Bad Boy Cook

朋友介紹依間居酒屋，經過門口唔係太吸引，唔係朋友介紹，自己經過都未必會入去食。入到餐廳都算有氣氛，被廚師嘅獎牌🏅️吸引，心諗真係有啲料到！我同我老公2個人，食量唔大，只點咗5樣嘢。首先前菜係海葡萄沙律，知道海葡萄營養價值豐富，但出面好少地方有，見到依度有即刻要試一試，口感似食三文魚籽，帶有海水味，味道清新，配上沙律菜，係令人開胃嘅前菜。跟住見到有個得獎名菜炸BB乳鴿，點會唔試吖！BB乳鴿香脆可口，即叫即製，肉質嫩滑，而且帶有微微嘅辣味，提升咗味道嘅層次。（因為我唔食得辣，所以食得出，我老公食開辣就完全唔覺辣😅）另一個係老細介紹嘅麻辣牛筋，我真係無諗過喺度會食到牛筋，而且一個唔食辣嘅人都食到，係一件好神奇嘅事🤣麻辣味好香好惹味😋日日食都唔厭😆主菜叫咗個和牛燴飯，食落似食意大利飯，好有驚喜！和牛脂肪分佈均勻，肉質軟滑，一食就知係高級食材👍嚟到居酒屋，梗係要叫碟串燒拼盤再配返樽啤酒🍻嘆吓啦！估唔到串燒都整得十分出色，絕對唔會燒到乾晒，肉質嫩滑兼juicy😋一碟5款，每款都咁出色，必食推介👍老細話次次都唔一樣，視乎當日咩材料靚，欣賞佢對食物質素嘅要求，唔怪之得可以每樣菜式都整得咁出色👍👍👍最後真係要大力推薦依間食店俾身邊嘅朋友，食物質素高，價錢唔貴，有好嘢梗係要開心share啦！🥳…查看更多

身為屯門人嘅我都唔係成日發掘本區美食，偶然一次就食到好野。呢間居酒屋唔係市中心附近，真係算隱世位置。菜式有純日式又有fusion，被人感覺新鮮驚喜。先黎Suntory生啤同烤雞泡魚干，送酒佳物好好味又開胃😋煙三文魚海葡萄沙律估唔到咁大碟又多海葡萄，清新爽口。串燒拼盤有5串唔同燒物，由廚師發辦，燒雞翼同豬頸肉最好味又最香。最後軟殼蟹咖喱燴飯有成隻軟殼蟹蓋住飯面，炸得好鬆脆又唔會過火太乾，咖喱飯好香又大份，性價比高好抵食。老闆親自樓面招呼又好好人，小店絕對值得mark低翻食。…查看更多

店鋪外面睇落唔太顯眼入到去就有種日式居酒屋的feel，感覺好warm咁☺️📍$18 蟹籽溫泉蛋先黎一客開胃前菜溫泉蛋夾埋撈左芝麻醬既生菜絲同蟹籽一齊食感覺幾fresh☺️📍$58 燒扇貝扇貝入面粒帶子已經預先切好粒配埋大量的蒜汁一齊燒，食落相當惹味😆店員在扇貝面頭鋪上木魚絲亦都同帶子幾夾，豐富左個味道層次🙆🏻‍♂️🙆🏻‍♀️下次黎絕對會再an call📍$38 貴妃雞卷唔好睇佢細細份，食落先知佢雞卷入面好足料外面係有層雞皮包住d雞腿肉經過燒烤的外層食落脆脆地咁裏面的雞肉又keep到肉汁😍📍$98串燒拼盤拼盤有燒五花腩、牛柳粒、雞腎、翠玉瓜等五花腩可以話係咁多款入面的mvp可能有豬油的關係，所以腩肉燒得特別香脆食落唔會覺得好肥之餘，又食到個油脂香😋另外，翠玉瓜睇落好似平平無奇食落先發現佢係索曬其他串燒的肉汁爽脆下又夾雜d燒肉味，相當惹味🥰📍$158 慢煮滷水原隻大豬手份量相當驚人，岩曬一大班朋友share黎食滷水汁係甜甜地嘅，好似瑞士汁咁豬手切落去嗰時已經覺得好淋，而且夠晒入味😍不過係食到後期有d口渴…查看更多

間唔中會去置樂個邊探朋友, 最近佢地話有間食fushion菜既居酒屋好特別, 味道又好, 約埋我去食下!入到去見到牆上貼左好多廚師參加過不同廚藝比賽既相, 更曾獲廚藝大獎, 睇黎幾厲害!蟹籽溫泉蛋 $18用溫泉流心蛋漿拌底下的生菜, 加上蟹籽的咬口感, 小食前菜好開胃, 好味道！日式生炸BB乳鴿 $68曾獲世界鴿王美食大賽金獎菜式, 一定要試試!以日本萬字醬油、清酒等醃製過夜先去燒，燒得好香, 味道似中式, 但食得出好香醬油味, 底下配炸蒜, 更香!串燒拼盤 $98拼盤內有燒牛柳肉、五花腩、雞腎、茄子等等。五花腩會比較多油脂, 肉和脂肪亂埋一齊, 有d似食玻璃肉既口感, 以燒烤方式去煮會減少d油膩感!個人比較喜歡燒茄子, 燒得幾juicy好味!鹿兒島A5和牛片燴飯 $228呢個飯雖然幾貴, 但佢貴係有原因!2大片A5和牛片鋪在燴飯上, 牛肉味好重, 脂肪分佈幾平衡!另外燴飯都做得非常出色, 中西合壁既調味, 煮出特別既味道! 利用蒜蓉、黑椒、翠玉瓜、忌廉做出risotto。黑椒同蒜蓉味好香濃好夾, 再配忌廉risotto更加配!呢餐飯真係有好多意想不到既味道, 估唔到屯門區會有間禁特別既餐廳!仲有好多菜想試, 下次一定會再來!…查看更多