Shanghai Dumpling

呢排凍冰冰想飲番啲湯水，同老婆外母來飲過燉湯滋潤吓就最啱，呢度嘅椰子竹笙燉雲吞雞湯，熱辣辣夠清澈，足料成隻雞喺裏面、椰子肉勁多，雲吞分開上，咁就唔會係盛湯嘅時候，令到個雲吞散開晒啦！飲完個身真係暖晒！飲湯唔夠飽，叫左啲小食點心。山東一口牛肉包size真係好好，一啖一口，外面煎香，咬落有肉汁又有香料味；上湯小籠包未至於爆汁，但勝在抵食$38有四粒。金銀炒鱔糊分量都幾多，好濃味，叫碗飯撈嚟食真係可以食多幾碗，仲有川汁醬蹄、紅油抄手，醬汁一流，外母同老婆最鍾意食控油抄手，香辣惹味之餘，雲吞皮嘅味都好好食。呢度唔係一個茶壺沖茶，而係每人有一個中國茶杯焗茶，所以每人揀嘅茶都可以唔同，咁樣嘅安排最正！…Read More

今晚嚟到荃灣嘅龍門一番上海·紫砂燉湯 食上海菜，緊係唔少得我最鍾意嘅小籠包同酸辣湯啦～第一次嚟到呢到，店員除咗俾咗餐牌之外，仲拎咗唔同嘅茶包俾我哋呢～我就揀咗就咗鐵觀音啦，不過記住落茶葉嘅時候，落一半就OK啦，之後唔夠味嘅時候，先再將另外果半包到埋落去，咁就啱啱好啦～第一個出場嘅就係上海酸辣湯，落雨凍凍哋，飲返啖暖下先～酸辣湯用料充足，有冬菇、肉絲、木耳等等，味道又酸又辣，好開胃呢～未食主菜之前，試下夏日必食嘅雞絲粉皮先呢～嫩滑嘅雞絲加上香滑的麻醬，正呀！之後仲有海鮮炒飯同埋黃金蝦球，炒飯嘅飯粒粒炒得粒粒分明，而黃金蝦球炸到脆卜卜，仲好香蛋黃味呀，而且蝦肉仲好爽甜配埋炒飯 yumyum～而小籠包嘅皮厚薄適中，同時仲包住曬包內嘅湯汁，食嘅時候可以先吸吮入面的湯汁，最後先再食晒成粒小籠湯包呀。仲有炸到金黃色嘅炸銀絲卷，酥酥軟軟咁～加埋甜甜嘅煉奶，真係大人細路都鍾意！今晚食到好飽呀，下次可以幾個人嚟食埋佢哋嘅雲吞雞湯呀～…Read More

禮拜四7點半座 不用等位我地叫左8樣野7xx賣單，好味值得二訪👍🏻坐低之後 每位都可以揀一款茶包有普洱，水仙，人蔘烏龍，菊花等等菊花好清新，普洱雖然深色但不會甘苦人蔘烏龍偏人蔘味甘甜的首先係 上湯小籠包 $38小籠包入面既湯超級好飲🥲！皮不會厚，肉夠哂juicy😋👍🏻👍🏻10分我比9分 推薦！再講 自家製千層水晶肉 $62個人認為口感奇怪，唔似平時食開水晶同肉分開長方型一舊，佢係一塊塊的，小小感覺似午餐肉mix啫喱撈出黎🤦🏻‍♀️10分我比4分山東一口牛肉包 $48好香芝麻味外脆內軟，唔講唔會知入面原來係牛肉10分我比7分栗子鵪鶉蛋炆外婆紅燒肉 $108被菜名吸引所以嗌的，有被驚喜！口感會似東坡肉，醬汁好味鵪鶉蛋幾特別，外層口感似腐皮包住蛋黃但粟子就好硬，如果炆得淋d就perfect👍🏻10分我比9分 推薦！手撕雞冷麵 $68佢係麻醬冷麵，有青瓜絲同手撕雞肉碎麵既質地好好，煙韌彈牙👍🏻手撕雞唔係話好滑，都唔會係韌10分我比7分百合木耳炒水蓮 $78水蓮呢種菜係香港好少有，口感就好似韭菜花，好爽口的，清清地好味👍🏻👍🏻推薦未試過既可以一試10分我比8分仲有嗌左個 三色椒木耳香醋炒金菇 $72普普通通 所以無影相 味道幾香醋味 但份量就幾小 會更推薦食水蓮10分比5分 還𡟇 因為唔太抵食最後係清炒土豆絲 $68話明清炒所以係無咩味的但炒得幾乾身，爽口👍🏻10分 合格的整體黎講，係值得二訪的，下次會試湯，飯類👍🏻推薦多人聚餐可以每款都試，個人認為份量偏小的…Read More

朋友想食中式野，就係荃灣揾左呢間試一試。餐廳環境都幾闊落，人流都唔算多。一坐低店員就比我地自己揀茶葉，茶葉種類都幾特別，我就揀返菊花清新啲。茶壺方面仲係一人一個細細個好得意呢🍵食物方面整體味道其實尚可，但賣相方面，每個上枱時都同朋友驚訝左一下，因為同menu比啲擺碟都無咁精美呢😅🔸上湯小籠包 (HK$38)食上海野又點少得小籠包呢，小籠包嘅皮厚度適中，入面嘅肉餡都唔係話超大舊，不過都有適當嘅湯汁加返味。另外仲有一款係魔鬼小籠包，係以黑松露製，不過今次就無試到啦🤪🔸南瓜海鮮湯拉麵 (HK$62)因為想揀返款清小小嘅主食，就叫左呢款。咁岩坐嘅位置好近廚房，都見到有師傅係到即場手工製麵🍜上枱時賣相真係唔多吸引，好似就咁將南瓜醬淋係面，啲醬仲會沾到碗邊😅但食落麵條嘅口感都還可以的，所謂嘅海鮮就係有啲細細粒嘅帶子同蝦仁仔…🔸蝦籽鍋塔豆腐 (HK$78)呢款豆腐以香煎嘅形式，淺黃嘅外層上仲有啲甜甜嘅醬料增加風味，食落都唔會油膩感好重，不過食多幾塊就會有少少單調啦～🔸帶子粒粒炒飯 (HK$78)炒飯一上枱時已經就係圖片咁嘅樣，倒塌左一邊咁嘅造型，有啲飯粒就飛左係側邊🤨雖然飯粒顏色好深色，但都唔會好鹹。炒飯有細細粒帶子以及臘腸，份量都算多呢～…Read More

今晚媽媽巧遇不少親友，先是兩個姨姨，後是兩位好友，聊過不停，她跟好友說不如一起吃晚飯吧，兩年沒見，很多話想談，最後齊齊去龍門一番繼續邊說邊吃。這裡喝茶有一好處，就是各人可選自己喜歡的茶包沖泡，學媽媽說每個人的體質不同，各自喝合適自己的茶是最好的，我挑了鐵觀音，媽媽喝普洱，姨姨則喝人蔘烏龍。無骨燻魚可是道地的上海涼菜，完全無骨刺，進食方便之餘，燻魚煙燻的味道一層一層滲透魚肉裡，擠上酸酸的檸檬汁提味，清爽開胃帶點脆度。上湯小籠包當然是必點，一籠有四個，難以形容它有多好吃。小籠包皮薄富彈性，內裡肉餡非常細緻，每顆夾起沉甸甸，十分扎實，咬在嘴裡鮮美燙口的肉汁大爆發，沾上醋汁吃味道一絕。黑將軍墨魚水餃不輸給上湯小籠包，飽滿極致，黑漆漆的餃皮暗藏雪白彈牙的墨魚肉，不失其鮮嫩感，伴上蔥花，蛋絲吃別具風味，若想有點味覺小刺激，不妨把它沾點辣油醋汁。看看那厚肥油亮的醬燒豬手豬皮，誘人指數已破表。豬手肥瘦一起入口是最棒的，豐厚的豬皮軟彈萬分，滿滿醬油的香味，膠質豐沛，毫不乾柴，超級好吃，又能在乾燥天氣中補充骨膠原。帶子粒粒炒飯層次感佳，柔嫩甘甜的帶子熱炒後釋放出海鮮鮮味，與鹹鹹甜甜的臘腸粒交織不一樣的味美，香氣飄散著，炒飯粒粒分明，色香味俱備，越吃越涮嘴。火腿津白用了金華火腿及雞熬出高湯，再加入津白慢煮，上桌時濃郁的金華火腿與雞湯香氣立刻傾城而出。軟腍的津白吸飽乳白色的金華火腿湯精華，展現食材最單純的原味，不斷滲露出香醇甘美。金銀炒鱔糊醬汁突出，整體濃厚入味，最重要是芽菜仍保持脆甜，鱔魚柔軟帶爽彈的咬感，甫入口時聞到濃濃的香氣，這便是中菜所講究的鑊氣，精準掌握火侯，讓所有食材原味能夠在最短的料理時間內，完全鎖於菜餚裡。…Read More

人參烏龍、鐵觀音、茉莉龍珠、普洱…任君選擇。鍋塔豆腐豆腐經過調味，蘸蛋液油煎，加以上湯微火煎煮，十分入味。上湯小籠包麵皮夠薄，但能兜滿湯汁而不破餡。輕輕一咬，湯汁四溢。豬肉肥瘦比例得宜、湯汁鮮味、蒸煮時間精準。迷你胡椒餅酥麵皮的口感，讓胡椒餅外酥內軟。內餡可以吃到濃厚的胡椒味。四川肥牛炒拉麵賣相普通，但食落有麻辣味道，非常惹味。奶皇高力配雪糕脹卜卜、軟綿綿。用奶皇餡代替豆沙，有創意得嚟又不失美味。整體食物相當有質素，價錢合理，值得 Encore……Read More

好難得終於約到一班好耐冇見既朋友一齊食飯，負責揀餐廳既小弟當然唔可以有負所望啦。上網做哂功課之後，發現呢間餐廳望落都好ok咁喎，決定約齊人一試。作為中式餐廳最重要的當然係茶啦。有別於傳統中式餐廳，呢度會提供一盤多種口味、獨立包裝嘅茶葉我地揀，有普洱、鐵觀音、人參烏龍，茉莉龍珠等，每人都可以揀自己鍾意既茶，唔使爭。我就鍾意堅持飲我最愛既普洱啦。精美既茶具，而且把手位設計唔錯，握落手感好舒服。仲可以落d雛菊，轉飲菊普都ok麻醬腐皮卷，聽落好普通的一味菜。不過腐皮卷本身味道較清，突顯出麻醬濃味的口感，配合出來的效果又唔錯喎。藍莓山藥本身山藥口感挺爽挺清新的，配合明目的藍莓及南瓜蓉作拌菜醬料，加上煙霧瀰漫的擺設，實為抵讚的頭盤。麻辣豬耳子，豬耳唔太辣，不過麻味做足，幾適合同行不太食得辣的友人。跟住就到餐廳其中一項主打菜式﹕魔鬼天使小籠包魔鬼係墨魚汁黑蒜肉豬肉海膽，天使就係帶子豬肉魚子醬。小弟揀了個魔鬼去食，墨魚汁味道唔算太出，所以保留到其他食材，包括黑蒜肉、豬肉、海膽等。小籠包夾起唔穿是常識吧，小籠包皮薄湯熱，不過湯味略嫌較淡。自私食首選 - 灌湯餃。放心，小弟食唔哂一整個，店員會幫食客將灌湯餃分成幾客，等鍾意灌湯餃既同好唔使為食又要背負自私食既罪名。另外，中菜又係不可缺少既燉湯，我地叫了花膠螺頭干貝燉雲吞雞湯，除了好味之外，花膠對皮膚好，雞湯補身，難怪小弟每次食中菜都叫湯飲。接著食既係驚喜中既驚喜 -  古式燒烤羊腩，三種醬料。出奇地羊肉香而不羶，咬落脆而不膩，大愛之選。當然都要叫d飽肚既野食下啦，帶子粒粒炒飯! 帶子大粒飯又大碟，炒飯唔會太油，唔錯唔錯。百合木耳炒水蓮，食了咁多小炒後，總要有d清d既菜式中和下。日本溫室南瓜燴酒釀蝦球。個邊d南瓜食得架，日本溫室南瓜，大家記得唔好浪費，刮清楚啊餐廳寬敞又光猛，不論一家大小定好友相聚相信都是非常適合浪漫小屋都有埋餐牌以圖片為主，唔使估估下，可以有圖有真相。…Read More

荃灣八咪半呢個商場翻新後多左幾間食肆，呢間好像幾吸引咁，但吾知佢個名入面既「紫砂燉湯」系乜東東？可能因為新開冇幾耐既緣故，等候既人數都幾多，要拎籌等位，好彩都等得吾算耐。首先叫左個帶子粒粒炒飯，媽呀你系咪黎錯餸我要既系炒飯吾系糯米飯wo，算啦照食，真系有啲鹹，食完又冇飽肚既感覺，唯獨系帶子粒既份量尚算ok。第2味叫左個海鮮炒拉麵，有番啲鑊氣，海鮮有鮮魷、魚柳等等，基本上有1/3都系蔥，味道還好但完全厄秤賣相似茶記既炒麵⋯⋯又一個伏，原本對呢個真系幾大期望，因為喺上海菜當中糖醋魚塊都算系我最中意既菜式入面佔一席位，試完第1舊簡直已經想講粗口，食落去幾乎全部都系炸粉！仲要有成一半系青椒戈啲，吾比劣評你簡直對自己吾住最後一味小籠包已經系最正常，但亦吾系超卓既味道，個皮做得ok，湯既鹹度適中，但裡面吾多肉亦吾多湯。服務方面又系可以以「一絕」黎形容，叫侍應斟水，叫到第2次戈陣就話轉頭過黎，系就系轉頭，不過系轉個頭冇左回事叫左第3次先系真 • 斟水，但想讚下負責接待戈位哥哥，幾好禮貌。…Read More

荃灣的八咪半商場翻新之後，帶來了不少新食店，上次造訪裡面的一 間西餐廳時，已留意到一間以紫砂燉湯為主打，門庭若市的餐廳，據説經常很多人輪候，早前再跟朋友來到荃灣，遂提議去這間餐廳試一 下。濃油赤醬是上海菜的核心價值，而這店算是不一樣的新派上海菜，以健康和創新作經營理念，於健康食材注入新元素，同時保留上海菜精髓和風味，連做菜時也都減油減醬；而招牌的紫砂燉湯，超級足料，以紫砂湯盅清燉，完全不加味精，崇尚健康，清淡清甜，務求帶給顧客新鮮飲食體驗。店內裝修奉行田園風，設計像Cafe般優雅氣派，沒有上海傳統的味道，原木製的桌椅及仿戶外棚籬的獨立卡座，加上週邊的綠色植物作點綴，空間感強，討好清新，一派自然舒適的感覺。入座後，店員率先送上一盤4款真空包裝的茶葉供客人選擇，當中包括陳年普洱、人參烏龍、鐵觀音、茉莉香片幾款，每位都有一套專屬茶具，客人可以按自己喜好品茶，自斟自飲，用餐之餘還可以試一下茶道，別有氣派。泡茶之餘，這店的上菜也十分迅速，不消一刻已有菜上枱。自家製千層水晶肉，類似上海肴肉的賣相，伴隨著乾冰煙霧的擺盤，飄逸霧氣，視覺效果滿分。水晶肉分為兩層，面層為豬皮加上湯煮成的啫哩，下層是嫣紅的鹹肉，啫哩入口即溶成上湯，鹹肉肉質鬆散，味道鹹鮮還算不錯，感覺骨膠原滿滿，唯一挑剔的是肉塊較薄，口感沒有傳統肴肉的彈性，用筷子夾上很容易散開，這點有待改善。蔥油拌鍋筍，鍋筍在粵菜比較少見，大多都是東北菜以之入饌。鍋筍切厚條以蔥油拌過，入口微鹹爽脆帶蔥油的清香，惹味清爽。涼拌茄子塔，茄子煮得軟腍，配上蒜蔥和微酸辣的醬汁，冰涼醒胃。涼菜過後，到燉湯主角上場。花膠螺頭干貝燉雲吞雞湯，店員將原盅紫砂鍋燉湯端上枱，並先將湯料取出，除了雞肉之外，當然還有花膠螺頭，原來還加入了豬肉和雞腳同熬，貨真價實，十分足料。金黃的湯色，清澈見底，帶很小很小的油分，味道濃郁膠質重，清潤鮮味，飲完不會口乾，屬原盅清燉之作，配上雲吞滑溜爽口，有畫龍點睛之效，一盅約6碗份量，索價百多元實屬超值。每逢吃上海菜，筆者一定不會放過其中的點心，小籠包、鍋貼一樣也不能少。上湯小籠包一籠4隻，尚算皮薄有彈性，只是摺口位有點厚，影響了口感；裡面肉汁頗多，輕輕咬開外皮，湯汁洶湧爆出，鮮甜滋味，而豬肉餡跟一的差不多，略欠咬口，但其實整體質素仍算不錯。魔鬼天使小籠包，黑白兩色分開兩種口味，黑色的魔鬼小籠包以墨魚汁搓皮，配上黑蒜豬肉餡，面頭放上少許海膽，吃落多了點黑蒜香，遮蓋了海鮮味，不甚突出。另一款白色的就是天使小籠包，據店家說肉餡有帶子及豬肉，面頭放上魚子醬，但坦白說食落跟普通小籠包沒兩樣，衹是多了魚子醬的少許彈口和微微海鮮鹹香。整體兩款小籠包味道不甚特別，純粹Gimmick成份居多。黑將軍墨魚水餃，同樣用墨魚汁搓皮包成北方水餃，賣相烏卒卒感覺特別，北方餃子皮較厚有嚼勁，肉餡尚算有彈性，唯墨魚味欠奉，有點失真，如當成普通餃子來吃，味道其實不錯。生煎鍋貼，採用傳統上海鍋貼做法，外皮較厚，整隻餃包得密實，內裡鎖著豐盈肉汁，底層煎得金黃脆口，跟現時一般吃到的大大不同，帶著懷舊古早味道。鑊仔生煎包，不像一般的湯汁生煎，外皮帶點麵包鬆軟口感，肉餡不是太多但尚算有肉汁，底層煎得酥脆，味道不錯，但個人還是喜歡現是較流行的湯汁生煎包。山東一口牛肉包，牛肉包外層煎得香脆，包質鬆軟帶芝麻香，牛肉餡料較少，咬落完全感覺不到，亦沒有濃香惹味，質素不似預期，有待改善。水煮桂花魚，望見紅卜卜像是頗辣，食落原來只算中辣而已，面頭雖有層紅油但不算油膩。桂花魚片肉質鮮甜嫩滑，伴菜的木耳和紅薯粉添上了爽脆和煙韌口感，水煮辣汁也增加了味道層次，整道菜質素不錯。筆者還另外點了炸鍋巴，用來點上水煮辣汁，一點也不想浪費。鍋巴即叫即炸，熱辣辣脆卜卜，浸上辣汁還會發出"喳"的一聲，入口脆脆軟軟，充滿米香，另有一番風味。整餐的前菜和主食做得不俗，燉湯尤其出色驚喜，味道較傳統上海菜為清淡健康，其中亦可見到廚師的創意和心思，部份尚有進步改善空間。以地方和食物質素來說，餐廳定價算是親民，食得健康，適合一家大細或朋友用餐歡聚。…Read More

去咗附近已翻新同改名做8咪半嘅中染新城,試試新開冇耐嘅龍門一番.呢度係間食上海菜嘅餐廳,入面裝修就非常破格.同同類型嘅餐廳相比,多咗啲年輕活力嘅感覺.餐紙設計成大富翁遊戲咁,都幾得意.坐低之後店員就拎住個托盤嚟,上面放咗唔同款式嘅茶包,我哋分別揀咗茉莉花茶同普洱茶.然後就將茶葉放晌細細嘅茶壺.再加熱水沖泡.其實我比較鍾意溫和一啲嘅茗茶,茉莉花茶正合我意,只係有時要遷就同行嘅人咋,而家一人一壺就可以飲自己真正想飲嘅茶喇.呢度嘅名入面有紫砂燉湯,睇嚟應該係佢哋嘅馳名菜式,所以好想試試,可惜店員話嗰日下晝冇燉湯供應.有啲失望,唯有留返下次啦.見下午茶餐先$48(未計加一同茶位)就有迷你涼菜兩款,點心一款同飯麵一款,好似幾抵食,於是就叫咗份,再加小菜試試.菊花醋木耳嘅口感爽脆,食起嚟有蒜味.千層水晶肉嘅質感扎實唔鬆散,調味啱啱好.上湯小籠包嘅外皮算薄,味濃而多湯汁.龍門海鮮炒飯嘅配料有小蝦仁,魷魚粒,雞肉同香蔥等等,飯炒得粒粒分明,同埋均勻咁沾上醬汁,油份亦可接受,食起嚟幾香口.之後就係散叫嘅小菜,黑醋排骨嘅排骨肉質鬆化有醋香,配上菠蘿同洋蔥,酸酸甜甜幾開胃.有機豆漿黑木耳浸勝瓜,用咗豆漿烹調嘅勝瓜同木耳好鮮甜,都幾清新.火腿津白嘅金華火腿煮得軟熟同埋幾易咀嚼又唔癡牙,津白就好多汁,又可以中和金華火腿嘅鹹香.佢哋嘅食物調味偏向濃郁,但食完都冇令人口乾嘅感覺,對佢哋嘅印象唔錯,只係未能一試紫砂燉湯,係有少少可惜嘅.…Read More

與父母到荃灣血拼完後，經過一座簇新的大廈。細看下有一間上海餐廳，酷愛上海菜的他們當下表示有興趣～晚飯黃金時間，難免都需要輪候。不過等待的位置有數張迷你椅可以安坐等候！門外放著蟹粉系列的菜式，選擇多而且頗為吸引！入座後店員會遞上三款口味的泡茶！茶芥每位$8，若果不要泡茶要清水也要收費的。人蔘烏龍茶味濃郁解膩，浸泡下的茶渴著也挺不錯！自家製千層水晶肉 - 薄薄一片頗晶瑩剔透。旁邊放有液態氮增強視覺效果！食落肉味不算濃，不過質感則夠爽口～松茸燉雲吞雞湯 - 原先想點花膠螺頭干貝，但不幸地售罄。觀察左右附近的食客，每枱都會點一盅！份量絕不吝嗇，三人飲的話平均每人也可飲到二至三碗～湯渣材料亦非常豐富！雲吞皮厚餡料不算多，不過索湯度不俗！雞肉肉質厚身滑溜。松茸雖浸到軟淋淋，但食落質感鮮甜，有微微的香氣～上湯小籠包 - 皮略為厚，不過湯汁豐富。餡內的肉尚算味鮮～…Read More

與好友相聚，加上其中一位姐姐生日，由於此食肆只接受Walk-in, 所以特意提早到食肆門口排隊等位期間，侍應間中攞小食及飲品招呼等位客人享用，包括蔥花薄餅及椒鹽豬扒，未入去食已感受到食肆對客人既誠意及窩心服務，值得一讚上湯小籠包: 雖然外皮厚薄屬普通水平，但小籠包一放入口，咬落去時肉汁充溢了整個口腔，當堂感到非常滿足，值得推介椰子竹笙燉雲吞雞湯: 味道清甜，不過雲吞味道偏淡，由於燉湯以紫砂燉盅上枱，所以有保溫作用，非常窩心鍋塔豆腐: 炸完豆腐咬落仍非常香滑，外皮醬汁偏甜，不過都好好食雞絲粉皮: 香濃麻醬味，內餡仲有青瓜絲，咬落清爽美味，正蔥花薄餅: 皮薄多蔥美味可口，並附上味道似咖哩既醬汁，感覺唔錯蜜汁火腿: 配薄饅頭+香脆腐皮夾埋一齊食，咬落好有口感及美味麻醬腐皮卷+自製千層水晶肉: 味道一般香蕉高力豆沙及香芋鍋餅: 味道普通，略嫌鍋餅個皮厚左D唯一美中不足係試食時發覺椒鹽豬扒太好食，所以諗住入食肆時叫黎食，誰不知餐牌並無以上菜式，侍應話只限試食，希望食肆考慮將椒鹽豬扒放入餐牌內…Read More

入座後, 店員拿來一木盤有三款茶, 原來可以每人揀選自己喜歡的口味, 分別自己沖茶, 幾特別又貼心.鐵觀音，烏龍茶我揀了鐵觀音, 友人是烏龍茶, 一包沖到6-8次的. 平時都沒發覺泡茶原來很有趣, 今次自己茶葉自己泡很好玩.我倆也想買個泡茶具回家玩玩.先將一包份量的茶葉放入壺中, 倒入熱水, 按指定時間等待. 茶葉都是原片的, 泡完發大好幾倍, 小心熱.可以沖茶到茶杯中, 慢慢聞一下, 飲完啖茶, 期待的食物已經上枱了.鐵觀音茶色清, 味道清香.友人的烏龍茶味道也不錯.上湯小籠包 (4隻) $32, 比較細隻, 幸好湯汁算多.湯汁超多, 皮夠薄又唔易串, 肉湯味道鮮美又濃郁. 椰子竹笙燉雲吞雞湯 $158, 好足料, 有半隻雞, 椰肉, 豬肉, 竹笙及雲吞6粒.份量都好多, 足夠有6碗湯, 食埋湯料超飽肚. 雞肉鬆化軟淋, 已經燉煮得骨肉易分離, 雞肉同骨都好香有肉味, 連雞腳都好淋滑有膠質, 正!!!個湯有椰子好香好清甜, 雞湯味重又不油膩, 雲吞是菜肉餡, 皮薄不易爛煮的時間岩岩好, 一啖一粒好好食.竹笙吸到好多湯, 爽口好味.雪菜肉絲炒年糕$65, 已經8成飽, 仲有個年糕, 用雪菜肉絲令年糕味道更清爽不膩, 加辣椒醬更香更惹味, 而且辣度偏輕, 落多點也不怕. 年糕軟身好煙韌好咬, 放久了也保持不乾硬. 奶皇高力 (2件) 配雪糕 $42, 幾抵食, 2人也可以點來食又不怕浪費食唔哂, 每人一件剛好.而且有曲奇味或雲尼拿味的雪糕, 我地揀了曲奇口味. 高力好鬆軟帶彈性, 每口也很輕盈微甜. 好像食空氣, 但又有點鬆彈的口感.奶皇餡甜度剛好, 但是我的立即食, 好像凍了結塊, 友人的放了5-10分鐘才食, 卻如流心般, 爆醬奶香流得一碟都有.這個真的有待改進.總捨, 小籠包多湯汁好味, 燉湯份量多抵食, 而且味道好香清甜滋潤, 甜品味道也不錯, 改善了質量會更好.…Read More