Mimila

點了三蝦撈麵（$98+10%） 就只點了一個麵已經百幾蚊埋單，相信要好好食啲先住呢個價。首先講下環境服務，可以話係乾淨的茶餐廳格局，侍應係有禮貌的但服務就唔算做足啦，埋單都要行出去自己黎，咁即係茶餐廳啦，收咩加一。食物方面，份量足夠的，唔算好飽，大食最好叫多個小食。蝦子撈麵係好食但不是驚為天人，配菜有牙菜同蔥算夾，跟五隻蝦，但煮得過老。食完感覺唔值成嚿水。覺得最多賣$68碗，而家太貴。味道無問題，係貴啫。…Read More

好麵自然想多看你幾面，相反嘅一面都嫌多，講緊嘅係位於沙田新城市廣場一期七樓嘅Mimila馬來西亞麵食喇。依曾樓有好多食市，要係咁多食市中特圍，就一定要有自己特色，馬拉麵或者係其中之一。今日人也滿多，坐了八九成，好在下午才去，不然一定爆滿。睇下食咩先，有麵有飯，難得咁緊係要叫啲招牌野喇，今次就叫左"馬來辣蝦湯-摻摻"，三蝦撈麵，馬來奶茶。馬來辣蝦湯-摻摻，配有海蝦，青菜，芽菜，湯低十分濃郁海鮮味，蝦爽口，再配有特色摻摻，即係米粉加油麵，份量足，十分飽肚。三蝦撈麵，蝦炸過香脆可口，撈麵蝦子味很重，還有碗清湯味道鮮味，變相多種食法。馬來奶茶，比傳統港式奶茶較重奶，偏甜小朋友也喜歡飲。同場還有愛麗絲展覽，有得食有得玩十分滿足。…Read More

難得一行3人去搵食，當然要食得特別啲哩間主要食馬來西亞餐嘅餐廳，設計好有特色，而且好寬闊，食嘢除左要食物好食之外，真心一定要座得舒服，先會再黎食咖見佢哩度主sell蝦，所以就專程嗌左蝦嘅主食，真心鮮味蝦湯麵湯底夠晒入味，夠晒濃，蝦亦夠鮮甜，唔似係啲雪左好耐嘅食材麵食份量夠多，一人一碗，絕對唔會唔夠食咖！撈麵亦好惹味，好香蝦味，配埋佢嘅濃味湯，真心掂串燒配沙嗲醬，甜甜地，啲肉夠晒嫩，一啲都唔會乾”爭爭” 嗌左哩杯檸檬薏米熱飲，好有味，薏米亦好足料，酸酸甜甜真心好飲呀三人行都係400頭，又有海鮮仲有小食，抵食啦…Read More

黎到7樓, 有好多唔同既食肆, 見到呢間既門面好搶眼, 所以決定一試~由於時間尚早, 所以未算好多客.店面唔算好大, 但都坐得幾舒服, 仲有sofa位坐~見到本menu就覺得好吸引喇~就感受下馬來西亞菜 鮮、香、辣!馬來辣蝦湯配油麵今次揀左油麵. 除左油麵仲可以揀米粉, 河粉同銀針粉~個湯底就係不得了, 好香!! 蝦既鮮味帶有D微辣, 令到碗油麵upgrade哂!三蝦撈麵個蝦子麵好爽口, 而且有好多配料,啖湯清清地, 唔會搶走蝦子麵既味~馬來串燒(雞)飯雞肉串甜甜地, 幾好食.而且個飯帶有蒜香, 好特別~ 老巴剎雞翼雞翼控朋友表示喜歡, 個皮脆卜卜, 好香口, 而且唔會好乾身, 正!桔子蜜飲酸酸meimei, 好開胃, 亦都唔會太甜美祿暴龍可可貓山王芝士蛋糕又到左甜品時間!~不嬲都幾鍾意食cheese cake,呢個蛋糕真係full of榴槤味, 食落唔會太濟, good!…Read More

星期六就約左朋友去沙田排隊拎新手機，不知不覺就排左粒幾鐘。排完後大家都覺得肚餓，一於上7樓望望。一上電梯就見到呢間Mimila，望落唔錯，所以即刻入去醫肚啦。店鋪已馬來西亞、新加坡菜為主。首先點咗份小食。沙沙撈魷魚翼沙嗲醬幾濃郁，食落帶辣幾惹味。馬來辣蝦湯麵一心黎到諗著食個喇沙，不過係餐牌上見到麵底有得揀摻摻。聽店員介紹摻摻係由米粉同油麵組成，同一時間食到2款粉麵確實唔錯蝦有6隻咁多，非常足料有馬拉風味、湯底帶點沙嗲味道不會太辣。油麵同米粉一齊入口感覺幾特別。而同行朋友就點咗三蝦撈麵。餐廳整體高質，人流亦非常快。…Read More

一年一度新蘋果發售，朋友一早預訂左部新機係沙田新城市店攞。陪佢排左成個鐘先完成取機手續真係又餓又攰。所以近近地上左七樓揾野食。見MIMILA坐左幾位金髮外國人，就好奇入黎睇下有咩咁吸引老外都黎光顧。原來呢度主打馬來西亞麵食，尤其係各款鮮蝦製品，琳琅滿目。所以我地都唔執輸跟住老外們點返兩個呢度嘅招牌菜食返餐。三蝦撈麵。即係蝦籽／海蝦及蝦子麵嘅全蝦組合。蔥油十分香濃惹味，配上爽口彈牙嘅蝦子麵，十分討好。海蝦新鮮爽脆每隻都有滿滿嘅蝦膏，食時更多一種濃香。配上清甜蝦湯配搭，除左唔油膩之外更補充左撈麵嘅濕潤，唔會咁乾爭爭。沙沙撈魷魚翼。用上沙爹醬腌製都算香口，調配得唔會太咸辣。但可惜魷魚唔算太入味有啲可惜。馬來辣蝦湯麵(摻摻)。所謂摻摻即係兩溝米粉及油麵，雖然叫辣蝦湯但辣度唔會好嗆。反而香味同鮮味十足，兩溝麵食時口感更豐富同埋吸湯，更能品嚐蝦湯鮮味。蝦肉同樣鮮甜，食時配上芽菜／通菜健康又好味。雖然未去過馬來西亞，但週未食個地道馬來麵讓味覺遊走一轉馬來風味，都不失為一個好方法。…Read More

2018.08.07 😊【市廣場一角南洋風情】食在沙田"Mi" 是馬來話"麵"的意思故名詩意 新派南洋風麵店Mimila主打馬來風粉麵🍜亦有售數款馬拉特式甜品全店裝潢簡潔 以粉藍色沙發椅及通花屏風灌穿全店成為影相必備的好位置馬來辣蝦白毛豬肉湯摻摻 $98摻摻 其實就是混合了油麵及米粉而成口感豐富 是當地名物愛蝦一族想必會欣賞小店的這道王牌推介絕對是道心思菜色湯底以海蝦經6小時慢火熬制🦐去殼、煎蝦、切片 每個步驟也不能少除了湯頭鮮香外 蝦的份量食極還有至少都有成8、9隻加上西班牙白毛豬肉、芽菜、通菜挺豐富三蝦撈麵 $98來到以蝦麵為題的小店除了地道的摻摻外 我們還一嚐撈麵原來三蝦是指: 蝦子麵、海蝦、蝦籽爽口的海蝦 以及鮮香的蔥油撈上蝦籽及蝦子麵喝上一口湯頭😳撈起、撈起 簡直每一口都是蝦的精華亦有加上芽菜、青菜為配菜薑汁奶茶 $32薑汁奶茶最重要當然是夠薑小店在這方面做得不錯茶味香濃 奶的份量平衡做得很好☕重點薑汁份量十足 入口帶小辣飲完手腳都暖起來 小妹很喜歡Mimila 💌沙田新城市廣場1期7樓704號舖Mon-Sun: 1130-2200🍚 openrice: yee6192004…Read More

為了家裡添置新的傢具...係假日既時候走了沙田一圈..密密行了一個下午...選購完成之後當然是搵野食啦，新城市廣場7樓有好多餐廳...行在一圈之後，我地選擇在一間馬來西亞餐廳試下先....白胡椒湯肉骨..有濃濃胡椒味道...肉骨都好淋香菇肉脞牛展湯麵...份量都有好多、一個人是食唔晒...😯而麵類選擇在摻摻...即係米粉加油麵...呢種食法我都係第一次嘗試，都幾特別！牛展是厚厚一塊的...味道有香濃的牛肉味，一點也不遜色！三蝦撈麵...賣相已經覺得唔錯..而裡面是蔥油蝦籽撈麵，配上海蝦同青菜....如果有多少少蝦籽會更加好（這是我個人喜好）😝…Read More