TSUKADA NOJO (Closed)

阿仔生日，佢揀咗呢間餐廳食晚飯慶祝。一行四人，平日晚餐時間唔使排隊，我哋冇叫套餐，話唔打邊爐，揀咗單點，叫咗7樣食物，上菜速度都算快。媽媽和仔仔兩個飯桶都話要各自食一個飯，揀咗兩個美人框飯：蒲燒鰻魚框飯、蟹肉三文魚子框飯，兩個都係迷你竹筒飯，份量雖小，不過好精緻和滿滿的。佢哋兩個食飯，我哋就食住其他小食，沖繩唐揚魷魚配七味沙律醬，份量OK，脆卜卜。三文魚牛油果美人卷，卷物都大件，對於女士嚟講都要分兩啖食，男士就可以一口食哂。三文魚蟹肉沙律壽司卷，面頭好多蟹肉和三文魚子，口感好豐富！😋海蝦牛油果芒果沙律，份量OK，有溫泉蛋，不過略嫌牛油果少咗啲，芒果好甜好好味！仲要多咗個炒飯 - 三文魚親子鹽昆布炒飯，呢個係鐵板炒飯，嚟嗰時職員將蛋漿倒落鐵板上面，自己再將蛋漿和飯一齊撈勻，最正係有飯焦！😂總括覺得晚飯價錢與份量有點不成比例，食物質素不錯，環境寧靜，職員都很有禮貌，由於平日冇乜人，職員都安排咗我哋坐窗邊卡位可以睇風景，我哋食完晚飯切蛋糕，餐廳無生日優惠，切餅費$150 ，好貴🫣…Read More

沙田分店座位闊落舒適，之前幾次約朋友都黎衣到食。本來每次必吃美人鍋，但今次老公話唔肚餓，所以3個大人1個小朋友，叫咗好少嘢食。1. 三文魚框飯一個小胃女生份量，但三文魚大大舊，蛋絲托底，重點有魚子加持，好好食，仲要熱焫焫👍🏻2.海老牛油果美人卷味道較淡，凍食，當壽司咁食係唔錯嘅。3.三文魚親子鹽昆布炒飯炒飯鐵鍋上桌時蛋液墊底，蛋液受熱慢慢煮熟，我地掛住食其他嘢忽略咗個蛋汁熟到收乾，不過完全冇影響個炒飯質素，魚子鋪面伴勻入飯，入口增加層次同咸香，但又唔會咸得滯，好好食👍🏻4.梳乎厘玉子燒 -蟹肉蛋好香，臨上桌時先當面由焗鍋轉落碟以保持梳乎里形態及熱度，不過略嫌只食到蛋香味，蟹肉及蟹味較少，同埋食到一半有d 出水，少少影響口感。最後叫咗甜品，都係美人卷：美人甜卷（時令水果、白玉、紅豆）食落冇水果，反而係紫薯、麻薯、牛油果，配咗少少應該係黑糖漿，味道唔差嘅，但同心目中有水果喺入面嘅甜品有點落差。環境：🔴🔴🔴🔴⭕服務：🔴🔴🔴🔴⭕衛生：🔴🔴🔴🔴⭕食物：🔴🔴🔴🔴⭕️…Read More

親民價錢食物優質日式餐廳之選❕去開新城市行街，無意中發現呢到都開左間塚田農場，之前係尖沙咀已經好想食，所以今次都決定入去食下。當中都有好多唔同款式既選擇，有別於傳統日式料理，見佢有打邊爐、定食同意粉飯壽司刺身既，而且都頗多人會選擇「美人鍋」，應該係招牌吧😆-由於都唔太餓，一行三人簡左4️⃣款主食2️⃣款甜品，各有各特式而每樣都好正，我諗最合乎小朋友或者小編呢個大細路黎講都會好鍾意#梳乎厘玉子燒，質感好嫩滑又好動L動L喎🤩雖然都係蛋，但完全對得住佢既價錢#野菌蠔肉咖哩錫紙燒，雖然蠔唔多，得4～5舊，但味道搭夠😋咖哩味好濃郁！#三文魚親子鹽昆布炒飯，口感好特別，呢個一定要趁熱食#三文魚牛油果美人卷，呢個係小編私心要叫，由於太喜愛三文魚😂不過不失，無特別驚喜。最後甜品#石鍋雪糕新地藍莓味#安納烤甜薯芭菲，個甜薯都幾特別，旁邊有小編至愛早餐脆脆🤣同埋整體來講其實都唔屬於好甜。不過都決定下次會再去試一試佢嘅美人鍋😋…Read More

相信提級塚田農場、大家都會諗起美人鍋。其實除咗美人鍋，佢哋係有好多好奶味嘅食物嫁。三文魚牛油果美人卷外皮係晶瑩通透嘅米紙、裏頭包住三文魚、牛油果、 cream cheese同埋切醉咗嘅蔬菜。入口感覺好順滑，好清新。點埋千島醬汁食亦都唔錯。梳乎厘玉子燒-鹿兒島紫菜店員拎埋個煲過嚟上碟，非常之有趣。店員話要趁熱食，不過又真係熱到唔可以即刻成個梳乎厘玉子食哂落肚。梳乎厘玉子燒軟棉棉，又好有彈性。蛋味好香濃，配埋紫菜，都幾好味。雙拼年糕薄餅依個雙拼年糕薄餅半邊係炙燒走地雞年糕薄餅、另外一半係海苔明太子年糕薄餅。年糕燒至薄餅脆卜卜，但亦然食得到果陣年糕味。三文魚親子鹽昆布炒飯店員會係上菜時先將打落係飯嘅側邊，相信係唔想蛋汁太快熟哂燶哂。炒飯被三文魚同鹽昆布拌勻，再加上三文魚籽，口感豐富。而且炒飯使用咗餐廳自家製碎蔬菜醬油調味，令味道相當有層次，非常好味。…Read More

#話說有一日有一位大朋友約我食飯👦🏻但係我用各種藉口推搪佢🤣直至中秋節我終於有假放🥳我就話不如去沙田食飯💭佢帶咗我去塜田農場😍-鰻魚忌廉芝士三文魚籽壽司卷三文魚子晶瑩剔透細細粒好可愛🤩一個壽司卷可以有三種口感🔥魚子Juicy口感💦cream cheese 奶滑唔膩嘅口感飯粒粒分明嘅凹凸感鰻魚忌廉芝士美人卷口味比較清淡 反而更加突出食材鮮味🍏鰻魚係入口即溶❗️肉質鮮嫩 好軟熟👶🏻梳乎厘玉子燒·明太子梳乎..梳乎..好soft☺️軟綿綿嘅texture熟得啱啱好❤️上枱嘅時候熱辣辣🔥蛋香味同埋明太子香味都好濃烈✨明太子係玉子嘅中心位置🎯只要切開食就可以一啖玉子 一啖明太子🤤明太子好新鮮🦀 好鮮甜呀❣️三文魚親子鹽昆布炒飯飯粒粒分明 因為炒飯嘅關係 飯粒表面會比較乾身但內裏軟熟得嚟唔會硬三文魚子多汁鮮甜😋而三文魚嘅肉質都幾嫩滑🙊有少少入口即溶嘅感覺💚宮崎Mango Soda香濃芒果味🥭微碳酸飲品氣泡量適中 飲嘅時候有一種refreshing嘅感覺😘Iced Matcha Latte口感好濃厚順口‼️但係抹茶味可以更濃🙈 (綠茶我鐘意苦啲❤️)-雖然雖然好想試下美人鍋🍲但係真係好飽🤣 唯有下一次去再食過🤪…Read More

好耐都冇去過沙田啦估唔到新城市多咗咁多食肆今次就去咗塚田農場聽講佢哋嘅食材 好多都係日本運送過嚟唔止食菜啊 連個裝修都好有日本feel🥰我哋先叫咗一個沖繩唐揚魷魚($58)香脆嘅外皮 結合多汁肉嫩的魷魚酥脆外皮一咬 充滿日式風味😋😋之後叫咗個三文魚親子鹽昆布炒飯($83)我覺得呢一個飯絕對係令我刮目相看因為睇落去材料好簡單 但係味道係一流👍🏻👍🏻絕對推薦大家叫呢一個炒飯食😚最後主角出場啦 我哋叫咗個美人涮鍋要咗澳洲牛肉&豬腩肉 湯底就係壽喜燒 ($460)全部肉圍住個鍋 睇落去真係好靚😍😍當然佢嘅材料都好好味啦 無論牛定豬都好新鮮😝總括嚟講 呢一餐我哋都好滿意😛-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…Read More