Crystal Jade La Mian Xiao Long Bao (Closed)

當晚打風，夜咗收咗工費事煮，好彩搵到地方食嘢。我哋兩位叫咗招牌上海小籠包一份。中規中矩啦，皮當然可以簿啲，但都可以的。嫩雞煨麵，清清哋，有啲肉、有啲瓜，有我亞媽煮嘅味道😆。唔夠喉，叫多份肉雲吞湯。皮不太厚，餡料足料，正常好味。坐得舒服的，不太多人，尤其當晚打風，人流少咗。電話落單，我自己就麻麻哋，人懶無藥醫😜！好彩當晚都順利的。上菜都快的，都容易叫待應斟水。 喜歡他們每杯水都有杯蓋遮住，既保暖又衛生。…Read More

今日星期日的午餐叫了foodpanda外賣，喺沙田新城市廣場三期翡翠拉麵小籠包點了炸銀絲卷$25、上海炒年糕$92、小籠包$45、薑汁湯圓$38，八折，另外送貨費$20，總共$180，最好食係只有兩粒好大粒嘅芝麻薑汁湯圓，但係嚟到我度已經凍咗咁滯，銀絲卷是凍的！取餐時間是11:46，我收到餐的時間是12:20，可能送遞員要去幾個地方送遞，年糕是最熱的。除咗湯圓之外，其他的我喜歡麗豪酒店龍門客棧多啲！也可能包裝太環保！年糕的包裝是膠所以保溫效果好很多。…Read More

睇完戲就過左去一田果邊嘅新城市廣場"翡翠拉麵小籠包"N年無食過 係時候重拾回憶啦 以前仲係新城市一期地下經店員推介匯豐卡有套餐優惠 所以就揀左2人套餐$366果然唔貴 又飽上菜好快 店員勤快鎖江肴肉透明肥羔係好特別嘅質感肉質亦好爽凍食一流上海小籠包 x 2 食過翻尋味再叫多籠皮薄餡靚 上菜熱辣辣金銀蛋浸菠菜份量夠 唔油又清淡連汁都撈埋黃金蝦球邪惡嘅咸蛋黃蝦球好大同爽升級左蟹粉蛋白薑米炒飯蟹粉好多 炒飯粒粒分明 蛋白夠多 正鮮磨豆漿 略甜 但夠熱檸檬薏米水 超級多薏米飲完食埋薏米飽哂…Read More

行街行到去大型商場，好多時都見到好多人等位，是日平日晚上八點幾，晚餐嚟講算係偏夜，仲有一家大細係到等緊位，明明隔離有西餐同日本餐廳，都唔駛等位，難道，真係咁好食?行埋去門口職員示意2位，坐bar枱即刻有位。店員安排就坐後隨即抹枱(本身都唔係污糟)放置餐具，上茶同餐牌，好有效率點完餸約5分鐘後開始上菜，再一次高效率體現(小籠包即叫即蒸，所以較後上)先講新菜色。。。🦐櫻花麻醬拌秋葵冷盤，新穎嘅配搭，無花巧嘅菜色，健康嘅秋葵，配上無敵芝麻醬，本身都ok, 配上櫻花蝦更多咗重享受，估唔到乾爭爭嘅蝦乾，搭上醬汁同濕luplup 菜蔬可以咁夾🍲蔥油櫻花蝦撈麵一上枱，聞到雞湯味，飲啖湯，更確定係雞，第一次食撈麵係雞湯做媒體，好新奇。麵係我喜歡嘅上海幼麵，面頭有櫻花蝦同炸香咗嘅蔥，淋上湯汁，撈一撈，蔥油味好突出，食落去好舒服嘅味道，香油，乾蔥同櫻花蝦，又係好夾傳統菜色 (反而讓人失望)🥃花雕醉雞雞肉質地ok 部位都唔算搵笨，有翼有少少脾肉同背脊，但酒味唔均勻，有幾舊好重酒，但上面的較淡生煎包相對高分D嘅傳統菜，煎得香，微微脆底，但內餡有點乾身，但整體味道ok小籠包一路以為係招牌菜，應該稱得上好味，皮嘅厚度可以，夾晒4件都冇散，但湯汁唔算豐富，頂位嘅埋口位較厚身，麵粉未熟透，影響口感:(當然價錢嚟講算平民又親民，但嚟到上海食店，期望比普通茶樓質素好少少好正常吧。食物質素好壞參半，不過都係好評係因為服務令人滿意，點菜時有先問客人有冇優惠信用卡，走時亦有打招呼，縱然爆場，但都有不時添茶，上菜員都有戴口罩，係現今食肆炒散年代少有既，希望食肆係傳統食品上進步一下…Read More