YoLi

早一日訂位，預訂可優先坐卡位。個爐板幾好燒，唔易黐底，限食90分鐘內換咗兩次算係少。收得成人晚市每位$26x，小童$16x左右。唔能夠期望有華麗裝潢，並且個抽氣喉亦都大概只能抽走五成油煙，所以食完會預咗一身油煙徐。不過俾啲肉份量唔少亦非下欄嘢，仲要有啲三文魚刺身片食吓，只係魚生等咗45分鐘先上菜。首輪送嚟嘅牛肩肉同牛板腱肉都肥瘦有緻易嚙開，惜後勁不計，之後幾回送嚟開始愈嚟愈靭冇咁好牛味了。然而牛仔骨就keep住好食，少少肥肉黐住大大片瘦肉，燒起嚟唔鞋口，叫咗三回。值得一提係韓式蛋卷，賣相唔美豔，但食到有啲蛋汁香溜溜，卷埋啲紫菜幾creamy又唔太鹹，於是叫咗兩回。炒粉絲又係樣醜黐埋一堆但唔太油幾夠味。以小型韓燒放題嚟講質素算係交到差。…Read More

韓國🇰🇷燒肉在我心中一直有一個特別的位置♥️間中都會忍唔住好想食!😌今晚剛好經過樂富~ 見到梨滿園韓國料理📍成人價錢都大約$200 左右的任食燒肉，幾划算!📣-食物方面都有唔少選擇‼️一坐下立即有韓式前菜，包括有泡菜、豆芽、菠菜🥢開胃好食!😋-燒肉方面，由於本身食量不太多😛所以只選了有頂級的牛肉😝分別有-頂級韓牛肩肉🥩-頂級韓牛板腱肉🥩-頂級韓牛仔骨🥩-美國頂級安格斯一口牛粒🥩-美國頂級肥牛🥩-首先要讚肉的份量十足 而且好厚身😁燒肉即使單食或配上生菜，都一樣好食!🥬🥬個人特別推薦韓牛仔骨同牛板腱肉🥩🥩惹味又好食! 而且當點肉時仲會附上生菜同蒜頭🧄配上肉真係大讚! 係我個人最愛食法😁-除了燒肉外，仲點了帶子，原來燒帶子都幾好食! 不錯不錯!😙除了燒肉以外，我們都點了一些熱食🥢包括有豆腐辣湯🥘海帶湯🥘三文魚刺身🍣迷你泡菜煎餅🫓個人最推薦迷你泡菜煎餅同海帶湯!✅✅泡菜煎餅熱辣辣上桌，好好食! 一定要趁熱食🔥海帶湯帶有胡椒味，飲落好暖胃!😉😉呢2樣我都大推要試呢!-而飲品有汽水任飲，生菜同芣都可以添呢!🔍這價錢可以任食都係抵食!經過時不妨一試呀😉…Read More

好野，今晚又可以去食燒肉。屈左好耐喇，食肉慾望燃燒起黎，滿足感有賴呢間梨滿園韓國料理嘅燒肉放題喇。 餐廳環境裝修模仿韓國小店嘅風格，即係阿豬媽開嗰d，紅色燈罩嘅抽風機，更加帶有韓式情懷。空氣尚算流通，座位好寬敞，坐得都ok。 韓燒放題嘅食物種類都幾多元化，除提供肉類、海鮮類同蔬菜類可以燒之外，仲有熱食可以order,湯飯等，小炒、壽司、煎炸物，可以一邊燒一邊食。海帶湯同泡菜豆腐湯，泡菜湯味道酸辣，鹹味調較得宜，豆腐嫰滑，再加上石鍋滾住咁上菜，溫度絕對保持，實在唔錯。三文魚刺身好靚，油脂分佈平均，厚度尚可，如果厚身d就更加好喇。炒雜菜雖然冇咩特別，但都要食下菜平衡下。Order左d牛板鍵，好驚喜，因為冇諗過呢個價錢可以食到正正牛肉喔。油花均勻，鮮紅顏色証明好靚好新鮮，牛味亦非常香濃，燒緊時都滲出牛肉香味，而肉嘅口感一d都唔韌，牛油香味令我回味。黑豚腩肉，將脂肪層燒到外脆內軟，加埋鹽同黑椒調味（題外話：係岩岩新買嘅黑椒鹽開黎試下🤣），令到豚腩肉滋味感倍增。而豬頸肉，牛舌等等都好食，尤其牛舌，質感厚實，柔嫩脆韌，入口之後一直散發出超強香味，係encore左2次嘅食物海鮮方面有青口，海蝦，帶子同魷魚可以燒，我地叫左份帶子，少少麻油胡椒粉調味，鮮味足夠，口感爽嫩清脆。飲品選擇對我戒甜嘅人黎講係相對少，只有汽水同啤酒提供，慶幸無糖cola能夠滿足我姐 整體我覺得呢間梨滿園嘅食物好滿意，下次約埋家姐再黎過。…Read More

朋友喜愛燒烤放題，今天約我來到這店。 每位只需$208（另加一服務費)，便可任點在點餐紙上的食物，另可自行在飲品區和雪糕區取飲品和雪糕，很化算呀。店員安排我們坐下後，隨即送上烤肉沾醬、韓式餐前小菜(菠菜、大豆芽菜和泡菜)。另有一籃生菜和生蒜片。看看點餐紙，食物選項頗多呀。A+頂級牛類、肉類、海鮮、湯/飯/麵類、蔬菜、壽司/刺身、煎/炸物、手醃前菜和小炒。我們點了很多食物呢。 A+頂級牛類喜愛牛類的我們必點A+頂級牛類，頂級韓牛肩肉、頂級韓牛板腱肉、頂級韓牛仔骨、美國頂級安格司一口牛粒和美國頂級肥牛。我們還用爽脆的生菜包上烤肉和生蒜片，添了些韓式烤肉沾醬。烤肉香口，加上生蒜片的香辣和富濃郁醬香味道的沾醬，特別滋味 肉類我們也點了豬頸肉和牛脷，爽口。 海鮮魷魚和帶子：食材新鮮，魷魚爽口，帶子烤過後仍保持濕潤。 刺身、煎/炸物除了烤肉外，我們也點了刺身和煎/炸物。三文魚刺身新鮮肥美。炸雞炸皮薄脆。迷你海鮮煎餅呈金黃色，餅皮酥脆，內裏帶點嚼勁，嚐到蝦子美味。 飲品/雪糕飲品選擇以汽水為主，如想點啤酒或韓國燒酒，可另付費用。我們飽得已吃不下雪糕食物質素為重點，新鮮衛生，食得安心。服務質素也好，店員主動替客人更換烤板，以免食物烤焦。真的太多食物選項了，沒可能一次過嚐到所有食品，已決定下次再來。…Read More

還記得對上一次吃韓燒已是一年前，點解咁耐無燒? 皆因我懒，只想食不想燒，但今晚卻揀了去韓燒放題，為何呢? 因為同樣約了一年前一同韓燒的朋友仔，她願意由頭燒到尾，我完全不用動手，只是動口，係咪好幸福呢?既然由朋友代勞，我當然揀間方便她的餐店。開放式的門口，旁邊鑲了一個挺搶眼的招牌，還放了一塊大餐牌，頂級韓燒放題90分鐘19:30-21:00成人$188，小童$148；17:50-19:20成人$160，小童$126。內裏裝橫平實，牆身鑲了幾幅韓國畫，環境整齊企理。近門有數張大圓枱，兩旁設有闊落的卡座和一排泊牆的長櫈配四人枱，座位不算很多，但枱與枱之間一定距離，坐得好舒服。***************************未開爐之前先準備冰凍的飲品。一座放滿罐裝飲品的凍櫃放滿罐裝飲品和一些需自費的酒精飲品，我倆就要了罐酸咪咪的C+，冰涼透心，開胃解膩，是好選擇。***************************還未點菜，店員已送上四款韓式前菜、生菜籃和多款醬料。四款韓式前菜各有特色，包括有粉綿入味的南瓜、爽口微辣的大豆芽和清新的菠菜，還有我最喜歡的泡菜，香辣惹味，滿有韓國風味，正! 馬上再encore。***************************以點單紙下單，簡單方便。前後兩版，燒物有A+頂級牛類、肉類、海鮮和蔬菜，另外還有不少熟食菜式，包括湯飯類、壽司/刺身、煎/炸物、手醃前菜、小炒和甜品。是時候開爐啦!友人先揀了美國頂級安格斯一口牛粒、黑豚腩肉、豬頸肉、豬大腸和芝士腸，而我就當然主攻海鮮，有青口、帶子和海蝦。她馬上悉心地燒給我吃，真窩心！以生菜包着美國頂級安格斯一口牛粒，加些泡菜和韓式醬料，更吸引！再來就是以生菜包着彈牙的海蝦，同樣加泡菜和韓式醬料，好吃! 還有青口和帶子，帶子粒粒潔白亮澤，待燒至兩面金黃便可品嚐，肉質鮮嫩，蘸上少許胡椒麻油，更些鹹香更美味! 友人就話豬頸肉挺爽口、薄切五花肉很肥美，而芝士腸也不錯。全部都用清爽的生菜包着同吃，可中和肉類的油膩感，最佳配搭。除了肉類和海鮮外，還揀了幾款蔬菜，有雞脾菇、粟米和南瓜。最喜歡是雞脾菇，相當爽口，挺有菇香；南瓜就甜美，也好吃。*************************燒了一輪就是時候點一些熟食。三文魚刺身色澤亮麗，肉質軟柔，油潤肥美，很新鮮。另外韓式蛋卷是我推介之一，玉子很香滑，味道甜甜地，夾着爽滑的韓式粉絲、肉絲和蔬菜絲，又豐富又好味，滿有韓式風味。接着上枱是豆腐辣湯也不錯，湯頭雖有一層紅油，但吃落又不會辣至嗆喉，味道剛好，香辣惹味，又熱辣辣。內有香滑的豆腐、雞蛋、金菇、翠玉瓜、洋蔥，配上蜆肉和蝦粒等，相當豐富。再來一客炒雜菜，選用的款式亦不少，有翠玉瓜、黃芽白、紅蘿蔔和椰菜，烹調時間合宜, 全部皆保持爽嫩，而且沒有泛油光, 只稍稍調味, 不油膩亦不濃味, 挺清新健康, 很合我口味, encore吧! 最後就點一碟炸醬麵，醬料好足，吃前先拌一拌，全碟麵均沾上醬料，還拌上清爽的青瓜絲，若然麵條彈牙一點會較吸引。***************************甜品不能少，馬上自取雪糕。共有四款口味選擇，包括至尊朱古力、曲奇忌廉、黑芝麻和雲尼拿。我就要了前三款，最喜歡是至尊朱古力口味，混入粒粒的朱古力脆，朱古力味更濃，再多一球吧!------------------------------今晚一切都由朋友代勞，我又係只是吃，唔駛做，好幸福呀! 我估…當我每次想吃韓燒時，我都會想起你，謝謝你!…Read More