Itacho Sushi (Moved)

三文魚壽司：新鮮度一般，有點退步平貝黑松露壽司：黑松露味濃，奪去平貝的味道了象拔蚌黑松露壽司：同上，哈哈海龍王卷：這個不錯，味道很配炸軟殼蟹：十分抵吃，件數不少，夠脆夠熱，推介稻燒宮城海鰻壽司：鰻魚蠻大片的，味道也好本來點了鰻魚炒飯，但等了半個小時還沒來，追問之下發現漏單，侍應竟然隨即說爐壞了沒有炒飯！奇怪，為何不早說呢？另外又點了一個車海老卷，等了十五分鐘，最後我們還是走了，畢竟不能等足一晚！最後環境扣分，是壽司師傅在人客面前清潔玻璃，恐怕清潔物質會沾到食物啊！因為當晚我們是坐在BAR桌，感受深刻呢！…Read More

黎到屯門, 朋友介紹吃板長。由於我真係一次都未食過板長/板前的, 所以真係好期待。:)等呀等, 足足等左成粒鐘, 期間朋友想過放棄, 但我堅持要食。我們坐BAR枱, 原來都幾好~ 他不是迴轉式的, 是一位位壽司師傅在你前面即造壽司。我們知道板長做緊3蚊件三文魚壽司, 當然要叫足上限既一人5件啦~ 突然前面既靚仔師傅仔拎住5件三文魚壽司比我說: " 三文魚壽司~" 嘩~~~~~!!! 突然覺得很窩心, 很像被服侍的感覺。可能我食開迴轉式的, 未試過咁。嘻嘻! 第一碟三文魚壽司(5件), 好靚, 三文魚很新鮮, 壽司飯用了珍珠米, 不散, 很實, 很好吃!! 不過第二碟三文魚壽司(5件)就差DD, 無第一件個D切得咁靚, 三文魚亦無咁厚。叫了10件$4.5一件既火炙三文魚壽司, 睇住D師傅仔用火槍燒, 又真係幾有手勢喎~~~真係幾好食, 不過個人喜歡普通三文魚壽司多D。點左大約4,5件蟹棒壽司, 蟹棒大大條, 好多肉, 上面打了一些心形沙律, 好靚好窩心:)蟹棒好新鮮, 可以一流來形容!!!!!點了一碟秋刀魚壽司, 新鮮就新鮮, 不過無話特別喜愛。沒有嘩嘩聲。而且同佢地餐牌上張相大不同, 秋刀魚邊有咁長呀........點了兩碟帆立貝壽司, 嘩, 呢個對板喇~~~~:)帆立貝真係大大舊, 蓋過D壽司飯, 好新鮮, 大大個肉, 真的正!!!!!見到個大師傅幫人整個D刺身都整得好靚, 而且D大師傅真係好熟手, 一手拿壽司飯, 一手拿D肉, 睇到真係好似表演咁。D員工又衛生, 帶晒口罩, 手套, 衛生食物都好合格。呢次晚飯雖然等左好耐, 不過咁好既食物加服務, 都值返晒。兩個人食得夠飽都只是百四蚊咋~!!!!!!YEAH! 抵我寫他為我第一百篇食評啦下次要再去其他分店~~~~ …Read More

之前來過幾次都好多人等位, 今日平日午飯終於可以一試啦, 而且平日有午餐 〝仲平D添〞！我叫咗個鰻魚柳川丼, 包埋湯及沙律, 因為個湯好香所以即時飲曬添, 原來個湯用三文魚煲的, 但一D都唔腥, 平時唔飲魚湯的我居然好鍾意呢個, 湯好鮮味〝好想再飲〞!鰻魚飯雖然細碗咗D, 但好好味, 呢個份量女仔食都OK, 男仔可能要叫多幾件壽司, 不過唔使怕貴, 三文魚壽司做咁特價$3件〝好抵食〞, 我哋叫咗10件, 食食吓先諗起影相添!…Read More

我尊重排隊這種公平的輪候系統，可惜最討厭排隊，沒有訂檯服務的話，無論怎樣好吃，我也沒有那份耐性!「等一個小時才入座」是板長或板前的特色…好吃的壽司，香港九龍新界實在太多了！為什麼人人都在等?妹妹知道我只吃三文魚壽司，剛巧現在板前做優惠，她負責等位的話，不訪試試…餐廳內外好像兩個世界，門外人頭湧湧，店內則裝修高雅而且環境舒服，服務員態度友善而且專業，最令我驚叫是…三文魚壽司只售三元一件，品質一點不馬虎！我唔客氣啦……Read More

今次係第一次去板長壽司度食壽司既，整體黎講都唔錯，係除左間舖冇乜冷氣之外，侍應既招待都唔錯，食物既水準都ok。我覺得最抵食既莫過於三文魚壽司，三文魚有鮮味，而且仲係三蚊一件。軟殼蟹手卷雖然唔係我食既，但係屋企人話都幾好味。可惜當日沒有吞拿魚壽司，這是我的最愛。總共食了大約十五碟食物，有部份係壽司，有一個係飯，有兩個係魚黎既。食左四佰八十幾蚊左右，除番五個人，每人大約九十幾蚊左右，呢餐都算岩我心水。…Read More