Log Ye Dim Sum

平時lunchtime 時間真的等不了這家店，總是太多人排隊，除了旅客喜歡外，也有不少本地街坊支持，這裡的點心好多選擇，連茶都有一大壺不同味道的茶，優惠時段再有88折，真的太吸引！🟣絕配套餐如果和同事或朋友一起來的話，點一份絕配套餐加點心超幸福！這次我們吃的飯是原隻！原隻！花鷼蛋白臘腸蒸紅花蟹飯配椰子燉烏雞湯，椰子燉雞湯底清甜滋潤，湯頭雞肉依然嫩嫩的，兩個人剛好一人一大碗～等飯的時候雖然等了好一段時間，但上桌一刻真的是‘咩都抵返曬！’原來這個蒸蟹是即叫即做，把大大隻紅花蟹蒸熟確實需要一點時間，而且裡面還有大大條很有鹹香的臘腸和滑溜的蛋白，蟹肉非～～常鮮甜，我們一邊吃一邊說，這真的太划算，而且好滿足呀！！！！！🟣芝麻蝦多士蝦多士每一件都好大件，上面鋪滿芝麻增加風味，咬一口特別香脆完全不掛油，沾一下酸酸甜甜的醬汁更滋味🥰🟣蟹籽燒賣必須要熱吃！因為它放涼了入口依然很輕甜多汁，不會很難咬，能夠一口吃掉味道更豐富呢。🟣荔枝蝦球賣相好精緻的這道點心外層香脆帶濃郁荔枝味，這份天然的果甜和裡面超足料的蝦肉組合在一起很有獨特性。🟣三色小籠包這個大小絕對要叫大籠包😂三款味道都很鮮明，黑松露鹹香突出，紅色的帶辣很開胃，裡面很多湯汁～🟣薄荷青檸梳打天氣熱想冰涼一點，這裡也有多款特飲，這杯特別冰爽解熱，整體不會太甜，配點心也很合適。…Read More

每次經過尖沙咀都見到有人排隊，原來價錢真係好抵食，而且份量夠大，係附近唔少打工仔嘅飯堂，同時都吸引好多遊客。餐廳雖然唔算大，但環境舒服，服務都好有效率！.🌟荔枝玫瑰茶同一般茶樓唔同，呢度除咗傳統茶葉，仲有白桃烏龍同荔枝玫瑰茶。飲落有淡淡荔枝味，之後會留低玫瑰香，茶底清爽唔澀，鍾意花茶嘅朋友應該會鍾意。.🌟芝麻蝦多士香港經典飲茶點心，炸到金黃香脆。多士面頭鋪滿芝麻，咬落"咔咔"聲，入面嘅蝦膠彈牙鮮味，口感豐富。點埋酸辣醬食，可以平衡返啲油膩感。.🌟麻辣牛柏葉牛柏葉切得厚薄適中，食落爽脆有嚼勁。麻辣香味好出，花椒嘅麻同辣椒嘅辣層次分明，愈食愈上癮。辣度唔算好高，整體味道好濃郁。.🌟籠仔蒜蓉海蝦飯呢籠蒜蓉海蝦飯熱辣辣上枱，蝦肉新鮮爽彈，面頭鋪滿蒜蓉，蒸到香噴噴。啲飯吸晒蝦汁嘅精華，粒粒都入味，最正係墊底嘅荷葉，帶出淡淡清香，份量仲要好足。.🌟碧綠叉燒腸粉賣相夠清新，腸粉皮薄滑溜，包住半肥瘦嘅叉燒，仲加咗啲翠綠蔬菜碎，食落多咗份爽脆口感。豉油甜鹹適中，腸粉質地薄得嚟又唔易穿。.🌟蟹籽燒賣燒賣係飲茶必點！咬落去豬肉餡紮實彈牙，混埋蝦仁嘅鮮甜，蟹籽喺口入面爆開，點埋辣油食就perfect啦！.🌟玫瑰拿鐵咖啡炎炎夏日用凍飲作結就最正！咖啡香味濃得嚟唔苦，加埋淡淡玫瑰味嘅jelly，慢慢會喺口腔散發出玫瑰香氣。…Read More

💮好耐無食過點心，今日熊妹適逢阿妹一齊放假，又想去尖沙咀行吓🛍️，阿妹話食得西餐太多，今次想試吓食中式點心。特登上網搵到呢間位於漢口道的《樂意點心》多人評價又多人食過，仲要入圍《開飯熱店2024五十大外賣自取餐廳》🏵️，主要係喺尖沙咀地段點心嘅價錢好抵食，一於去試吓。📌下午茶三點嚟到，原來星期一至五下午茶時間3:00開始到6:00，仲有88折，全日唔收加一，難怪勁多人喺街度排隊🚶🏻🚶🏻‍♀️，攞飛等叫號都等咗大半個鐘，咪話唔誇張。📌終於入得啦，一坐低，店員就會問「想飲咩茶？香片、普洱、菊花、白桃烏龍、荔枝玫瑰？」做法好傳統點心店，不過引入了新式茶葉品種，裝潢又以暗花深綠色的風格，華麗時尙，傳統得來又切合尖沙咀的高尙地段，係新一派點心專門店💮。三色小籠包，$35招牌三色小籠包咁吸睛👀，梗係要試吓啦！三色即係原味，川辣同松露。三隻顏色真係好吸引，湯汁都幾多，就算放涼了一陣都仲有湯汁流出嚟，其中川辣味🌶️味道最為突出，辣汁滲入小籠包肉入面，味道好夾。松露味雖然唔算好出，但味道好特別。蟹籽燒賣，$19一籠燒賣有兩粒，大大粒燒賣剛蒸起，咬落好有驚喜，豬肉蒸到好軟淋，唔係實的的既豬肉，點埋豉油成粒啪真係好正。香茜牛肉腸粉，$28兩條腸粉各切三份，有六大件，腸粉滑嘟嘟，蒸到熟度剛剛好，軟綿綿，入面有牛肉饀帶點芫茜味🌱，冇諗過腸粉都可以做蒸到咁滑溜，唔錯。百醬蒸鳳爪，$23充滿濃郁醬汁的鳳爪啜入口好入味，鳳爪大大隻好飽滿，下面仲有蘿蔔索埋醬汁，成籠醬汁鳳爪係好惹味！籠仔蒜蓉龍蝦配帶子飯（半隻），$110《樂意點心》招牌主打係籠仔蒸飯，籠仔蒸飯當中，龍蝦配帶子當然係最為名貴！即叫即蒸香味濃郁，一上枱，剛蒸出來的蒜蓉香氣四溢♨️，半隻龍蝦🦞佔滿大半個籠仔範圍，份量十足，加入大量嘅蒜蓉🧄同龍蝦一齊蒸，鹹香嘅蒜蓉味更出龍蝦嘅海鮮味，海鮮嘅用蒸的做法係好出色，仲有兩大粒帶子，成個籠仔飯鋪滿蒜蓉味道，完全唔使加額外嘅醬料已經好夠味😋，果然係招牌菜，成為全場嘅MVP都當之無愧🎖️！楊枝甘露，$23竟然有西式糖水可以揀，食咁多點心，飲返個甜品真係好爽。楊枝甘露入邊有好多西米露同埋啫喱粒，楊枝甘露唔會好稀好水，食完咁多鹹野好解渴。茶位，每位$8📌《樂意點心》除了招牌籠仔飯，仲有脆炸小食、蒸籠點心、腸粉、包點、燉湯、蒸海鮮同甜品。📌一間少少嘅點心專門店，仲要喺尖沙咀旺區位置，價錢親民到極點，難怪今時今日仲見到有人流排隊嘅情況啦！…Read More

喺尖沙咀返工嘅朋友帶我去佢平日嘅飯堂—「樂意點心 」，最正係佢有個全日供應嘅飯餐，$68起，包一客籠仔蒸飯，及滋潤燉湯，啱晒無飯家庭。😇😎除咗抵食健康飯餐，點心都好有特色，而且仲好高質！🔸越式米網炸兩腸（$35）其實係越式炸春卷嘅變奏版！🥰越南春卷外皮炸脆，裏面餡料豐富，有蝦仁、紅白蘿蔔、紫椰菜等，面頭包上軟滑腸粉，層次感豐富。🔹三色小籠包（$35）賣相吸引😍，啱晒打卡📸！一籠有齊三隻味道：原味、川辣和松露，即叫即蒸，外皮唔會太厚，餡料鮮嫩多汁，值得一試！😏🔸芥末鵪鶉蛋燒賣（$20/ 2粒）‼推薦‼平時鵪鶉蛋燒賣食得多，芥末味真係第一次試。😂雖然$10/粒，但勝在個頭大，裏面有原粒鵪鶉蛋和原隻鮮蝦，芥末味唔會嗆喉，反而令味道更有層次。🔹蘿蔔絲酥（$20/ 2件）‼推薦‼香脆可口嘅酥皮包着軟腍嘅蘿蔔絲，外脆內軟，清甜美味。🔸籠仔蒜蓉龍蝦配帶子飯（$105）‼推薦‼有半隻龍蝦🦞，肉質爽彈，雖然未到好新鮮個種，😏 帶子幾大隻幾新鮮，不過如果多一兩粒會更好！好欣賞個飯超入味！蒜蓉🧄香氣四溢。🔹香芋椰汁紫米露（$23）‼推薦‼真材實料，味道相當不錯！☺️$23就有個甜品，好抵！💕既有香芋、椰汁的香滑，又有紫米粗纖維口感。香甜軟糯、 回味無窮！…Read More

3點幾經過尖沙咀，偶然發現這間新派點心店外聚有長長人龍，不只有附近返工的上班族，還有來自五湖四海遊客，就決定同朋友仔在這裏食頓遲來的午餐～餐廳樓底高，牆壁鋪上大理石紋磚，地下就是仿傳統水磨石磚，新舊交融，氣氛舒適高檔🍴全日免加一，加上指定時段88折，是區內難得的抵食點心店👍——————————🔹絕配套餐 $68（份）套餐包一款招牌籠仔蒸飯及滋潤燉湯，另可追加$10款指定點心/小吃，最多選擇兩款。🦀️花雕蛋白蒸紅花蟹（配白飯）+$40花雕蛋白蒸紅花蟹，單看賣相已非常引起食慾。火候做得剛好，花雕蛋白香滑鮮美，入口即溶；紅花蟹非常新鮮，肉質飽滿爽甜。將蟹肉拆下，白飯拌入花雕蛋白、洋蔥、香蔥及甜醬油，一口吃下，果然是人間美味❤️🥣鮮花甲粉絲湯 +$10看起來小小一盅，但卻真材實料。花甲約有10隻，隻隻鮮甜沒沙，處理得相當乾淨，湯頭鮮甜帶芹菜的清香。🔸三色小籠包 $32三色小籠包各有不同口味：綠色是原味、橙色是川味，而黑色就是黑松露口味，內餡飽滿充滿肉汁，相當滿足！🔹沙律蝦春卷 $28即叫即製，上菜時仍是熱辣辣冒煙🔥外脆內軟，內餡清甜不膩，可食到爽彈的蝦肉。🔸椰汁桂花糕 $20椰汁桂花糕清香滑溜，為這餐畫上完美的句號。…Read More

晚飯時間，唔算好肚餓，本身鍾意食點心，行過又見到唔多人。2個人叫咗3籠點心同1個籠仔飯。/////茶芥：菊花茶 $6/ppl首先係茶芥，係一壺入面有一個菊花茶包嘅水，雖然都無預佢有咩出色嘅表現，但淡如清水嘅佢感覺似係已經服務咗幾代客人咁。/////1）三色小籠包 $30三色嘅味道包括原味、川辣同松露。原味（綠色）：普通小籠包。川辣（橙色）：食落係口水雞味，有一定嘅辣度。松露（黑色）：仔細品嚐真係有少少松露香味。味道係幾新奇，可以試一次，但食落餡料肉質感覺有啲「梅」。/////2）蘆筍蝦餃 $18普通蝦餃味，口感ok，不過唔覺有咩蘆筍係入面。/////3）沙律蝦春卷 $28味道同口感都不過不失，無咩需要評價。/////4）籠仔蒜蓉海蝦飯 $52相比起點心，籠仔飯就出色好多。啲飯睇落有啲生，但食落又唔覺，粒粒分明。海蝦有2隻（4邊），肉質都算彈牙。個籠仔飯有多量嘅蒜蓉👍🏽再淋上豉油，成個飯嘅性價比就提升咗唔少。/////免加一 埋單$140…Read More

呢間喺公司附近嘅新派點心好多人幫襯，主要係因為佢價錢親民，款式多又有創意，即叫即製；環境乾淨衛生，店鋪裝修幾靚，坐得又幾舒服～我哋叫咗菊花茶，仲有幾款茶可以揀，茶位$3超平🤩菊花茶都幾香～三色小龍包（3件）$30- 一籠有齊三種味道：💚原味，🧡川辣，🖤黑松露- 都幾大隻，皮薄餡靚，咬開充滿肉汁- 💚原味原汁原味，🖤黑松露好香黑松露香，🧡川辣有少少酸辣好開胃紅菜頭蘿蔔絲酥 $28- 外皮炸得好酥脆，金黃色好吸引- 裏面係紅菜頭好清新健康- 好似加咗少少鹹蛋黃，食落好甘香絕配套餐 $68呢個套餐最受歡迎，可以揀一款招牌龍仔蒸飯配一款滋潤燉湯，另外仲可以加多$10要一款點心/小食龍仔蒜蓉龍蝦飯（+ $80 原隻）- 賣相非常吸引，原隻龍蝦蒜蓉開邊蒸- 龍蝦肉新鮮，爽口彈牙，配上蒜蓉醬能帶出鮮味- 荷葉飯吸收左龍蝦嘅鮮味好香菜膽瑶柱火腿燉老雞 （+$10）- 配料充足，有老雞，菜膽，瑤柱…- 湯好入味好清甜🥒川味麻辣青瓜- 青瓜清新爽脆亦夠晒入味- 有少少酸辣非常開胃…Read More

茶錢雖然加咗價，但都只係有$2加到$3，仲係甘抵😆☑️絕配套餐 $68 - 真係好抵😆😆😆 ☑️籠仔土魷肉餅飯雖然係套餐（單點$43），但份量同單點一樣甘大，肉餅都冇縮水，舖滿飯面，飯粒粒分明，較硬度剛好，而肉餅有咬口，吾係一舊粉，上面仲有芫荽蔥，撈埋豉油同飯一齊食超好味😋 🆗人參灌湯餃 呢個單點要$36，套餐吾食灌湯餃可以要燉湯。灌湯餃好大隻，包得好靚，但入面豬肉冇咩味。湯底清甜，雖然飲吾到人參味，但真係有條小人參係入面，另外仲有素翅。 ☑️鮮竹牛肉球 （2件）- $10套餐加配價$10就有2件，真係超級抵。牛肉球好大粒，正常發揮，軟糯得黎又有少少彈牙，點喼汁好好味。 🆗鮮蝦菜苗餃 （2件）- $10同樣都係套餐加配價，所以咁平，絕配套餐最多只可以加兩款點心。餃皮好黏，一拎起就爛左。但入面有大量菜苗，仲好綠，鮮蝦都大大粒、彈牙，味道主要都係菜味。☑️三色小籠包 - $30三款小籠包，每款一粒，外表已經好吸晴，黑色-黑松露、橙色-川味、綠色-原味，三款咬落都有爆湯，而當中黑松露味最為吸引，肉內撈左吾少黑松露，真係食到好香黑松露味，而川味就有少少麻辣，但又唔係會好辣，唯一敗筆係小籠包個皮真係好厚，超級厚。☑️鮮蝦腐皮卷（2條）- $16我的炸物首選，新鮮炸起，又熱又脆，蝦肉彈牙，點喼汁正！☑️紅菜頭蘿蔔絲酥（3件）- $28蘿蔔絲酥好大件，亦都好鬆脆，一咬就散，裏面嘅蘿蔔絲好淋，因為加左紅菜頭，所以餡料係紅色嘅，但吾知只係加左紅菜頭汁定係有紅菜頭絲，我食吾出，呢個點心比較濟。…Read More