Siu Long Family (Closed)

有事到佐敦，約了家人在附近午飯先，超過大半年沒吃上海菜，很想吃上海點心🥟🍜，在Openrice定點找吃🧐見到此小店食評推介都不錯...可到此一試🤔入座後才知道原來妹妹已吃過多次😅😂👏🏻🤭午市套餐可享優惠價錢無限追加點心👍🏻追加份量不多🤭價錢又抵吃，可試多幾款點心👏🏼👏🏼 超好味😍上海春卷夠脆口，全素菜絲，又不會太油膩😋小籠包也出色，皮薄肉汁香濃🥟最欣賞"蜜汁火方"這味菜式👍🏻夾著青瓜片及脆炸腐皮，新鮮香脆口感😋沾滿蜜汁的金華火腿做到香甜又軟淋，老人家都咬得開😅吃過多間京滬、上海菜館"蜜汁火方"的不同做法及配料，雖然此道菜式略為昂貴，但都總會試試，不是間間店都能做得出色，很看師傅烹調手藝，最貴的...又或是得獎的也試過，有些傳統做法配蜜汁蓮子，有些配脆炸春卷皮，好似也有試過配鍋巴？🤔但個人認為...暫時來說...此店這個配搭最叫人回味，口感豐富，也是最喜愛的🤤😮其實...某集團出名的XX拉麵店也是如此配搭🤫做法一樣出色👍🏻😋但就未必間間分店都有同樣水準吧！😓厚厚的"蔥花薄餅"香脆可口，有質感又不油膩😋 香煎牛肉餡餅，包底煎得香脆，餡料仍保留肉汁👍🏻😵都有吃其他午飯套餐及擔擔麵😅麵質不錯，擔擔麵湯底香濃不太辣，但忘記了影相...🙄可能主食冇乜特別，反而欣賞啲點心🤭此店上海點心做得出色👍🏻有水準🤨可再返尋味😅…Read More

《小籠家族》佐敦上海街我真係特別喜歡小店，因為每間都有自己獨特既味道🥰同事話好想食小籠包，所以就揾間上海小店試下，果然無揾錯👍無論食物同服務都幾好而且係街坊價，真正好食又抵食既😏❤午巿有套餐，客飯同湯麵類都有但選擇唔係太多，唔岩口味可以單點價錢都唔貴💫我地分別叫左客飯同湯麵套餐，仲可以用優惠價$13無限加小食類💞＜乾煸四季豆客飯＞$58好夠鑊氣，四季豆炒得好香好乾身👍＜酸辣湯麵＞$45超大碗份量，而已夠酸夠辣😋麵底好多我食唔哂，食到尾個湯都唔會變水👍＜家族小籠包＞$13+$13加$13有2隻，所以我地加4隻，皮薄多饀多仲有滿滿既湯汁，果然係正正既小籠包（我好怕皮厚）＜生煎牛肉包＞$13包面油左小許，底部無煎得脆脆，比較失望😐但牛肉餡好好食，期待下次有脆脆底比我＜上海春卷＞$13炸得不錯👍上海春卷感覺無咁油膩，好食😋街坊價錢但仲好食過集團，而且座位都舒適既，二位落單既男士都好細心，我地問熱豆漿有無先加糖佢話有，咁我地改要凍既，佢都再走入廚房問凍有無糖再返黎話我地知凍都有糖😂而且上菜細心慢慢放💞服務無得輸…Read More

都幾多人等位，在門外等左二十分鐘，有櫈坐住等，算係咁啦。入面唔算大，我地坐近門口，係二、三個人同坐一條長木板櫈。即係如果坐唔定，便會好容易騷擾到隔壁果個，不時俾人怒睥。後面係另一張枱食客，背對背，唔小心會撞到，可惜對正個麻甩佬......簡單來說，全餐飯要挺胸收腹唔好郁。螺肉小黃瓜 $38所謂的螺肉其實似齋鮑魚絲，墊底是切了粒的青瓜。全碟菜除了芝麻，便沒有調味，汁都冇。好彩青瓜都尚算新鮮，唔難食的。不過份量太少，酒吧「甩士」碗仔咋，想叫佢回水......家族小籠包（6件）$42算皮薄餡靚，而且滿滿肉汁，熱辣辣好滋味。我俾四星。煎牛肉包（3件）$32外皮都做得幾好，係生煎飽D friend , 唔會油膩。不過牛肉饀係冇味的，唔吸引。蔥爆牛肉$78份量不多，我只食到兩舊牛。牛肉味有少少怪，少少酸但又唔係變壞果種味。可能係解凍唔好或者落得太多粉啩，有時去茶記食乾炒牛河都會有呢種感覺，怪怪地。但其他配料如大蔥木耳就炒得幾好，好惹味。花雕醉豬手 $58主要食豬皮，好多皮，好爽口。有少少筋亦係爽口的，但冇乜肉。花雕重手，好醉吓！鍾意食醉野的人仲可以試吓佢的醉雞。乾煸四季豆$62香口，肉粒好送飯。唔辣，唔油，四季豆冇渣， I like it !紅油抄手$36辣油夠辣，抄手夠大隻，抵食又好味。上海春卷$32皮脆饀足味道好，抵食又熱辣，五星吧！鱔糊兩面黃$78呢碟就一般，太濃味，太咸太多汁。鱔糊絲同芽菜絲都多。但個麵底不是兩面黃，只是普通的淋左的炒麵，脆的部分不多。餐牌其實都多選擇，味道就要睇彩數，好味果碟都唔錯。冇加一，幾抵食。不過真係逼左D囉⋯⋯…Read More