China House (Closed)

今次嚟到美孚嘅家傳滬曉 餐廳好有格調 地方幾大 有飲茶用嘅圓枱同埋卡位 坐得幾舒服-🥬上海小棠菜炒三菇 $98調味唔會過鹹 鍾意食菇類嘅應該要嗌呢個餸😍 -🥓上海回鍋肉 $118啲豬肉唔會太肥 亦都唔會太瘦/ 乾👍🏽 有少少辣味 令到成個餸更加有層次 幾惹味👌🏻-🐟椒鹽小黃魚 (2條) $98 極推薦!!! 魚皮夠脆 但啲魚肉依然好滑😌 椒鹽味剛剛好!! 不過要小心有細骨😥 -🍞招牌生煎包 (4件) $70 個包底煎得好脆 而個包本身都幾軟熟👍🏽👍🏽 不過入面就冇乜肉汁 可能俾個包索晒😩 包入面嘅豬肉亦都可以有更多調味🥺-🐠韭黃銀芽鱔糊 $178 佢有得揀韭黃銀芽或者清炒鱔糊 由於鱔本身好淋 個人推薦韭黃銀芽 可以多啲口感😂 調味好似乾炒牛河咁 可能有啲人會覺得太鹹🥴 而且鱔食落同普通魚冇咩分別 可以唔使嗌呢個😂-總括嚟講 呢間餐廳嘅食物質素不錯 當然上海菜來講有更好嘅選擇…查看更多

環境3分：外賣自取，只係响收銀處比錢同攞嘢食，睇落舖位都幾大，樓面好高，但唔識比分，所以中間位三分。衛生5分：外賣包裝嚟講呢真係好乾淨，每個餸都有個透明膠盒分開裝，Ｄ汁用膠紙黐實好穩固，可以畀佢五分。服務5分： 接線生好專業，落單時會提午餐有優惠，訂單幾時預備好，總數幾多，問多兩句又唔會話你煩，態度非常之好。準時去度餐廳，Ｄ食物已經齊，即時比錢，服務員仲叫小心重，細心到呢，滿硬分。味道3分：1)      小籠包一客五粒，外賣嚟講呢都唔錯，個皮唔厚，Ｄ肉夠嫩，但係响冇穿冇溜嘅情況下就差左Ｄ湯汁，要扣一分。2)      鍋貼都係一客五隻，個餡Ｄ肉一樣好嫩，Ｄ汁又夠香甜，但係層皮超厚又煎得唔夠香，要扣佢兩分。3)      個揚州炒飯炒得夠乾身，完全唔油，又夠料，食得過。4)      個嫩雞煨麵係湯同麵分開裝，所以Ｄ麵冇索到淋，個雞湯好濃味又夠甜，要加返佢一分。抵食3分：午餐飯麵平極都要五十蚊起，炒飯仲差不多成舊水，點心都係四十幾蚊起，一啲都唔平，不過上海菜都預左咁上吓，正常價畀三分。…查看更多

近呢一、兩個月到訪過多家上海菜館，包括：「稻成京川滬」、「上海婆婆336」及「王家沙」，而最後分享嘅一家喺位於美孚嘅「家傳滬曉」，其實喺老婆同姨仔幫小弟賀牛嘅生日飯。但講起嚟都失禮，話晒美孚都算喺小弟嘅主場，而呢家上海菜館都開咗好多年，但就一直未嚟過幫襯。晌美孚，上海菜館就唔喺得佢一家，不過，以佢為較高格調，走進餐廳，極豐中國色彩嘅裝潢，以紅色為主調，掛滿特色嘅吊燈，令燈光柔和，加上通花屏風做裝飾，突顯中國元素。大堂中大多數喺4-6人枱，最鍾意喺卡位，舒服好坐，又自成一角。而靠牆一邊，則喺啲大圓枱，喺大棚人嘅選擇啦。餐牌好大本，亦好難影，好在晌門口有啲菜式單張，掃描晒出嚟就一清二楚。如一般中菜館，選擇非常之多，由頭盤、鮑參翅、湯、海河鮮、家禽、豬牛羊、田園蔬菜、飯麵、點心，到甜品，應有盡有，一應俱全。此外，仲有多款套餐，由2位到12位都有。雖然計落套餐喺底，但我哋3個人，又想自主啲，所以，都喺散點。上海小籠包 $55一客5個，外觀望落啲皮就唔喺好薄，咬落又確喺如此，而且，摺位更喺好厚吓，影響個口感。但還好嘅喺啲肉餡好鬆化，兼且多汁，味道上喺唔錯。脆皮素鵝 $65叫得脆皮，果然無老作，碟素鵝炸到金黃，一咬嗰下真喺脆到咔咔聲，腐皮碎掉到一枱都喺，內裡仲夾有冬菇絲增添食味，唯個人就覺得佢有少少油膩啫，幸而沾少少醋就抵銷晒啲油膩感。南瓜白雪 $75個名就夠晒靚嘞，查實喺咩嚟？咪就喺加咗啲南瓜粒、青豆粒嘅賽螃蟹囉，貪佢夠清，啱晒老婆食。啲蛋白白皙光亮，的確炒得嫩滑，沾少少浙醋，就如白皙嘅肌膚塗上胭脂，清爽好食又健康。砂鍋雲吞雞 $160呢道菜既可以當餸，又可以當湯水，人少少就揀半隻，已經可以每人分到兩碗湯，當喺飲多碗湯水，如果揀全隻就要$320。先講個湯，鮮甜得嚟又好清，意思即喺唔會好油、好濁，而整件雞由店員撈出嚟，足半隻，可謂童叟無欺，難得啲雞肉又一啲都唔嚡，幾好食，配合埋包足料嘅雲吞，抵食。野菌炒年糕 $98呢道炒年糕就最能體現上海菜嘅濃油赤醬嘅神髓。年糕入口煙韌有咬口，醬汁個味道好濃郁，而年糕中混入好多野菌及紹菜，全素菜式，最啱我老婆。值得一提喺菜水唔喺普通嘅香片、普洱，而喺四寶茶（$12/位），味道比較幽香。上海菜都有唔少甜點，不過，無食到就埋單離開，皆因老婆預備咗個精緻蛋糕，另文再講。…查看更多

由於上年復活節結婚的好姊妹相約一班兄弟姊妹食飯聚舊！ 之前她與家人住在荔枝角四小龍，嚐過美孚曼坊的 <家傳滬曉> 覺得質素不錯！ 於是，今次她建議大家到 <家傳滬曉> 來個新年聚！我相約一位姊妹到荔枝角 D2 Place 影相，由荔枝角行過來頗遠！ 曼坊是豪宅曼克頓山的商場，位於九巴大廈隔離！方便易找！:)對大家來說，交通又好方便！一踏進去，裝潢富有中國色彩，以中式通花屏風作間隔，紅卜卜的色調很喜慶！ 掛上紅燈籠裝飾，相當合適新年飯聚！我們一行 8人 (7大1細) 被安排到旁邊的 8人圓形大枱！:)店員服務態度不錯，略嫌人手不足！:(<家傳滬曉> 的店名「滬」顧名思義供應上海菜，打開餐牌，也有京川滬菜式及新派上海菜，款式算多元化！包括：頭盤、鮑參翅、湯、海鮮、豬牛羊、田園蔬菜、點心、飯麵、甜品及飲品...等，一應俱全！  新春期間，除了散叫之外，亦可以點 4/ 8/ 12人套餐；大家興致勃勃看餐牌，點上各自的心水選擇！四寶茶 $10/ 位內有杞子、紅棗...等，茶色清澈，味清帶甘又滋補！不論男女都適合！:)上海小籠包 (五件) $52一籠五件，大小不一！摺位又不是很工整！賣相一般，:( 夾起來外皮亦沒有穿，勝在皮薄饀豐，豬肉餡的鮮甜味美，而粉皮亦搓得夠薄而煙韌，滿載豐盈的肉汁！整體合格算是不錯！ 蘸上黑醋更添風味！上湯小棠菜 $68這一道清一清味蕾的簡單菜色，以蒜頭、瑤柱提鮮，小棠菜青翠嫩綠又夠柔軟易入口！:) 大人小朋友都適合！健康之選！雪菜肉絲炒年糕 $70年糕入口煙韌，火候剛好不會太乾身！雪菜清脆惹味！肉絲亦夠入味可口，整體一濃一淡恰到好處！:) 不會重口味！四喜烤麩 $50但有朋友則覺得這道小菜不太健康！ 而我卻懶理！這是上海菜一道非常傳統的餐前冷盤小食，烤麩屬於麵筋的一種，既含高蛋白質又富有彈性！以花椒八角醃製，烤麩吸收醬汁精華，味濃甜且入味！質感柔軟濕潤！配料還有毛豆、雲耳及冬筍！豐富口感！糖醋排骨 $90一送上桌明顯細碟！ 甜酸度適中，調味得宜，外層香脆可口！炸漿算薄，排骨不會死實，帶有脂肪之餘亦夠入味，芡汁質感濃稠，拌飯也不錯！鱔糊粗炒 $95軟滑鮮香的炒鱔提升鮮味，正是其發揮的魅「味」力所在！上海粗麵彈牙而富有嚼勁，炒得色澤及味道也十分均勻，火候十足，鹹道適中！ 帶著老抽的甜味，再加上油份並不多，配合清爽的芽菜，是很不錯的上海炒鱔糊！炒雞崧子仁跟叉子燒餅 $88炒雞崧子仁口味濃郁又惹味，呈袋狀的叉子燒餅香脆薄身，表面鋪滿白芝麻；味濃的配料與薄脆的叉子燒餅是完美組合，真是絕配！就算叉子燒餅不夠分，拌飯亦一流！必食推介！砂鍋腌篤鮮 $98配料包括：筍、杞子、鹹肉、豬肉、小棠菜...等，很足料的湯水！單是說湯的本身，已帶出很清香的鮮味，味清而鮮不錯喝！屬於半個上海人的姊妹覺得質素不俗！上海菜飯 $15 & 白飯 $10前者上海菜飯較油，怕肥的朋友還是選擇白飯為妙！:)多謝好姊妹的推介！我們嚐了一頓豐富的新年晚餐，大家對這裡都幾滿意！ 整體來說，食物的味道及質素不俗，唯獨是份量精緻！ 加上餐牌種類選擇繁多，而且好抵食！ 環境好寧靜，服務方面，如果增加人手會更好！一大班人想聚會食上海菜的話，<家傳滬曉> 亦不失為一個好選擇！ …查看更多