Sandaime (D‧PARK)

《三代目 (愉景新城) (荃灣)》今日兩個咁啱都係荃灣做完野就去左愉景新城搵食，見到呢間有拉都嘅居酒屋睇睇menu啲野都啱口味就入左去坐😋🍣鮮海膽一日壽司海膽最怕唔新鮮同腥，我地見呢度嘅料理長推介有海膽，增加左叫海膽嘅信心🤪果然無令我地失望，海膽鮮味滑溜，入口即溶👍🏻🍜辛燒豚梅肉拉麵（中辣）辣同拉麵都係我嘅至愛🧡中辣嘅濃骨湯頭對我嚟講都係濕濕碎，炙燒過嘅叉燒焦香味濃，食落唔會太油膩得嚟肉夠厚啖啖肉🍖拉麵彈牙入味食完一啖接一啖🍚三盛燒肉丼呢個丼簡單啱哂我呢啲咩都想試啲嘅貪心鬼，煙燻雞肉肉嫩唔老、五花豬肉肥瘦均勻爽口得嚟有肉口感、牛舌夠厚醃得夠入味，配埋燒汁啲飯兩下手腳就成碗清哂🍛🐷和風芥末豚足口感同粵式熏蹄或者豬腳仔有啲類似，肉結實皮爽口彈牙，配埋日式芥末汁好清新。沙律菜雖然只係配角，但都好新鮮好脆口咬落嗦嗦聲。🦴炸雞軟骨金黃酥脆嘅外皮，軟骨連埋少少雞油細細粒咁一食就停唔到口，鍾意啤一啤嘅一定要叫呢個小食🫶🏻食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️/5性價比 ⭐️⭐️⭐️⭐️/5如果你都想試下出色嘅日式居酒屋，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 荃灣青山公路荃灣段398號愉景新城1樓1064-1065號舖#japan #japanesefood #ramen #don #sandaime #discoverypark #tsuenwan #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram…Read More

雖然成日去荃灣，但好少去愉景新城食飯。見呢間餐廳都有幾多選擇，就入去試吓▪️三盛燒肉丼🍚分別有煙燻雞肉、五花肉、牛舌，可以一次過試晒三樣。雞肉嫩滑，五花肉充滿油脂，牛舌軟腍，五花肉同牛舌比雞肉更焦香。面頭仲有兩隻辣椒，兩塊醃蘿蔔，辣椒都幾辣，醃蘿蔔可以解膩。不過整體份量較細▪️照燒魷魚筒🦑魷魚筒大大隻，食落爽口彈牙▪️自家製餃子🥟餃子正常，但唔係好似自家製三代目📍荃灣青山公路荃灣段398號愉景新城1樓1064-1065號舖📍北角英皇道500號港運城地下11-13號舖📍將軍澳欣景路8號新都城中心二期1樓1011-13號舖…Read More

一間有別於普通拉麵店的餐廳，除了拉麵外還有居酒屋食物供應，如串燒、炸物、天婦羅及壽司等，而且人流不多，環境整潔寧靜，是可以久坐的餐廳由於種類甚多，我們比起光顧一般拉麵店點選的食物來等多。炙牛拉麵湯底平平有淡然豬骨香，正好突出牛肉炙燒後牛與脂香，放湯後肉質仍軟腍豐肉彈性，證明牛肉脂肪足夠比例平均，3片刺身size牛肉確實唔夠喉～三盛燒肉丼內有煙燻雞、五花肉及牛舌，大約每款3件，燒物被一層薄油份包住，口感又滑又鎖到肉汁，雞肉嫩滑不鞋口，五花肉加入花椒有麻香好惹味有驚喜，牛舌薄切不失爽口略嫌沒有醬拌飯較乾身和風炸雞即叫即炸又脆又熱，炸皮不算厚，咬下有肉汁浸出，不過只附有檸檬無沙律醬牛之拉盤有牛舌、一口牛及牛肉蘆筍，拉麵店有串燒當然要試一試，牛舌與丼相同，一口牛脆脆外皮包住軟肉身，尚算有肉汁，牛肉蘆筍的牛肉燒得脆口乾，與爽口蘆筍一齊食口感十分合襯芝士培根魚腐卷如卷埋毛巾般，拉絲效果好滾動，薯片脆外皮，滿滿芝士、煙肉及蔥等惹味餡料，無人不愛，食一個都覺得飽同一餐可以品嘗到不同款式的日本食物確實感到滿足！…Read More

因為朋友推介, 所以我都帶朋友黎試下。如果下次再黎, 我一定要試一口壽司🤤.三盛燒肉丼有人話個丼份量比較細, 依個價比較貴,都同意嘅, 少過$100會比較合適。但係無論肉定飯都好好味, 都值得一試。肉唔會好韌, 而且好鮮嫩, 特別係燒燻雞肉,五花肉和牛舌都好爽口。連帶一提, 佢嘅燒肉係真幾出色。.牛之拼盤同樣好好味, 牛嘅外皮唔會燒到好焦,入面仲好粉嫩, 燒得剛剛好。不過呢, 平均$36一串牛, 真心貴。味道係正嘅, 不過其他地方食同樣質素嘅牛串, 每串只係值$18-25, 可能租貴啦。值唔值得試就自己考慮。.炸墨魚咀依味餸都好味, 夠香口, 同埋夾口。建議加杯啤酒🍻.醉漬鮮鮑隻鮑魚好大隻! 切開左一片片, 易食！朋友話好好味, 不過我食過更好味嘅酒煮凍鮑, 依隻係比下去, 我覺得可以落多點酒, 同埋再凍點。.辛燒豚梅肉拉麵依碗係我朋友叫嘅主餐, 無share食。不過眼見真係無咩特別, 每樣食材都好普通,佢都話唔係好好味個D.食拉麵, 真心去返拉麵專門店。.🍺🍻金啤好飲, 鍾意偏苦嘅啤酒可以一試!…Read More

岩岩個weekend就去左荃灣行下，去南豐紗廠之前就係附近嘅大型商場 “愉景新城” 見到呢間日式料理店，望落去都幾吸引就決定試試🥳🔹一口燒牛丼 - $108呢個飯口感幾豐富，緣於當中加入左青椒同蔥等配料，令到入口會比起下面介紹嘅三盛燒肉有更多重嘅味道👍🏻一口燒牛唔錯，入口味道十分濃郁，牛肉嘅生熟程度控制得幾好，入口軟腍唔會太硬😋但係中間嘅溫泉蛋就熟左少少啦，所以大家見到一吉落去冇個種蛋黃即刻流出黎嘅效果☹️🔹三盛燒肉丼- $95有選擇困難症嘅話叫呢個就岩你地啦，因為呢個飯已經有三種肉類mix埋一齊: 煙燻雞，五花肉，牛舌😋煙燻雞入口相當嫩滑又軟腍，五花肉油脂豐富亦都係十分惹味腍身，配上日式燒汁相當不錯😋成個飯最可惜就係牛舌比較硬搞到要咬好耐先食到，如果煎得冇咁熟就會好食好多👍🏻整體黎講佢地嘅丼飯都相當唔錯，大部分肉類都煮得恰度好處，入口嫩滑又軟腍。而且職員態度亦都友善，值得一讚！…Read More

新開，收工經過當然試一試。拌麵份量太少，豚肉只有薄薄兩片，所幸麵既部分同配料都唔錯，蝦好香口。丼飯一樣都係細碗問題，牛舌燒耐咗搞到變韌，雞肉同豚肉就味道唔錯。個吞拿魚就係最差嘅一件，味道一般，蔥又太多。飲杯就幾好。整體味道上不過不失，但份量少，男士有機會唔夠飽，而這個價錢當然可以有更好選擇。服務方面，或者係人手不足，丼飯等接近40分鐘先上，隔離遲入座食完埋單都未上。逼於無奈，只好向待應追單，亦留意到廚師被追單後即皺晒眉頭。明白新開張，有人手不足問題，不過當下感覺已經扣晒分。希望人手充足後有改善…Read More