BBQ House

串燒食得多，即燒既都少見，唔使自己燒既更少見串燒屋有轉轉轉串燒機，唔驚燒燶，得意又吸引，餐牌種類好多，叫晒之後成個架一架車咁黎好爽唔想等亦有熟食同刺身，舖入面都好有空間，舒服慢慢玩食啲野再慢慢燒，三文魚刺身，都幾鮮幾肥美，細舊但都ok炸雞軟骨，味道正正常常，可以食住傾下計等燒完，見到架車黎真係好正，好多野燒，牛肋條、牛西冷、牛舌，狂燒牛，牛肋條有埋青椒個啲好有feel好多樣野都味道ok既，當中牛西冷算係最好味，嫩而有肉汁海鮮餐一輪，燒海蝦，正常既，一盤既帆立貝，可以一路熱住食，味道都唔錯燒菠蘿就當然必食啦，refreshing下又做食肉獸最後驚喜係有棉花糖，仲可以慢慢燒慢慢玩，整自己中意既形狀都得整體黎講唔錯既，不過我就應該唔會再食依類燒烤，因為實在太慢我個人心急人上，實在睇佢慢慢轉係頂唔順，款款都搞一定時間，唔係串燒屋既問題只係同我唔夾大家試下就知啱唔啱自己#熟食多到有放題feel寫炸物#轉呀轉呀轉呀轉呀轉…Read More

同朋友都好鍾意食串燒🍢，但好多地方串燒價錢都少貴，未必可以食到好盡興。朋友之前見到呢間串燒放題，9pm後$198一位，絕對超值🤩餐廳的串燒選擇都多，還有黑板上的特別menu。PS黑板上的menu食物質素再高d～而且係輕鬆回本之選這裡的烤爐也頗特別，是把串燒放在齒輪轉動位置後就會自轉，確保燒得均勻之餘可以邊傾計邊等食，而且可以同時串燒+網燒😍🤩特別喜歡：🌟麻辣雞腎：是正宗的四川麻辣香，非常惹味🌟農場雞腿肉：肉質好嫩香，材料高質🌟海蝦：店員先灼熟了才上，所以只要簡單燒幾燒就可以食，肉質都幾單口🌟蒜蓉烤蠔：海鮮類都幾大隻，而且蠔肉質肥美，燒過後連蒜粒食幾惹味。🐷網燒的西班牙黑毛豬五花腩片也高質素，燒過後外皮香脆，肉質juicy，可以encore！ 🌟🌟🌟必食之選🌟🌟🌟真係好少任食地方可以點羊架，質素相當高！羊架肉質軟香，燒過後仍能保留入面有肉汁，口感味道都一流！另外都幾欣賞他們的炸物，除上得快外，質素也不錯。特別係味道鮮甜的炸蠔和粒粒剩雞軟骨，不會太肥膩的雞軟骨外面還有幾款蔬菜可以拿來燒！一定要吃的是甜薯串和棉花糖😝甜薯烤過後軟綿綿的，非常甜香。雖然當日都幾多人，但每位店員都服務好好，下次再來盡興！…Read More

觀塘串燒屋開係通明街斜路可以由牛頭角站經牛角頭道行上去大約行十分鐘左右放題有分幾段時間如果七點黎就可以食兩個半鐘而我地五點黎就要七點還檯星期六就208蚊位五點時間仲算早所以唔算太多人坐得好舒服坐低職員就會幫手開爐都幾nice而且因為有部抽煙機所以都唔會話食到好大浸味餐紙有三張有炸物網燒同埋串燒牆身有七樣野可以單點汽水就任飲既有其他比較特別既飲品另一邊d小食最後都有個雪糕櫃有四款口味檯面就有幾款調味先上既係送既扇貝 網燒蠔同青口另外仲有份茄子超大份而檯上面就有鐵架用黎放串燒而呢種自動既串燒機雖然成日會見到但真正自己用都係第一次望住佢自己轉轉轉又幾特意下面又可以放網燒其實都算方便炸物就group埋一次過上好熱好香脆太多仲差d食唔晒兩個鐘時間話長唔長話短唔短大部份食物都算係可以點到一份都已經可以好飽佢有話五位以上最長可以食到三個半鐘詳細就無問到總結黎講坐度舒服自助機亦都燒得幾舒服價錢唔太貴要數缺點都係需要行條斜路先到同埋地面有d痴立立但都可以再戰既…Read More

凱匯和裕民坊都是觀塘區的新建項目。平時聽就聽得多，考慮到自己將來有機會抽中這個單位，所以今日特意來到這個場地參觀一下。行左一個下午，都是時候找找食的地方。老實說，APM 的大多都是連鎖餐廳，已經有點厭悶的感覺，所以我們都是想看看舊區那邊的餐廳，拓展一下新區域。去到舊區那邊行行，被我發現到這間「串燒屋」。見到7點前離座有優惠，由於時間尚早，我們一於把握機會，即刻入座。不用說都知道，餐廳主打串燒為主，但除左基本的串燒之外，串燒屋還有網燒食物、炸物、自助櫃和甜品供應，是一間串燒放題店。食物種類繁多，有大量串燒、網燒款式選擇，還有限定是日推介，真的要先想想食物的先後次序。由於這裡是自助形式，想食什麼就點什麼，非常方便。串燒爐自動轉轉，所以我們乖乖地等待就得，還可以放一些網燒的，保證熱辣辣地食落口。串燒有非常多款式，牛類方面我會特別精選：美國穀飼牛肋條、美國穀飼牛西冷、厚切牛舌。牛肉串燒絕對要瘋狂encore，牛肉大小切得恰到好處，在均勻受熱之下，牛肉入口即溶，而且富有牛香味，品質一定不是平價貨色。豬肉類就有：蜜汁叉燒豬柳、泰式豬頸肉。蜜汁叉燒要特別推介，其口感就像港式叉燒一樣，不過更加好食，叉燒切得細細粒，燒完油脂散發出來，再加上少少燒焦的感覺，非常好食。雞肉類亦要一試，農場雞腿肉及雞翼都不錯。雞翼有數款口味，我就先試試原味，之後再按自己口味灑上調味料。說到調味料，串燒屋有粉紅海鹽、辣椒粉，椒鹽粉、孜然粉選擇。對於串燒來說，調味料亦是不可缺少的一個部份。網燒都有大量好選擇，不要只食串燒而忽略網燒的食物。海鮮類的有烤蠔和烤青口，蠔和青口都是大大顆的，而且餐廳加上大量蒜蓉，非常入味。其他肉類的網燒，我會比喻其質素和著名的燒肉店相似，肉質不會韌口，而且富有肉香，性價比遠比連鎖燒肉店為高，實在驚喜。網燒系列主推海鮮、羊架和茄子。烤物就和日式放題一樣多選擇。雖然這裡主打串燒和網燒，但口痕的亦會想食下些炸物。炸蠔、炸魷魚圈、榴連波波都是相對較好食，值得一試。飲品櫃方面，相信有自家製的飲料，例如有涼茶、玄米茶等等。啤酒當然少不得，特別的有一枝是中國製的樽裝啤酒，未見過的。甜品櫃在旁邊，有一些啫喱泡芙，當然最後一定要食雀巢雪糕。7點前離座有優惠，這間自助串燒放題小店實在出色，甚至比連鎖的或者其他較出名的串燒鋪更好食，絕對推介。…Read More

放工悶悶地想搵間餐廳食飯輕鬆下🥰， 上網搜尋觀塘區餐廳，見到串燒屋就去試下。 店內環境乾淨衛生， 星期四晚上平日都坐滿客人。 黃金時間每位$238， 食物種類多元化， 串燒接近有三十多款🍢🍡， 還有網燒食物和炸物。 自助區有啤酒🍺、汽水🥤🧃、自家製飲品🥤、甜品🧁和雪糕🍦等等。有幾款食物我特別喜歡，蒜蓉烤蠔鮮甜好味🦪、海蝦爽口新鮮🦐、美國特級牛仔骨囗感軟腍🥩、 泰式豬頸肉夠肥美🍖， 仲有一定唔少得燒菠蘿🍍和燒棉花糖🍭，好美味呢！任飲任食2.5小時， 高速自轉BBQ爐燒烤時間好快速， 性價比高的串燒屋。😁👍🏻…Read More

昨天心血來潮，上網找了此間試試，我訂了星期日下午5點，可食兩小時😀去到下午4:45、早到了，但職員唔比入，要夠鐘先才能入坐（店內一個人都無），入到去，職員作簡單介紹，便開始劃紙及出去取飲品，飲品方面比我有些驚喜，除了一般飲品外，還有涼茶及啤酒🍻飲，真是值得一讚👍。食物方面，種類都算多，除了一般串燒外，還有一些炸物及少量熱盤食，但食物質素就正正常常，因串燒我感覺到無醃製，要在燒烤過程中、自行加些調味料作調味、第二可選燒烤的蔬菜不是很多，另外，因我一行五人，得一個爐作燒烤，燒得比較慢，我相信二至三個人一個爐比較合適。總括來說，$198加10%、可食兩粒鐘，都算中上，因有酒飲😅😅、另到成件事加了唔少分，還有啫喱及雪糕🍦作甜品🍮…Read More