wagyu yakiniku JUN (Moved)

今年51黃金週，連續4日假期，因疫情關係，大家都不能外遊，只好乖乖哋留係香港；今天是第2天假期，又係勞動節假期，一於出去食餐好，去勞動一下自己嗰胃之前朋友介紹過銅鑼灣恩平道有一間唔錯嘅餐廳食日本牛，叫「和牛燒肉 · 純」，就去試吓；朋友話這間餐廳嘅晚餐都幾貴，相比起食午餐，Lunch Set 較抵食為咗唔想同其他人逼，我哋太約 12:10 就去到餐廳，我揀咗「三色和牛定食 $250」，包括 上牛排肉、肩眼肉、牛排肉；套餐還有沙律、前菜、日本米白飯、湯；整體來講，日本牛嘅油脂比較多，入口有慢慢溶化嘅感覺，令人回味價格💰：$275 ($250 + 服務費$25)味道😋： OK…Read More

住係港島，當然禮拜放假都係留番係港島食lunch ! 😈😈👿一路都好鍾意食開燒肉既我就走左去哩間老牌店食晏晝飯🤗🤗🤗🤗自己一個好悠閒咁走左入去食飯，可能星期六既關係，所以人流不多，只有三，四枱客人。一坐低姨姨已經幫我安排左杯暖暖既熱茶。三色和牛定食 $250再加一一上菜，哩個定食既肉量比我想像中多，而中間個碗既和牛面積仲大過我手掌。 🥰🥰🥰燒熟之后，係我品嚐第一啖之後，和牛係我口中溶化既個種口感，係我畢生難忘，特別係係$300樓下就可以食到如此高質和牛，性價比特別高，相比如果係和牛純哩度食晚飯，可能食材會更加高質，但人均消費晚飯可能要大慨$1000 一個人，本人就寧願平平地食個$275 而又高質既和牛！🤪🤪總括來講，此午餐簡直值回票價，而本人覺得特別係哩個set係高質得黎又食到係日本高質肉既感受🥰…Read More

同朋友放假一日，行吓街，食吓嘢。去完日本之後，依然好掛住日本嘅美食，朋友就帶我去食和牛午餐喇！依度午餐都有好多選擇，可以燒肉，又可以食涮涮鍋，我哋咁為食就梗係兩樣都叫，可以試晒兩款食法。三色和牛定食有三款和牛，包括上牛排肉，肩眼肉同和排肉。三款油脂比例不同，侍應就建議由比較少油脂嘅牛排肉開始食。雖然油脂相對較少，但係都幾香，又有牛味。我自己就最鐘意食中間嘅一款，油脂多少少，油香撲鼻，牛嘅香氣又濃少少，再點少少酸汁，又可以解膩，配埋珍珠米飯，好味呀！和牛涮涮鍋又係另一個風味。和牛切薄片，放入清湯煮一煮，好快就食得喇！可以選擇點蔴醬或者酸汁，兩樣同和牛都好配合。鍋入面嘅蔬菜都好豐富，有菌類，蘿蔔，青菜，豆腐，粉絲，樣樣都好食。食飽飽又繼續行街！…Read More

講到和牛都會諗起呢間“和牛燒肉。純”，有次同朋友食過晚餐，和牛質量好得令人無法忘記，今日就試試銅鑼灣分店午餐！餐廳係15樓，可以望到銅鑼灣大廈風景，有獨立卡位、吧枱及四人枱，餐廳提供燒肉、鍋物選擇挺多真是花多眼亂。點了一個燒肉同牛涮鍋兩人可以share食！三色和牛定食$250兩個定食都有酸汁沙律同蘿蔔做頭盤，冰凍好開胃，再送上白飯同麵豉湯，餐廳用嘅白米粒粒飽滿，都值得一讚。最期待的和牛，分別係上牛排肉、肩眼肉、牛排肉各三片，建議唔好一次過燒太多分量，怕會燒焦，可以慢慢控制燒肉，由淡到濃味，雪花平衡肉質好淋，半熟就夠質量有保證喔。High ball, Shochu on rock$ 65/each燒肉當然要飲凍嘢！分別係威士忌梳打同燒酎加冰食，比起啤酒唔會咁飽肚!！和牛涮涮鍋定食$200涮涮鍋內放滿蔬菜先吃一半，另薄薄嘅牛肉可以浮係菜上面，方便睇到佢熟嘅程度，而且牛肉味好濃唔錯，亦可以配蔥花辣蘿蔔蓉醬油同胡蔴醬，增添調味！和牛燒肉‧純 Japanese Wagyu Yakiniku Pure星期一至日: 12:00 - 15:00, 18:00 - 23:00銅鑼灣恩平道42號亨利中心15樓電話: 28070103, 52207007分店: 尖沙咀…Read More

面對和牛，真是意志力大考驗。入口即溶，軟棉棉的質感，就讓人＜回不了頭＞！我的母語～廣東話：返唔到轉頭！　另一個就是荷包大考驗！由日本運送到香港，經過多重的流通渠道，以致零售價格高。　而朋友介紹，這裡的和牛午市定食只需二百多。　無需到肉店購買和牛，無需在家動手烹調，慳時間，慳功夫，計落有著數。　上網了解，餐廳有＜飛驒牛銘柄推進協議會長＞印鑑及＜日本產和牛認証＞，和牛品質一定有保證。 今天，跟小米到中央圖書館後，順便到此午餐。　在卡位就座，小米就認出遠處的＜南華＞。來到最重要的事：點餐。朋友介紹三色定食及涮涮鍋。餐牌午市定食超多款式，花多眼亂。就點這二份定食，一燒一烚，剛剛好！  三色和牛定食　      餐牌列明對應的部位：上牛排肉，牛肩眼肉，牛排肉   每款三塊，合共九塊，全都是粉紅色調。單單的視覺，都感到那脂肪存在。個人覺得：九塊ＯＫ足夠。　攝入過多的脂肪＝增加減肥難度！幸好午市套餐，有固定和牛份量，不會過多，亦不會令客人吃虧。   如果按油花的多少，來排列燒肉的次序，油花由少至多，層層遞進增，是牛肩眼肉＞牛排肉＞上牛排肉。    但自己反而想先試紅白參半的牛排肉＞牛肩眼肉＞上牛排肉。 牛排肉 Karubi　肋肉位，紅白參半，肉和脂肪比例相若。軟棉棉之餘，也需稍稍咀嚼，感受一下肉質和油脂的存在。　 牛肩眼肉 Chuck roll　　　紅多白少，以肉為主。牛站立時，力的重心都在四條腿。當中牛頭牛頸有一定重量，前肢就變為整體的重心，才達到首尾平衡，T-Balance。力量聚於肩部＆前肢，這部位要產生更多的力來支撐／走動，所以肌肉較實在。而這塊是和牛的牛肩眼肉，怎能跟一般的牛肉相比。即使烤過後，牛肉味豐富但口感卻很柔軟。　聽說和牛無需做運動，還可享受按摩，飲啤酒。是否因此令肉質鬆軟？   上牛排肉 Prime Karubi白多紅少　剛嚐過肉味豐富的牛肩眼肉，了解肉為主的和牛部位。來到上牛排肉，因為油花多了，口感更加柔軟。這塊只是二百多個大洋的午市定食九塊和牛的其一塊，已經覺得大滿足。朋友果然無介紹錯！假如在主餐牌散點更高等級的和牛，真係食左返唔到轉頭。　完成了烤和牛，來到涮涮鍋。   和牛涮涮鍋定食　　　有鍋有爐，醬汁，配料，飯跟主角：4片和牛　爐火不強，只能說是文火，不會達到香港一般火鍋＜大滾＞起的狀況。　火力太大，湯底溫度太高，薄薄的牛肉容易變得又老又硬。　　而細火慢煮，將牛肉慢慢浸熟，可以拉長煮熟牛肉的時間，只要捉緊牛肉由粉紅色轉為淺啡色的一刻，就是肉質最靚的黃金機會。　所以平時享用港式火鍋的肥牛片／肥羊片，自己都會調較細火，慢慢地浸熟肥牛。而面前是靚靚和牛，豈可浪費！　油花分佈平均，紅多白少，以肉為主。　　小米急不及待，先把一塊和牛放在鍋內。　在鍋內攤平，令牛肉平均受熱。下方有蔬菜來承托，和牛跟湯底没有太多接觸，又可以減慢變熟的速度。等了廿多秒，和牛終於轉色，可以享用了！　為嚐到原味，不沾任何醬料。和牛軟棉棉，入口即溶，無需牙力，慢慢＜妹＞。　　　消滅了４塊珍貴的和牛，湯底表層留下厚厚的和牛油脂和牛肉精華，跟味道清淡的蔬菜慢慢煮，好讓蔬菜吸收。　嚐過几款和牛，雖然還想想添。油花豐富的和牛，白色＝脂肪，要配大量蔬菜來中和。　鍋內有不同的蔬菜，娃娃菜，大蔥，豆腐，深綠色青菜。　　餐前小食沙律，也有大量沙律菜。　嚐過蔬菜後，鍋內還有和牛精華湯底。不能浪費，用作撈飯，一流！其實單獨品嚐湯底也很鮮甜。　　事後來一杯冰凍飲品~蜜桃乳酸和日本蘋果汁餐後問小米，和牛有什麼特別。　小米表示：和牛軟棉棉。　　看來小米已經知道和牛的精髓所在！　　不過，心裡還是希望小米盡快把今天的和牛忘記。　　因為小米有超強的記憶力和食髓知味的性格，將來必會提出＜我要食和牛＞。  BODY REPORT ：事後不用狂飲水。…Read More

和牛燒肉.純是一間中高檔日式烤肉店，雖然烤肉質素的確幾高，但晚市人均消費至少五六百元，想像肥媽般食平D，我會午餐時段來，慶幸食店的午市烤肉套餐周末都有供應，即使平日返工食不到，都可以周末過來。＊＊＊＊＊＊＊＊＊＊＊＊＊＊之前已經光顧過尖沙咀店，相比起尖沙咀店，銅鑼灣店店面較小，梳化座和壽司吧枱總共只可容納三十多人，所以我會建議想食平D的朋友，最好預先訂座或早一點到來。蘋果汁($40)等食期間點了一杯蘋果汁，甜度適中，沒有加冰，不怕越飲越淡。三色和牛定食($250)純的烤肉套餐有分單人和二人餐，全部有包沙律、前菜、白飯和味噌湯。沙律有足夠醋汁，酸香十足非常開胃。前菜凍茄子，茄子夠腍。三式和牛終於奉上了，由左至右分別是上牛排肉、牛排肉和肩眼肉，每款約有三片。上牛排肉脂肪較多，分佈亦較平均，肉質軟嫩之餘亦非常滑口，喜歡脂香的食友一定喜歡。牛排肉脂肪不及上牛排肉豐富，但脂肪分佈同樣平均，肉質非常軟嫩，但就沒有上牛排肉滑口，但差別不算太大。肩眼肉脂肪比較相對前兩者少，但入口卻多了一份嚼勁，個人就比較喜歡肩眼肉多一點。食完烤肉，可以燒埋南瓜，南瓜建議不用燒太久，否則過乾過硬。味噌湯不會過過鹹。總結，烤肉質素實在無可挑剔，雖然午餐的烤肉都不會是最靚的A4或4A5甚麼的，但仍算高質，以晚餐一半的價錢能吃到如此高質的烤肉，絕對抵食。…Read More

對牛精而言，冇野好得過去食日式燒牛肉。鋪頭算細，得幾張枱，不過張枱好大，一啲都唔會覺得逼。第一次黎就試下呢個三色和牛定食，一次過試到三個部位的和牛。前菜:沙律，薄切牛舌特上牛排肉(左）；肩眼肉(中); 牛排肉(右)特上牛排肉 : 非常juicy ，非常嫩，入口即溶。但牛味較淡。肩眼肉 : 略略沒特上牛排肉juicy ，不過也很juicy ，而且牛味濃。我和朋友最喜歡這個，非常好味牛排肉(右) : 伴有醬汁。對這個沒什麼特感覺，肉質較前兩個遜色。Juicy : 特上牛排肉>肩眼肉＞牛排肉牛味: 肩眼肉 >特上牛排肉>牛排肉服務員建議我們沾燒汁，不過個人認為燒汁不好味，像以前中學學校頹飯盒的燒汁味，沾了就浪費了這片和牛。沾鹽和胡椒粉最好味，最能夠帶出牛肉的美味。和牛配軟綿綿嘅日本米白飯，朋友個份，切得靚過我個份好多😅…Read More

在日本吃過飛驒牛後總會念念不忘，可是在香港要吃到有水準的，大多一餐都要上千元。這家可是萬中無一的廉價高水準。不過餐廳有落場時間，要吃午餐必須三點前吃完哦！點了個特選五色和牛定食（$350）和一個三色和牛定食（$250）無論叫那一個餐，都會先來一些冷盤：一是：沙拉蔬菜清新，爽口。車厘茄夠水份。二是：醃製牛舌（應該係）薄薄冷冷的，靠醬料調味，跟一般吃熱的牛舌感覺很不同。味道是可以的！至於五色跟三色，其實根本不知道肉來自牛的那部分。不過兩款都會有瘦、肥不一的選擇。肉需要自己燒，爐具方面相對些千元一餐的較差，很多時都會出現黏底，有很浪費美食的感覺。肉方面，應該有一款達到霜降級吧，很肥很油，卻入口即溶。油脂沒那麼豐富的，也是切得薄薄，沒有筋在裡頭。最重要是吃到牛肉的甜味！是日本高山的水準！配上飯跟味噌湯，一定夠飽。總結：實在沒想過這麼有水準的牛肉會是這個價格，而且還有定食，讓人吃飽！是一定會再回頭的食肆！…Read More

今日約左朋友S系銅鑼灣食lunch☺️，我地都中意食牛🐂，所以去左和牛燒肉‧純💕～小妹總覺得夜晚食燒肉太heavy😗，lunch time黎食就啱哂喇😃！沙律🥗有羅馬生菜🌱、車厘茄🍅、洋蔥、切左絲即紫椰菜同三色椒✨。沙律汁酸酸地，相當開胃🍴～另外仲有1碟前菜，但小妹麻麻地🙊，所以比左朋友👀... 除左前菜仲有麵豉湯，不過我掛住食吾記得左影📷。開始燒喇🔥！三色和牛定食($250)：三色和牛🐮包括上牛排肉、肩眼肉同牛排肉💁🏻～小妹都冇細心留意邊隻系邊隻喇🙈... 因為全部都好好食啊🤤，牛味香濃又夠juicy💦，有d仲入口即溶添😍！伴碟仲有幾塊南瓜🎃，都幾鮮甜👌🏻。配埋日本米白飯🍚就更加滋味同滿足啦😋！和牛涮涮鍋定食($200)：薄切既和牛脂肪分佈非常平均❄️，望落好靚😙！輕輕涮一涮就食得架喇，肉質好軟滑啊😆！鍋內仲有鮮冬菇🍄、豆腐、金菇、蒟蒻... 夠飽之餘亦吾會覺得膩🤗～呢度d牛肉性價比高😇，價錢💰吾算貴，亦十分高質👏🏻，有機會一定再黎食過👅！…Read More

星期日 shopping 日，行吓行吓，突然下起大雨來，慌忙找地方避避雨，正值午膳時間，站在亨利中心的水牌下，原來這兒也有和牛 燒肉純。未試過在這兒吃午餐，橫豎大雨走不了，一於上去試試和牛午餐吧﹗午市時段有比較抵食的套餐供應，還有涮涮鍋添，所以要了一客和牛定食和一客涮涮鍋定食。主菜未到前，先來一些前菜，新鮮的蔬菜沙律，加入黑醋，蔬菜更鮮味。三色和牛定食，包括三款不同的和牛(上牛排肉、肩眼肉和牛排肉)。雖然每款只得三片，但牛肉很肥美，放在爐上燒烤後，入口即溶，伴着白飯來吃，再配上麪豉湯，可減輕肉的肥膩感覺。至於這個和牛涮涮鍋定食，亦是不錯的選擇。和牛亦是三片，但大量蔬菜、豆腐和菇類，感覺比較健康。涮涮鍋的湯底委清甜，份外能吃到食物的新鮮味道。午餐通常都不想吃得太瘋狂，這個午餐定食正是一個最佳選擇。為配合港人口味，在日式餐館也能喝到港式凍奶茶。至於這個桃味梳打，清涼之中帶有桃的鮮甜，而且還能吃到一點點桃肉，好好味！…Read More

很少去食和牛，因為價錢比較貴，亦擔心不是真的來自日本,今日朋友介紹這間燒肉，評語仲好有水準，所以同老公來吃。老公當然點了三色和牛定食（上牛排肉，牛排肉，肩眼肉）$250定食有一個溫室雜菜沙律，醬汁咸咸酸酸好開胃。炒雜菌，有牛油味道。麵豉湯，味濃。珍珠飯 軟綿綿3種肉比較喜歡肩眼肉，燒到8成熟，咬落軟腍有肉汁，牛味很香濃，不用點任何醬汁。而長形的係牛排肉，2隻牛排肉本人應為點醬汁更能帶出味道，我分別試了2次，燒到8成熟完全不韌，的確和牛的口感入口溶化。上牛排食落更濃牛味。3種和牛很滿意，$250 定食覺得值回票價，牛肉厚身脂肪油份剛好到位，不過份油膩，燒比較香口，垥到好處！另一份點了日本產五花肉 $98 價錢不貴，一試無妨。本人抱著期待日本豬肉和港豬分別。表面看和平時火鍋差不多。燒好後很驚喜，因為豬要燒到10成熟，但咬落有嫩滑，燒極都不濃，口感有豐盛肉汁，不用點醬已經有濃濃豬肉味真心覺得抵食，食物質素很好，真的食得出日本來的。價錢方便都很超值，餐廳裝修環境很舒服，以食和牛來算埋單2個人$400內抵食…Read More