼、丸類海鮮和蔬果，野飲方面有10款飲品自助形式～店員會放在五層架再送上枱，非常整齊再遞上圍裙，以免衣服沾上醬汁好貼心～💕唔同味道的醬汁：韓式梨汁、泰式甜酸醬和沙嗲醬我最鍾意係梨汁～因為係廚師每日新鮮製成仲可以見到雪梨粒調味料都有特別的Grill辣粉～好惹味店員會在燒烤過程中觀察每枱的狀態，作出提醒🙈例如我就好需要人提，唔係好容易忘記😂推薦必食串燒：牛類： 1. 牛舌：超級厚切。厚實彈牙2.多汁的澳洲M5和牛肩肉眼3: 新西蘭牛西冷、美國牛肋腩牛肉味濃，香味誘人豬肉類：1.豬頸肉都係厚切好香脆新西蘭五花肉：豬味濃郁，油脂分佈平均雞肉類：1.雞軟骨：脆脆爽口又好鮮味，記得灑上幼鹽～2. 雞翼：單骨好方便咬開，又保持到形象可在燒烤過程中塗上燒汁，味道更香甜腸類：1.台灣腸：香甜爆汁，十分Juicy！蔬菜類：1.秋葵：爽脆的口感，同平時炒出黎既完全唔同2.菠蘿：新鮮菠蘿味道清甜又開胃～解膩啊！最後！ 拉絲的棉花糖不得不食，軟綿綿的內在加上焦脆的外表，這獨特的口感每人都會有Häagen-Dazs雪糕：雲呢嗱、士多啤梨、曲奇、朱古力、芒果我當然係選擇返最愛的士多啤梨～呢度座位較少，又成日滿座，但位置設計都闊落～記得book位啊💕…查看更多

見朋友post上Facebook讚間串燒店好食，見到d相野食都幾吸引，最重要係自轉好啱我地掛住吹水又唔睇火既人，提前個幾星期訂位。今日終於去試到喇入到去果下真係唔油煙，同埋坐位唔會肥林林，e樣係好重要，否則我越坐越想走。店員好細心已放定圍裙比客人，見到枱上既醬料都好齊全，值得講既係佢自家制既梨汁醬，有埋辣粉 好啱我地鐘意食辣既人，同埋張menu有埋燒烤時間，相當貼心首先要讚下個和牛，真係堅好食，絕對可以食到廿串整體牛、豬、羊都唔錯。仲有個芝士魚腐，入面芝士絕對唔係揸流攤既，滿滿既芝士，太邪惡鳥另外雞皮，豬腸，青魚都唔錯。特別講下佢腸既款式，墨魚腸，台灣腸，豬柳腸都正，味道同係台灣街邊既燒腸仔一樣，唔會硬掘掘。食得出唔係一般放題既cheap野。以咁既價錢絕對合理既。而且汽水任飲，仲有haagendazs雪糕🍦整體黎講，放題少見咁有良心既食店，值得encore雖然訂位要提前，但接受既。我記得當年中環某間日本放題 要提前一個月book, 因為星期五至日都好爆，但質素真係有番咁上下。所以深明一個道理☝🏼 好野係要等既😂 係未難聽過粗口先入到去得一枱客果d我真係淆淆地，費事嗌乜都冇。所以預早一星期左右都合理既。…查看更多

上星期係附近食糖水，經過見到間自動串燒店。見到環境都幾舒服，乾乾淨淨咁，咁裝下d野食啦，幾好樣咁喎，環境都企理兩百幾蚊就試試佢啦。咁就book位今個星期食. ....期待一坐低就嗌左幾款肉啦，而醬汁方面有3款，個梨汁同沙爹汁好正，仲有辣粉同孜然粉。另外 汽水都好多選擇。首先講下食物 佢主打既牛肋肉同豬頸肉好正，牛肥瘦均勻 而個豬係爽既，唔會覺得柴皮同好肥膩，好多肉汁，超正台灣腸同墨魚腸都好好味呀青魚係肥嘟嘟，咬落啖啖肉最重要係唔腥 幾新鮮。仲有雞皮同豬大腸 好少地方有得食，唔理爆quota 我地每人食左各兩串! 我地3個大人1個小朋友食左150串左右。小朋友都勁食，話d牛同雞翼好好味。講定下次再黎燒綿花糖最後食埋個haagen dazs🍦簡直就係完美的一天值得再黎！…查看更多

一行四人一起到餐廳食自助串燒。開始時有店員會教導如何燒，再簡單介紹醬汁，有沙爹醬，燒汁，梨醬，泰式香辣醬，孜然粉........之後就開始點喜歡的串燒，款式非看似不多，牛都分不到边款還边款，但爆起來都夠食，有些串燒點了都無，原因不明，但再點就有架啦！可能漏左姐。飲品方面就都係自由取的，有冬瓜茶，汽水，豆漿，lemon tea ......想飲幾多都得，但，餐廳可以提供一些涼茶比較好，因為食串燒都咪話唔熱氣，餐廳有涼茶會再加分！最後食完仲有哈根達斯送，一人一杯！都夠滿足！…查看更多